同聚

營業中

休息中

中午出開來買餸，到馬會道最多選擇吧，在門外看到餐牌，覺得適合就進去了，現時有一定數量的座位可以選擇，也不至於要跑步到樓上進餐。叫了一客支竹魚塊飯，飯量及配菜都份量相當，這裏的食客以男士為主，通常都是工作前後到來。支竹煮得比較硬，有些人會退貨哪種，但我還是勉強接受。魚柳出品就屬正常，最特色的是有一些大蔥，味道可以。飲品都是常規茶餐廳輸出，店小二們大聲聊天也是餐廳的特色，就當作是聽一些搞笑內容吧。要是在附近再經過，這裏也算是街坊的普通選擇，再來也無妨。

個雞煲竟然一早放晒雞落去煲定，再翻熱俾客人食，啲雞肉又老又柴，就好似雞湯，成隻雞都冇見過，都唔知係咪真係全隻雞。雞煲上菜就好似一堆湯渣咁，湯底又辣，加湯仲要只係加滾水價錢唔係平，$270食煲雞湯渣，淥條菜都好食過隻雞。附近有咁多間食雞煲，呢間真係大伏希望老闆睇到改善吓，做飲食想長遠要有啲良心

天氣突然轉凍，最啱食D熱辣辣又暖胃嘅胡椒豬肚雞煲😏 所以揀左位於上水石湖墟嘅一間新新地嘅餐廳。我地一行四人叫左半隻雞，另外再加兩個小菜同一個炒麵，真係飽到上心口!!😆胡椒豬肚雞煲 $198本身仲諗住可以暖下胃，點知原來係酸菜豬肚雞煲😮，胡椒味勁弱…😂豬肚份量唔算少，亦無怪味，雞件份量可以接受。另跟唐生菜，望落都新鮮。蜜椒雞中翼 $78新鮮熱辣炸出嚟，雞翼大大隻，而且有八隻咁多😯，平均唔駛$10/隻。雞翼炸到幾脆，肉質幾滑，但黑椒味偏淡，而且仲有少少雞腥味(我對雞腥比較敏感😅)。小炒王 $88每間餐廳嘅小炒王都各有不同，呢間就會加入魚仔，魷魚大大件、份量多。整體唔會好鹹，但有少少偏老嘅韭菜花。豉油皇炒麵 $52呢個有少少鑊氣，味道正常，勝在價錢唔貴，又包餐飲。京蔥爆牛肉 $88牛肉份量幾多，而且切得幾大塊，亦唔會好韌。整體小菜算大份、唔會煮到好鹹、而且價錢又唔貴，無加一之餘，每個小菜滿$68就會跟一個飯同熱飲，飲品大杯，唔Hea，缺點係白飯質素唔好，無飯香又唔好味。

今日想食清淡D，同朋友約咗上水食嘢！我哋揀咗呢間#同聚 餐廳！主打火鍋同炒菜！款式都係特別多選擇!睇到隔離桌雞煲火鍋🥘唔錯!想試下，但要著急返工就叫佐炒菜，火鍋下次再幫襯🐟清蒸鯧魚清蒸原汁原味！大大條，肉質鮮嫩🥣西芹腰果牛柳粒份量十足！牛肉粒夠嫩！西芹爽口！腰果香脆！都係完美搭配，營養又健康👍🥣同聚小炒王多种食材混合炒，口感豐富！蝦干同魷魚特別香！下飯一流，超級惹味🤤🥣金銀蛋浸娃娃菜娃娃菜爽脆清甜，搭配肉沫、金銀蛋、湯汁非常濃郁，好鈡意！湯都飲晒

