同仁四季音樂主題餐廳 (已結業)

如果想家人靜靜地食飯，千祈不要選這间好嘈.以前是做火鍋為主，最近做了小菜，再來，食物一般，冇乜特別.文昌雞，正路幾好！有雞味幾滑～炒菜，正常⋯咕嚕肉，汁好味，但是肉切太細，太興好食D炸蠔好大隻，長輩話ok!其他炸野都ok.

早上要在中染新城開工，先吃早餐。經過同仁四季，見到大招牌正和軒，咦，轉左手？外面仍有同仁之李，火煱等字樣，據服務員說是加入做早茶，嗯。以早茶來說地方不算大，但服務員招呼不錯，吸引之處當然是優惠點心12.8起。有「起」字當然知道只有數個點心是這價，看菜單只有粥是這價，不過其他點心沒有很貴，最貴也只是21.8。那就點一個鳳爪排骨飯和山竹牛肉。現在豬肉貴，排骨也沒少給，不錯，飯比較綿。牛肉說是即蒸，的確上的慢一些，也是比較綿。吃完還有時間品茶，濃普洱沒有苦澀。優惠價飲早餐，是一個選擇。

今日喺附近工作的朋友費事諗，因為平時喺呢度食午餐飲茶覺得出品不錯，當我約佢食晚飯，佢就話不如叫我由沙田嚟試吓，原來佢係唔知道呢度晚上有樂隊演奏的（查實是一對香港人的男女歌手獻唱，男的彈電子琴，女的是主場，唱得很好，女歌手樣子很漂亮，只不過我哋變咗唔可以咁得閒拼命吹水，始終有人唱緊歌就忍唔住聽下），今晚我朋友點左以下菜式：1. 健康孖寶 - 兩盅椰青燉雞&萵筍炒龍躉球椰青燉雞湯好好飲萵筍炒龍躉球的龍躉球沒有腥味，還有啲魚嘅新鮮鮮甜味道，而且萵筍比西芹容易入口，這個配搭非常之得宜！西芹炒斑塊或者龍躉球四圍都食到，攞萵筍炒果然有特色！2. 鼎湖上素 - 雖然芽菜仔黐埋一住，竹笙搭買一疊 但係混合買的效果卻不錯，將上訴的不同材料分有層次感，而互相協調，突出其美味！3. 敬送紅豆沙 - 有陳皮的，不太甜，絕對沒有欺場。問清楚經理，原來這間餐廳的品牌係佢哋喺中國大陸買回來做特許經營的，不過不知道為何門口招牌還有另外一個名「正和軒」。由於有超過一半的客人都在食火鍋，加埋經理說他們原先主要是做火鍋的，我們決定下次來的時候就試火鍋。埋單毎位$220

去完主題樂園，決定近近地出荃灣食嘢！朋友話呢間新開，內地做得唔錯，不如試下香港啦～而且有用某某APP有65折！！ 入座時7點，全場只有3檯人...職員多過客...食量唔大，點得唔多椰子雞湯底好似飲緊椰青咁，唔算濃雞肉彈牙，有雞味（size係細隻），半隻更少其他四寶丸、手打墨魚滑，都新鮮彈牙最驚喜係水餃，大大隻蝦肉餡！性價比：貴！三個人點都唔多，仲要有65折，埋單都要！$280！

一行7人到此店，叫了一個椰子雞窩，話出名，點知原來出名係求其同埋譚彥無味的窩，未見過透明的水加碎濕濕的椰子一隻生雞放在你面前，收三百幾蚊，完全冇味道，未見過咁不負責任的湯底！特色飲品和相片完全不同，加啲雜果糖漿便是，還有炸魚皮不新鮮不脆口還帶點油益味，海鮮拼盤亦不新鮮！最恐怖七個人要同時七個Facebook like 先送所謂的刺身，一隻甜蝦一片八爪魚，仲要驗屍咁驗你個手機睇下你有冇呃佢！真係咁樣做生意不如唔好送...嗰啲好評信唔過，最後七個人食咗$1600，唔知食咗啲乜嘢！跟住再去上邊那間酒樓食一隻阿拉斯加蟹頂肚，五六斤重，都是1200 有找..還有最討厭就係唱歌嗰啲人，不斷模仿四大天王的唱腔，很難聽！

