名捌月 (已結業)

今日嚟到荃灣捐血站附近呢間西餐廳，唔細心留意真係比較難發現，望倒門口大餐牌嘅食物相片好吸引喎，價錢唔算太貴，決定入去試下。我地一行三人叫左三個套餐，平均每人七十蚊倒，有餐湯、主菜、飲品之餘，仲有salad buffet係free嘅好抵呀~【法式龍蝦湯】味道濃郁，顏色漂亮。【忌廉磨菇酥皮湯】酥皮酥脆，蘑菇湯香濃幼滑。【美國西冷牛扒】拼薯條配上胡椒汁，肉質鮮嫩，幼滑多汁， 有嚼口而不會刃，食落唔會有渣。【意式吉列羊架】配牛骨汁，完美配搭，外層脆卜卜，羊架一d酥味都冇，salad buffet嘅salad味道調配得好好，仲有甜品食添，最後仲飲埋【冰震奶茶】同【冰震朱古力】，好滿足呀！埋單二百蚊都唔洗，地點方便，地方乾淨，食物又有質素，選擇又多又豐富，下次一定要嚟食過。

▾[#Serena食食食 ]今個週末我就去咗荃灣食一間西餐廳【名捌月】呢度最出名係日本霜降牛扒，另外叫埋咸金莎薯條【咸金莎薯條🍟】鹹蛋都興左好耐啦，試咗好多唔同零食都有，估唔到美式薯條都咁夾喎！美式嘅肉醬薯條方法，用中式鹹蛋醬做，感覺真係好新穎！每一條薯條都係均勻沾上咸金莎醬，食到尾都仲有好多鹹蛋❤️-【日本霜降牛扒 🥩】鎮店之寶叫左五成熟，上到嚟就好似熟咗少少，但都咁好味！沾小小拌碟嘅芥茉醬，牛扒嘅肉鮮味出哂！餐廳嘅環境好有心思，Marvel系列嘅壁畫好靚，頭頂仲有佢哋招牌名好方便影相！如果去開荃灣嘅你，可以試下依一間喺路德圍嘅新派西餐廳，地鐵站行幾分鐘就到啦😉🔸名捌月ᶠᴬᴹᴼᵁˢ ᴬᵁᴳᵁˢᵀ 🔸📍荃灣路德圍登發街10號📱5209-9433👣港鐵荃灣站A1出口步行約5分鐘▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸🔱S指數🔱（滿分為5）美味度：👅👅👅👅打卡度：📸📸📸裝潔度：✨✨✨✨回頭度：🤭🤭🤭———————————總推薦度：💓💓💓💓▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸Insatgram: SerenaChukEmail: nanacuuk@gmail.com

果晚喺荃灣行完街，肚餓搵野食。見到呢間燈光同poster 幾吸引，入去試下。雖則鋪頭細細，但又好多野食喎！🍲龍蝦湯，清甜無苦澀味，無腥味，好飲！🍲意式海鮮濃湯，個底其實都係龍蝦湯，一隻蜆，一青口，材料豐富！🥖餐包，咪睇少佢。熱辣辣，香噴噴，有種烘芝麻香味。🍟黑松露芝士薯條，我一向都特別喜歡粗薯條。正！黑松露亦都好香。🦐海鮮拼盤；龍蝦鮮味，多膏多籽，帶子大大粒，煙三文魚配wasabi醬幾特別。🥗惠顧滿$180，仲可以 enjoy 埋個salad bar🐂主菜中的主菜，澳洲M5牛，侍應同我地講M5價錢M6質素，真係好正，想享用更好味既M7，就要預訂。🍶冰鎮朱古力，打開蓋聞到濃濃朱古力味，鍾意奶香既人會鍾意。總括黎講，食物新鮮，味道好。招呼又好，侍應有禮貌。下次會想試下 M7牛囉😼

