吾子廚房 (已結業)

點樣食推介✨⭐️良心cafe⭐️⭐️西環黃店⭐️吾子廚房地址: 西營盤第二街6-8號地下A號舖🍖月見浮雲親子丼 $118 (7.5/10)造型滿分嘅丼飯！打卡一流！d蛋白好軟綿綿，雞肉都幾入味，整體都幾好🍖暖暖燉飯 $118 (6/10)唔知廚師係咪唔記得落鹽，個飯係冇咩味😂同埋d蝦好大陣雪藏味，唔建議嗌依個飯😖🍖4.3牛奶富士山奶酪 $48 (7/10)又係打卡一流！係勁靚嘅富士山🤣味道口感都好奶好creamy，黎得吾子點可以食富士山🤤當日見到差唔多枱枱客都有嗌💛題外話，佢哋嘅裝修勁靚，食到唔想走回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

I would not recommend this cafe to anyone at all. The customer services offered by the staff here was poor that they were inattentive, and had been ignoring me and my friends' requests, which of course had ruined our day unpleasantly. Given to this price point, I'd have expected more customer care than that.Too all fellow diners, if you're looking for a hospitable place to enjoy the weekend with friends, maybe you should look for other quality cafes around Sai Ying Pun instead.

食左三文魚飯（$138），無味。佢不停叫我自己抌紙巾， 一開始就在講一次，佢收野又講，我影一影相再講，我已經特登在左榻榻米台上要伸手去攞，因為已經穿鞋子，佢再講。搞到十分緊張，其實真的不用講咁多次～ 大家自己諗下想唔想去....

走日式簡約風既cafe 🥰 二樓係ta ta me既設計😍 坐低即刻幻想自己去左日本🤣我order 左月見浮雲親子丼☁️ 4.3 牛乳富士山奶酪🍮同埋日式橙香焦糖布丁所有食物都勁得意😍 親子丼上面既白雲係用生蛋白打起☁️ 朶朶既型態都唔一樣， 好似真既雲咁 ❤️但我想講甜品比主菜更出色👍🏻 奶酪係富士山既造型 🗻 勁吸晴👀 奶味又濃質地又滑😋 重要勁彈😂 香橙布丁 🍮 橙味好出 👍🏻 布丁唔係好滑個種， 係好有質感個種味道 🌕🌕🌕🌖環境 🌕🌕🌕🌖性價比 🌕🌕🌕🌖服務 🌕🌕🌕🌖小貼示：可以直接係餐廳ig 條link 訂枱， 餐廳自己揀位， 先到先揀

環境舒服，好少餐廳可以坐榻榻米😍🇯🇵🇯🇵🇯🇵🇯🇵🇯🇵🇯🇵🇯🇵🇯🇵打卡一流！！💞💕💓💗味道未算好好味，價錢較貴，性價比較低，但環境舒服，好適合靜靜地傾計🥰💖💘💝牛奶布甸重牛奶味🍼🥛，但價錢較貴

「吾子廚房」一直係我想試嘅食店，唔打唔撞嚟到西營盤，喺冇做booking嘅情況下，膽粗粗走去Walk in，居然有位，我哋行運了！- 月見浮雲親子丼 - ($118)的而且確，呢個係一個好吸睛嘅丼飯。泡沫狀嘅蛋白造成浮雲，中間仲有隻流心蛋黃，好有立體感，真係唔捨得攪勻佢嚟食。蛋白口感綿綿，醃過嘅雞柳好滑，炒飯匀咗鰹魚汁，成件事好夾，好日式嘅味道！- 4.3牛奶富士山奶酪 - ($48)震騰騰嘅富士山造型可愛，奶味香濃滑溜，甜度啱啱好！- 等 一期一會 冬片靑茶 - ($58)茶具幾別緻小巧，茶溫夠熱，茶味回甘，唔錯！呢間小店唔止擺盤靚之外，食物質素都幾有水準！

月見浮雲親子丼（$118）蛋白打成泡做浮雲既親子丼賣相滿分，但係食落係空氣感好fluffy☁️個人唔係好接受到，覺得好奇怪😣所以剩係食左下面既鰹魚汁炒飯，比較有日式既味道🤫暖暖燉飯（$118） 炸大蝦配奶油燉飯，燉飯比起月見浮雲親子丼既鰹魚汁炒飯再清淡d😅白味噌芝士蛋糕（$60）我覺得幾好味，啱晒唔鍾意食甜野既朋友。白味噌味道濃濃配芝士蛋糕咸咸地，融合左日本既特色係甜品入面。主菜方面，味道見仁見智，我個人比較鍾意傳統日本味道🥺相反我覺得甜品就比較出色🍰大部份甜品都採用日本食材，比較吸引到我。如果再有下次應該都淨係會食甜品🤫無可否認既係環境好舒服，餐廳有兩層，地面係reception同廚房，仲有個櫃仔擺左d商品賣。2樓就係座位，有幾張榻榻米，好日本居家feel👘幾岩傾下計chill下。

