名捌月 (已結業)

今晚朋友生日，同佢一齊去荃灣名捌月食飯，我地點左兩個主菜，分別係：帶骨肉眼扒$288豬鞍扒$188帶骨肉眼扒選了五成熟，牛味非常濃郁，但肉質稍為過熟，不得不提既係佢地個牛骨髓汁，同塊扒勁夾，好味到想叫多碗飯黎撈住食！！老實講，牛扒唔算係頂級，但絕對拍得住街外扒房$500既水準！！另外我地叫左豬鞍，估唔到出奇地好食！！！😍塊豬鞍煮得啱啱好，但又唔會好似出面d豬扒咁「鞋」，勁juicy！！Overall黎講兩款扒既性價比都非常高，幾滿意！

有日約左個好姊妹去荃灣食飯,荃灣出名好多好野食,交通方便夠晒就腳。放工仲有聚會,當然要搵個坐得舒服又食得開心的地方啦！港鐵站A出口一出,沿住旋轉天橋直落,見到一間食鋪的招牌好明亮,叫做"名捌月",睇下個餐牌,原本係食西餐,透過大大塊玻璃窗望入去,裝修簡單舒適,有情調得黎唔太暗又唔太誇張,最啱食飯傾計,我最鍾意試新野,試試無妨。返工後遺症"好攰",直接入去坐住等我朋友。坐低左發現牆上掛住幾幅"復仇者聯盟"人物畫像,仲有天花燈好特別,原來係餐廳的英文名"FAMOUS AUGUST"。呢度二人餐,有餐湯,沙律,小食,兩款主菜,餐飲及甜品。兩個女仔實食唔晒。我唔食牛的。店長見我地咁苦惱,主動向我地推介晚餐"黑毛豬鞍扒配帶子",晚餐都包餐湯,餐飲及甜品。我地再叫多個"松葉蟹肉蟹膏意粉"。我朋友想試試小食"黑松露芝士醬炸薯條"。是日餐湯黎啦！仲伴一件脆烤麵包,夠晒脆就咁食都得,配埋湯仲好味。 湯同包都食完,好快炸薯條都出場。嘩!嘩!份量好多呀！係粗薯條,比起出面西餐的份量多1/3。我本身對黑松露的味道好抗拒,諗住淨食薯條,我朋友試左話好正,咁我都試左一啖。果然好好味,黑松露的味唔會刺鼻,配埋芝士醬

同兩位朋友行完街，想搵地方食晚飯，行行下見到此間餐廳-名捌月，見個名幾特別，又有我喜歡食的牛扒，就入去試一試。一入到去，waiter 主動介紹有咩好食，我們就叫了個二人餐+waiter 介紹的松葉蟹肉膏意粉。個二人餐有soup，沙律🥗，前菜，兩份主菜，再有甜品和餐飲，十分多野食，每樣都大大份，個凱薩沙律個沙律菜好新鮮，又有好多我鍾意食的脆脆麵包粒，但如果個汁無咁酸，會再好味d。對我這個無牛🐂不歡的人，不得不提牛舌前菜和日本霜降牛扒，又香又冧，超級好食😋waiter 介紹的松葉蟹肉膏意粉，真係無介紹錯，啖啖蟹肉，意粉軟硬度適中👍🏻環境ok，坐得舒服，最緊要係近荃灣地鐵站，走又方便，下次會一定再來。

趁住重陽節假期前夕當然要入荃灣行街食飯啦！去完南豐中心及綠楊坊行街時見肚餓我才發覺荃灣港鐵站附近都新開好多新餐廳，所以我就選擇了南豐中心旋轉天橋側一間裝飾設計型格的餐廳食飯。餐廳門口光亮，路人路過都會被吸引入內食飯。餐廳環境設計全部都是Marvel 畫，老闆可能是個Marvel 迷。 Menu有散叫或套餐供食客們選擇， 絕對適合一班朋友，三五自己或情侶去食飯。由於本人有選擇性困難，所以揀了簡單的2人餐。忌廉西蘭花湯-忌廉味十分出，但是本人略嫌西蘭花比例較小。龍蝦湯-龍蝦同忌廉比例剛剛好，帶出到龍蝦味還有蝦肉的咬口。(要比十個)還要值得一的是香草包，包的香脆剛剛好及不會因為香草太多而沒有了包的味道仲要係熱辣辣的。凱撒沙律-沙律汁適中不會過多令到沙律菜過咸，麵包又要脆脆的。 *法式牛油煮藍青口佐香草包* My boy A君的至愛，雖然忌廉汁包圍了所有青口，略嫌少了牛油味，但是都無阻先生佢連d忌廉汁都飲曬佢，但是發覺有小小沙在d忌廉到就停手了！美國帶骨肉眼扒(18oz )拼紅菜頭薯泥&薯條呢個肉眼扒間直係無得輸，齋食呢個扒都抵返曬。仲要加上佢自家製的紅菜頭薯泥及粗過手指的薯條還有廚師煎5

