名代宇奈備長炭燒鰻魚飯專門店 (東港城) (已結業)

頭先經網上外賣平台落單，外賣自取。鰻魚飯份量少，鰻魚得幾粒，溫泉蛋仲要係爛嘅，食物質數咁差，真係再無下次。。😥😥😥今次真係非常差嘅一次體驗。。。。唯有安慰自己唔試過又唔會知道有幾差😬😬😬

早年開店試過一次，覺得品質素同價錢不成正比。今次突然想食鰻魚，又比多次機會佢。今次食係埋單$133的雙層鰻魚丼套餐(波菜、汽水(長話短說：1. 食品款式多左好多，有好多牛肉、串燒同炸雞等較平價的選擇。但今次不是我的目標，不預置評2. 服務。落單位姐姐仔都算正常。有反應，無落錯單。在門口搞鰻魚飯連送上枱果位姐姐，就真係全程木面。觀察到佢永遠係唔會將食物放到客人面前，只放在最近佢的枱邊位置就行左去。我都要自己攞返碗飯埋自己果度。收銀/主管姐姐，同大部份食市一樣，我汽水同飯都黎左，提一提佢前菜未黎。就即刻話係第二邊出，係會咁。雖然佢有即刻跟進，但對於唔係亂咁催單的客人，佢只需答一句幫你跟跟已禮貌十倍3. 食物份量係夠，但質素唔得。鰻魚都係整定再返熱，而返熱又好似唔夠火咁(我其實無睇佢點返熱)，總之好似我去超市買去reheat咁。肉偏向淋至爛，皮就太軟，食時好易皮還皮，肉還肉。點都唔似燒鰻魚。4. 結論: 盡量不會再幫襯，價錢其次，服務及招牌菜出品唔得。

好耐之前已經想試，不過次次都係午巿後，見裏面一係無人，一係職員休息緊都唔係咁想入去打擾。今日又係午巿後，經過見裏面有客人，喺門口望望下有職員問幾位，終於可以試到喇，入去餐廳見到原來餐廳同隔離日式火鍋店係互通。單點小食：炸餃子5件，幾香脆。唐揚炸雞6件，外脆內滑。鰻魚牛舌丼溫泉蛋套餐，牛舌雖然薄，但都好嫩，鰻魚都幾厚肉。和風牛肉鰻魚丼溫泉蛋套餐。照燒雞烏冬溫泉蛋套餐，雞肉可以，烏冬滑嘅。+$16Asahi啤酒

名代宇奈係日本一間極出名既平民版既炭燒鰻魚飯店，嚟到香港開店之後又貴又唔好食鰻魚重鰻魚一啲炭燒味都無，鰻魚唔熱，只靠鰻魚汁增強味道，而且米飯一啲都唔軟熟，價錢亦貴過日本一倍，性價比極低

第一次光顧呢間嘢午市時段開始不久就來到，所以不用等位，店員好熱情介紹有咩食，最後點左鰻魚飯3食，有就咁食，茶漬，同埋撈Wasabi鰻魚飯3食份量好少鰻魚好少，切粒上，食完完全唔夠飽，性價比麻麻仲要再出去其他地方食甜品

秋葵鰻魚丼($72) ●●●◐○🥣跟赤味噌湯🥒雖然我鍾意食秋葵，但我發現秋葵同鰻魚唔係太夾🫢因為兩樣都係質感偏腍，而且秋葵味會俾甜醬油蓋過晒🐟肉唔厚；唔係好感受到炭燒香⋯⋯如果係普通日本菜舖賣嘅鰻魚絕對接受，不過感受唔到「專門店」嘅工藝🍚飯煮唔熟，我哋聽到隔離枱都噉講✍🏻 題外話：天婦羅唔差，炸漿夠薄，有驚喜🍤牛脷冇乜味📍名代宇奈備長炭燒鰻魚飯專門店💰: ●●●◐○環境、服務：●●●●○

