周記油渣麵 (已結業)

一向周記都出名食豬渣面，佢有得選擇要肥渣定瘦渣，要食豬油渣一定揀瘦渣，否則食腩肉都得啦。我叫咗碗瘦渣面$4x一碗一啲都唔平，但如果好食就值得。上枱啲豬油渣肥到呢同無炸一樣，立即同阿姐講我係要瘦渣，佢居然話係咁架啦，我唯有試吓啦，真係肥到好大陣臭豬味。再同第二個阿姐講，比啲瘦渣我，呢個阿姐話儘量幫我，結果有瘦渣比我，不過呢個瘦渣真係好柴，但我都照樣食晒啲瘦渣。連最出名主打招牌菜都咁差，應該唔會再有下次，唔好話市道差，係品質差先無人幫襯，不過，我唔鍾意唔代表其他人唔喜歡，因為我見啲男士食到津津有味咁

豬油渣麵有兩間介紹，呢間其中一間 深水埗 「周記 」。佢係深水埗出哂名 「招牌麵」店舖好大間，好多坐位。（（一定要堂食））點解？因為店舖每台擺有滿滿蔥花，自家炒辣菜脯，粒粒都夠爽夠辣，係任落😂😂😂如果外賣就無呢個享受了。招牌油渣麵 有（小)同(大)碗選擇。半肥瘦五花腩，油渣乾身，不肥膩，豬油香慢慢滲出🤤再配上海麵，有咬口，不會太腍，配佢辣菜脯更惹味。 另外佢個炒排骨米粉都好正，佢個米粉脆炸，好夠火氣，唔錯。

陪阿媽去開深水埗，食晏時段搵嘢食，就阿媽唔行得耐，佢又唔鐘意食車仔麵（我想試吓文記車仔麵）。就行前啲見到周記。諗住佢係招牌菜，叫嚟試吓。印象中我係第一次食油渣麵，真係好難食。啲湯唔熱，啲麵太林又冇味，油渣好肥好難食。未食過咁難食嘅一碗麵，食咗兩啖就放棄。最恐怖係其中一個員工，估應該係老細，係疫情下，帶住個口罩，但長期將個口罩拉落去下巴位，即係等於冇帶。做食肆，衛生意識咁低！我阿媽話佢碗雲吞麵都係超難食！唔會再幫襯。

想去深水埗食油渣麵 聽聞好出名 上openrice search呢間周記好出名 就去試下叫了一個大油渣麵 加豬潤要十七蚊 另叫凍檸茶油渣係好多成碗滿 本以為油渣是脆口 原來係淋既肥豬肉 食幾件已經好膩 就無再食落去 個麵係比較硬身似上海麵咁既質地 湯比較淡味 要加調味 落左辣蘿白好少少 但都係淡 可能唔岩我個人口味 反而豬潤ok 佢係另上既 個湯甜甜地 喜歡食一片片爽口既豬潤 但食到最後有二件厚身而且口感好淋既就無食了 凍檸茶另叫都十幾蚊一杯 無咩特別 而且要搭枱 覺得試一次就夠

深水埗係美食天堂我諗好多人都會贊同，不過同一時間會唔會有啲鋪頭食店嘅味道係被高估呢？我相信大有人在，唔係話佢唔好食，只不過係唔值咁好食，以下就係其中一個例子。呢間舖頭出名食豬油渣麵，雖然佢唔使好似隔離嗰間車仔麵店咁樣成日要排長龍，不過間中都要等位。入到去坐低梗係叫豬油渣麵啦，佢呢隻豬油渣呢間舖頭出名食豬油渣麵，雖然佢唔使好似隔離嗰間車仔麵店咁樣成日要排長龍，不過間中都要等位。入到去坐低梗係叫豬油渣麵啦，佢呢隻豬油渣都好煙韌，清水湯底加少少油同味精再加埋蔥花，就係細細個食到嘅豬油渣麵嘅味道，另外佢用返傳統嘅麵條，我個人覺得呢種面先至最襯豬油渣。總括來講我覺得佢好食，只係唔值得排隊，同埋冇網上被吹噓到咁犀利咁好味。如就係細細個食到嘅豬油渣麵嘅味道，另外佢用返傳統嘅麵條，我個人覺得呢種面先至最襯豬油渣。總括來講我覺得佢好食，只係唔值得排隊，同埋冇網上被吹噓到咁犀利咁好味。如果咁岩行過又唔使排隊都真係值得試吓。