名捌月overall我會俾92分, 我唔係荃灣人無諗過向呢邊會有好野食, 所以想推介一下…日本霜降牛扒以呢個價錢簡直係150分之選, 煎完出黎陣陣香濃既牛味已經令人食指大動! size比一般女性既手掌大多1/3左右, 厚度適中, 最緊要係入口個份油香真係好吸引!!! 加上超級綿綿既肉質…我好快就KO左塊扒(到底老公食左幾多呢?)松葉蟹蟹肉意粉 – 堅多蟹肉!!! 好足料!! 每啖意粉都可以食到充分既蟹肉, 唔洗慳住慳住留返最尾先食, 而且碟意粉既份量…我估比出面一般既餐廳多左至少20%! 食完真係好鬼滿足!!餐廳入面我好欣賞佢地低調得黎又誇張既lighting…大大隻字用返自己間舖名黎做天花燈 – FAMOUS AUGUST可惜, 選擇困難症係港女都有既特徵! 個餐牌全文字, D字又全部一樣細…其實可唔可以加返幾張signature dish既圖呢? 配菜 – 係另一樣我略為有意見既野…我見左右兩枱無論叫其他咩主菜都係薯條+薯蓉做配菜, 我自己就覺得too much 因為我真係唔好薯 (如果可以揀其他就更好)絕對會再同老公黎食過, 望見隔離枱個羊膝好想試!!今日特別嗚謝港鐵令我咁鬼得閒

今日經過荃灣 女朋友想食西餐，上openrice app search下 發現有間新開既西餐廳係附近 所以行左過去睇下有冇野岩食 呢間餐廳叫名捌月，唔知同元朗果間夏捌月係咪同一個老細開既呢? 入到去睇menu見到有兩款2人 set dinner ， 揀左set A, 498$ 價錢唔算平 但細心睇係物有所值，因為呢間餐廳既set dinner係全包， 沙律，頭盤小食，餐包，湯主菜，甜品同飲品都包曬，唔似得其他西餐 寫明set dinner但 甜品飲品又要額外收費。 我同女友見是日餐湯只係普通忌廉湯 所以都加12$轉飲龍蝦湯，湯夠濃味，龍蝦仔都夠多. 好快沙律就到， 特別鐘意佢個沙律有脆麵包粒同芝士，增加口感同味道，然後前菜仲有芝士藍青口，藍青口鮮味得黎又有淡淡芝士味，附上兩條餐包點d芝士黎食，別有一番風味. 主菜係霜降牛扒5成熟， 肉質正常，值得一讚係肉味非常濃郁，唔會煎得太熟，食得出絕對唔係cafe西餐果d普通超級市場貨. 鋸完扒就食另一個主菜，之前在元朗夏捌月有好出名既蟹肉蟹膏意粉，問店員可唔可以將套餐意粉改做蟹肉蟹膏，老闆話加$50可以轉，見女友咁想食，我地都加左50$升級食