今日去左荃灣行街，順便食晚飯，黎到在路德圍紅十字會捐血站附近的「名捌月」。餐廳座位唔多，牆身掛左幾幅圖，連天花板都有英文名 “Famous August”~食飯有時都好驚揀食咩，因為樣樣都想食D~ 所以方便D就揀左個$498的2人餐。餐湯其中一個加左$12升級左做龍蝦湯，嘩，D龍蝦肉勁多，個湯又鮮甜！凱撒沙律：新鮮沙律菜灑上麵包粒和少量芝士，配上味道很好既沙律汁，清新醒胃！黑松露芝士薯條 + 香煎牛舌配紅酒汁：豐富的黑松露配上超多芝士，所以令薯條更香口，真係好正。香煎牛舌比起出邊食的大塊好多，上枱果陣仲以為係主菜。牛舌好有口感，有D爽口，紅酒汁配上沙律菜，味道特別，好味。其實食到依度都已經飽~~~主菜厚煎美國「無骨」肉眼扒：超級大塊扒，又厚身，我們揀左五成熟，肉質鮮又嫩又紅又無血水，好淋好易切，仲有適量的油脂位，口感味道都非常豐富。肉眼扒下有D薯條，吸收左扒的鮮牛味，好特別。蒜泥白汁大蜆意粉：大蜆多到遮住哂D意粉，蜆肉大粒夠新鮮，微辣，蒜泥味濃，令整個意粉變得好惹味。餐飲係用自家制品牌玻璃樽盛住的奶茶同朱古力，好滑好甜。最後附上甜品-Cheesecake 結束圓滿既晚餐！很滿足呢！餐廳

重遊舊地，發覺路德圍囝頭好多店舖都變左。細細個源晶粉麵GE位置，都已經比被取代。兜個圈，行到累，就去試下呢間名捌月!成間餐廳個感覺都好CHILL，感覺上都係食d STANDARD GE 西餐，但食過，就發現根本一d都唔簡單，一d都唔STANDARD。加拿大黑毛豬斧頭豬扒一睇個賣相就已經流哂口水!舊扒好大舊好厚，完全足夠2個人食。本身一切開黎，發覺未熟透，好生下，咁就緊係即刻同侍應哥哥講啦。咁侍應哥哥都好悉心解釋返係專登GE，因為D肉係外國運返黎，處理好哂，消哂毒，7成熟係最好食GE!奈何小弟比較大鄉里，過唔到自己果關，唯有勞煩廚房整熟D。個人安心哂啦，就咁緊係開動啦!一切開，仲係好淋，食落口，真係第一次食咁靚GE豬，好香好淋，好有肉味!果刻先發覺，原來靚GE豬，可以好食過牛咁多!!超級極度推介!!!!!黑松露芝士炸薯條粗薯條配黑松露同芝士，同期待GE一模一樣，唔會有咩大驚喜，都幾好食!! 份量都唔小，夠2個人食，不過芝士再多D就好啦。價錢上睇落去偏貴，但食落你會發覺絕對物超所值!! 好高質GE餐廳，為左個斧頭扒，必定會再黎。

經朋友介紹，聽說路德圍有一間不錯的西餐廳，今日和朋友決定過去試一試！舖頭的燈牌很光猛，離遠在天橋已經看到。我們一行三人叫了兩個主菜兩個小食。泰式生蝦沒什麼特別，幾新鮮元貝 煙三文魚他他這是我覺得最驚喜的菜式，日本直送元貝十分新鮮，他他混合了元貝、三文魚、洋蔥、青瓜、飛魚籽等，配搭非常得宜，味道清新！烤波士頓龍蝦  佐  龍蝦汁燴飯龍蝦肉挺新鮮，燴飯非常有龍蝦味，以238的價位來說算相宜。黑松露野菌意式燴飯喜歡食黑松露的朋友不容錯過

今天經開荃灣這一區，大家都應該知道這一區好多野食，經開這間西餐小店，店鋪名很吸引。餐廳很有格調，如果喜歡Marvel的朋友，一定會很喜歡這間餐廳，因為牆上掛上很多Marvel系列的圖畫，超型此外，餐廳還有一小角落，有蛋糕及前菜可以食打開餐牌深被蟹肉款意粉及西冷吸引著，不可不吃。日本霜降西冷：五成熟的，入口鬆軟牛的脂肪分佈、肉質口感和味道都與別不同，肉汁帶著濃烈的甜味，肉質細嫩無渣。果然是有驚喜的西冷，牛的味道回味在口中，令人再三回味。松葉蟹肉蟹膏意粉：賣相已好吸引，一大個足料蟹蓋，啖啖蟹肉意粉食落有口感，而且蟹汁就好夠濃郁，每啖意粉都有蟹肉，滿口蟹肉，鐘意食蟹肉的朋友，不可不吃總結，我特別喜歡小店，而且還有驚喜的西餐，完美的一餐

