周記點心

營業中

休息中

今日同老公去咗西環一帶覓食。去咗個個大讚嘅周記點心。朋友話佢推出咗新嘅綠茶流心西多，於是走去試下。我地大概2點幾去到，門外有人等外賣，不過堂食我地唔駛點等就有位坐喇。地方都頗逼下，我同後面枱係背對背的。我地一人叫咗一個流心西多，我要奶皇，老公要綠茶，同埋一人一杯奶茶。兩個多士嘅流心度都係爆燈的，我覺得反而流得滯好似有啲水添。奶程味道唔錯，好香蛋黃味，又唔會過甜，但係個多士就林咗少少，同埋唔夠熱。個綠茶紅豆就真係令人非常失望。綠茶味係好人工(artificial)嗰種，用喺蠟燭度都由自可，用落食物度真係好難頂。啲紅豆少到好似用嚟裝飾咁，完全食唔到有紅豆味，又或者比個難食嘅綠茶蓋過晒。奶茶味道一般啦，茶味唔夠濃，可能始終唔係茶餐廳啩。整體我只可以比5/10分佢，真係有點點名過於實呀。

周記雖然早於20年前就在香港仔開了點心茶餐廳，以懷舊作賣點，但食客一直都多是附近的老街坊，但自從上年在西環開業，在菜式和裝潢加入了新派元素，當中的流沙西多更是成名之作，當時FB牆上都被金黃色的流沙西多洗板，亦幫周記吸納了很多區外和年輕的食客。而我也是當時被FB牆上的黃金海吸引而來，食過翻尋味，今次適逢星仔的家人來港，就大伙兒光顧好多試幾款美食。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊周記就位於西營盤和香港大學港鐵站之間的水街，距離兩個港鐵站都要約十分鐘步程，不過如果在香港大學站出會比較方便，因為沿著皇后大道西一直走便是，少過幾條馬路。上次到周記是星期日的中午，店外大堆等枱的食客，最後要待上半小時才可入座，今次雖然同為星期日，但由於一來時間尚早，二來又天氣寒冷加上毛毛細雨，所以即使店內已座無虛席，但起碼店外已沒有人輪候，所以只消等約5分鐘即能入座。作為一間點心店，周記雖然只有三十多款選擇，不算多，但當中有不少創意點心，如芝麻蝦多士、流沙西多士、鴛鴦燒賣、黑松露湯餃等等。價錢由$10至$26不等，屬合理水平。 芝麻蝦多士($26)蝦多士一碟有四件，每件為三角形，四件合

黎到呢度梗係食最出名嘅流沙西多士啦，仲有芝麻蝦多士，另外再加左一籮燒賣同xo醬炒銀針粉！流沙西多係堅正，平時食開嘅西多我會覺得太膩太甜太油，但流沙有少少咸旦吊下，岩岩好！而蝦多士加左芝麻好香，入面嘅蝦多到爆！最好係佢星期一至星期日，日日都有早餐下午茶，唔會假日無供應！好！

歲晚前夕，本想到附近的金祥排骨麵朝聖，可惜已經收爐。在附近逛了一會，看見此店大排長龍，於是決定試一試。叫了的食物當中，最深刻的是奶黃流沙西多士和黑松露灌湯餃。一切開奶黃流沙西多士，內裡的奶黃流沙便不斷流出來，邪惡非常。西多士的味道很好，而當中亦加入了一些蝦乾來增加口感，實在是誠意之作。此外黑松露灌湯餃亦是佳作，雖然其餡料無甚特別，但湯頭的黑松露味極濃，幸好我叫得及時，因為之後再有人想點時已售罄了。總括來說是一家難得的小店，價錢合理，質素上佳，大排長龍不是沒原因的。

之前看過很多關於周記奶黃流沙西多士的介紹，終於有機會光顧周記。星期日下午1時40分左右到達，要等位是意料之內的，幸好排隊的人不算太多，先看看門外的大餐牌，想想要吃些甚麼。鴛鴦燒賣($24)是推介食品之一，鴛鴦分別是黑松露和蟹籽，賣相不錯，味道也不錯。蝦子餅每次吃點心必點的陳皮牛肉球($18)，下面放了我喜歡的山竹，是傳統的做法。除了奶黃流心西多士外，芝麻蝦多士是周記的另一招牌菜，初時怕熱氣和吃得麵包太多而打算放棄蝦多士，但最後還是兩款都點了。芝麻蝦多士($26)那層厚厚的蝦膠十分彈牙，有淡淡的芝麻味，雖然是炸的但不太油膩，唯一要批評的是上桌時已經放涼了一點點，再熱一點的話應該會更加好吃。主角奶黃流心西多士($22)上桌了，金黃色的外表很好看，中間脹卜卜的，裡面一定放了不少奶黃流沙。中間切一刀，中間的奶黃流沙便湧出來了，奶黃流沙裡有一粒粒的鹹蛋黃，非常好吃。下次再來的話，要留待鹹點到齊時才叫奶黃流心西多士。

