吉龍糖黑糖茶飲專賣店 (將軍澳中心) (已結業)

人氣過江龍台式飲品店，梗要try 1 try!🤭🤭🤭點咗人氣No.1嘅【黑糖珍珠厚奶】，味道非常唔錯! 佢地用咗日本沖繩黑糖，d珍珠好彈牙，唔會太軟或者太硬，而且奶味好香濃，非常吸引!👍👍👍

百香椰果檸檬紅茶 $33 （少甜少冰）百香果即是香港人叫的熱情果，夏天好岩飲得清涼一點！百香果同椰果算足料，佔左近1/4杯飲落去啖啖都有口感，而且唔會好甜加埋濃香的紅茶同檸檬，解渴最佳之選店舖中間位置亦設有長枱，叫完飲品可以坐底慢慢品賞

🧋黑糖珍珠厚奶 $30🧋黑糖椰子布丁鮮奶(大杯) $38又一間台灣過江龍黑糖茶飲店: 吉龍糖🤩 除左港島兩間分店，終於開到去將軍澳!! 必嗌吉龍糖既黑糖珍珠厚奶(圖中細果杯) 果然係招牌🧋珍珠好好食，煙韌得黎又唔會過淋，好好𡁻😁 黑糖都好香好濃郁👍 飲左啖朋友嗌既黑糖椰子布丁鮮奶，就知道厚奶真係特別creamy同有香濃既奶香🥛 當然佢果杯有椰子布丁🍮都係大賣點，黑糖味無完全蓋過椰子既清香，每啖都啜到滑捋捋既🍮 真心好正!!

吉龍糖最出名就係佢哋嘅黑糖，本身想飲黑糖珍珠鮮奶，但竟然冇珍珠🥲唯有叫黑糖仙草鮮奶，仙草係偏向比較軟身，冇珍珠咁有咬口。 之前飲過都覺得佢哋嘅飲品偏甜，個人覺得3分甜少冰係最好飲嘅比例

今晚朋友請到家中作客，我自己買野飲上去，台式飲品我試過好多間，呢間真係未聽過，今日試下，無乜人唔使等，舖好開揚，L入囗，好方便，以飲品嚟講好夠空間😍，中間仲有檯仔可以企一陣吹下水，要咗個黑糖烏龍珍珠奶茶，價錢都好合理👍，中杯28蚊，加5蚊就可轉大杯，我想少冰，staff話無得少，咁我要咗正常，茶底一般唔夠香濃，無得少冰唔夠彈性。

《早起的蟲有黑糖飲🥳》———————————————-#吉龍糖黑糖茶飲專賣店 🇹🇼呢間黃店台式茶飲已經唔係第一次飲，水準一流，今次仲要比我發現佢係eatigo有做折，朝早去咁啱有7折🤩變左每杯都係$20幾蚊，超級抵！-佢既招牌黑糖珍珠厚奶，黑糖味好重好味，厚奶順滑香濃，重點係個珍珠好煙韌，好有咬口，飲完一大杯都已經飽飽🥰另外黑燒炭燒烏龍鮮奶茶令我地好驚喜，烏龍茶帶點清香，認真解渴，就算加左黑糖同鮮奶都唔會太甜，配搭得非常正🤟🏻-⭐ 參考價錢︰（已折扣）黑糖珍珠厚奶（大杯）：$25黑糖炭燒烏龍鮮奶茶（大杯）：$20-🍌 抵deal 指數：9/10💰人均消費：$25

冬天時飲過吉龍糖兩杯新品一杯係焦糖布蕾鮮奶茶另一杯係草莓氣泡爆爆珠草莓氣泡爆爆珠有氣泡感，似梳打同果汁mix埋的確係有幾分香甜上面有啲黃色嘅粒粒爆珠，好有咬口似飲汽水feel，少甜會更舒服而焦糖布蕾鮮奶茶表面有焦糖大概係金黃色為主下面係布蕾蛋黃香同奶滑鮮奶影完相好快就無咗漸層效果入口有茶香，幾順滑，有層次感聽講係用阿薩姆紅茶、台灣烏龍茶等原來都係黃色茶飲嚟，好彩無買錯不過就建議最好叫少甜可以避免茶飲過甜

台灣過江龍飲料專賣店 話說很多台灣飲品來香港後都大變質商場附近只有天仁 賞茶等等已經試過的手搖店所以這次來吉龍糖 (在台灣還沒試過)招牌是黑糖珍奶 最近也賣爆谷平均一杯大約$30上下這裡少冰和熱飲要額外+$3最後選了黑糖珍珠鮮奶 (三分甜 正常冰) $30其實它有另一款推薦的是黑糖珍珠厚奶但怕太有飽足感就選了安全牌的黑糖鮮珍奶了味道方面黑糖珍珠很Q有黑糖味 就算只有三分甜也不會沒甜味反而剛剛好 (全甜應該只適合螞蟻人!)整杯很合格 各方面都很平均不差比很多家的好喝 可以一試

