名寶石餐廳

營業中

休息中

這次我到訪的是一間老牌餐廳，這裡是我每年必定會光顧一至兩次的地方。在服務方面，侍應態度友善，而且效率高，讓我有很好的用餐體驗。我點的菜品是香蒜羊架配薯菜，這道菜的賣相相當吸引人，份量十足，薯菜的搭配也恰到好處。羊架的味道濃郁，但口感稍微有點乾。薯角則是香脆可口，讓我相當喜愛。我的朋友則點了焗葡汁石班配飯，這道菜我從未試過，而一上桌便讓我和朋友驚嘆連連。這道菜份量大且葡汁的味道非常香，石班的肉質有彈性，絕對對得起價錢，不過石班本身的味道稍顯淡薄。甜品方面，我認為啫喱係必選既！今晚係綠色青檸啫喱啊！這是整個晚餐的亮點，味道十分過癮，實在是為晚餐畫上完美的句號。總體而言，這次用餐經驗讓我非常滿意，這間老牌餐廳值得再次光顧。如果您想嚐嚐新口味，也可以試試我的朋友點的焗葡汁石班配飯，份量十足且味道美妙。

📍名寶石餐廳太子太子道西148號地下呢間餐廳在此區已多年，每次幫襯仍然好多顧客，很多時在食飯時間都要等位。餐廳兩層，有點懷舊風，餐廳食物保持到高水準呀，值得一試再試。😋餐廳每張枱都放上多款調味料，適隨尊便。👍🏼餐廳嘅白湯紅湯都好惹味，配上軟熟嘅餐包仔，絕配。叫咗黑椒汁大蝦配黑豬扒，配料很多，份量大，而且很美味👍🏼😋葡國雞飯，份量足夠二人食，熱辣辣，賣相也很吸引。每個餐都包餐茶同甜品，而佢嘅甜品都好大方，份量大杯。如果細食的你絕對有機會食唔晒整個餐。😁

前兩日帶埋兩個年青人去食排 ,立即諗起太子呢間歷史悠久嘅老字號～名寶石餐廳呢度樓高兩層，係懷舊餐廳，所以帶埋後生仔嚟食先嚟餐湯同餐包，兩樣都熱謄謄，個湯好濃郁，絕對唔係罐頭湯可比我地叫了咖喱雞飯 炒河， 咖喱味濃 個炒河竟然忘記影相😂另外叫兩份牛柳拼三文魚，牛柳保持應有水準，三文魚也很香黑牛，大推，個雪榚入面有埋朱古力碎，超正個晚餐仲有甜品跟埋，又係勁推甜度硬度非常到位😋😋😋出開呢頭，絕對可以嚟試下不過記得預先訂座呀🤗

假日約咗朋友到名寶石餐廳食早餐，疫情期間都黎過幾次，客人都不多。今日黎到，已經見到坐滿八成座位了。叫了吉列魚柳，質素不錯👍🏻配菜有粟米、薯角和蕃茄，還有多士，果汁和餐飲，而且份量不少！

年尾去花墟係必然的，行之前食個靚午餐先。名寶石係太子名物，懷舊得來食物質素唔差，次次都要排隊等位，記住派飛等位在二樓，等咗15分鐘就有檯午餐當然有包、有湯喇，餐湯係傳統嘅羅宋湯，餐包應該係自己焗，鬆軟牛油味濃🍽煎牛柳粒配飯(黑椒汁)$138:牛柳粒兩邊煎得香香，肉嫩嫩的，一咬即斷，而且牛肉味濃🍽煎美國牛仔骨配薯菜(黑椒汁)牛仔骨數量唔少，很香、很惹味；薯角炸得脆脆的，但薯肉又唔會太乾，好好味😋最好玩係兒時啫喱、布甸，味道無特別，真係講情懷，現在仲有幾多間餐廳甜品係啫喱呀？除咗食物，待應哥哥好有禮貌，落單加茶都好快，對老人家仲照顧有加，值得一讚👍🏻