話說我之前都有幫襯開元朗夏捌月, 最近得知原來佢地早兩三個月前在荃灣開左分店, 前幾晚終於有機會去新店試試了….😬荃灣分店就在地鐵站附近, 地點非常方便… 離遠已見到大大個招牌, 一定不會找不到! 哈哈! 但餐廳名字點解會叫做 “名捌月” 而不是 “夏捌月”既?! 😱入去問過店長, 才知道它們雖然是 “夏捌月”的分店, 但是在食物方面, 荃灣店想走較為高檔路線, 所以改名為 “名捌月”。不過無論餐廳叫咩名對我來講都唔重要, 最緊要係食物保持到水準! 😂我地兩個女仔, 叫左兩個晚餐, 由於好友不吃牛, 所以我地揀了豬鞍拼帶子及香煎鱒魚扒…首先上場的是餐湯及麵包條, 今日餐湯是忌廉湯, 個湯不過不失, 亮點反而是麵包條, 麵包條烘得非常香脆, 用來拌著湯吃一流! (不過原來我漏左影相! 😅)之後主菜陸續上場這個 豬鞍拼帶子真的……. 非常地正! 正! 正啊!👍🏻👍🏻👍🏻 老實講, 一上枱時, 見到塊豬鞍咁鬼厚, 第一個感覺, 不是覺得抵, 反而好驚會好鞋呢! 😳 點知, 一食落口, 嘩! 估唔到竟然可以咁軟滑! 點埋個醬嚟食, 真的勁好味! (我平時自己煎薄薄的豬扒, 點整都鞋過乜咁 😑)

經朋友介紹，尋晚同男朋友黎到荃灣試下呢間「名捌月」店內環境唔算裝修得好grand，但兩口子黎傾下計鋸下扒都幾舒服我地點了一份set A，都幾多野食餐湯係蘑菇湯，好重菇味，夠足料香煎牛舌配紅酒汁牛舌煎得啱啱好，估唔到紅酒汁配落去咁好味，係全晚令我最驚喜既一道菜！黑松露芝士醬薯條好香黑松露味，而且勁大兜，有酒送一流！凱薩沙律無特別，唔多講日木霜降牛扒日本和牛肉味唔算重，但油脂豐富，食落好嫩，配埋牛骨汁好好食！蒜泥白汁大蜆意粉蒜味唔夠重，但意粉有咬口啱啱好，廚師時間掌握得唔錯！食到最後有好多薯條食唔哂，幾扺食！

因為係2點幾食 所以一入到餐廳都無咩人都算幾乾淨 環境唔錯唔會好吹你走同點餐可以傾好耐計1️⃣黑松露雜菌意粉HKD $56雜菌都幾多幾新鮮黑松露就唔算好覺 但都有小小既個汁幾creamy 唔會太濃.2️⃣依比利亞黑毛豬肉眼朳HKD $65夠大份又足料 意粉還好 唔算太硬肉眼扒就幾好 都算幾腍 點洋蔥汁都唔錯.3️⃣酥皮忌廉湯(跟餐HKD $12)酥皮唔錯 但忌廉湯有小小唔均勻入而既發粉 會有一粒粒都幾多下.4️⃣凍朱古力唔錯既 但唔算好濃 不過好有之前7-11既十字奶既感覺但其實只係店家沖完倒入玻璃樽.

今日(14-10-2018 Sun)晏晝,同老公落荃灣買o野,食個晏先,我幾得呢o度有間新開食西餐o既,就帶佢o黎.o係門口睇到有兩個$58.00o既set lunch,係青醬蟹肉意大利粉同黑椒焗牛舌飯,於是走入去.睇吓menu,有好多由$56.00至$108.00不等o既set lunch,不過冇門口見到o個兩樣,一不留神就會唔記得.我就要$65.00 o既依比利亞黑毛豬肉眼8oz,配薯菜同洋蔥汁;老公就要青醬蟹肉意大利粉.落完單冇耐,兩碗唔滿o既忌廉湯到o黎,稠杰度o岩o岩好,亦唔太鹹,又夠熱.飲完後,兩份o野食到o黎,青醬蟹肉意大利粉份量唔算好多,一食就食到濃濃橄欖油同香草味,意大利粉唔係中間硬o個種,蟹肉仍有啲海水o既鹹味.而我o既依比利亞黑毛豬肉眼8oz,配薯菜同洋蔥汁呢? 依比利亞黑毛豬肉眼有兩件,而睇見佢o地都幾油膩,食落,口感唔彈牙,好腍但juicy o既,蘸洋蔥汁就好食啲;粗薯條外脆內軟,OK o既;而配菜o既紅蘿蔔仔都會灼到腍晒至上碟.餐茶我就要熱檸水,老公要加$3.00o既凍檸茶,等o左好耐好耐,老公o既凍檸茶到o黎,味道正常o既.我o既熱檸水重要等多3分鐘至到,