又一間台灣過江龍茶店登陸香港，仲係將軍澳開左分店，「吉龍糖」係一間黑糖茶飲專門店，同其他茶店有少少分別，主打各款黑糖飲品。雖然唔係珍珠奶茶Big Fan，但好奇心驅使下，見到有新店點都要試下皇牌黑糖珍珠厚奶 $30黑糖珍珠分量好多，原本以爲會好甜好漏，估唔到鮮奶非常香濃幼滑，同黑糖珍珠的甜味配合得好好，飲完會覺得自己係一個好滿足的肥仔。黑糖珍珠炭燒烏龍 $22清新的烏龍無被黑糖味蓋過，仲可以食到口感煙韌的珍珠，最岩喜歡清甜口味的人飲用，係黑糖珍珠鮮奶以外的另一好選擇。

吉龍糖黑糖茶飲專賣店 【黑糖珍珠烏龍拿鐵 $(28)】今次就勇敢去飲佢既黑糖珍珠烏龍拿鐵睇下係點既拎上手d珍珠係熱既, 珍珠份量都夠多, 黑糖甜甜地又滲透入拿鐵內, 都幾好飲既, 聽講話係用左沖繩黑糖黎整, 唔錯唔錯, 可以遲下再黎多次買黎飲既, 未試過既朋友真要試下。-📍Shop G92, G/F, Park Central, 9 Tong Tak Street, Tseung Kwan O-推介指數★★★★抵食指數★★★★(5個★為滿分)

將軍澳吉龍糖首先，佢餐牌明明熱飲係要貴多3蚊，即係$33，但原來係假的！所以黑糖珍珠厚奶同鮮奶只係要$30。我仲以為佢收錯錢添啊！真係幾好味㗎😋😋我係飲厚奶，超香超滑，而且我平時食少少珍珠就夠，但佢啲珍珠又好嚼又好味，不知不覺咁我就食哂佢啲珍珠！同埋我想講有熱飲珍珠真係唔容易！！超贊！！！爆谷就充滿黑糖味，而且都幾脆，一包$24唔算貴！值得一試！有啲飲品同爆谷一齊買會平啲，但我就太想飲黑糖珍珠厚奶，所以單買咗！

嚟左幾次都係飲佢嘅《黑糖珍珠炭燒烏龍鮮奶茶》，啲黑糖珍珠甜度適中、有咬口亦有黑糖香。呢度嘅茶底好特別，係炭燒烏龍，可以令到茶味更突出，更有茶香，但同時又唔會苦。呢一杯珍珠奶茶嘅糖度預設已經係三分甜，個人認為岩岩好👍🏻👍🏻 成杯珍珠奶茶嘅味道好豐富，各方面都配合得唔錯，出面真係好少飲到咁有質素嘅珍珠奶茶。黑糖珍珠鮮奶就同平時飲到分別唔大，不過不失，無咩驚喜。不過，出面嘅黑糖珍珠鮮奶通常都係唔可以少甜，但佢呢度可以👍🏻

與朋友食過晚飯後，在將軍澳中心走走，發現這間新開的黑糖台式飲料，我們決定試試看！從餐牌得知，大部份飲料都是以黑糖為主題，當然我們不會錯過是黑糖珍珠的機會！據說他們的奶全都是用鮮奶，令我更放心！黑糖珍珠鮮奶我點了熱的，其實他是暖的。這杯黑糖珍珠鮮奶與平常看到的有點不同，沒有黑糖掛杯，全麵是沉在底部。這杯黑糖珍珠鮮奶的奶味比較重，反而黑糖味不夠突出，可能因為我是點熱的吧！黑糖炭燒珍珠烏龍鮮奶茶朋友點了這杯的賣相比我的好很多！朋友說這杯的味道也不錯，但是炭燒的味道不夠重，他還是喜歡老虎🐯堂

做緊買一送一優惠，但店員Promo唔show出黎，我算！店員都唔會主動提起，幫你落單好似欠咗佢咁，黑口黑面幫我落完單就開電視，電視上面有顯示買一送一優惠我差兩三分鐘，我走去買問佢，問佢點解係我買完之後先show買一送一，答我既野又九唔搭八，答我話琴日開始做大姐，你答非所問，仲要敷衍我。冇下次！麻煩貴公司重點培訓下啲員工服務態度同質素嘢飲幾好飲都假！態度十分趕客，既得不到合理解釋，又冇為客人解決問題！！貴公司請重視！！