今日難得放假，決定去名寶石餐廳坐低慢慢食個lunch。坐低2: 30落單，叫咗肉眼扒同埋羊扒餐各一個，跟住就係等等等等等同等。食下午茶餐嗰啲客食緊，我個午餐都仲未嚟。3:05食物先至嚟，見到仲眼火爆，個面好燶，不過因為都唔想再等於是諗住切少少試吓，咬落去Kwok一聲脆既，即刻吐翻出嚟，吐左一塊好似黑色鑊撈嘅嘢出嚟，原來塊牛扒兩邊煎到燶哂，向上個邊係燶，底個邊係炭。跟手打算叫人幫忙，係冇人彩我！！！一肚火。

兒時家人偶然會帶我地去名寶石餐廳食飯，到今日長大了，到我地帶媽咪去名寶石餐廳食聖誕大餐一行三人叫左3個晚餐鵝肝併牛柳（5成熟）跟薯菜；媽咪叫左羊架併銀雪魚，家姐就龍蝦尾併牛柳 餐湯一人一款，包括名寶石忌廉湯，羅宋湯同埋周打魚湯。3款湯送上時熱辣辣，配上軟熟，餐包跟牛油，係細個嗰陣既味道。主菜送上時，3份餐都分量十足，牛柳5成熟準確度良好，牛味重。配上香煎鵝肝，好正！羊架同銀雪魚煎得好好，魚肉嫩滑。龍蝦尾就相對冇乜特別了。餐後附上甜品，有啫喱同埋芒果布甸，細果個時最期待就係甜品，到大個左都係一樣。侍應服務好貼心，因用餐太飽未能食甜品，侍應還幫忙包好啫喱，等我可以返屋企慢慢食，抵讚☺️無論時代變遷，味道同回憶始終不變❣️

未試過訂咗位都要等成大半個鐘！！究竟訂咗位嘅定義係咩呢？？根本佢無按接幾多bookings 而留枱，嚟到都係同無訂枱一樣咁順次序等。仲以為自己好醒，有晨早book 定位，係門口見到咁多人等仲諗啲人做咩唔book 位，後來先發現自己要加入佢哋之一，其實所有人都有訂位，都係企哂係度無止境咁等！！啲嘢食又唔係平，成$500一個晚餐，永遠black list ，不再幫襯！令我呢個從未寫過公開食評嘅人都忍唔住要作出我嘅第一次！！

晨早流流九點幾喺太子花墟做咗少少嘢之後朋友話想食個靚早我太耐冇食過早餐 都唔知附近有咩好食一於得朋友帶隊🤣🤣跟佢食好野.早餐set menu黎講佢算幾多選擇 有唔同嘅肉類牛、豬、雞、魚 連素食者都照顧埋每個set都包一杯果汁、多士、餐茶仲可以+$8將炸薯角同粟米粒轉做湯粉麵.我就叫左香煎雞扒set、西柚汁、+$8轉湯公仔麵雞扒需時要等15mins侍應上左杯西柚汁先味道正常 同平時去buffet飲既味都一樣雞扒一上枱好似聽到吱吱聲真係新鮮滾熱辣 切落去皮仲好脆調味唔錯👍🏻 咸度適中 略嫌熟得少少過熟 有啲鞋口.其實價錢偏貴 名過於實係食個氣氛同格調想食好西就可以唔駛試

我家老闆邀約加國返港長輩下午茶，名寶石餐廳是長輩的回憶。嗜牛的老闆在下午茶時間點了午餐黑椒牛仔骨，盛讚肉身夠冧，牛味也重，是近年少數遇到的美味。😋而下午茶餐的蝦多士油有點多，但它的沙律醬是甜甜的我很喜歡；至於公司三文治就不過不失吧，沒驚喜也沒失望。😌

有時來呢D懷舊餐廳都唔敢抱太大期望諗住D人都係貪得意食情懷經驗話我知 好多都係唔太ok呢個名寶石餐廳 我本身都係抱住一試見佢好多人排隊等位仲要吾算平價一個set dinner 都二百幾蚊我今晚揀左香蒜汁煎羊架$258經典組合係配紅湯 + 薯菜最後有懷舊花奶啫喱的確，味道係幾好份量都好夠呢個set都有5件羊架至於環境係走懷舊風不過並唔舊D枱枱凳凳都係好新淨周圍環境都算衞生加上地點係真係好方便響正花墟隔離吾怪得咁多人食

