影片
港鐵尖沙咀/尖東站 L5 出口, 步行約2分鐘
繼續閱讀
電話號碼
51197430
附加資料
材料即日新鮮自購，可自訂菜單，價錢另議。訂座時間:下午12:00時後，請預早一天訂座。
營業時間
星期一至日
18:00 - 23:00
以上資料只供參考, 請與餐廳確認詳情
食評 (71)
今晚和家人來到呢間尖沙咀的私房菜餐廳，每枱客人都有獨立的房間，最啱和家人或朋友聚會。餐廳會因應客人數目而決定菜式，我地就相信廚師啦!花雕蛋白蒸鮑魚鮑魚大大隻，蛋白酒味濃郁，將看似簡單的家常菜變得不簡單蒸海班魚既新鮮又大條，很有家的味道鮮魚湯什菌魚湯香甜，配上娃娃菜和什菌，好fresh秘制豬手—推介!!豬皮脆卜卜的，調味有點像酒樓的蒸鳳爪，但啖啖肉金銀蒜粉絲蒸扇貝帶子好大粒，調味剛好，可帶出帶子的鮮味芒果布甸一上菜—哇!好可愛呀!鯉魚造型的布甸，設計很有心思，配上花奶，好正
繼續閱讀
朋友生日，當然由她選擇地方，佢話見食評唔錯，想試，我當然唔會 say NO 啦。早一個星期打嚟訂位，然後對方 WhatsApp 菜單比我，冇問題就落訂，佢都跟得幾好。當晚菜單：1. 花雕疍白蒸蟹唔錯，啲蛋滑同埋夠酒味 2. 黃金蝦一般，冇乜驚喜，但又唔算差 3. 蒸海班呢碟唔得，好奀 4. 蘋果咕嚕肉呢個好食，正 5. 鮮魚湯雜菌呢個最後嚟，剛好，因為夠清，而且湯底唔錯 6. 金銀蒜粉絲蒸扇貝好好食，加上夠熱 7. 糯米雞呢個好好食，隻雞好嫩，啲糯米飯正 ，不過要提一下，糯米飯要快食，唔好放太耐，因為放太耐會硬.8. 大白莱豬肺湯呢個又係唔錯，啲大白菜正 9. 甜品芒果布丁，唔錯，唔係太甜，夠滑 奉送汽水一罐整體唔錯，而且可能早訂，所以有房，不過佢嘅地方唔大，如果想訂房就要早啲 book.
繼續閱讀
本來滿心期待的上去，一開門就呆一呆，所謂大廳根本太細，放了兩張大檯，每張9人都很迫，有幾位仲要坐圓櫈，而且冷氣非常不足，未食已經一身汗，唸住環境唔掂，食物好都可以彌補下，點知一樣失望。最唔掂個大白菜豬肺湯，未夠火喉，清淡得過份。
繼續閱讀
前幾日同朋友聚舊，就同佢哋揀左去呢間私房菜。咁我哋去食之前就打電話去預約，咁預約嘅時候就順手落埋菜單，總共有一個湯、六個餸同一個甜品。蘿蔔煲豬肺湯個湯有濃郁嘅豬肺味，非常足料，加埋蘿蔔嘅清甜，完全將成個湯升華到另一個境界。順帶一提，個湯冇落味精，飲完完全唔覺口渴。鮮鮑魚蒸蛋碟蒸蛋非常嫩滑，蛋味香濃，配以鮮鮑魚嘅鮮味，令到成碟蛋不平凡。蒜蓉粉絲蒸帶子帶子非常新鮮，食落非常彈牙，配埋蒜蓉、豉油、粉絲，令到成碟菜式非常美味。重點係佢地啲帶子唔同一般酒樓，佢哋啲帶子肉係黐住個殻，證明係新鮮嘅，唔同酒樓咁重用個帶子殻然後擺隻急凍帶子落去。真心推介！清蒸石斑魚條魚非常新鮮，啲肉很滑溜，配埋一堆蔥同薑，令到成條魚一啲腥味都冇。黑椒炒大蝦大蝦有好多蝦膏，黑椒嘅份量恰到好處，啱啱好可以辟到腥味，同時又唔會蓋過蝦本身嘅鮮味！豬手豬手塊皮炸到卜卜脆，但係啲肉好軟林林，比起一般酒樓整嘅豬手好食一萬賠！上湯浸時蔬啲菜係廚師揀嘅合時蔬菜，所以非常新鮮，用埋上湯去煮，完全係可以將啲菜嘅鮮味帶出。兩者簡直係絕配！芒果布甸魚個甜品就係芒果布甸，但係佢係非一般嘅芒果布甸，因為佢地將芒果布甸整成一條魚咁，睇到嘅時候真係好似surprised！
繼續閱讀
老友話約係呢度食私房菜，好啦既然吹到雞，又講到私房菜唔係成日有機會食，當然賞面啦。一黎先飲碗豬肺湯先，一飲就知道係老火湯，仲要係足料果隻添，味道係相當甜又夠晒潤肺呀。第一道菜係糯米雞呀，將原隻雞用荷葉蒸，糯米將原隻雞既精華吸收晒，所以相當入味。至於雞肉夠彈牙，糯米又夠口感，唔錯。再黎係水蟹蒸蛋白，蛋白蒸到相當嫩滑，口感滑到入喉嚨，味道豐富，將水蟹果陣鮮味滲晒入去，仲有花鵰酒既獨特味道，令蛋白味道更鮮更好味。跟住碟海鮮係鼔汁蒸白鱔，白鱔相當肥美，令人愛不釋手，白鱔肉質更加係勁嫩滑，表面既脂肪與肉質混合，更覺鮮味，當然份鼔汁相當惹味呀。南乳炸豬手係今晚最後既餸，炸豬手陣皮相當脆口，豬手肉炸完都好夠滑溜，至於味道就充滿南乳味道，仲係相當入味添，惹味之選呀。
繼續閱讀