深水埗嘅食街餐廳價錢貼地而好飲聞名Home office 嘅日子屈喺屋企，亦都趁疫情接近尾聲出街伸展下手腳點心，車仔麵又太過普遍當眼位有間油渣麵有位泊車而貌似屹立多年抱住滿心歡喜的期待拖住男朋友仔一嚐好滋味招牌有油渣麵，燒鵝又有一般茶餐廳嘅菜式咁就試試招牌嘅油渣麵我估叫得做招牌菜嘅應該就唔會伏可能因最近就市道嘅關係，侍應人手疏落久等後先有招呼，實在可以體諒因為係為食貓嘅原因，想間間試下我哋兩個人就order咗一碗油渣麵上菜速度真係好快，兩分鐘內就上到枱一擺底，完全大失所望正所謂 一熱遮三醜 ， 祇可以話係暖暖哋嘅白色嘅豬肥膏 配 白色嘅上海粗炒麵 無配菜，湯無味，豬油無炸過完全無香口之言同我心目中，以前食過嘅差天共地油渣麵，食嘅係豬油渣炸到脆卜卜配爽口嘅粗蛋麵，呢間嘢完全顛覆咗我美好嘅願景一定無下次，亦唔知道點解可以喺咁旺嘅食街生存到，咪話我屈你，有圖有真相。完

限聚令下揾野食，好多都拉疏d枱，周記都吾例外，地方更大。周記我至愛一定係油渣麪，其實除咗油渣麵，仲有好多選擇，有中西小炒，小菜客飯，湯麵，中西小食，種類多多。我和老佛爺就點了亁牛河，油渣麵就吾少得，加了炸鴛鴦餃（北京餃/韮菜餃），飲品馬碲露和椰汁。亁牛河色澤ok ,但吾夠醬油，味道不夠。油渣麵不失水準，豬油渣又香又濃，落單時可指定要肥定瘦。 鍾意食油渣麵其中一原因，係佢有好多野比你任落，冬菜，芫荽，蔥，辣蘿蔔，魚露....等，好過癮。餃子就麻麻了，粉皮太厚，外型分不出咩餃，一樣樣，我食中三隻都係韮菜，係好彩定吾好彩。呢度椰汁係我至愛飲品，椰香超濃，比起同區某主打椰汁的更香，馬碲露粒粒馬碲肉，飲得過癮。埋單146元，人均73元，其實可以當3人食，因為都食吾晒，要攞走上班，我又當一餐。

呢間油渣麵喺深水埗幾出名，偶爾諗起就會過黎，店舖幾大，除左油渣麵之外仲有其他炒粉麵飯，不過我黎親都係食油渣麵，不肥不油，湯底好清淡無咩味，枱面有魚露菜甫提供，每次我都會加少量辣菜甫調一調味，簡簡單單又一餐！

下午茶西多士$29+可樂$4=$33散叫西多士$18+可樂$12=$30我應該點樣叫好？一話份量吾同？下午茶餐西多士會比較大？可樂是罐裝，可能比較凍？好困擾？？？最後我選擇散叫，平$3

第一次過嚟食個油渣麵，本來係亂亂位，但係女友又話要食多個煲仔飯，於是就叫咗個畫雞煲！開始嚟到呢一個油渣麵，女友塊面真係黑晒㗎，佢話咁鬼肥仲要食食完真係變大肥仔食完之後仲可唔可以分享我怕你件衫着唔落呀！於是我食咗一半就算啦！可能因為俾佢影響啦今日嘅油渣麵我覺得真係麻麻地特別係個油渣覺得好似肥咗好多嘅食完之後就連一個畫雞煲仔飯，個雞都算幾肥！但佢嘅雞油完全深入到去每一粒飯裏面真係覺得好好味！我真係覺得佢比起我樓下嗰間煲仔飯還要好吃！個雞都算幾肥！但佢嘅雞油完全深入到去每一粒飯裏面真係覺得好好味！我真係覺得佢比起我樓下嗰間煲仔飯還要好吃！

