君頤上海小廚

營業中

休息中

作為太古友，對於這食店的態度實在不敢恭維。這些年幫襯多次，這幾天最經典：25/7 下午order外賣，聽電話的女士落單後匆匆掛線不在話下，到步後趨近收銀處，那位(相信是接電話的同一位)小姐無視我存在也罷，到我開聲說取外賣，態度一直敷衍，收錢後指一指隔邊的桌子，叫我自己取（我好像變成送餐員）。這做法我勉強接受，態度之差恕難認同。27/7晚上，因為朋友想吃（其實我萬般不願推介），我勉為其難去攞位，那位接待的四眼哥哥知我沒訂位，遞來一張手寫號碼，然後嗌「出去等！出去等！」(我好像變成僕人)，我問一句「大約等幾耐？」，他就粗聲回應：「呢層唔知！」大概就是這食店的待客之道。或者職員工作有怨氣，不代表真金白銀幫襯的食客需要消受。如此兩個員工、兩位人才，再調校，也是浪費人力物力；如此待客之道，或者今天你還有人輪候，唔志在，但總有一日會發現正在流失食客。既是食評，最後談談食物質素，味道還可但又非特別出色。既然選擇還是有，誠意推介其他同類食店。

之前同朋友行街，佢推介呢間話好食。今日正煩惱去邊度食晚飯，突然諗到朋友曾推介呢間上海菜館，於是一試。 晏晝 3 點幾打嚟試吓可唔可以訂位，點知竟然有得訂，問清楚仲可以消費泊車，正 👍🏻👍🏻👍🏻👍🏻訂咗 6pm，準時到，見佢都多客人，應該水準唔錯嘅。 侍應帶我哋去角落位置，係迫少少，不過可以接受。 睇菜單，唔算貴。今晚晚餐叫咗:-上海粗炒：正，好味，唔太鹹青菜煨麵：正，啲麵得，仲要係白菜切粒，唯獨係唔係好夠湯小籠包：好食砂窩雲吞雞：好食，隻雞好嫩，啲雲吞似係自己包嘅 (值得一讚嘅係，我哋原本叫半隻雞，個侍應姐姐溫馨提示我哋得三個人，驚我哋食唔晒，建議我哋叫例牌 👍🏻👍🏻👍🏻👍🏻)家鄉薄餅：即係葱油餅，好薄，好好食生煎飽：呢個反而一般棗皇糕：唔錯成餐飯都有驚喜 👍🏻👍🏻👍🏻👍🏻，一定會再幫襯!!!

同家人食lunch，簡簡單單唔想去太遠，呢到都係一個選擇。Lunch 唔食得太豐富，我哋都係一人一個麵，再嗌咗個小食。叫咗個「醉豬手」，不錯的，無論個味道，同埋豬手都做得好腍，好入味。至於麵我就比較欣賞佢哋嘅傳統上海湯粗麵，而家唔係好多上海舖仲有得食。湯濃，仲有好多椰菜，椰菜夠腍夠入味。至於服務方面，唔可以叫做唔好，但係全部嘅服務員都係冇表情嘅，明白我唔係去啲好高檔嘅餐廳，我亦都唔係要一啲好殷勤五星級嘅服務，不過由頭到尾你都唔會聽到一句「你好，歡迎光臨，有啲咩我可以幫到你，甚至乎多謝都冇聽過」，我形容係一間好冇溫度嘅餐廳。

不知所謂樓面，當顧客要求轉位時，如外面冇人等位時，應該先答應顧客而唔係留難顧客，叫顧客出外面再重新等位，一位女侍應同埋位男侍應請你地好好對待在港消費既顧客，就係因為你地呢啲垃圾服務態度令到香港飲食業低迷

我們一行三人在今日午歺的時候，對於有一位員工的服務態度，感覺非常失望及憤怒，枱面上的食物還沒有吃完，那位男侍應行過來好幾次，嘗試收走我們沒吃完的食物，態度並不友善， 及後他面容帶黑的對我們說用歺時間祗是一小時，我們帶着疑問那為什麼訂枱及門外沒有說明，於是我們再order 了一個甜品，那個態度惡劣的員工再次走過來要求我們立刻離開，我們表示還沒有上甜品，他面色再一沉，離開了再折，原來他沒有經我們同意及未知情的情況下取消了order, 經過這次的不愉快經歷，我們不會再光顧這間食店。港人北上是有原因的！

