名苑酒家 (已結業)

假期四人出外飲茶，點知一肚氣。佢8點半開門，9點左右三人去到(一人去泊車)話剛好入曬座冇位，又話我地未齊人(帶位態度同語氣本身都唔好)唔緊要，等囉！後尾發現近門口位置有一張冇人坐嘅枱，企係門口等左半個鐘，有一個人嚟攞枱，話5位，即時比左果張枱佢，再問幾時有枱，都係話冇，房都冇，行入去睇，房入面有三張冇放杯碟嘅空枱，揾經理投訴，話未返，問佢經理幾時返？答我話唔知，叫我等⋯痴線！呢d咩服務態度！以後都唔再去！

喜歡飲茶，但對於飲茶，我和家人都有個要求: 好食得黎，點心要有新鮮感。不怕試伏只怕悶。做到這要求的傳統酒樓不多(新式點心店不算)，名苑是合我要求的酒樓之一。同彩晶軒一樣，不同分店的做法不同，印象中並不是每間分店都是有新款點心的，都是來來去去 蝦餃燒賣牛肉等等。這一間酒樓會定期推出一些新款點心重要的是，是好味的。每一籠點心都新鮮蒸好，沒有粗製濫做之感。芝麻芋絲脆軟夾石岐小欖粉果流汁叉燒包不過，如果著重服務，這間就不適合了。侍應態度絕對沒問題，他們在能力範圍內都會幫助你。問題是，實在太少侍應了!!一人擔當幾個角色，侍應做知客，廚師做傳菜! 老闆請體諒員工，多請一兩個伙記吧！

食物尚可但服務非常差，特別是嗰位女部長，漏單又唔出聲，問左3次，一味話追左，話再同你追，原來根本無落單同埋原來已經賣晒，要人白白等左半個鐘以上。埋單又另一次漫長的等待過程，叫左2次埋單，不停講話追左，最後自己走去問cashier先知根本無幫我地埋單。最後發現張單又計錯數，出現返無來到果碟野，好彩有check單。去呢間嘢簡直浪費精神時間，食左2個鐘有至少45分鐘係齋坐喺度等。性價比又低，相信如果佢唔係附近無酒樓已經一早結業。唔會再去。

相隔幾個月，全家齊人食飯，我地一家去了長沙灣名苑食晚飯。下次醒目，訂位要訂定菜，否則價錢差幾十至一百。舉例燉湯訂購價158，現場價要258。幸好我地選擇孖寶套餐，有蒸石斑，豉油王雞，變相平返少少，有好過無。我地仲選擇咕嚕肉，咕嚕肉啖啖肉，酸汁都幾好，如果我係新鮮嘅話會仲正呀。最後係炒雜菜，令到我哋唔會食得多肉少菜，飲食均衡，非常好。食完飯之後我哋呢就問有冇糖水送呢就有紅棗雪耳水，雪耳整好細細，令到我哋容易入口。食完甜品之後，我哋覺得非常之滿足。

叫個燒鴨叉燒飯同點心，等20分鐘都未到，追問先入單。其他檯d單又入錯，總之部長樓面都唔做野。服務一次比一次差，感覺唔執都唔正常。其實打工打到咁，唔比人炒，都好神奇。

公眾假期一家人約埋到名苑飲茶, 因為已經 Book 位, 所以等候時間不算大長.可能因為假期原因, 食物製作需時, 由下單至點心上檯都等左 20 分鐘左右.食物質素都保持名苑水準, 不過不失.不過最令人不忿係, 期間有位阿姐睇見檯面堆滿食物, 都強行將一籠點心放上檯.我地見到籠底掂到檯上腸粉就示意一下. 阿姐呢一刻仲要發脾氣話番我地.我見阿姐都無心道歉就不斷見佢走算數. 但阿姐仲一邊走一邊回頭罵我地.呢種服務水平應該比任何食市都要差.

10月7日團購6人餐$598，大小8位11道菜，好味之餘仲好夠分量，大人細路都食得好開心，食物質素及份量90分以上. 其實唔加餸都好夠食，只不過未知碟頭有幾多，所以加左半隻乳豬. 最後要夾硬食先食得曬D餸. 尤其個湯真係有8大碗仲好好味（忘記影相）而荷香肉蟹藜麥飯更加無得彈. 蟹就細隻左D但好多蟹膏，蟹肉鮮甜彈牙，喜歡濃味嘅朋友，唔理你有幾飽都一定食得落個飯，D蒜香真係仲回味緊，但欠缺人手，每次叫人都係等等...