就嚟都父親節啦！咁一家人周圍去睇邊度有野食，咁見到有間幾特別嘅餐廳，有現場歌手唱歌，咁荃灣又近我哋，所以今次決定去依間，今次餐單價錢都算可以今次我哋一行六人，就叫左半圍，一去訂位嘅時候，門口個知客服務非常好，問完你點稱呼之後就自我介紹，之後全程都記得你貴姓，及間唔中會問下餸菜嘅款式好唔好食，值得一稱讚，好快就上菜啦，味道都唔錯，其賣相都好好，餸菜都比較精緻，其中仲有可以點歌，現場環境都好好，愉快的一晚，下次可以再嚟。

地鐵站出口有姐姐派傳單，見830後有半價好似幾抵，一於去試試。椰子鷄湯底真心正，鷄下煲後滾起沙漏計時，鷄唔鞋，幾滑，但半份鷄份量少。其餘火鍋配料不過不失，環境好靚，坐得幾舒服。用餐途中有位戴眼鏡細細粒女侍應，好細心，好主動幫我們，笑容又好，令人感覺舒服。埋單每位二百零，抵食，下次會試下小菜。

一班茂利好有耐性喺某酒樓等咗個幾鐘先醒覺， 已經八點幾， 係時候轉場了 ， 在附近搵咗呢間食台灣菜的音樂火鍋落腳，聽著live band 嘆火鍋感覺很不錯， 但注場歌手仍須努力練好啲歌藝。小菜選擇少， 價錢又貴， 反而火鍋八點半後入席部分火鍋料可獲半價優惠， 那就火鍋吧。自己混醬服務員介紹椰子雞鍋， 一試無妨的心態, 反正毫無準備下入黎食。椰子雞鍋以三個椰皇加一個椰青做湯底， 用鮮椰汁用5分鐘把雞浸熟， 雞肉嫩滑帶椰子的清香， 雞嘅肉質結實有咬口， 新鮮雞質感， 好吃，食完雞就當然飲番碗椰子雞湯先再打邊邊啦。其他火鍋配料都係大路嘢，無咩評價可言,  質數平均 ，牛肉有啲貴， 用椰子汁做湯底焯食物，清香甜美， 感覺冇咁油膩， 不錯的選擇。一班朋友坐得舒舒服服倾吓計， 兼有真人唱歌畀你聽， 餐廳樓底高 ， 枱與枱之間闊落 ， 冇嘈吵的感覺， 大家食得飽飽的連飲品埋單每人唔使$200， 作為中途轉場的餐廳， 冇揀錯。

提早慶祝母親節，媽媽總是會想試一些新餐廳，所以帶她去了我平時國內工作時，常吃的椰子雞煲邊爐。因為整個鍋也是椰子水，啲湯又可以飲，所以我覺得挺健康，老人家吃了都不會覺得太濃的味精湯料。預早了2星期卜位，但我雙親去到店時，說了留名姓名及電話時，說沒找到但好好有個職員說幸好早來，都安排了位置給她們。我來到餐廳時，有再跟職員溝通，原來職員留錯姓名，但電話號碼對就是了。。。雖然時有點混亂，但職員態度是好的。我們沒有點套餐，都是散叫，叫左一鍋全份椰子雞子雞，再叫了一些別的味道同我在國內食的差不多，價錢也是。昨晚的live band選的歌很舒服，Lily唱的也好。

朋友話呢間好食，所以去試下，叫左個椰子雞煲，係椰青水果隻,水滾落雞後要等個沙漏⏳夠鐘，即刻試左啖湯，好清甜但隻雞就無咩雞味食完雞，想落響玲果時即刻feel到不妙，d響玲表面有d軟，不過諗住浸完湯都軟架啦，是但，點知食落一陣油益味，芋頭都唔好，滾到已經林晒都係一d都唔粉，失望不過豬肉片係好食既其他野都不過不失，食左一輪之後發現，個湯太甜，唔係樣樣夾到，例如腐皮就會有種腐竹糖水既味道，是比我食過其他既椰子雞煲甜左d，呢餐又未至於好難食既，但覺得好唔抵，唔會想再去