日日揾嘢食都好頭痛(/ω＼)，雖然要求已經唔高，但有時好似咩都唔想食咁🤦🏻‍♀️🤷🏻‍♀️今日行經深水埗，本來想食文記車仔麵，點知間間文記都排長龍，一點半都咁多人，傻的嗎？結果行前啲，就走咗去食油渣麵 ╮(╯▽╰)╭我第一次食，友人就叫我試下招牌油渣麵。我眼見個個都係食油渣麵，於是都嚟一碗囉。枱面有菜脯，有辣有唔辣 ( ´▽` )ﾉ 辣嘅都唔少嘢㗎，我就食唔到咁辣。油渣麵($38，細)，椰汁($10)第一次食油渣麵，開頭我都仲覺得幾好，傻傻的分不出嗰啲係豬油定係肥肉。因為我不嬲都鍾意食肥肉嘛，所以就算食豬油都覺得幾好味。但慢慢食落，食多幾舊，我就覺得好油，咬唔落呑唔到ಠ_ಠ食咗大半碗就淨番(對肥妹仔來講好嚴重㗎，食淨嘢)。我朋友就話以前好似唔係用上海麵㗎喎，而家用上海麵，有啲唔同咗，朋友話冇下次喎🤷🏻‍♀️

還記得N年前，屋企樓下有流動小販賣豬油渣麵，好有家的味道。已不知有多少年無食過，聽講深水埗周記的出品也不錯，今日便專程到來一試。食店頗舊式，相信都做了一段時間，空間頗大，檯與檯之間距離寬闊，坐得還算舒服。食店並非只賣豬油渣麵，實際上是一間乜都有得食的茶餐廳。檯上放有蔥花，冬菜及辣菜脯給客人自己落, 咁就可以滿足喜歡走青的食客。豬油渣麵有大碗同細碗，價錢只差$6，難得一試，當然點了大碗。豬油渣份量算多，真的是炸得一點油也沒有，不過偏腍，不是脆口那種。麵身同樣較腍，但唔會一夾就斷。湯本身不鹹，味道剛好，但我落得太多冬菜，而冬菜又用鹽腌著，攪到成碗麵鹹晒，只怪自己太貪心了。

週記 油渣麵 品質十年如一日， 典型深水埗一般平民 飽肚的地方。 所謂的油渣麵其實是 廚餘， 是一些 不要的肥豬肉 經油炸過後 取其香口配合上海粗麵， 香港人喜歡添一些佐料， 例如辣蘿蔔粒和 菜脯等， 都是平民的尚品呵!

期望越大失望越大, 今日過開九龍嗰邊, 朋友突然想食油渣麵。有人推介去深水埗, 有間油渣麵好出名好好食。 我哋抱著期待嘅心情，特登搭車去深水埗， 希望會食到碗超好味嘅油渣麵。地點都算幾方便就喺地鐵站附近， 唔算難搵，店面地方亦算好大。我哋叫咗兩樣嘢食，招牌油渣麵北京餃麵招牌油渣麵， 我哋要求要瘦渣， 但係你到嘅時候都係比較肥😑， 豬油渣都是淋淋的沒有香脆感覺。 真的是比較失望😣😣😣面底係上海粗麵， 質感偏硬身。北京餃麵， 四隻大大隻的餃子， 偏向北京風味餃皮比較厚， 餡料不算太多， 味道可以接受。總括而言沒有朋友講到那麼好吃🙄， 但幾十蚊一碗麵，算係非常抵食😅😅

基本上周記經過裝修之後，都沒有來過，之前在社這區附近工作，反而沒有想到前來🤔。通常都是調離開了，才想到在這區附近走走，然後走到文記，看見文記車仔麵大排長龍，然之後每次都會嗤之以鼻，跟住才記得，這兒有一間周記油渣麵，又毅然進去了。太久沒有光顧，都忘記了，裝修之前，外邊都會隱蔽地方一個鐵籠，鐵籠內育有一隻小貓咪；現在，小貓咪都已經長大了，深啡與淺啡色的小貓，甚為活潑，在籠子裏崩跳的。這次可能因為是晚上去，份量反而比較多，第一，米線的份量已經不小，撈極都仲有，網網千斤，米線都不算太過軟林，油渣的份量也相當多，可能有20條都有，而且油渣不算只是肥的，有些炸乾的，因此質素甚高。坐近門口難免會比較炎熱，如果怕熱的話就可以向店內較深入的位置坐，而且那裏亦都有一部大電視機。縱使油渣麵不喝東西已加至$38，但份量多及容易找位子，還是深水埗的穩膽