名寶石餐廳

營業中

休息中

名寶石餐廳 我細細個就聽過呢個名喇喺花墟隔籬，平時行完都會去食過下午茶不過最近我哋發現佢早餐好好多，又唔使排咁耐隊平時下午茶食煎雞扒好好食，但係要配佢嗰個好難食嘅麵但係早餐就唔同唔使背面都有煎雞扒雞扒嘅皮煎到好脆，類似半煎炸嘅感覺，跟燒汁下午茶會跟泰式辣醬配薯角終於唔使食佢個難食麵啦吉列魚柳，外面鬆脆一個裏面就唔係滑嘅質地比較結實呢度嘅奶茶超級勁難飲啲茶勁濃勁苦澀，落幾多奶同糖都冇用希望個水吧自己飲下先拎出嚟畀人位置闊落算坐得舒服，喺二樓嘅玻璃望出去可以睇到太子道繁忙嘅街景，食下嘢飲啖茶都幾舒服不過啲人就好嘈嘈到耳都聾，啲呀毛講嘢勁大聲又係咁狂笑唔知笑乜

🧑‍🏫性價比：🟢🟢🟢🟢🟢🧭美食體驗：太子傳統港式扒房。食過好多次了，一直keep到水準。鋪位非常之大，我估係本身買左個鋪位，不然真係好難解釋點解太子可以有一間雙層店，賣幾多個餐都交唔起租吧坐得幾舒服，如果要黎的話一定要打電話book位，佢係非常非常full的，想walk in黎食，絕對等到暈野食的份量非常足。如果兩個人黎，就叫兩個餐，三個人黎就叫兩個餐加個小食就夠，四個人就叫三個餐再叫小食......因為真係太多喇，按人頭去叫餐絕對會食唔哂，好浪費佢一個餐係連湯連包連主餐再加個甜品，反正我無一次係食得哂。如果想同朋友食下生日飯，少少地兩三個人既話我好推介黎呢度食🧑‍🍳服務：可能真係全部都係老員工，服務好好，好周到🍗必食：睇餐牌做人，無乜邊個係唔好食。我食過咁多次無中過伏

之前有一次同家人去慶祝節日，訂咗位去到仍然要等好耐安排座位。進食期間發現碗碟有污跡，叫咗侍應處理，點知俾我哋見到個侍應行埋一邊用圍裙擦隻碟，之後向經理投訴只係獲得口頭一句道歉。另外餐點水準算一般，我哋叫咗五個主食，包括菠蘿炒飯，牛脷意粉，中價牛排，最咪埋單超過$2000。價錢比起同水準西餐廳貴成倍，請大家幫襯呢間舖頭之前慎重考慮。 aaaaaaaaaaaaaaaaaaaaaaaaaaaaaa

同老公行花墟前到此地食個lunch，這間位於太子站，一間有歴史的餐廳。由紅寶石變成名寶石，很有90年代懷舊餐廳的感覺，環境好整潔舒服，有落地玻璃窗配經典佈置好懷舊，單看門面不大，但原來尚有閣樓，樓上雅座窗邊座位不多，可觀看街景，可以說油尖旺可以從二樓望落街看路人的餐廳一定不多，甚至是絕無僅有呢。不過大家留意是一樓，沒有電梯和升降機，要行超過十級樓梯級，若有老人家就有點不太方便了。第一次食，食物質素水準唔錯，食物選擇非常多，味道亦可，職員有禮，招呼好，大部份都係熟客。最愛自家名寶石餐湯，足料好味，好有兒時風味，麵包有牛油味，布丁同啫喱，建議食布丁，芒果布丁好味。總結，性價比一般，但整體食物質素理想。

#MC帶你去太子.門面紅藍色嘅霓虹招牌，絕對係依間餐廳嘅標誌💈香港絕無僅有少數有霓虹招牌嘅西餐廳。依間餐廳前稱紅寶石，上世紀50年代先後在中環、銅鑼灣及尖沙咀開店，現只餘下逾30年歷史嘅太子店。.✨ 名寶石餐廳屹立喺太子已逾30年，四周環境變化不少，但店舖內嘅裝潢卻沒太大改變。一張張竹藤嘅椅子🪑係老香港嘅集體回憶，上世紀喺香港盛行一時，餐廳嘅一磚一瓦都充滿著古舊氣息🥰🥩 紐西蘭肉眼牛扒 $258 （加飯/意粉 加$10）肉眼扒煎得幾好，睇得出煎封牛扒兩面，略為鎖住肉汁👍🏻食落肉質厚但軟腍，牛味甘香🤤港式扒餐但唔係用鐵板上，反而真真正正貼近西式食法，唔會令牛扒過熟👏🏻🫕 餐湯（忌廉湯）忌廉湯好濃郁都算多配料，有雞絲、磨菇、火腿絲和洋蔥等配料，而且湯面有灑上一層香草粉，飲落都幾順滑好味😋.🥯 餐包餐包好特別，係放紙杯中烘焗嘅餐包，坊間好少餐廳會咁樣烘焗餐包。🧁 芒果布甸港式「豉油西餐」經典甜品之一︰芒果布甸，布甸彈牙，很香芒果香🥭加埋花奶🥛簡簡單單嘅童年回憶返曬嚟🥰.⭐整體︰8.0/10⭐食物︰7.5/10⭐環境︰8.0/10⭐價錢︰8.0/10.=====================

