名點屋 (已結業)

平時都黎食開嘅，今日就係呢個換位問題搞左一輪，諗住坐返原本嗰位，個侍應叫我地可以唔黎食，之後仲登一句、唔緊要以後可以唔黎食。服務態度十分差，以後都唔會再考慮黎。

迷你青瓜，味道唔錯，小酸小辣，幾惹味燉湯，熱辣辣，飲落味濃，不過好似有啲啲味精味，但係我覺得唔錯小炒牛肉，好大碟，好多牛肉，味道小小辣，幾濃味👍👍但係太多肉啦，食極都食唔哂咁，最後剩返3份1碟，我覺得好浪費😅😅😅四川扣肉，超多梅菜，多到驚😱😱，扣肉好淋，入口即碎（未到溶，咁耐以黎，剩係食過一次入口即溶既肉，就係我媽子煮左好耐既腩肉，真真正正入口即溶，超好食。但係，媽子之後煮左好多次，都煮唔返咁好食既腩肉😵😵😵）味道略咸，下面墊左啲生菜，唔黃，浸落啲汁度，唔錯，呢碟用黎配飯絕佳👍👍臘味煲仔飯，臘腸同臘肉都好多，淋豉油焗一陣再開蓋，香嚇嚇😋😋😋😋不過冇飯焦，可惜成餐真係一流👍👍👍可惜，太早收，（21：30就關門）冇得坐耐啲啲😔😔😔

🐠每次去黃大仙⛩，都見到呢間，座無虛席嘅點心店🥟，今日去完黃大仙廟就決定試下佢係唔係真係咁好食啦😻😍名點燒賣王$32燒賣Size都算大粒，上面仲放左片鮑片🐚，但唔突出，整體味道唔錯，不過個燒賣皮就濕左少少，一夾就散開。🤭🐂陳皮牛肉球$27呢個好好食，佢既調味係岩岩好，同真係食到有陳皮🍊味，每粒仲大大粒。鐘意牛肉球既朋友，記得試下佢👍👍👍🍞流沙奶皇包$25都做到流沙餡，少少不足係蛋黃香味較少，未做到鹹甜鹹🥚效果。不過好抵食，原諒佢啦。🎍蠔皇蒸鮮竹卷$25呢個鮮竹卷都好足料，大大卷，不過個餡就味道普普通通。🙃🐔名醬蒸鳳爪$25鳳爪都入味，皮唔會淋到冇口感，仲有少少彈性。正常水準。🤔總結：味道各方面都還好，亦算幾抵食。名點屋 (黃大仙)📍黃大仙正德街103號黃大仙中心南館1樓122A號舖評分：5條 🐠為滿分美味度：🐠🐠🐠性價比：🐠🐠🐠🐠回頭率：🐠🐠❤️💛❤️💛❤️💛❤️💛❤️💛❤️

下午茶和晚市已經試過，不過都係麻麻地，勝在下午茶點心有特價，所以幫襯，但係員工服務態度麻麻，男經理黑口黑面，下午茶叫咗佢個銀芽肉絲炒米🥲沒有銀芽🥲沒有肉絲，仲有頭髮一條，真係有啲反胃🥲根本是淨炒米一碟，向員工投訴，員工很敷衍～佢話就是這樣的～佢個燒賣有豬肉蘇味麻麻哋～蝦餃皮好厚～晚市餸菜都好差，唯獨是佢有一個煲仔飯幾好食（鱔糊煲仔飯）值得一叫，酸菜魚大辣都唔辣，魚肉好多骨，個碗就好大，魚不多～

試過佢地晚市，難食到一個點。但朋友極力推介，就去左食一次。首先放抬上餐具勁污糟又多油，我地洗左4，5次再用紙巾抹乾淨。到叫野食，發現都幾平9款食物4人食，平均每人70蚊。仲有碗粥同叉燒腸粉無影到， 魚肚粥，係真有一條條魚肚。而且佢地辣椒醬係自家製造。個紅色粉幾特別，入面有油乾辣條既野。我地10點飲茶已經多人，可能多人掛，d員工忙啦，要叫好多次先理你😢我希望可以改善下啲用具，乾淨d就最好🙏🙏🙏🙏

