名門私房菜 (已搬遷) 新店位置

午市時間, 訂了一圍枱, 每人叫一個餸.秘製骨粟米班腩涼瓜牛肉咕嚕肉煲粉絲煲肉鬆蒸水蛋時菜... 等等每位包木瓜雪耳湯和糖水樣樣菜都真材實料, 油唔多, 無味精, 夠健康, 份量又適中, 好好味! 食得開心又夠飽!

第一次食私房菜, 經過灣仔, 便到名門一試8時walk in, 很幸運剛剛有位, 不用等兩個人叫了名門秘製骨同蝦子柚皮前菜先上一碟皮蛋, 幾香, 我平時不多吃皮蛋都覺得不錯香片茶茶味ok再來秘製骨, 有8大舊, 有幾多肉食, 炸得黎唔會好油或好乾, 味道幾正然後是蝦子柚皮... 我以前從未食過, 無得比較, 食完覺得幾好味呀, 蝦子味鮮, 柚皮很林很滑佢地老細忽然上碟生菜比我地, 送既喎, 真係多謝, 菜幾新鮮, 獻汁調味唔錯最後上的糖水是雪梨雪耳, ok啦, 當然比不上住家糖水咁足料味美總括黎講, 食物質素算不錯呀, 服務同環境也ok, 值得一試

Visited with 3 colleagues today... The food taste good... but all the waiters and waitresses were in hurry... We had pre-ordered everything at 11am but still had to wait after we arrived at 12:45...

我倆一直都認為加記的焗魚腸做得最好，原來名門的亦有過之而無不及，焗得非常香口乾身，魚腸夠多，異味全無，陳皮香而不澀，非常有水準。當晚的梅子炆軟鴨亦十分出色，酸酸的，很醒胃。煎焗雞由大廚在大堂即場處理，煎得不油不膩，皮爽肉嫩，必食！蝦子柚皮就稍遜，獻汁太多，同場的長輩們都說不及樂意居好吃。這裡的炸秘制骨亦是不可不試，沒肥膏但肉質仍鬆軟可口。是吃家常菜的好地方。

farewell lunch去了名門私房菜食了鮑汁鵝掌煲上素煲名門秘製骨煎釀鯪魚赤小豆湯上湯生菜(免費的) 糖水(杏汁蛋白)苦瓜煎蛋莧菜由於其中位同事是常客所以送了我們一個上湯生菜最好食是秘製骨:外層香脆,內裡的肉很滑,D肉汁有很香的果皮味!上素煲:好普通赤小豆湯:飲得出是真材實料的煎釀鯪魚:普普通通苦瓜煎蛋:唔好提鮑汁鵝掌煲鵝掌很滑,不過不失糖水(杏汁蛋白):我想算OK!!!因為我從來不吃杏汁什麼的因次次見到都想吐!今次食了一碗。

Have been to this restaurant a few times in 2 years time. Average quality at reasonable price. No special decoration, no nice service, but most importantly no improvement in all sorts. Especially the menu, haven't been changed for the past 2 years. Lack of creativity will kill it.

惠顧了晚餐, 散叫的, 有:煎焗雞芥末牛柳粒煎釀鯪魚上湯莧菜蝦膠釀遼參陳皮骨 先說味精, 我對味精特別敏感, 一食便知是否真材實料. 說無味精是騙人的, 落的份量與一般高檔食府無異. 煎焗雞只是薑蔥爆雞塊而已, 雖有濃香的薑蔥味, 但雞本身沒有鮮味(可能是冰鮮雞而已),其實可加多一點酒和少量豉油吊味. 煎釀鯪魚好考大廚功夫, 釀鯪魚好明顯是街市現成貨色, 冇料之餘又香蔥,香菇,蠟腸等欠奉, 煎亦不夠香口, 失了煎釀鯪魚這種民間撚手小菜的功架. 陳皮骨甜而不夠陳皮本身的橙皮香味. 再說裝潢和餐具. 鏞記價錢, 小炒飯館的裝修, 格局亂七八糟, 餐具只是一些白色的厚身餐具, 不能說是一般私房菜的格調. 盛酒器只能提供一個啤酒jar, 其實大可講究一點, 就算要收開瓶費也心甘情願. 食晚飯一兩百塊落樓還可以, 近鏞記價錢則需在裝潢和招待下點功夫, 難以想像近千叫鮑魚套餐的樣子. 總結: 有多餘錢的話, 可以一試. 想有體面吃一餐(壽宴, 慶功宴之類) 去一些名店吧.