6/7/2023（星期四）去食晚飯！叫咗一個焗豬扒飯、兩個扒餐同一個焗石斑飯。上餐時石斑飯變咗海鮮飯。我哋話上錯咗喎（因為對貝殼類海鮮敏感所以好肯定無叫錯）嗰位侍應小姐拎走左之後隔咗一陣拎埋個餐牌同碟海鮮飯返轉頭一嘢車碟飯落枱話：指住個menu話係我哋指住海鮮飯喎。我哋話係石斑飯唔係海鮮飯！佢仲好大聲重覆咁話你指住海鮮飯（餐牌石斑飯同海鮮飯好近）但係全枱人都好清楚係話石斑飯。仲要講咗兩次！跟著佢好悔氣咁話同你換囉！我哋話唔使喇！取消個飯啦！（驚你加料啊姐姐）😡當然有同西裝疑似經理講返啦！經理都好有禮貌咁回應！真係幾有兒時回憶、幾有情懷、接待員姐姐幾咁有禮都唔會再幫襯！

以前好好食有人情味今日食配菜粟米酸侍應俾隻碟我叫我攞起塊朳轉頭再上返其他配菜走壞粟米喺隻碟仔到(仲有數粒粟米）另外落錯單有一女侍應十分冇禮貌話冇落錯返黎張枱扔碟講幾次話佢冇落錯係我哋講錯咁冼唔冼睇cctv對真相冇下次！

名寶石响花墟附近, 有地舖同1樓, 1樓面積大啲, 雖然佢係太子老店, 但有人話佢嘅前身喺叫紅寶石, 2店同樣賣港式西餐, 雖然逛花墟時都有留意佢喎, 但冇幫襯過. 朋友提議响名寶石食晚餐, 話唔訂位無得食, 咁就要試下啦. 7點前巳到咗名寶石,冇人排隊嘅?!! 以為朋友誇張咗, 原來實情係1樓巳有人喺到等位. 真係要預先訂位嫁! 啲套餐售價唔太低, 枱距窄窄哋, 環境喺港式餐廳格局, 好有舊香港特色. 叫咗烤鴨胸伴銀鱈鱼同焗砵酒牛尾煲, 仲跟咗甜品同咖啡.📍烤鴨胸伴銀鱈鱼配天使麵配蒜茸汁銀鱈魚好嫰滑夠熱, 天使麵彈牙唔淋, 配蒜茸汁好惹味😋😋📍焗砵酒牛尾煲焗砵酒牛尾煲配飯, 牛尾炆得好入味, 一咬即骨肉分離, 砵酒味唔濃, 好送飯😋😋好食 ❤️❤️❤️🖤🖤抵食 ❤️❤️❤️🖤🖤

呢間擁有多年歷史既港式西餐廳好有就情懷 好多夥記都似係有咁上下年紀 應該係真係做左好耐😌 而且室內裝飾都好有香港70-80年代 高級餐廳的感覺見到好多年紀咁上下既人去食 應該對佢哋黎講係一種回憶/情懷✊🏻😆雖然價錢都唔平 但係食物質素都很不錯👍🏻🤎值得一試燒美國牛肋骨🐄($388)個牛肋骨真係好震撼😂 呢個價錢好抵食 份量真係好大成舊有成15-20cm長 而且仲好多肉 超級重牛味 油脂分佈好平均 唔會太膩 成舊肉都好juicy 食到則邊有少少焦 脆脆哋 但更加淋😬粟米焗斑片飯🌽($198)先講個飯底 係炒飯底 超級乾身 粒粒分明 而且飯唔會太淋或者太硬👍🏻 上面有3-4舊魚🥳 魚好新鮮 唔似d冰鮮魚柳真係食到海鮮味 而且都夠厚絕對唔係出面個d超薄魚柳 當然一分錢一分貨啦 佢價錢都貴好多👀 呢兩樣嘢都係跟餐的 包括餐湯、飲品同埋甜品🍮餐湯就有佢哋既招牌忌廉湯( ´▽｀) 我覺得呢個不錯 菜量都多 有碗仔翅既粉絲？菇、火腿、玉米🌽等等 忌廉都好香同埋湯好厚 唔會太水🤤 而甜品就有芒果布丁🥭或者Jello🤙🏼味道🤤：4.1/5 價錢💰：$200～回顧指數🚶🏻‍♂️：90%