本來想試隔離嘅上海菜，呢小兒堅持去呢到食，作為寶媽寶爸，我哋當然就佢啦。點咗：香蒜豚肉飯 (L, $68)：啲飯好香牛油蒜香味，基本上每粒飯都沾到個香蒜汁，好惹味。豚肉就正正常常，冇咩特別。L size真係好大碗，飯多料多，包食飽。炸雞飯 （M, $78)：唔太記得個名，好多炸雞，新鮮滾熱辣上枱，雞肉唔怕嚡口同乾，就係正正常常咁嘅味道，冇特別驚喜。兩大一小，兩碗飯已經好飽了。餐廳唔算坐得舒服，雖然都有sofa位，但枱與枱之間嘅距離唔闊。

【106】 用家自費分亨，不是打手！Walk In 唔駛等，3成滿。5️⃣0️⃣CP值，2023/7/25/二/13:08，平日午餐時間，特價優惠後2人埋單$184，平均每人$92。店在商場當眼位，唔難搵。路過見到做特價優惠，又唔駛等位，入去試下。店裝修有特色，空間不算大，但坐得算舒服，感覺也乾淨，落單快，但上菜算慢，要追，見後來嘅客都有得食，應該漏單，冇乜客都咁混亂，食物不夠溫度，人均92，附近太多選擇，應該不會再去。6️⃣0️⃣鰻魚重$98，味道ok嘅，如果唔係不夠温度，可以講完全冇温度，暖小小應該好味啲。3️⃣0️⃣跟餐有幾好味嘅湯及非常求其嘅小食，加$轉罐裝飲品。5️⃣0️⃣鰻魚牛舌丼$98，一樣温度不足份量更不足，牛舌好乾又薄，同門口推介相片非常大分別。

突然好想食鰻魚飯，經過見到呢間餐廳做緊優惠，午市第二位半價，所以就即刻黎試下😎我地叫左1️⃣鰻魚重上💰138鰻魚係炭燒嘅，上臺已經聞到香味，另外鰻魚重嘅鰻魚份量足夠，食落口外脆內軟，入口滿足，非常厚肉，魚油甘香。另外米飯都係用番日本飯，黏度夠，沾滿鰻魚醬汁，好好食😋2️⃣鰻魚牛舌丼💰98想一次過食到鰻魚同牛舌，所以叫左呢款，牛舌係薄身，鹽燒過，味道OK，但係份量唔夠多，鰻魚厚身好食，如果份量多啲更好，所以下次會食番鰻魚重上，因為份量好足夠🫣3️⃣明太子芝士玉子燒💰58蛋香夠濃味，食落清甜，加埋唔太咸嘅明太子醬，呢個組合一定好食😋消費價錢：2人💰245，人均💰122.5結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️回頭指數：⭐️⭐️⭐️⭐️餐廳名稱：名代宇奈備長炭燒鰻魚飯專門店 (東港城) (將軍澳)餐廳地址：將軍澳重華路8號東港城1樓196號舖

來吃日牛，看到了隔壁的這家突然想吃鰻魚飯，吃完後真的很後悔進來…🌟鰻魚牛舌丼 💰98鰻魚丼68，由此估計這幾片牛舌要30🥲鰻魚烤焦的地方都苦了，米飯和鰻魚各論各的，真的還不如去一田買鰻魚再配個飯。牛舌還可以🌟炸雞 💰48不是那種裹麵粉炸的，朋友說趁熱吃有姜味，勉強可以🌟薯仔芝士年糕 💰38熱乎軟糯，好吃的熱量炸彈還有，店員沒有給我們上配套的小菜，只有湯，還是隔壁桌提醒我們的，體驗太不好了，不會再來

