同聚

營業中

休息中

同家中長輩一齊去食午飯，家人去過同聚晚飯打邊爐，今日想黎幫襯午餐。星期日黎講中午一點人流都好旺。入座後，午餐選擇係好多又平，$48 餐連湯及飲品。兩位長老想食小炒，中午時段小炒跟白飯，又跟湯及飲品，性格價比高。菠蘿咕嚕肉 $88即叫即炒，脆卜卜的咕嚕肉 ，用新鮮菠蘿粒，酸甜開胃。叉燒炒蛋$78大大碟，雞蛋香滑 ， 叉燒份量好多。金銀蛋浸白菜仔$78湯底好濃厚，足料皮蛋鹹蛋粒，白菜仔吸收湯精華，不錯。豉汁涼瓜炒牛肉 $78好夠鑊氣 ，特別鍾意喺茶餐廳食炒涼瓜。整體價錢合理，食物份量好大，抵食。