成日經過好多排隊，今日終於一試，原來排隊都好快有位，店員安排很快速價錢非常便宜，依幾日新年飲茶，最便宜是今天$150餐廳有鵪鶉蛋燒賣，不過見推薦黑松露 蟹籽燒賣就試下(但啲肉好嚡，但食得到同平時食好不同，好自家製感覺無落味精)蝦餃，鳳爪等點心用傳統做法，喜歡這種不花巧好味。 咖喱土魷；好爽，彈牙！ 鹹魚好香，肉餅都好味，如果多少少豉油就完美。 蝦多士熱辣辣，蝦非常多，特別在芝麻都非常多，令口感更香口 一切奶黃流出來，那種澎湃嘅興奮好想馬上放入口，奶黃配多士非常之好味 最最最好味流沙奶黃多士，推介要再去食😋🍴雖然我用不著，但我等位時見到餐廳外賣有長 者咭85折，超良心企業

之前已經聽過周記嘅流沙西多士好正，本身去飲茶已經好鍾意食流奶黃包嘅我終於試到傳聞中嘅周記。切開西多士入面嘅奶黃就湧出黎！而且奶黃分量好多，配合炸到脆脆地嘅西多士真係冇得彈！不過一個人食可能會太膩，兩個人一齊食就啱啱好。另外佢嘅蝦餃都好出色。

朋友介紹呢間邪惡美食點心店中午十二點多到來已經有5-6人等候。店內雖然不大，坐位之間亦不算寬廣，但勝在衛生程度高。待應一早就準備茶水和水盤供清洗食具之用，很細心！必食招牌推介，只因胃口不大，所以只點上兩款菜式已經足夠。XO醬炒銀針粉的銀針粉富有彈性帶辣，味道很濃郁，值得推介之前上網見識過如何流心，但現埸食落真係唔同！待應從廚房拎出金黃色熱烘烘既西多士，中心部份微微谷起，當刀切下去時外面鬆軟脆口，奶皇緩緩流出，口感輕盈幼滑，還有細碎的蛋黃粒，真令人驚喜，來到必試食物！沒有加一服務費，價錢相宜，一定會再來試其他款式多士~

剛嘆完翁記，轉兩個彎又到嚟到朋友們指定嘅＂周記㸃心＂下午茶。雖然要等一段時間，但絕對不負所望，又可以有時間落一落格今日重點試咗芝麻蝦多士，炸多士滿滿的芝麻表面十分香脆，裏面夾著彈牙嘅蝦肉，唔油膩口感一流。再嚟奶黃流沙西多士，一上枱見到金黃色，香噴噴已經好想試～切開後奶黃湧住出嚟，食落麵包鬆軟，奶黃味好香又唔太甜！簡直滿足了視覺，嗅覺和味覺嘅享受！從美味嘅小食當中完全感覺到這小店嘅心思

前陣子因為流沙西多士而瘋狂洗板的西多士勁hit，Facebook 日日有人share出泥，望住d相已經流曬口水，好想去食呀！ 坐言起行，趁假期訓到自然就同屋企人去試下。先來一樽樽裝原味奶茶（$17），冰涼夠凍，奶茶味道香滑濃郁，甜度適中。 先來一份芝麻蝦多士（$26），一份有4件，底面佈滿芝麻，香味直嘆入鼻，多士鬆脆可口，配以彈牙蝦膠非常特別。 這個奶黃流沙西多士（$22）幾乎每枱都至少點一份，相信很多人也是慕名而來的。流沙西多士有分奶黃和綠茶，兩款也很想試，最後還是選了最多人吃的奶黃流沙味。多士外層呈金黃色，中間有個魚蛋般大的洞凸起，相信一定是奶黃流沙漿。切開多士，流沙一湧而出，興奮得立即拿出相機多拍幾張照片。 多士吸收了流沙漿，變得更濃厚，更邪惡！奶皇味道香甜，奶皇質感較為濃稠，連在多士一起吃味道剛剛好，建議大家可幾個人share。最後再來一份XO醬炒銀針粉（$28），粉條炒得較為濕潤，如能炒乾一點會更好。加入了芹菜一起炒，味道惹香。 