我估呢一間餐廳好多住喺太古嘅街坊會幫襯，嗰晚我哋早去，六點幾左右，而且我估星期六特別多人，食完之後出到嚟見到排緊隊。呢一間上海餐廳都幾好食。個小籠包都皮薄餡靚，魚塊夠脆夠新鮮，個炒麵有用蛋去炒底，所以有啲驚喜，不過下一次就唔會再叫呢一個炒麵，因為好多麵粉，我寧願食多啲其他嘢。但係個(罐頭)什果杏仁豆腐就真係唔好食，味道同質感都唔好。而且價錢都係偏貴，性價比都係低，所以都唔會成日嚟食，就算嚟都唔會叫到超級多嘢。

星期日夜晚去叫外賣，俾完錢就行返出去等外賣啦，廢事企喺舖頭入面阻住人做生意。我張單係寫住"外賣9"跟住等咗4, 5個字都仲未見有staff拎外賣出嚟叫number，咁我咪行入去問個staff"外賣9"有未，個staff話有喇，再指一指枱面。我問：下，你地唔拎出嚟唔叫number㗎？Staff理直氣壯咁講: 我地唔叫㗎。我再問：咁我落單嗰陣你唔講嘅？ 跟住個staff就無再睬我繼續做自己嘢。我心諗，你唔叫，咁你張單整個外賣number嚟托啊？你expect個客好似袋鼠同熊貓咁自己入嚟拎你都講聲丫。嫩雞煨麵 $78因為唔知個外賣放咗喺枱幾耐，啲麵已經"淋"到唔洗咬都會爛雞火炒飯 $98個炒飯都無影相，不過都無咩值得影，無咩餸，衰過茶餐廳啲炒飯真係食茶記都無咁嬲。總結： 價錢唔平，又唔好食，入面啲staff就個個都係唔想做咁嘅面口。不可一，不可再。

kinda fed up with the options in cityplaza and kornhill, we headed to the residential neighbourhood. The area was surprisingly quiet, as many probably went on vacation during the holidays, and this restaurant is one of the few which housed comparatively more diners.From the first glimpse of their menu, we were astonished as they offer quite an array of authentic dishes which ranges from common ones like fried rice/rice cake, dim sum, dan dan mian, to some rare ones like fried soufflé ball 高力豆沙,

I had the displeasure of dining at this establishment and let me tell you, it was a absolute nightmare. The customer service was beyond terrible. Not only did I find a small cockroach in my fried rice after eating half of it, but when I discreetly asked for it to be taken back and taken off my bill, I was met with an atrocious attitude from the staff.Instead of taking responsibility for their mistake, they insisted that I pay for the dish, and that they would cook us a fresh one. Reluctantly, I

我係8年前已經開始幫襯這間上海餐廳,當時我覺得這間餐廳的食物都很不錯,尤其是當時的小籠包的皮夠薄、熱辣辣的,當時的價錢和服務也OK,於是我耐唔耐都會帶埋家人同朋友一齊去食。但直到今日,我對這間餐廳完全改觀,亦決定從今以後會blacklist這間餐廳,不會再光顧,也不會再介紹給其他人今天我去這間餐廳買外賣,有個唔知係經理還是店長的高大四眼仔坐係收銀處到,我走過去叫佢俾張外賣紙我睇下,並禮貌地問咗佢一條關於外賣套餐的問題,但他卻不耐煩地答:「係係係係!」然後我繼續禮貌地問他關於單點的問題,他還是繼續不耐煩地答:「係係係係!」這令我覺得他想催我快D,即係我只准點餸,但不准問問題^_^ 這令我感到很大壓力,本來我還想點多一款餸,但我見他這樣不耐煩,好似覺得我阻住佢咁,於是我也不敢再點更多的食物了,因為我唔想再聽到「係係係係!」到我點完餸、俾埋錢後,這個高大四眼仔連一句「多謝」也沒有,到我拎咗外賣臨走時,他也是連一句「多謝」也沒有,真係很有禮貌呢^_^另外,我也發現這個唔知係經理定店長的高大四眼仔對其他食客也是這樣的,其他食客食完野出去埋單時,他也是連一句「多謝」也沒有^_^ 我甚至還看到他突然