出名既老牌餐廳，中午時段去要等一等位。叫了焗豬扒飯實在令人失望缺點：飯底黏實，根本唔似炒飯，連正常既飯都未算沒有芝士，純屬個人喜好，沒有拉絲芝士未焗夠，蕃茄都仲係硬生，根本未焗夠調味奇怪，睇顏色都知，懷疑醬汁較重豉油，焗豬應該有既酸甜都無配料過少，只有幾舊蕃茄，洋蔥優點：豬扒有蛋漿煎炸過，厚切，不會嚡實，屬中上水平另外成個餐：優點：餐包熱，餐湯好飲職員服務態度正常缺點：餐飲熱奶茶，茶味不足太淡，但優點叫茶走，奶分開上甜品啫哩，真係食都廢事總括而言，又貴又唔好食$141 一定搵到更高質素既焗豬扒飯

特意由火炭出花墟購買蘭花，見肚子有點餓，途經名寶石餐廳，見尚早，晚飯時間差不多，暫時又不用等位，一於一人自得其樂食過晚餐。睇餐牌精選套餐，我又出現選擇困難症，心大心細考慮食煎美國牛仔骨好，還是黑椒牛柳好，最終決定牛仔骨，貪佢份量少一點。餐湯永不變心，情有獨鍾懷舊羅宋湯，貪佢多什菜吃，永遠保持超水準，永不令顧客失望。餐包軟冧冧，塗上牛油，極之美味。主菜上枱，有點失望，望落去簿簿的牛仔骨失去光澤，太乾身，沒有一點肉汁，感覺廚師將牛仔骨放落熱油炸的烹調，肉質過熟。甜品有啫喱糖及芒果布甸選擇，識食嘅我同侍應講要布甸（多花奶）侍應即時反應知道我不是第一次幫襯，即時笑容都多點。期待下一次再光臨，精選套餐主菜製作好一點。

首先環境都係傳統懷舊港式裝修 嘢食叫左個魚柳扒餐味道正正常常 係好港式西餐廳既感覺聽講呢間店好出名 好似開左好多年今時今日 有一間有悠久歷史既餐廳 都唔容易 希望繼續保持水準啦

以前住太子， 由細幫襯到大。現在搬到新界區，好耐沒有幫襯這間店。有一日忽然有興致星期五夜晚放咗工去太子睇下有冇位，抱着如太多人的話便算了的心態去，好好彩都有位，不用白行一趟。我叫咗大蝦伴牛柳餐， 名寶石忌廉湯， 熱奶茶和 芒果布甸（加花奶）做甜品。湯一如以往好好飲， 特別是餐包一如兒時記憶的味道，真係咁多年都係嗰個包 冇乜變。大蝦的外殼，已經炸至脆身， 蝦肉爽口彈牙。 牛柳五成熟，吃起來多汁牛肉不會很韌冇渣，伴菜嘅薯角亦很好吃。 奶茶不是一般港式奶茶，而是西式奶茶，正正我所喜歡。 甜品雖然是最普通嘅屋企都整到嘅芒果布甸，但是懷舊情懷，味道ok。個餐大概$3xx，但以食物質素嚟講已相當ok。

🍳🍳🍞🍞位於太子既西式餐廳，歷史可算悠久，懷舊得黎佢既裝修、環境夠舒適同乾淨企理西式早餐非常豐富，都有少少係外國酒店食早餐既感覺，每份早餐都有果汁、牛油/果占多士、餐飲，假日供應時間至中午煎牛柳粒配黑椒汁($98)牛柳粒份量適中，配粟米、薯角，牛柳粒煎得好香，唔韌唔會過熟，正正常常沒有過份調味都好夠肉味，加左黑椒汁就更惹味吉列魚柳($92)👍🏻👍🏻👍🏻即叫即炸，每次食都係一樣熱辣辣，要小心進食，魚柳炸得好脆，好香口，炸粉唔厚，肉好嫩滑，同樣亦都無過份調味，但都能帶出食物本身既美味

太子嘅名寶石餐廳係老牌餐廳，聽講係60年代達官貴人先去得，裝修都係懷舊風，有d似酒樓格局😂 我套餐揀左羅宋湯、西冷配大蝦（配菜意粉）整體黎講，野食性價比都算高，唔可以同和牛果d比，但係佢牛扒質素都唔錯，最深印象係羅宋湯。首先係羅宋湯，湯底口感滑順，味道鮮美，非常足料，仲帶點辣味，非常美味。主菜係5成熟西冷配大蝦，牛排煮得恰到好處，外焦內嫩，合格有餘，大蝦就正常，純粹貪心先叫嘅😂有d 蔬菜同意粉做配菜，意粉份量十足，都係港式咁偏淋，我麻麻地。