無心插柳諗住去花墟行吓，記得之前喺面書見過有人介紹呢間餐廳，時間大概12:30之前。上到去2樓，需要攞飛排隊等咗10分鐘就可以入去，一個人比兩個位唔使搭枱，入邊嘅氣氛熱鬧得來好懷舊感覺，有一面大玻璃可以望出去，坐喺窗邊應該都好正，午餐價錢$135有+1，點咗一個牛仔骨配薯菜，首先嚟一個紅湯，應該都算出名，蔬菜份量足夠，仲有一暖暖地嘅餐包同埋一個牛油，然後就係牛仔骨，我鍾意佢煎香表面，而且份量亦都好足夠，配菜方面有西蘭花加椰菜花仲有好大堆粟米，之後就上咗一個凍檸茶，檸檬擺設都幾靚嘅，最後就係甜品，有布甸同啫喱我揀咗啫喱，佢random俾咗個提子味我都OK嘅，我見有啲枱係上綠色唔知係乜嘢味，最開心嘅就係仲有一個小小嘅淡奶可以加埋落去一齊食，以前嘅味道一下子翻返嚟，呢間我應該都會再嚟幫襯嘅不過屋企嘅老人家已經行唔到樓梯啦，下次可能要選擇喺樓下不過似乎位置就冇樓上咁寬躺。

名寶石是我及久不久就會心思思想吃的餐廳，對我來說她的羅宋湯是我最鍾意的，現今很難岀面會飲到這種懷舊味道的羅宋湯。西冷牛扒都是我每次都點的晚餐，表面有陣炭燒烤味，很香口，而且十分大份，食完飽到上頂。最後還會有啫喱，加花奶是必然的選擇！

今日出太子食嘢，朋友就推薦名寶石餐廳話個煎牛柳粒好正，咁就要試試佢啦。這是一間舊式西餐廳，平日下午茶時間居然都好多人。下午茶叫了煎牛柳粒沙律 $93好驚喜個牛柳粒超遠淋，有厚度，肉味都唔錯。另外叫左鹹牛脷飯套餐，有湯有甜品。牛脷淋身唔太鹹，味道適中。白湯都正常，甜品是芒果布甸加花奶，不太甜。另附上兩杯飲品，奶茶既茶同奶分上，可以調製。價錢不平，但有水準。有好多客人，但是服務生不多，埋單過程都要等一等。

名寶石餐廳(17/5) 星期二 下午5:30點左右特式：呢間西餐廳都相當出名，一入到去有一種好懷舊嘅情懷，好似返左去80年代既感覺，雖然佢係有重新裝修過，但情懷都仍然保留。食物：大蝦牛柳套餐 - 講得懷舊，個餐當然一如以往包餐包/餐湯/茶/甜品。餐湯 - 有紅/白兩款，因應你自己口味去選擇，我就揀左紅湯，佢個羅宋湯並唔係話好飲到驚為天人，但一飲就會係心入面浮現出似曾相識嘅感覺，好似細細個飲嗰個味道。餐包 - 一般呢d餐包，我相信大家都唔會有咩期待，佢水平正常，起碼唔係某大型連鎖店嗰d硬梆梆可以掉死人個隻。主菜 - 佢唔似其他舊式扒房係用鐵板上，佢係用碟上的，牛柳要左5成，好嫩滑，一d都唔會乾唔會un，隻大蝦應該唔係咩新鮮野，但都唔係平價貨，佢成隻都煎香晒，連殼都可以食埋。餐飲 - 都係正常可選擇的咖啡或茶，無乜特別。甜品 - 當日係啫喱，我唔知佢會唔會有時變下，都無特別，就係普通羅拔臣啫喱咁嘅味道。環境：餐廳環境高級，坐得好舒服，又唔嘈，感覺似酒店西餐廳咁既feel。服務：服務態度好好，開頭以為呢啲舊式西餐廳d職員會好老屎忽，服務一定麻麻，點點知又唔係，佢地好有禮物又有善。價錢：人均大