同家中長輩一齊去食午飯，家人去過同聚晚飯打邊爐，今日想黎幫襯午餐。星期日黎講中午一點人流都好旺。入座後，午餐選擇係好多又平，$48 餐連湯及飲品。兩位長老想食小炒，中午時段小炒跟白飯，又跟湯及飲品，性格價比高。菠蘿咕嚕肉 $88即叫即炒，脆卜卜的咕嚕肉 ，用新鮮菠蘿粒，酸甜開胃。叉燒炒蛋$78大大碟，雞蛋香滑 ， 叉燒份量好多。金銀蛋浸白菜仔$78湯底好濃厚，足料皮蛋鹹蛋粒，白菜仔吸收湯精華，不錯。豉汁涼瓜炒牛肉 $78好夠鑊氣 ，特別鍾意喺茶餐廳食炒涼瓜。整體價錢合理，食物份量好大，抵食。

喺上水行行吓見到呢間小店係食小菜，都幾多人幫襯，而且有兩層，相信食物質素都有一定嘅保證，就決定來一個晚餐！點小菜就會跟餐湯、餐飲（凍飲加兩蚊），餐湯都係真材實料，餐飲亦都大大杯！楊州炒飯～飯量及配菜既分量十足，大大碟口味不俗！同聚小炒王～通常與招牌同名嘅招牌菜都有所推薦，呢款小炒王非常獨特！發現有魚仔！沙嗲金菇肥牛煲～一夾起，沙嗲嘅香味撲鼻而來！用料十足！特別係肥牛片，數量非常之多！抵食！茄子炆䱽魚～外皮經過香煎再渗入香濃既醬汁，非常入味，魚肉非常厚實！配上軟滑嘅茄子，簡直一絕！

新開街坊小店係石胡墟十字路 7 仔隔離主打街坊生意 服務好nice 價格十分親民食物款式清晰簡潔而且選擇多坐位闊落冷氣又夠凍 入到嚟開支啤酒真係好爽除左一般大排檔小炒 更有雞煲火鍋聚餐首選晚市小菜$68以上即送茶啡及飯全日外賣快餐更低至$52包茶啡蜆介鯪魚球 $78新鮮炸起即上碟十分飽滿外脆既米通包住彈牙既鯪魚肉再沾上腐乳醬味道新奇又盞鬼咸檸檬蒸烏頭 $88大大條烏頭開邊加上清甜既咸檸一齊蒸魚肉爽甜得嚟又帶微微酸感 連埋生蔥一齊食的確清新食得多重口味炸野可以轉換下感覺涼拌海蜇手撕雞 $98海蜇嘅份量多到哇左聲平時出邊食中菜例牌都未必有佢一半麻辣嘅帶皮手撕雞加上青瓜絲十分消暑薑蔥豆豉雞煲 $88雞件及蔥頭份量好足 熱度好夠味道又濃啖啖肉配啤酒一流 配上米飯更係填肚既最佳拍檔

在上水打完波和朋友在(同聚)吃一頓晚餐，店舖装潢簡單，坐位也非常舒適，還有樓上雅座選擇，服務員態度很友好，價格也大衆化，比較實惠，嗌一個小菜$68起送靚仔🍚+熱飲，就算轉凍飲+$2💰💰你話抵唔抵😆😆❣️酸菜魚~酸菜清爽微酸帶甜，魚肉採用花尾躉，肉質爽脆，味道鮮甜，配菜也極豐富有清甜爽口蓮藕、萵筍、雲耳。“ 索"味~荳卜、腐竹、還有爆紅脆千張和粉皮，”索”滿濃郁花椒、辣椒湯底非常惹味❣️滑蛋炒蝦球~蝦球肥美鮮嫩爽口，滑蛋口感細膩，味道鮮美❣️薑蔥霸王雞~肉質鮮嫩，薑蔥香氣四溢，口感豐富，味道濃郁