公司同事請farewell lunch. 真豪, 去名門.點了以下八味菜:豆鼓雞煲: 雞十分入味, 連皮和做配菜的洋蔥也吃下去.沙爹粉絲海蝦煲: 八味菜中最好是這個. 沙爹粉絲入味可口, 反而海蝦差了點.秘製骨: 做得好, 可惜骨太大塊, 肉太少.燒汁桂花魚: 以這個制法做桂花魚, 不錯是特別. 只是桂花魚少肉, 弄一大片心機, 吃下口的肉太少. 弄桂花魚倒是清蒸和炒球合適點.瑤柱肉鬆蒸水旦: 同事讚它滑, 我卻認為它比不上九龍城路邊雞的蒸水旦.上素煲: 吃不到味精, 貫徹上素煲精神, 只是材料太普通.鮑汁鵝掌煲: 沒吃鵝掌, 只嚐一口鮑汁.... 麻麻.欖菜肉鬆四季豆: 三種材料的份量配答相當好, 可惜, 太油.湯, 糖水和菜也很清. 座位寬敞, 環境尚佳. 跟標榜無(少?)味精的同行比較, 我認為名門反及不上住家菜和醫學會. 到這裡, 吃的是總廚的名氣.

an OK place to have dinner, not too nosy and tables are spaced with a decent distance, while shouldn't be looking for exceptional super-value food.I had their $438 dinner set, food is not bad but not surprisngly good. While you might need to pay some $100-150 for the same dinner set elsewhere.not too much interest in visiting this place again.

鮑汁尚可，炒龍躉球ok。斑尾翅一般，比不上上環「陶源」。

今晚女兒話做冬兼同媽媽慶祝生日，於是book了這裏晚膳。主持人話今晚無得點菜，只可以食套餐，無問題，既來之，則安之，照吃可也。先上大蝦沙律，大蝦爽口香甜，不錯，但不是戲肉。花膠燉翅，湯清甜，翅軟滑。鮑魚扣鵝掌，鵝掌淋滑，豐富的膠質，佐以鮮美的鮑魚和美味的汁液，使人回味。我覺得這味菜，鵝掌才是主角。瑤柱西蘭花和碧綠龍躉炒球都有水準，但都比不上那鮑汁荷葉飯好。荷葉飯一打開，便清香撲鼻，飯是顆粒分明，但又不乾不削，而且索滿了香濃的鮑汁，令人齒頰留香。但整餐最使人難忘的，反而是最後的一道糖水：杏汁蛋白。杏汁香甜美味，蛋白不多不少，稀稠適中，有熱度而不燙口，真想來它一大窩。這裏環境不錯，座位也舒適，招呼幾周到，雖然貴少少，算食得過。

姨姨和舅母生日，媽媽在名門設宴替她們賀壽。平日多數在名門吃小菜，食擺酒菜還是頭一次，當晚菜式如下：花膠雞炖翅，超級失望，啲翅淋到無哂質感，感覺很cheap，張單$6,500蚊，比啲咁嘅翅我，掠水事小，媽媽失禮事大。焗釀響螺，很懷舊的功夫菜，我和妹妹很久沒吃，所以十分期待。很可惜，名門的並不對板，賣相尚可，響螺餡是炒過的豬肉粒、響螺粒、馬蹄粒、紅蘿白粒和大量洋葱粒，口感鬆散，一啲「焗釀」feel都無，失敗！鮑汁花膠筒扣鵝掌，花膠筒重膠質，鵝掌炆到好淋好入味，此菜式水準一向隱定，推介。生浸豉油雞頗為出色，雞肉超滑，雞皮下帶有薄薄的脂肪。粉絲蝦煲非常惹味，粉絲夠乾，啲蝦就麻麻，食淨哂。另一招牌菜，咕嚕肉男友食咗好多，食其啖啖肉，不過咕嚕外皮做得唔脆。龍躉(兩食)算最見得人，炒球肉質彈口，連皮食一流。龍躉翅炆涼瓜啲魚肉仲滑，骨多肉少，哈哂lun骨人士，配菜涼瓜仍被埽清光。最後的瑤柱冬瓜圃賣相精緻，每人一份，略嚴瑤柱太少。雲吞麵中等水準，生炒糯米飯反而出色，糯米飯炒得夠乾身，有油水得嚟又不會肥膩。壽包超巨型，蛋白杏仁茶都唔錯，不會太甜。Service方面，我哋係熟客，態度一定唔差，不過上菜流程混