約了閨蜜放工晚飯傾訴，在荃灣路德圍是最方便的地方，圓型天穚步下來就見到「名捌月」，由於才是6:00PM，時間尚早，不用訂位便可入坐👏👏餐廳正在做優惠，人均惠顧滿＄198可享自助沙律水果甜品吧。沙律吧也有4款選擇🥗，包括凱撒沙律，薯仔沙侓，雜菜沙律，還有我最愛的水牛芝士蕃茄沙律，仲有水果盤，不得不稱讚餐廳用心待客之道👍👍 是日西蘭花忌廉湯🥣配麵包🥖，麵包不是普通餐包，很酥脆，泡在湯裡一起吃，綿滑的忌廉湯，十分滋味😋😋主菜先來了海鮮拼盤🦞，以煎焗方式處理，分別有開邊龍蝦1整隻，帶子2隻，拌以煙三文魚沙律，分量之大，龍蝦已把殼扣碎，方便亨用，龍蝦鉗肥大肉厚，吃落啖啖肉，整盤海鮮完全滿足鮮味和口腹之欲😋😋再來主菜澳洲M5和牛肉眼🥩，切開牛扒，肉質鮮嫩粉紅亦沒有血水，吃進口中，很嫰滑！很甘香！建議不要點醬汁，更能帶出牛肉原鮮味😋😋今晚的食物質素始料不及，完全在期望之上上上😍😍 

荃灣一向多野食，今次帶父母高級下，食西餐鋸扒。係路德圍，多數人想起甜品，街邊小食，但呢間餐廳正開係路德過。小小餐廳，餐廳名都幾特別。名捌月。黑毛豬鞍扒。非常厚肉，外表豐潤透亮，格紋焦痕，口感香稔軟嫩，富有水份且幾廷身，啖啖肉。脂肪組織近乎沒有，全是肉厚豬肉。餐廳有三種冰震飲品。包括冰震 朱古力 咖啡 和 奶茶以玻璃樽裝型式，玻璃樽有 餐廳自製圖案標誌。幾靚。我飲了樽咖啡，咖啡香滑，有奶，所以不太苦澀。朱古力同樣香滑柔嫩，唔錯。再來一碟元貝大蝦卡邦尼意粉，普普通通，穩穩陣陣，沒有伏，包你飽肚。跟餐有餐湯，忌廉湯 同 龍蝦湯新穎的 龍蝦湯口味特別，香濃龍蝦味，鮮香撲鼻。有少少龍蝦肉碎。不腥反而鮮甜醒胃。整多碟龍蝦意份，龍蝦飽滿結實，餐廳廚師加工，不用鉗，一支叉就能食到。

今次吃貨們去到荃灣食西餐依間餐廳係外面睇覺得裝修都幾吸引入到去後覺得好warm~侍應好有禮貌好細心我地叫左個二人餐 $498+1有餐湯、沙律、小食、2個主菜、野飲、甜品仲有得任食出面沙律bar~個沙律bar一d都唔hea都算多選擇又新鮮, 連甜品都係任食架今日餐湯係西蘭花忌廉湯好creamy好有西蘭花既味道餐包係暖暖的有烘熱過👍🏻凱薩沙律既菜好新鮮 賣相靚味道都一樣好~之後有黑松露芝士醬薯條見到都流口水🤤好鍾意食粗薯條~只係有d唔夠脆紅酒汁牛舌有2大塊食到依度都飽飽地啦…之後上主菜既日本霜降牛扒要左五成熟佢都真係做到👍🏻肉質鮮嫩肥瘦適中 個牛扒醬又好味卡邦尼長通粉就比較普通調味不太夠 我覺得淡味不過以港式西餐黎講都幾滿意架啦二人餐真係非常抵食( ´▽` )😋 味道：★★★★☆💰 價錢：$$

8月出生既寶寶好想試下呢間以8月為名既餐廳，入到去裝修已好吸引，有好多marvel 既漫畫圖片，餐廳哥哥又好細心介紹，簡簡就揀左個2人餐，咪以為食set會好hea整，呢間完全不馬虎，沙律係自助既，有唔同款式醬汁可選擇，頭盤小食黑松露芝士薯條加香煎牛舌配紅酒汁，牛舌厚身大件，煎到香噴噴，好有口感，薯條新鮮熱辣咁炸出黎加上半溶芝士黑松露醬，香脆野味，再讚下就係龍蝦酥皮湯，啖啖龍蝦汁香，有龍蝦肉，非常爽口，飲到見底都仲想再飲主菜係安格斯厚身牛扒，食靚牛扒我鐘意要5成熟，牛扒超香軟嫩滑，好有質感，啖啖肉只有輕微脂肪，非常一流，最後要重點再推介下店長精心炮製既冰鎮咖啡，香滑得黎亦好有咖啡香味，真心真的好好飲呀，我一定會再黎幫襯