今日係特別日子 但天氣有d凍 所以搵左間有得聽live band 但又可以暖粒粒打邊爐😂 一去到 唔想唸 一於叫個椰子雞煱set個set係多野食既 有刺身 有半隻椰子雞鍋 有牛有桂花蚌 有蝦 有魚片 有10粒丸 有炸魚皮 真心飽到反艇個椰子雞鍋重有個漏斗比你count 時間 唔會烚老左d雞本身好地地 一泥個鍋就睇教學 水滾就落雞 就用漏斗count 時間。點知落完雞一滾起就即刻比個侍應姐姐熄火 乜都無講 愈問愈走。 小妹我為左整熟d雞 梗係開返火喇 點知個侍應姐姐見到 一行來又熄我火 真係o左咀😅 再追問部長先知要滾起後轉小火煮15分鐘 再焗15分鐘喎 但係個menu 教學從來無寫呢個煮法，同我根本無煮過15分鐘！😡😡😡😡😡只係有人乜都無問乜都無講就熄我火。。撇除呢個menu假教學同服務態度差之外食物好好 live band好有氣氛 重有食客衝上枱唱同點歌😂食到9點半10點外面重有人等緊的確食品幾好 唯獨服務質素要再改善囉。。。我網上app訂位 但係又忘記幫我事後確認。。😒最後，Live band 星期四至日先有架！其他日子無架！用同一個價錢 梗係簡有live band 先去喇😏

打邊爐無分季節，雖然當日天氣好熱，但都無阻我要打邊爐嘅決心！因為個日係荃灣附近，所以就試吓呢一間音樂主題餐廳。呢度出名嘅椰子雞，所以諗都無諗就揀咗呢一個椰子雞鍋做湯底。店員會幫忙煮嗰啲雞，用漏斗計時，全部都係佢哋幫手打開蓋就食得。雞就可圈可點啦，但因為有計住時間，所以雞肉唔會煮得太鞋。而個椰子湯底好鮮甜忍唔住飲多幾啖！（提提大家趁再加水之前，都要飲多幾啖呀）牛肉都OK，我哋點咗個平嘅，想要好啲嘅話，可以試吓點貴啲嗰個。油麥菜冇乜特別，但提醒大家要小心菜蟲龍躉起片，啱啱送來嗰陣，魚尾仲郁下郁下咁，非常之新鮮。龍躉其實都幾啱打邊爐，因為煮耐咗都唔會散開晒。條魚好大條，起咗好多片魚肉，食完啲魚肉片之後，店員就會問你使唔使將個魚頭斬件，$388好抵食因為今次得兩個人食，所以唔係叫咗好多嘢，有機會會約埋一大班朋友去再試，因為佢會有live Band表演，氣氛都幾好，環境坐落又舒服，同埋服務都好好！

打邊爐加唱歌，夾唔夾呢？聽落歌者好似冇咩關係，原來都ok可以架喎，呢間野聽就聽過，但成日都覺得佢應該唔好食，得個樣同賣主題，但見佢830後有半價，感覺可以一試咁就去左試下，唱歌嘅係本地嘅樂隊，唱嘅歌唔會剩係英文，都唱好多廣東歌下，都幾好聽幾地道😝而食物嘅質素都唔錯，湯底濃郁食物算新鮮，雖然雞係冰鮮雞，但肉質幾爽。環境寬敞舒服，無乜人🤪🤪🤪有番左大陸嘅感覺。中唔中意就見仁見智喇。

懷念以前 一路 鋸扒 一路 聽歌， 未試過烚下烚下，聽住真人唱歌， 吮住豬手，抹住鼻涕，成口熱湯，咁樣聽歌都係第一次沙薑豬手爽口彈牙，第一次咁食法，唔膩口，作開胃菜不俗花膠美顏文昌雞鍋湯底不續幾清甜，花膠都係一般貨色，雞堅係文昌雞，肉係青春少艾般彈口，吾係食開的冰鮮雞，肉質 鬆弛，有雪味冇肉味安格斯肉眼好一般， 因為打邊爐都係要叫碟牛，交功課咁囉鮮蝦丸好食新鮮墨魚丸好食足料稻庭烏冬雪藏貨，唔會有咩期望，亦唔會失望

呢個嘅卓頭係一路聽歌度一路食飯，唔係特別好食，不過枱與枱之間夠闊，都坐得舒服，食物過得去啦，好普通嘅菜式，不過環境就唔錯，唔想去酒樓咁嘈，可以嚟呢度食，但不要期望過高。