第一次係OpenRice 寫食評 因為呢間上海菜真係唔錯 好值得推薦今晚同老公行經太古城 見到呢間上海菜坐爆人 就知應該不錯 入黎試試佢 我地叫左酸辣湯 水煮牛肉 黃金蝦球 ❤️酸辣湯太好食，食完先醒起未影相水煮牛肉 牛肉足料 食極都有 略嫌辣左dd (如果譚仔平時食開清湯/十小辣 就會覺得辣 ) 食得辣嘅朋友應該會好鍾意黃金蝦球 外脆內軟 上枱仲熱辣辣 送飯一流最後試埋個甜品 豆沙鍋餅 好好食走時埋單人頭2百幾到 性價比高 上菜又快 下次會再幫襯

已幫襯十幾廿年，以前真係好好味，冇幫襯幾年直至到今晚，叫咗個烤麩，嗰碟嘢真係嚇到你彈上天花板，係恐怖！個侍應仲話佢哋係咁樣嘅煮法，咁即係垃圾 （見圖）！呢啲咁嘅藉口都講得出，咁你個師傅應該返去鑽研下先啦！賣相核突，味道唔知係乜，烤麩係前菜，佢好似叮翻熱，仲要熱辣辣，咩事？仲有個皮蛋豆腐，不知所謂！今晚係呢兩樣嘢要complain🤬其他如上海小籠包，生煎包，肴肉，鱔糊，燻魚，蔥油乾撈拉麵👍🏻 都係好嘅！Bye!

朋友介紹過，話係太古有間好好味既上海野食，今日去開太古就專登黎試下。果然沒有失望，我地4個人order 左7樣野，埋單$726.最有驚喜，最推介係小籠包皮好簿，但都無穿，多肉汁，夠熱。上海小籠包松子桂魚上海生煎包蘿蔔絲酥餅孜然牛崧炒飯賽螃蟹雞絲粉皮

喺太古返工嘅人一定知，每次行過呢間上海餐廳，都一定好多上班族排隊，好肚餓又唔想食西餐，就過嚟呢度食吓上海小菜🥟午市二人套餐 $297| 小籠包 |食上海嘢點可以唔食小籠包！呢間家餐廳的小籠包是我吃過的好高水準嘅👏🏻 外皮薄，湯汁豐富，一口咬下去，滋味鮮美，肉香味濃郁，點上醋汁，更加好食，好好嘅開胃點心😇| 雞絲粉皮 |粉皮軟嫩滑爽，而且不會太厚或太薄，口感非常適中。雞絲則煮得嫩滑，搭配上一些青瓜絲同花生碎，食落清爽可口，都係好開胃😂🐥| 水晶肴肉 |豬肉切成薄片後，肉片透明如水晶，肉質入口即化，不會太油膩，啱晒健康飲食的人士，整體嘅口感好清爽✨🐽| 涼拌青瓜 |青瓜新鮮爽脆，切成片後搭配上一些醋、醬油和花椒，味道清新可口，讓人吃得非常愉快，仲可以幫助排毒添🥒| 糖醋魚柳 |魚柳炸得金黃酥脆，醋和糖的比例也恰到好處，味道酸甜可口，好好餸飯🤣 魚肉的營養價值也非常高，魚肉含有豐富的蛋白質，食完都健康啲👍🏻| 桂花糕 |我鍾意桂花糕獨特的花香🌸糕上還撒上了一些桂花碎，用花嘅形狀上碟，十分精美。咬落去好清甜，係淡东嘅中式甜品🍡| 雜果杏仁豆腐 |豆腐綿密的口感搭配豐富的果仁，味道好有層次，而且

砂鍋雲吞雞(半隻)好味👍湯底清甜唔似味精湯～雲吞粒粒都幾大隻～隻雞入哂味半隻都幾多涼拌三拼❄️青瓜·肴肉·肺片肴肉一層層咬落好滿足·青瓜清爽口感配小小調味👍肺片食落爽口味道剛好賽螃蟹蛋黃撈蛋白再加埋小蝦仁～炒到蛋白一絲絲咁～口感滿足好似食緊蟹咁🤡上海小籠包味道正常～咬落個汁唔算多～菜肉雲吞拉麵麵質食落爽口彈牙～雲吞內餡料菜肉味香濃好味指數(7級最佳)▁ ▂ ▃ ▄ ▅ —————————————————☻非專業食評·純個人口味☻—————————————————📍總結:係太古想食上海野不坊諗諗佢～價錢唔算好貴但性價比幾高👍