西營盤有好多大大小小嘅café，緊有一間係左近，今次就黎到門面有一個落地大玻璃嘅café — Nggy & 吾子廚房。之前，係PMQ嘅時候已經品嘗過佢地嘅蛋糕，款式特別得黎又靚又好味，黎到Nggy &就千祈唔好錯過佢地嘅甜品LA鐵觀音無花果忌廉蛋糕 Fig Tieguanyin Mousse Cake ＄78 唔好睇佢外表平平，其實佢係好有內涵！真好無諗過原來鐵觀音同無花果係咁夾，鐵觀音茶嘅甘香剛好平衡左無花果嘅甜味，要知道成熟嘅無花果係好甜，加左鐵觀音忌廉之後嘅每一口蛋糕都好似飲緊果茶咁，好清甜好甘香。而且海棉蛋糕嘅鬆軟，忌廉之間又有新鮮嘅無花果果肉，口感層次豐富，每樣食材配合得天衣無縫！日式橙香焦糖布丁 Orange Crème Caramel ＄50呢度選用嘅盤碟餐具都配合左食物嘅外形特色，就好似呢款布丁咁，選用左高腳款式托碟，望落去靚食野又方便。布丁滑嫩，質感軟身唔易散開，香橙汁果味濃郁，面層焦糖部分唔會太甜，兩者味道互補帶出一種小清新嘅感覺，食多幾啖都唔會有罪惡感！不過，布丁周圍見到比較多氣孔，製作嘅時候要留意一下呢一點LA奇異果薄荷果醬梳打水 Kiwi & Mint Jam

This is my second visit to Nggy & after its relocation from PMQ to Sai Ying Pun, and it’s yet another very pleasant and satisfying dining experience. If you are looking for a food therapy, I highly recommend you to try Nggy &.There isn’t much change in the main menu, but the seasonal dessert menu was updated. My friend and I were eyeing for two desserts, so we only ordered a main to share.The Hearty Bowl was so satisfying! The stew rice in cream sauce was not overly greasy, heavy nor stuffing at

實在有驚喜！我是第一次到吾子廚房，比較不了和以前的分別，但絕對被他們美美的細節所驚艷到(*›◡︎‹*) 他們人超好，首圖就是我們被提醒後拍的，黃昏時樹枝的影子投了在牆上，超美的🥺 The first picture was reminded by the super nice staff for us to take ! Their hanging tree stem was projected on the wall during evening time which is super stunning 🥺店主用了許多心思去重新裝潢，門牌和某些食器都是自己做的！食物先不比較，但服務和屋內燈光絕對比街尾某間日系雜貨店要好很多，食物定價也較為合理，這麼用心的店絕對要支持！They paid a lot of effort in renewing the shop, even building the door sign and some of their bowls and dishes. Their service and lighting are absolutely better t

❣️月見浮雲親子丼  $118蛋白泡好吸睛 打卡度滿分😍流心蛋淋上鯉魚汁味道好夾✌🏻不過白飯相對有少少鹹 雞肉唔會覺得韌而且好嫩滑😆分量適中一個人食好足夠❣️五品日常 $108炸飯團好好味好想食多幾個😋入面好夠水份好香口都唔會鬆散👍🏻紫蘇蛋捲就相對比較淡味🙈咖喱大豆芽出奇地有驚喜 好重咖喱味昆布青瓜配上芥末醬醃過嘅昆布🧐有辣味同時又鹹鹹地🧐青瓜新鮮爽口 😰不過味道有少少難分辨整體不過份量偏少唔係好夠飽兩個set都會送上湯~對比主食都比較失望好似水咁樣又唔夠味...落左好多菇但係菇味都唔突出😟反而係好多薑條好重薑味...唔鍾意薑的話應該會好抗拒

平日中午有朋友介紹下，專登由金鐘過去食，第一眼見到餐牌選擇唔多，主食3樣，飲品，甜品全部要分開叫，對於一個打工仔嘅我，叫晒3樣大概要用200幾蚊真係有d唔捨得，所以到最後叫左個月見浮雲親子丼，等左超耐，最後黎到有D失望，好細碗，味道無乜特別（都係雞肉加蛋加醬油嘅味道，同屋企自己煮無乜分別），個湯無味，飯又唔夠熱，仲要百幾蚊。店舖裝修走和式工業簡約風，百幾蚊係食環境，同女朋友黎可能好正嘅。飲水係自助嘅，服務員態度好好有禮貌，但係只收cash有待改善。最後總結-向香港扮日本嘢係可以賣貴D 係完全明白，但係，食物品質可唔可以都學下人地日本人咁