同聚 (上水)上水馬會道176號地下味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：花雕醉雞煲 $158/半隻 (送生菜一碟)，火鍋配料-肥牛 $68，紅豆冰 $22等候時間：0分鐘花雕醉雞：醉雞特多夠鮮味，雞肉嫩滑有彈性，雞皮柔軟有光澤，雞件切好放成整齊的半圓形，浸在淡黃色花雕中，滲出陣陣酒香，正！👍👍👍醉雞湯鍋：湯鍋夠大，湯料有龍眼，淮山，杞子，紅棗等，放入花雕醉雞及肥牛淥熟，熱辣辣放入口，令人讚嘆！😍😍😍火鍋配料-肥牛：肥牛大大塊，雪花比例高，淥熟後再放入辣椒鼓油浸一浸，便成滋味美食，教人愛不擇口！👏🏻👏🏻👏🏻紅豆冰：紅豆冰大大杯，紅豆足有半杯之多，煮至香甜，不會過淋，食過醉雞肥牛再嘆紅豆冰，滿足程度直線上升！😋😋😋

今天在上水食了一間有鑊氣中菜食店。店內設有兩層。晚上7點已坐滿食客，我們安排坐在二樓雅座。首先是麻辣雞煲，餐廳的廚師將半隻雞肉煮熟才呈上，再加入蒜蔥和香菜等配料，整個雞煲在麻辣的香氣所包圍。第一口吃下去，辣椒的味道立刻湧入我的口腔，隨著時間的推移，我的味蕾漸漸適應了這種刺激，開始感受到湯汁濃郁的味道，而雞肉的鮮嫩也完美地融入了湯汁之中，讓整道菜更加美味。接下來是柚子檸蜜蝦球，這道菜是我第一次嘗試，但是我立刻就愛上了它。鮮嫩的蝦球經過炸製後，表面酥脆，內裡卻仍然保持了蝦肉的鮮嫩口感，再加上柚子檸蜜的甜酸味道，口感非常清新，是一道非常適合夏季的菜品。涼瓜炆䱽魚是另一道非常傳統的菜品，魚肉經過慢火炆煮，口感鮮嫩，外脆內軟，完美呈現中菜的精粹，搭配著涼瓜的清香味，讓我彷彿感受到了家的味道。除了這些菜品外，我還點了王老吉和凍檸茶來解渴。王老吉的涼感和潤喉作用非常好，而凍檸茶則是一種清新的飲品，非常適合搭配這些辣味菜品。總的來說，這家餐廳的麻辣雞煲非常出色，而其他菜品也都非常好吃，而且價錢親民，菜式多元化，服務到位，值得推介。

今晚唔想煮飯所以出去食😍南乳豬手煲，呢碟南乳豬手煲真係太正！豬手滑嫩有口感，加埋南乳嘅味道，好濃郁啊！湯汁都好鮮甜，真係令人回味無窮涼拌海蜇手撕雞，涼拌海蜇手撕雞真係好開胃！雞肉好嫩滑，拌埋鮮脆嘅海蜇，口感好豐富。醬汁酸辣適中，帶出菜式嘅鮮味，食完真係令人心滿意足！熱辣辣的豉汁蒸䱽魚，豉汁蒸䱽魚係我最愛嘅菜式之一！䱽魚鮮嫩，蒸得恰到好處，豉汁濃郁香口，真係令人食指大動哇每一口都帶有魚肉嘅鮮味同豉汁嘅香氣，太好食啦！椒鹽魷魚，呢個椒鹽魷魚真係太出色！魷魚炸得香脆，外層椒鹽醬香辣鹹香，好開胃！每一口都帶有魷魚嘅鮮甜，加上椒鹽嘅香氣，真係令人停不了口！最後飲埋泰象啤酒，微微的苦味同清新嘅麥香，冇咩酒精味，飲落好滑順而紅豆冰係夏天嘅救星！冰涼嘅冰沙，真係一流食完之後心情都好爽快，抵食呀