8月8日是台灣本土人仕的父親節日子，揾食肥華視台灣為第三故鄉，當然要慶祝這個本土節日，飲茶就是最平常不過的節目，所以當日早上肥華和靚媽就到比間在，開飯，食評篇上，負評多過好評但又人氣爆棚嘅奇怪食店，一窺究竟實情如何，早上大約10點前便到達此店，果然其門如市已有多人取筹等位，結果肥華和靚媽在這環節上，便花了廿多分鍾時間，才獲安排入座，而今日肥華所點食品因鎮店名物羗䓤柏葉沽清，未能品評此物外，其餘上枱嘅鮮竹卷及鮮菇魚肚質素甚好有A級評分因肥華鍾意食厚身腸粉故碟牛肉腸粉亦有B級評語至於個燒賣及牛肉球就，好食唔到佢難食又冇佢份，肥華俾個C呢兩款食物啦，最尾講個鳳爪排骨飯若用蒸飯水準唻評，呢盅飯可說係零分，飯粒爛夾淋入口䊢牙真係拙劣之作，還幸排骨鳳爪尚算OK，俾番個D分呢盅鳳爪排骨飯啦，總結不值為此店出品浪費時間等位，但此店侍應姐姐待客表現甚佳，若行過路過可以即時入座此店都可以一試無妨

今日到這間名點屋飲下午茶叫了牛肉、鮮竹卷，火腿炒米粉、煎茄仔,一碗粥。五個之中,四個還尚算好吃，如牛肉球和鮮竹卷多汁，唯獨是那個火腿炒米粉實在受不了。溫度實屬微溫不在講，成個火腿已經乾透，米粉也是乾到極點，米粉一乾便變硬，勉強放入粥裏吃都衹能完成四分一，本來想，誠意的向服務員反映一下，不過，看他們的態度，由進入店鋪直到坐低食嘢，他們的服務，實在不敢恭維，沒有一個服務員會對你有客氣的態度，而且，當服務員遞上點心到枱面時，我都主動同他們講唔該，但她居然沒有一句客氣的回應。不知是否因為三點半才入座?所以令他們不高興?去到尾後四點20分多一點，洗碗姐不時走過嚟收碟，同我講話四點半要完，沒有一點笑容。我估計是呢間經理對他們不好，所以刻意地趕客。畢竟，在黃大仙南館就祇有這一間可以食點心，他們實在有點優勢,我從前幫襯過幾次服務，也不算很好，但這次實在太差。唔知係咪老細得罪咗佢哋要趕客。總結，食品就麻麻地嘞，如果大家唔介意服務太差的話，都可以幫襯嘅。我就冇下次囉。已放入不幫襯名單。 

中午約左上朋友屋企，大家都想食點心當午餐，於是外賣自取買返去食。叫左一份燒賣（$30），一份蝦餃（$33），一份馬拉糕（$19），同埋一碗皮蛋魚片粥（$36）。味道就唔評論，就係想講下個間舖嘅衛生情況。當時打開碗粥，真係嚇一嚇，竟然可以有咁大隻烏蠅係度，見到嗰下完全冇晒胃口，成碗粥一啖都冇食過就倒左。其實時不時都會係出邊d餐廳嘅食物撞見有小昆蟲嘅情況，但真係冇見過咁大隻烏蠅係粥入面游水。由於朋友屋企距離地鐵站較遠，所以冇特登行返去同佢換。呢次體驗極差，絕對唔會再幫襯佢！