裝修好不在話下啦雖然樓梯難行啲不過位係幾舒服。個五色素菜餐最驚喜係佢唔止自己調試嗰啲調味無日本咁重甜重鹹，配返香港人口味之餘又唔係清一色調返淡而係輕重得宜。炸飯團就夠淡味食到裏面啲素菜味之餘呢嗰果醬又夠濃烈如果再多少少都可以 反而蛋捲就冇菜味都唔係有口感，少少蛋味咁。 兩個醃菜分別係鹽醃青瓜同埋咖哩豆芽，係我食過當中比較淡嘅豆芽漬，咖哩岩岩提香。青瓜配的海苔?非常重味但份量合適亦都有一啲好似芥辣味，又食到青瓜畀鹽乸到係爽身嘅，個湯亦都係比平時出面嘅麵豉湯淡，菇味先出到。另外就再叫一個咩魔法蛋糕其實就係所謂半梳乎厘半奶凍類，佢個奶凍個茶味係幾夠嘅但係平淡左啲非常之結實，如果有紅桑子喺裏面嘅時候呢忌廉水果同兩種餅加埋口感就好好，但係如果你咬到冇紅桑子位置呢就會覺得好單調啦好口感好厚重， 好希望啲餅可配少少佢哋啲果醬伴碟。總括嚟講間店係調味上係好有回頭價值

吾子廚房佢成間舖嘅主色調以淺灰色水泥牆身、白、原木色嘅配搭。走日式禪修風格，入到去成個空間嘅氣氛平靜亦帶一份親切感，有種到訪人哋屋企嘅感覺。咁講雖然好似有啲離題🙈 不過 吾子 比我嘅感覺較接近係一間茶室好愜意舒適🧘🏻.新座落係西營盤嘅地舖有兩層，地面嗰層主要係點餐、廚房同安排入座，二樓先係主要坐位。新舖最為大家熟悉嘅應該係一入門口落地大玻璃嘅位置。我見走嗰時無人都快手影佐張相🥳提一提先佢哋試業期間要上網預約，如果要嚟記得一定要預早book位啦！不過呢就好似無話reserve咩位，到佐係自由選擇坐位嘅。只可以話book佐時間準時到比較大機會揀到自己想坐嘅位🤫坐唔到都唔緊要，因為守時先係重點！樓上比較空曠，而且有榻榻米坐位都好正咖🥰.店員方面都好友善，好似招待客人去佢哋嘅屋企咁好warm🥰 貫徹左 吾子 呢個地方比我嘅感覺☺️食物方面我哋都點佐打卡必備嘅富士山同特色得嚟少有嘅白味噌芝士蛋糕。配返吾子比我嘅茶室感覺，點佐嚟自台灣嘅烏龍茶同果茶😌.4.3牛乳富士山奶酪 $48牛奶加入蝶豆染成藍色嘅漸層，外形真係好靚啱晒打卡！不過應該係落得少魚膠粉/片，好快會變形影相要快少少/唔好係咁移動佢🤣 味

去西環玩前, 做下功課, 見呢間個親子丼好吸引, 就唸字去試下, 我地避開食飯時間, 星期一 2:15pm 去到, 點知都係無位, 留電話名, 3pm番來, 好彩今次有位啦, 但好似好多野都無.  個menu 本身都唔多野揀, 想當飯食, 當時得2款揀, 唯有要晒佢 :野食得咁多, 叫完比埋錢, 先上樓上搵枱坐好有閒適感覺佈置簡約大片落地玻璃   樓梯上一層用餐  和風感強叫左兩杯signature drink (唔記得名了)  唔多好味先來了呢個大蝦飯, D飯好似意大利飯, 都幾好味, 南瓜清甜, 蜜瓜就好一般再來主腳 - 月見浮雲親子丼 呢個飯影相一流,  蛋汁慢慢透入飯,  都幾好味招牌富士山-牛乳奶酪 又係相機食先, 賣相太靚, 有D唔捨得食, 味道正正常常, 牛奶味如果再強少少就好了日式橙香焦糖布丁  呢個焦糖好香,  又滑又好味呢度環境非常舒適, 氣氛恬靜和諧, 適合慢慢享受假期