2015年的文字，除了日記，幾乎都灌進了食評。目標落空，想年底完成的一百篇最後還是不了了之。就算是回顧，還是要承認自己的失敗，然後付出代價。那就是成年嘛，放任自己的結果需要自己承擔。這一年，開始懂得決擇，開始懂得堅定，開始懂得，珍惜和追求，其實同樣重要。在追求時，我發現我亦正在失去，我以為我會得到更多，但到頭來發現，我的手就這樣大，我的時間就這麼多，我能握緊的量，除了物質和金錢這種無限追求的東西外，其實一個人能擁有的很少。用有限去追求無限很傻，只是我們都總會經歷一段時間的傻，才懂得聰明。當人認識了新的朋友，你會發現自己把自己陪伴舊朋友的時間捨棄，當你有一個新目標，你會發現你用在舊目標的心神少了，我一天總是只有二十四小時，我能掌握的親人、友人、戀人，其實需要個人的選擇。但總有幾群由中小大學到現在的友人，我知道我會牢牢地緊握。選擇不去做和選擇去做，同樣重要。周記屹立於西環二十多年，遠在地鐵出現前，其存在已經是西環老街坊們心目中的一角，翻新換舊後，推出「流心西多士」，被各大報章瘋傳，掀起全城西多士熱，風頭一時無兩，周記的名字變得街知巷聞，至今仍然熱潮不退。一大清早，在西環百無了賴的日子，不知

呢日同d同事去左西營盤做義工做完義工諗住食個好味既lunch填肚同事就話西營盤附近有間好好味既荼餐廳但就唔記得左咩名行下行下見到呢間周記我就話不如求其啦 就去呢度食啦坐底先發現 原來踏破鐵鞋無覓處呢間就係我同事話好好味既荼餐廳仲有呢期好hit既奶皇流沙西多士我地呢班餓鬼嗌左好多野食 寫其中幾個印象深刻d既食物啦1. 鴛鴦燒賣 (黑松露/蟹籽)好爽口彈牙 配埋個豉油無得頂 食點心一定唔可以唔嗌佢 4.5分!2. XO醬炒銀針粉呢個就同我預期有d落差個味淡左少少 俾3分啦3. 芝麻蝦多士個個望到呢個即刻搶黎食!多士香脆、蝦餅又鮮又彈牙俾5分! 必食推介4. 奶皇流沙西多士當日d金黃色既奶黃就係咁流出黎甜而不膩 西多又夠脆值得俾5分! 我地仲encore左一份5. 綠茶紅豆流沙西多士呢個新口味相信唔係咁多人試過我個人唔太喜歡綠茶 但都叫左份同大家share試試流沙程度同奶皇一樣不過出黎既係綠色 唔係金黃色感覺似食甜品多d3.5分 值得一試!

終於同朋友黎周記食呢度好出名既流沙西多士，真係聽到個名都覺得好吸引！小店地方不大，但係每個空間都坐滿左人，感覺有點逼，但為左食好野真係無辦法。奶黃流沙西多士 ($22)一切開呢個西多真係好滾動！奶黃流沙洶湧而岀！西多唔會油膩，奶黃足料香濃，仲有粒粒咸蛋黃，真係超級邪惡！芝麻蝦多士 ($26)除左流心奶皇西多好食，其他點心都非常唔錯。例如呢個芝麻蝦多士，滿滿嘅蝦膠釀係多士上面，蝦膠好彈牙，而且唔會溝咗好多麵粉，感覺係用咗好多蝦肉，多士炸得香脆，一啲都唔會覺得塊麵包吸哂啲油，絕對係岀色之作！食品美味，價錢又相宜，食完已經好想再encore。

✨奶黃流沙西多士$22 (8/10)晚上邪惡之選😈😈😈 只要輕輕一切落去，奶黃醬隨即湧出來😁金黃色，好吸引！西多士香脆綿綿，好香口，加埋甜甜咸咸嘅奶黃醬，確系可口！而且，西多士未切之前，又唔會比奶黃醬浸到爛左，相貌可觀😍溫馨提示💁🏻：（1）女孩子胃口唔大嘅可以share食，會無咁膩👭 （2）切開後，要盡快食，唔係西多士就會浸到淋哂😑抵食指數(3/5):✔️✔️ ✔️

樽仔奶茶 (下午茶+$6)膠樽裝著實色的奶茶 放入雪櫃而不加冰唔會溝淡左老實講有啲似冰鎮奶茶 都是不加冰不加水的構思奶茶的奶和茶平衡得不錯 不過個人就覺得甜左少少銀針粉淡而無味 感覺太油膩了價錢中等 單點或下午茶加配也不特別抵左 一試無妨流沙奶皇西多士 ($22)炸版流沙奶皇包 又到流心又係金黃誘惑嘅時間西多士下單製作 期間很想加點一籠流沙包食住先端上眼前後看見中央卜了起來 凸起一個小圓山丘多士金黃油亮而邪惡 看得出是兩片方包夾奶皇餡切開西多後奶皇便滿溢流瀉 卜起的位置緩緩下降一口沾上餡 入口香脆奶皇鹹香 滑溜油多 奶味濃郁幸好入口少膩叫人暫時忽視罪惡感但食曬幾頂胃都算係食翻個廿零三十蚊嘅平民下午茶的好選擇兩個人一份都好漏 好彩冇叫流沙包 食三四籠已經幾飽