最近發現荃灣新開食店，主打西餐，餐廳裝修得滿有氣氛，牆上掛著不同 avengers 圖畫和相，可知餐廳主題是avengers 。雖然餐廳面積不大，但算令人感到足夠空間感，舒適也滿意。我和朋友先選了2款套餐，6M牛扒配薯菜，牛扒可選5成或7成熟。食過後，個人感覺肉質爽滑又多汁，牛扒別看雖然好厚，但非常易入口，肉質很新鮮，配合醬汁，令人感到開胃。下次再去必會再選的一餐。朋友選了烤波士頓龍蝦意大利飯，確是真材實料的一間餐廳，龍蝦很大隻，啖啖都係肉，蝦肉不會烹得很乾身，有咬口感，肉質多汁，令人開胃。最後，是冰震奶茶，冰震咖啡，個人感覺不太凍，外貌有點單調。但是，餐廳是日餐湯就值得一讚，真材實料，湯味不太油。

#荃灣友 #有口福 🌟位於荃灣路德圍，人來人往嘅地方就係喺地皇嘅樓下，有好光良閃耀嘅招牌非常容易搵到👀今日食咗松葉蟹肉蟹膏燴飯蟹肉平均分布喺飯粒入面啖啖蟹肉充滿在口腔香濃蟹膏同脆口飛魚子伴飯口感豐富味道，味道突出芝士黑松露炸薯條大量黑松露醬絕不吝嗇美式水城單骨雞翼調味濃郁惹味而且炸得外脆內嫩最後有小插曲，飲品方面我今日揀咗冰鎮奶茶同埋凍檸水少冰所有飲品都用玻璃杯或玻璃樽裝好當凍檸水篤完檸檬後玻璃杯突然間快速滲水滲到成張枱同埋成地都係水工作人員勁好，反應超快立即攞紙巾俾我哋抹身同埋即刻幫我地轉第二張枱仲好細心咁即刻比過另一杯我哋職員非常有禮貌而且迅速誠意推薦👍🏻👍🏻

之前叫夏捌月，去過元朗果間一食難忘，竟然新開左來荃灣梗係要一試😍❗️必食：松葉蟹肉蟹膏意粉超香蟹味，啖啖都係蟹肉，每次來都必食😆🧡美國特級牛肉眼扒塊扒好大，油脂分佈平均，叫了五成熟剛好～💛慢煮柳西蘭菲力牛柳一樣點了5成熟，唔會韌，仲鎖住到肉汁，值得一戰☺️🔸整體係好食又睇得☺️✔️套餐價$498起都好抵食，但略為覺得太多野食，要3人先食得晒😂 ✔️提示：下午5點幾去都幾full, 建議要先訂位，因為我訂左位就唔洗等，走時見好多人出面等緊🙈🔴夏捌月-地址：荃灣登發路10號地鋪 (旋轉天橋底就見到)/元朗教育路54-56號順發大樓地下/元朗媽橫路7號富萊花園A座地下15號舖

今日同朋友約食晚飯，朋友發板揀咗呢間餐廳send咗OpenRice過嚟，見到個名叫名捌月，以為約咗去食中菜或這是日本菜。點知去到餐廳門口，見到餐牌原來是食西餐，真是恍然大悟。因為之後要睇戲，所以五點半就食個early dinner。一入到餐廳，暗暗的不太光猛，枱很迫沒有走廊位。入座時鋪頭只是得另外兩台客一東一西，但我們被安排搭枱，我同朋友都覺得錯愕，真係唔明，明明仲有好多吉枱點解唔安排分開左先，之後滿客先開始搭枱。我哋覺得呢一個服務安排十分之差，減分。叫咗個加拿大黑毛豬安扒$188，朋友就叫咗松葉蟹肉蟹膏燴飯$168。水繼續吹不知不覺上菜了，咦，冇餐具嘅！心諗可能是已經冇手拎餐具轉頭會拎黎，但原來佢哋唔記得咗要比。服務真是一般般。講返食物，豬安扒大大塊好抵食，起初都擔心噤厚嘅豬安扒裏面熟唔熟，又或者會唔會overcook，切開是煮得啱啱好加分，唔會太乾，點上旁邊酸酸的汁很醒胃。伴碟嘅薯條放咗喺豬扒下面吸晒啲豬扒嘅油搞到油淋淋唔好食。松葉蟹肉蟹膏讓滿左喺蟹蓋裏面，非常之多冇偷工減料，只係擔心個蟹蓋會重複使用，哈哈。燴飯好食，將蟹膏蟹肉同飯混合之後更加好食。整體而言食物質素唔錯，細緻位要改