名門私房菜 (已搬遷) 新店位置

水準算可以，但收得呢個價，我地成圍人都覺得食唔到呢個價應有o既質素！席間個侍應仲話俾我地聽，呢個鋪係佢地老細晌沙士後，用兩萬伍一個月租番黎o既，咁平租都要食水咁深真係有點兒那個。個侍應又話有好多名人黎幫襯！連煲?曾都黎潻。原來呢度係富貴飯堂，我地今次真係黎錯地方啦。況且我不嬲都唔打?，咁大個仔都未打過煲?潻。;P

Office又有同事的歡送會，今次揀左呢個大家都未食過的地點。雖然名為私房菜，但其實係一間裝修四正的會所型中菜館，位於灣仔區的舊樓，地方幾闊落，樓底夠高，不過要行樓梯上的。午市有自選餐，兩位起，每位80元包一人一菜配老火湯、白飯同清菜，以質素計都算合理。睇餐牌，佢似乎係做鮑魚、魚翅等「富貴」餐為主的，晚餐價錢由298至1180元不等。個人認為午餐係唔錯的選擇，幾適合同人傾野。當日我地有兩圍人，將十二人套餐略作修改，叫左：是日老火湯﹝西洋菜鯪魚湯﹞、翡翠桂花蚌、名門秘製骨、蝦子柚皮、梅菜扣肉煲、羅漢齋扒豆腐、順德煎焗雞及蝦干浸白菜仔。由於呢幾日病左要戒口，所以冇飲湯，湯渣的煎鯪魚係原條上檯的，下面墊左其餘的菜同肉，賣相都幾好，同事們話冇味精的。翡翠桂花蚌即係菜心炒桂花蚌，菜心因為當造，好爽甜，桂花蚌炒得好爽脆，不過略欠鮮甜。秘製骨應該係一口咬的椒鹽骨，病人唔食得，同事們話味道幾特別，好似有D梅子味。蝦子柚皮真係好多蝦子，浸滿個大瓦砵，湯汁唔算太「杰」，味道可以，不過柚皮有少少渣，都係桃花源勝一籌。梅菜扣肉幾好味，係D扣肉皮冇「巢皮」，略欠火侯，但都算有水準。羅漢齋扒豆腐清清，唔厚獻，都O