今日探完朋友BB,一行七人到附近已訂位嘅酒樓食飯，原先訂位時通知有BB車，希望可以安排靠牆位置，方便放BB車，點知職員話要最低消費先可以安排，真係令人一頭霧水，但最終都冇講最低消費係幾多😂我地入到酒樓，幸好放到BB車，職員多次推介半席套餐，見佢咁落力價錢又合理，咪試吓啦，茶芥加一全包，連埋6罐指定飲品第一個上嘅菜係燉湯，哩個海星燉湯出面未見過，今次係第一次飲，好清但又幾好味喎，而且湯料好足，鷄腳鷄肉瘦肉，但記住海星係唔食得㗎😉龍蝦伊麵有一隻龍蝦，算係新鮮㗎乳豬半隻，味道啱啱好，唔會淡口，皮脆肉嫩😋百花球夠彈牙章魚仔有D係爽，有D唔爽，但係嗰味淡咗少少沙巴蒸海花斑蒸得啱啱好浸青蔬有齊菇，香芹，蟲草花同菜心，清清地好啱食其實我唔識分係咪走地雞㗎，不過隻鷄D胸肉都好食，唔覺有雪藏味，肉嫩，個皮都燒得唔錯本來話預訂先有，我地冇預訂哩半席，但都有得送，好開心呀…不過冇乜蛋黃蜂蜜小米糕👀落似芝士蛋糕，但完全係兩回事，唔係蛋糕嘅質感，而係有少少黏口，係中式甜點嘅感覺😆朋友覺得哩半席比想像好，本來諗住半席套餐通常會好求其，但哩半席都食得出酒樓嘅誠意㗎😄哩間酒樓好好，我地7個人食半席，當然係會收番多出一

有一類酒家主要做商場上蓋中產屋苑的生意，特別是平日晚飯。對我而言，這裏是昔日的飯堂。在7度的寒夜，我們選擇在此聚首一堂。最愛坐在竹林下，吃👅舔脷指數最高的「海鹽生焗脆秋葵」。像是吃薯片，少少咸，多多脆，外形，顏色與竹樹相襯。套餐是龍鵝配 - 龍躉與燒鵝，海鮮與燒味是粵菜雙絕。龍躉片不算嫩滑，鑊氣也不勁爆，龍躉腩煲則能發揮煲仔菜的火功，每塊頭腩都爆炒香透，焦香惹味。燒鵝保持此店水平。湯水是家庭飯堂的重點，今夜是燉山瑞，十分滋補。最有新意是「金獎蝦醬海山骨」，不是合大衆的口道。炸得較濕潤會較討好。黑木耳炒勝瓜水準一般。200元一位，中價定位。

名苑酒家是香港椰林閣連鎖餐廳集團旗下的一個品牌，集團成立於1988年，從一間位於屯門的小餐廳發展至今日擁有多個經營西餐、粵菜、素菜及廣東燒味等餐廳品牌。而名苑酒家走的是平價路線，現有10分店分佈於港九新界。 我今天光顧茶市這家名苑位於九龍荔枝角碧海藍天商場的AEON永旺百貨公司內，這裡除了包含百貨公司、超級市場及其他零售店舖外，更開設了12間大小餐廳食肆，由中菜、日本菜、西餐以至越南菜通通都有，真令人有點眼花撩亂，無所適從。其中名苑算是人流較多和生意最好的一家，特別是茶市時段更是一位難求，所以我建議大家提早預約留座，一到埗就可以馬上入座，免得一家大小站在門外輪候。至於這裡的點心整體都是普通連鎖酒樓水準，沒有很出色，但也不差。 留意這裡的茶市點心及茶資會按不同時段不同收費。 店家使用大型茶包沖茶，既可免却吐茶葉的麻煩，茶味亦加倍濃郁好喝，值得讚賞！ 原隻蝦球燒賣 HK$35 ~ 顏色及賣相不佳，而且份量偏小 魚翅灌湯餃 HK$38 ~ 材料一般，餃皮過腍，全無驚喜 家鄉眉豆鹹茶果 HK$26 ~ 賣相特別，口感不錯

啱啱出完差去日本 ，返到香港就好想食中餐 ，今晚我們無飯夫婦又去咗屋企樓下名苑擦餐飽...而家晚餐好抵,有孖寶優惠,另外亦都有海鮮優惠!由於我哋兩公婆所以食唔到好多嘢, 今晚點左海中蝦同聖子皇， 加埋 xo醬碧綠花枝象拔蚌啱啱好!海中蝦好抵食,原價168蚊而家優惠價88蚊差不多半價， 但質素一啲都唔馬虎，好新鮮，不過份量唔算好多，所以兩三個人食就啱啱好！人多嘅話可能唔夠食。至於金蒜銀絲蒸蟶子皇 更加冇得頂， 聖子粉絲蒸得啱啱好又有咬口又夠彈牙,都係25蚊隻性價比高!!!最後xo醬碧綠花切象拔蚌水準中上， 配埋蝦膏醬送飯一流。醒目呀姐食到咁上下，自動送上糖水紫米露， 今晚晚飯完美結束。

媽媽過生日，預訂一間包房全家慶祝。朋友介紹去了荔枝角站吉之島入面果間名苑酒家。媽媽仲意食廣東菜，所以都希望撿到一間有質素保證的。這間的菜式味道很好，特別隻乳豬卜卜脆，色味一流。得到大家一致好評，感覺勝過特登去順德搵地道野。條龍躉魚蒸的火候到位，哋肉好滑。大家都覺得好好味，同埋哋服務幾好，好開心。