星期六元朗太多人，餐廳間間都要排隊，所以我地一行8人轉戰去上水搵食。搵食途中發現依間新開嘅餐廳，餐廳環境同一般茶餐廳差唔多，座位都算闊落，餐牌上有好幾款食品都賣晒，侍應話生意太好。————————————♥————————————- - - - - - - - - - - - - - - - - - - - - - - - - - - - - - - - - - - - ♥️ 奇味雞煲 (一隻) $258*所有雞煲均送生菜🥬一份我地叫左微辣，上枱時聞到辣椒香，但食落唔辣，雞肉嫩滑入味。🔸當日太多野食 好多配菜冇影相📸️♥️ 美國肥牛🇺🇸 $68打邊爐點少得嗌肥牛，份量都唔少，油脂均勻，牛味唔算濃郁。♥️ 鮮滑牛肉 $68牛肉顏色鮮紅，睇賣相都知道新鮮。♥️ 響鈴卷 $48淥兩下就食得，吸汁一流。♥️ 萵筍 $38♥️ 芝士腸 $48一上枱幾個朋友都望到呆左，點解啲芝士腸咁瘦嘅？每一條都乾爭爭，淥完都係咁，咬落去好硬身。♥️ 雜菜拼盤 $68有生菜、冬菇、菌類、西蘭花，種類都幾多。- - - - - - - - - - - - - - - - - - - - - - - - - - - - - - -

踏入初春，天氣重係有啲乍暖還寒，今日就同老公抓緊天涼的尾巴，嚟到呢間新開嘅同聚食雞煲火鍋。麻辣雞煲 (半隻) 一上檯已經聞到香噴噴，食落辣中帶麻，麻中帶香，非常惹味！！雞肉啱啱好熟，嫩滑入味兩個人食完半隻雞其實都有啲飽，就加水點咗幾份配料打邊爐。鮮滑牛肉 平時打邊爐多數叫肥牛，今次我哋試吓點滑牛，嫩口唔韌，正脆肉鯇腩 推薦必點！脆肉鯇幾新鮮，肉質脆口結實，淡淡肉冇細骨。生蠔 啲蠔好甜，大隻飽滿，一份有八隻，抵食。響鈴卷 淥兩秒就食，吸汁又香脆，食完好飽好滿足。生菜 (隨雞煲附送)送嘅生菜份量大方～熱檸蜜 鹹檸七

農曆年是親友共聚良機，平日甚少踏足上水，在拜年的大前提下，特地到此一遊。沿路發現同聚是間新開的餐廳，於是入內一試。內裏地方陳設企理，是個簡簡單單開飯的好地方。閣樓雅座，圓枱方枱都甚為寬落！是夜四餸晚餐，結賬三百多元，免加一兼送白飯及飲品；超級抵食，超級超值。只需惠顧晚餐，每位客人可獲贈白飯及飲品各一份，慷慨得很。凍檸樂需要加$8熱杏霜就不用加錢了。隨便點了幾款小菜，涼瓜炆䱽魚 $88，性價比超高，䱽魚大條，涼瓜份量多，豉汁惹味，超級抵食。薑蔥生蠔煲$108，生蠔細細隻的，調味調得很好，別以為薑蔥等料頭只是配菜，其實是味道精華所在。枝竹牛筋腩煲$98，牛腩炆得軟腍入味，汁多伴飯一流，連平日小飯的小妹，都不知不覺吃了一大碗。豆豉鯪魚炒油麥菜$78，家常菜式，但不知為何，總是光顧餐廳時覺得份外好味，瞬間清碟。經濟實惠的街坊小店，顧客都互相認識，很有親切感。

喺上水行更搵咗間餐廳食飯豬肚煲超級吸引，冬天就是要暖胃胡椒椒猪肚雞半個已經份量好多，兩個人食咗對夠了，選擇左胡椒豬肚雞可以補下香濃胡椒豬肚湯味雞肉一點都不會老、鞋口，不過都記得唔好煮太耐，差唔多就要食暖心暖胃，冬天更舒服😌胡椒豬肚湯飲落好暖胃干炒牛河唔會油膩，超級油鍋器，同埋唔會黐埋一舊豉油皇鵝腸，絕對有驚喜，下面有個大芽菜墊底鵝腸入味，而且好有口感蒜香骨超級重香味，份量啱啱好熱辣辣咁樣一定要趁熱食！