收工路過發現呢到多左間餐廳，人唔太多，就決定同朋友試下啦！坐得幾舒服，唔太多人，靜靜地吹水一流。食物質素都幾好下，最鍾意佢果個蟹羔意粉，好正，啖啖都有蟹肉同蟹羔，好香好正，驚喜！避風塘薯條🍟，我個人就覺得唔夠辣啦，如果可以辣少少就好d啦，下次想試下佢個金沙薯條🍟今次豪少少叫左個M5和牛，叫左5成熟，牛味夠，伴碟果個紅菜頭薯蓉好好食龍蝦湯普通，但跟湯果個香草🌿辣椒乾麵包好好食好香脆服務員好好，係咁幫我地加水👍🏻讚

同友人去完荃灣行街 就順便係荃灣食埋晚飯由於冇野特別想食 所以我地就邊行邊搵結果 比我地搵到路德圍有間西餐廳因為佢個招牌勁光勁大吸引左我地 咁就入去試下入面既裝飾好特別 牆上掛住既全部都係Marvel圖畫相信店主應該好鍾意MarvelMenu都叫多選擇 同友人決定叫一個二人餐就咁睇都已經好多野食咁 仲要都係$498出面閒閒地食個SET得2,3樣野都要成$2-300我地叫左個升級龍蝦湯加酥皮 個湯熱辣辣好好飲仲有好多龍蝦肉係入面 真材實料!頭盤叫左個咸金沙薯條+香煎牛舌配紅酒汁本身係黑松露芝士薯條 但店員推介我地咸金沙 所以就加$10轉左原來同咸蛋黃既味差唔多 好特別 係出面都未試過而個牛舌就勁大塊 好林 配埋個汁更加好食主菜叫左加拿大黑毛豬T骨扒 一樣好大塊 點埋佢個醬汁簡直一流不過個豬有少少UN 同埋有少少難切 如果可以林身少少就好喇不過佢地D醬汁真係好Match D野食 加分加分!最後仲有個意粉 我地加$50轉左個松葉蟹肉蟹膏意粉點解我地會轉 因為見到隔離客人個碟意粉成個蟹蓋係上面 好吸引問店員先知原來係佢地店既主打 緊係要試下啦不過其實食完個扒我地都已經飽飽地所以食個意粉既時候都

前排經朋友介紹，今日終於黎到路德圍試下依間「名捌月」啦！呢間西餐店門外個招牌好搶眼，離遠已經係迴旋天橋上見到，好易搵～👍入到去同2位朋友叫左三個款餸，第一個係「松葉蟹肉蟹膏意粉」。成個蟹蓋睇落賣相勁靚😍，蟹肉同蟹膏勁足料，第一次食依種配搭既意粉，估唔到咁夾！尤其我自己好鐘意食蟹，勁like😍😍！！第二個係「美式帶骨肉眼」。塊牛排厚身勁大塊，肉味濃，而且個醬汁配落去好好味，但唯一美中不足係煎得略嫌熟左少少！🤕😢第三個係「德國咸豬手」。勁大隻，外皮炸得夠脆，但裡面又唔會乾，配埋個蜜芥末勁好味，岩哂食肉獸！👍第一次打食評，醒唔起影餐牌，請大家多多包涵😭😭印象中今餐人均消費大約250蚊左右，Overall 以質素及份量黎講好滿意，會再黎！👍👍

位於荃灣的名捌月 ，是元朗夏捌月本店的第二分店，人氣跟元朗店一樣，非常高企呢松葉蟹肉蟹膏意粉 $168餐廳的招牌主打，正正是小女子所選的_松葉蟹肉蟹膏意粉🍝，呈上時傳來濃烈的蟹膏香氣，就算驚爆膽固醇，都忍吾住一定食阿😂，呵呵上層放著一個蟹粉蟹肉芝士蟹蓋🤤，把所有材料伴勻，更柔滑順口，蟹肉色澤帶粉，堆成小堆，旁邊的客人還以為是午餐肉(其實真的有點像似哦)重頭戲意粉，早已被醬汁染成深黃色，用叉子捲阿捲，蟹肉和蟹膏完完全全掛上每條意粉🤤🤤🤤，超級重量級足料阿，若果我能在它熱辣辣的時侯食，我相信我會覺得更美味，😔放涼後味道其實吃不太出來