週末嘅下午，周圍嘅 #食市 都排長龍，屬於 #老餅 一族嘅 #小秘書，突然好想去飲杯 #茶、食吓 #點心，又或者只係想搵個藉口比自己 #慢活 一吓、#唞一唞😙 醒起商場3樓有間專食點心嘅「名點屋」，我諗應該冇咁多人卦🤪 好彩等咗3分鐘左右就已經有位，我急不及待點咗 #鳳爪排骨蒸飯、#沙律炸雲吞、#咖喱蒸魷魚。最先上枱嘅係呢度嘅 #名物 沙律炸雲吞🤤 師傅將撈咗 #沙律醬 嘅 #罐頭水果 放喺 #炸雲吞 上，上層 #沙律 凍凍地，配上炸得鬆脆嘅 #雲吞皮 上，口感特別豐富🤤 下午茶時段嘅 #鳳爪排骨蒸飯 都係細細盅，本來冇乜唔妥，不過就連啲配料都咁慳皮，三扒兩撥就冇晒😉 咁呢刻就只能食個無餸飯👉🏻👈🏻 好彩我加咗個咖喱蒸魷魚，都算係可以過吓口癮🤤 #水魷魚 質感做得好爽脆，咖喱汁滲入魷魚裡面，惹味到呢🤗兩年冇嚟幫襯，名點屋嘅食物質素都仲唔錯，只係等待食物嘅時間太耐，而且蒸飯上嘅配料又少成咁，孤寒咗啲啲囉🤪

星期日朝早出完街，想買些點心給家人，特意到了名點屋看看有沒有早市優惠...要了四個點心，外賣盒每個$2。等了二十分鐘，問店員幾時有，被告知外賣最少要等二十分鐘，但還未有。😳其實落單時，如有告知需時二十分鐘以上，我不會選擇這間餐廳，最後在門外等了30分鐘....蠔皇蒸鮮竹卷 | $17.8鮮竹卷幾大條，都抵食喜歡它的腐皮夠厚夠大塊，內裡有些碎肉、菇菌，不過㳄汁太多。鮮蝦菲菜餃 | $21.8有三隻，蝦大隻爽口，但餃皮比較厚。菲菜香，有些菜汁。上素粉果 | $19.8有四隻，粉果皮好厚，饀料很少，味道好淡，好難食。陳皮牛肉球 | $19.8外賣配有喼汁，牛肉都大粒，不過比較多粉實少少。這個價錢跟附近的酒樓相約，食點心有更好的選擇。

自己一條友食lunch ，忽然間好想食點心，南北館都好少選擇，翠X就不了，所以就試吓呢一間。叫咗兩款點心，四喜拼盤$32，有蝦餃、叉燒包、粉果同埋鮮蝦韭菜餃各一舊，味道正正常常全部都OK，都係即刻蒸出來。仲叫咗一個瑤柱蔥花炸兩腸$27，瑤柱呢就影也沒有，不過就有蝦米嘅，個腸粉皮做得幾好食，夠薄夠滑，但係入邊嗰舊油炸鬼唔得呀，好似翻炸完又凍咗咁樣，又硬又唔熱，如果下次再食就會叫其他款式嘅蒸腸粉穩陣啲。

間餐廳應該係長期唔夠人手，喺舖面嘅5隻手指數得哂，收銀嘅有時做埋其他野。座位安排方面，就算叫到我，佢地都未搵到位比我地坐，企住喺到等。同埋我地洗完碗筷同留底嘅大盤、點心籠同埋碟都長期冇人清理，成張枱變得好逼。聽到附近食客想要碟辣椒醬，但係過咗好耐都冇人拎比佢......食物方面，我地叫咗個Lunch set($98)，佢可以揀兩個指定嘅飯/粥/腸粉+兩份點心+菜。今次叫咗鳳爪排骨飯+農家肉餅飯+京式小籠包+酥皮叉燒包+白灼時蔬，連埋茶錢，冇加一，就總共$112 。份量係夠嘅，但味道好普通，唯一叫做好食嘅可能係個酥皮叉燒包，不過略嫌佢太甜。雖然地理位置好方便，但係論服務態度同食物質素真係唔多ok，如無意外，下次唔會再嚟呢間餐廳。希望間餐廳可以改善吓。