一年一度父親節除咗與家中父母慶祝之外重有長輩同親戚一齊食飯所以應家人要求 都係揀返傳統中菜最後我哋一行7人決定嚟碧海藍天商場入面嘅名苑一試由於早一日已經預約好所以一到埗就馬上可以入座預約時候睇過套餐菜單發覺散叫反而可以食到多d野 自由度大d價錢差唔多的話 當然散叫更好首先上菜嘅係預先留咗嘅半隻燒鵝調味唔會過鹹 鵝肉唔韌 算係中規中距 之後再上係蒜蓉粉絲蒸蟶子蟶子非常新鮮 已經蒸煮時間掌握得好好家人一致認同係當晚最好食餸菜之一點解會話係"之一"呢因為主角而家先出場雞煲翅 足八兩 放落湯之前 待應會先拎來比客人確認我哋有7人咁多 所以每人都係分到一碗但見到奶白色嘅雞湯入面滿滿都係翅就知道價錢大約五百幾蚊係物超所值鮑汁遼參 ＄138一條7個人叫咗兩條上台時會見到完整兩條遼參 之後待應再即場幫你剪碎但可能當晚太忙待應剪咗一條就行開咗遼參本身無咩味 但鮑汁一流另外叫嘅 鮑汁柚皮鵝掌煲都一樣因為鮑汁味道令到成個菜提升柚皮本身係一樣好難處理嘅食材雖然母親大人間中會煮 但都煮唔到呢間嘅口感粉粉地 吸收哂鮑汁味道再融化 完全無苦味唔記得名 但記憶中都唔錯敗筆 － 芝士龍蝦伊麵家人一致劣評我反而覺得可以接

每年不同的喜慶節日，我和家人總會有一、兩次在尖沙咀的名苑渡過。說到名苑，大家會不約而同地聯想起她們的招牌古法扣鮑魚、雞煲翅、紐西蘭烤羊鞍和養顏蛋白杏仁茶，食指也必然大動。今次大家刻意改了場地，移師到名苑位於荔枝角的分店嚐新。新店的裝潢同樣簡單，但面積比老店寬敞，而且食物的選擇較為多元化。餐牌當中除了著名的鮑參翅肚，還有不少滿足街坊胃口的家常小菜。近期各大食肆為了爭取新客源，個個都爭相各出奇招。名苑也不例外，特別安排了幾款抵食的孖寶組合和套餐來吸引顧客。套餐之中，個人感覺最為吸引的是這款包括有花雕蛋白蒸珊瑚蟹、脆皮燒鵝皇和高湯泡菜苗三道菜的晚餐組合 ($388)。  花雕蛋白蒸珊瑚蟹, 3/5經理解釋珊瑚蟹其實是亞拉斯加蟹，每份大約有一斤左右，煮法是在面頭加入花雕蛋白來清蒸。可惜傳說中的亞拉斯加蟹賣相並沒有想像中的亮麗，肉質也沒有一般亞拉斯加蟹的厚肉，但可取的是花雕蛋白做得香滑，跟蒸蟹的味道頗為一致。  脆皮燒鵝皇, 4/5燒鵝皇一樣沒有欺場，除了皮脆肉嫩之外，肉汁也非常豐厚，口感尤其豐富。  高湯泡菜苗, 3.5/5吃完燒鵝，馬上吃點纖維菜來清清腸胃，這款泡菜苗絕對是個不錯的選擇

事前訂了位，不用等。一行十二個親戚去吃飯，有老有中有壯無孩。三部車，有停車場及泊車優惠，選址主要原因之一。第一印象：好噪，好迫。食物：叉燒（x2*）：味道好難把握，有幾舊幾好，有D瘦過新馬仔。（鹽焗？）雞：偏咸，但可接受。雜菜煲：可以。啖湯不太味精。 上湯浸白菜仔：請參考「雜菜煲」。生炒骨：顏色假得嚟都似。不過全無鑊氣。全碟最好味D菠蘿，當水果食唔錯。紅燒豆腐：呢個幾好，豆腐滑，調味都適中。蒸（乜？）魚：因為唔係我點菜，所以唔知係咩魚。成餐最差佢，啲肉好霉，無乜魚味，從外表勉強認到係條魚。豉油太甜，蒸魚豉油唔撈得飯真係好心贔屭（閉翳），D蔥叫做好食D，不過D豉油唔得，D蔥都唔會好得去邊。京蔥爆海參絲：隻鑊唔得，爆炒嘅菜式就唔會好。柚皮鴨掌：鴨掌炆得夠身，阿婆阿公都食到。不過柚皮就無乜味，汁還汁，食咗唔記得。合桃炒牛柳粒：請參考「京蔥爆海參絲」。白飯：無乜米香，不過尚算夠白淨同夠熱。紅棗木瓜雪耳糖水：勿發夢，梗係唔係燉。不過唔難食。*叫兩碟叉燒唔係因為好食，係因為碟頭細。總結：食後感：「乜食完嗱！？唔記得嘅！？」