不經不覺搬入荃灣己四個月，也足足四個月沒幫襯在灣仔的名門，於是決定今晚和爸媽，仲有遠道由美國回港的姨姨在比吃晚飯。我們點了清潤的爵士湯、煎焗雞(半隻)、炖龍躉斑翅、蒜子牛柳、南瓜芋頭煲。爵士湯非常清甜，湯渣裡的蜜瓜和螺頭被我吃清光。煎焗雞由總廚胡生親自處理，雞肉香口嫰滑，爸爸就最欣賞啲葱。今晚的炖龍躉斑翅特別美味，魚肉非常滑，涼瓜和腐竹炆到入哂味。蒜子牛柳(如圖)略嚴煎得過熟，不過肉質都keep到好淋，蒜子獻汁十分重味，個人認為靚牛柳無須整色整水，加啲咁濃味嘅獻。南瓜芋頭煲認真麻麻，個汁好杰好漿，製作求奇。甜品要了蛋白杏仁茶、南瓜西米露和煎馬蹄糕。蛋白杏仁茶比以前進步了，不過仍不及富臨，南瓜西米露超掂，南瓜味濃，不會過甜，食時有一絲絲南瓜肉。煎馬蹄糕亦有水準，馬蹄味清香，軟硬適中，新年一定會幫襯。整體上仍然唔錯，值得一試

收到同事仔提供的可靠情報其實未有太大既驚喜畢竟風雲變色亦需要時間不過既然有轉機亦不妨獎勵一下自己Lunch就食得多但上黎食晚飯其實真係諗都未諗過叫左最正路既二人套餐先上前菜皮蛋子薑好食不過無鏞記果種由心而發食後仍然韻味深長的皮蛋香合理既食翅其實芡汁最緊要呢度既紅燒翅唔夠濃但係真係好大排翅唔粗反而幾有質感鮑汁卅幾頭鮑魚+鵝掌+生菜又係食汁之作平日lunch齋食鵝掌都覺得唔錯加埋隻小鮑魚當然更好啦鮑魚算係糖心亦煮得岩岩好豪野過後回歸平凡不過不平淡脆肉瓜炒牛柳粒枝竹皇帝菜豆豉雞煲由於人客不多加上逐個菜上碟碟都勁熱亦勁惹味豆豉雞乃點題之作雞滑汁香送飯一流皇帝菜都幾好食加上有蝦仁燒鵝粒既荷葉飯足料夠晒飽最後黎一個杏仁茶/馬蹄露作結自細都唔食杏仁茶不過名門既杏仁茶大部分時間都可以完全辟晒杏仁既苦澀味只係留返香味同甜味亦都算係另一個重點果盤上檯之時被我地發現有頭髮一條本來小事一樁唔換都ok不過講左出口之後本來笑笑口有傾有講既經理轉晒口面最尾仲換左一碟得返三件既果盤返黎可惜可惜世事便是如此臨門一腳總有機會撻Q況且守得便會雲開麼?隧道盡頭的光明又會是甚麼?現在的我學懂了可不要這麼樂觀還是低頭努力工作罷

媽媽生日，她說想吃中菜，我又不想去了無新意的利苑，突然想起很久沒去名門，於是便立即訂位，順便預訂一客斑翅、響螺湯和壽包。名門主廚是「一哥」的首徒，為人友善，沒架子，時常幫我們寫菜，胡生絕不hardsell貴價食物，反而常常推介一些功夫菜，十分難得。一家四口加男友P對名門的食評如下:- 響螺湯非常清甜，個人認為比利苑還要好，啲湯料多到你唔信，響螺片切得非常薄，一啲都唔"un" ，終極推介！- 豉汁炒蟶子是一度十分考廚師功力的菜色，名門卻處理得異常出色。蟶子薄片保持爽脆口感，豉汁亦不過咸，絕對比鯉魚門出色。- 炖龍躉斑翅是爸爸和男友的致愛，斑翅肉質嫩滑，連甚少食魚的媽媽和我都食咗唔少魚肉，爸爸和男友就包辦哂啲好厚嘅魚皮。- 煎焗雞係我哋嘅例牌菜，每時由都胡生親自處理。雞肉非常嫩滑，雞皮煎得非常香脆，推介！甜品絕對是最弱的一環，糖水只有蛋白杏仁茶，甜點心欠奉。我們預訂的壽包也不太好吃，壽包皮不夠鬆軟，美中不足。