#小秘書 今年嘅 #聖誕 過得好特別，下晝同 #屋企人 飲茶，中段時間同 #姪仔、#姨甥女 切咗個 Christmas Cake 🍰🍽 最估唔到嘅係我嘅 Christmas Dinner 會係 #煲仔飯。既然 爸爸媽媽 鍾意，就由佢哋話事啦🤪大家晏晝已經食咗好多嘢，我哋 #三個人 只係叫個 #二人餐，不過食物都唔少㗎，有兩個煲仔飯加兩個點心。爸爸話想食 #煲仔腊味飯，而媽媽就要個 #煲仔蒸雞飯。上枱嘅時候啲水蒸氣沿住 #煲仔 湧出，場面頓時變得好溫暖💙 不過師傅似乎喺飯入面加多咗水，#蒸雞飯 食到底都冇 #飯焦 嘅😉 不過不得不讚佢哋嘅 #沙律蝦雲吞，師傅炸得不油不膩，先將 #沙律醬 混合 #生果，再放喺 #蝦雲吞 上面，口感好夾，咬落雲吞仲會見到大大隻蝦，好驚喜。不過佢價錢亦都比預料中貴，本來$148嘅套餐，埋單嘅時候居然要$215（假日+$20、茶錢每位$9、無服務可言但又要收加一服務費），確實有啲失預算啦😉

聽屋企人講 #名點屋 啲 #煲仔飯 非常之就得，一心諗住游完水去試吓。點知原來下午時間係冇㗎，咁唯有食其他啦🥺 當時差唔多四點先嚟食 #午餐 嘅 #小秘書，餓到一個點👉🏻👈🏻 叫咗個 #蒸排骨飯 之餘，再加咗個 #炸鮮竹卷 頂肚... 哈哈 好豐富。食物味道係唔錯㗎，排骨蒸飯份量啱啱好，而且排骨腌得入味，肉汁浸入蒸飯入面，好香好味呀；令我驚喜嘅反而係個 #炸鮮竹卷，脆脆嘅外皮，食落去有蝦嘅鮮味。怪唔得價錢同大酒樓有得揮。食飽飽諗住嘆返杯茶先走，望上天花，原來燈飾設計以 #點心蒸籠 為主，好特別。樣樣都唔錯，本來應該好高分，可惜人手不足，我個蒸飯都嚟咗，#茶杯、#茶壺 先嚟到我面前😅仲要係反轉又反轉果隻... 不過我都唔怪個阿姐嘅，得一雙手又點做咁多嘢吖？

名點屋開左年幾左右啦，啱啱開張嗰陣都有去幫襯過幾次，但係嗰陣覺得味道不太理想，附近有更好嘅選擇。星期六屋企人放假，就想去飲茶，所以就諗住再試吓呢一間茶樓，食完之後覺得喺味道方面進步左！平時都係手機食先，今次同家母飲茶，唯有係佢食先，手機食後啦😂😂所以只係影咗少部份點心👅沙律炸鮮蝦雲吞超級推薦！酸甜開胃嘅沙律配上炸到好脆口嘅雲吞，兩種口感好衝擊，再加上鮮蝦做內餡，味道好足四件大大嚿，食到停唔到口！👅粟米肉碎粥配時菜個人鍾意食綿粥，所以好對我既口味，粟米同肉碎都好足料，清淡得來又配啲粟米同肉粒嘅甜時菜係生菜，屋企人就覺得佢有啲油，份量來講都算大碟。👅芋頭糕三件大大嚿，味道正常配上甜醬同辣醬啱啱好另外仲想推薦排骨蒸腸粉！（忘記咗影相）腸粉十分滑嫩，排骨都好夠味，我自己一個人都可以清一籠腸粉鋪左喺排骨下邊蒸熟，吸收晒啲肉汁，很美味！點心比起以前進步左，但係見到佢哋服務人手真係唔太足夠，叫落單同加水都要等。希望除咗食物方面，其他範疇都可以越嚟越進步啦