週末，又是一家大細出街吃吃喝喝的好時機了。這次，一家人經由坑口出街。突然，太家都想先在坑口行下街食下野之後再出發。所以，一家人一落小巴，就上去逛商場。那天，太太就帶阿女去吃甜品，而我就帶阿仔去吃好一點，獎勵一下大家。最後，我們選中了《名代宇奈とと》，一間日本過江龍的鰻魚飯店，食返個美味的鰻魚丼。定食，就會包一個赤味噌汁同漬物。說味噌汁，若是用上了赤味噌來製，豉味絕對是更香濃。而《名代宇奈とと》的赤味噌汁就的確是達到了豉味香濃這一點，而且用的麵豉也夠多，濃濃香香的，令人滿意。加了一個海老天婦羅作為小食。雖然，這不是一個很出色的天婦羅，但蝦 (也就是海老)，夠甜夠味道，肉身也夠嫩滑，小朋友好喜歡。尤其是年紀更小的女兒，已經幫我們消滅了兩隻蝦蝦。仔仔，吃來吃去都是日式牛肉飯，所以一按就按了這一個溫玉牛肉丼。出來的丼飯，充滿了牛肉啊。兩兄妹分來吃都唔會被妹妹投訴說沒有肉。牛肉的質素高，香嫩可口。搞爛了溫泉蛋之後，吃入口更多添了一個 creamy 的口感。水準高的一個牛肉丼。既然來到了一間鰻魚飯的專門店，當然至少要點一客他們的招牌食品啦。計過自己的食量，我點了鰻魚重上這一個 size 的鰻魚飯。

食物質素：飯太濕了，鰻魚又太乾了，比日式超市打包好的還要差。環境：店舖小，空間非常窄，所以頗嘈吵。服務質素：惡劣，帶位的女士沒有禮貌，令我們以為自己去了街邊茶餐廳。要知道餐牌上的價格和茶餐廳很大分别，一人用饍也接近$200了。門外排隊情況：在周日黃金晚餐時段，也没有排隊的情況。建議：眼見名代鰻魚飯已經有三所分店關閉，不是沒有原因的。公司應確保食物質素之餘，亦要做好樓面培訓，尤其是帶位女員工，她足以趕走多多少少的潛在顧客了。

雖然已經開關，但要去日本都唔係咁易。一直都試下日本嘅鰻魚飯，既然短期內都去唔到日本，咁唯有喺香港試啦。到店嘅時間約3點，所以無客，得返幾個侍應。今次試左呢間嘅鰻魚重 上，份量足，炭燒味只有入口果下，但整體係好味嘅。

突然之間好掛佳日本鰻魚飯，行行吓東港城，見到呢間日本出名嘅鰻魚飯，即刻心心眼😍鰻魚重上$138、鰻魚重$98佢哋嘅鰻魚係用炭燒，喺舖頭已經聞到非常香嘅炭燒鰻魚味！鰻魚燒到外脆內嫩，鰻魚個香味出晒嚟！加埋鰻魚汁同日本米飯食，超好味！❤️

好掛住日本的鰻魚飯🍱，經過哩頭，就黎到東港城名代宇奈備長炭燒鰻魚飯專門店搵野食，星期六晚飯時間八點左右都唔算多人，唔使等就可以即時入座。SCAN QR CODE 就可以直接落單，好方便。枱面上放有漬青瓜🥒，爽脆又開胃。由於午餐吃得太飽，我地只係點左一個鰻魚飯三食，兩串烤鰻魚肝🍢同埋一碟鰻魚玉子燒。鰻魚飯三食 ($88) (⭐️⭐️⭐️)仲記得三年前喺日本食過鰻魚飯三食，真係一試難忘！三食的意思就係先將鰻魚飯分成四份，一份係直接原汁原味食，另一份就加配料(如WASABI)，第三份就加入茶漬🫖，而最後一份呢……就係跟你的喜好揀返你鍾意的食法。點餐的時候可以點”加飯🍚” & “加汁”，不過我地加完都覺得唔太夠汁。鰻魚算得上肥美，但略嫌燒得唔夠，同埋切得太細件。個飯就煮得啱啱好，唔會太淋，加入茶漬一齊食都仲可以咬到粒粒分明。整體來說，同日本的質素有啲距離，不過以哩個價錢來說，性價比都高。鰻魚肝串 ($28/一串 (⭐️⭐️⭐️)第一次食鰻魚肝，帶有微苦旳甘香，柔滑綿密的肝與脆彈的腸有著不同層次的口感，好特別。鰻魚玉子燒 ($68) (⭐️)賣相一般的鰻魚玉子燒，玉子都算做到厚身，但蛋味唔太出，亦都食唔到佢有