味力HK

營業中

休息中

雖然一幅相都唔記得咗影就係因為太好味!佢哋最出名就係酸菜魚咖哩, 乳鴿風沙雞!同埋好多好多 。 侍應非常好禮貌!尤其嗰度的強哥! 如果有啲咩事真係要搵強哥幫手寫菜推介!最重點係爆場得三個侍應所有上菜的速度快過麥當勞!真係想食樣樣都好味的中菜又不太貴的畫這裏是一個好選擇!食嘢唔一定食網上爆紅的小店!

呢間餐廳賣嘅菜式都幾多種類，有粵菜、川菜、潮州菜，店舖裝修比較舊式，懷舊feel我同朋友叫左個兩樣食物。價錢略貴......如果多人share食，會抵啲鹵水拼盤：味道ok，唔算特別出色，叫做入得下口咁，呢碟都大約$100，份量只夠2人蠔仔粥：正常水準，蠔仔多同大粒，份量大整體黎講，呢間餐廳比我感覺係高級有冷氣大排檔嘅感覺，侍應伯伯有禮貌主動推介食物。呢到比較適合一班男人聚舊/聚餐，有菜有酒有大枱，食物大份，岩一大班人黎食。

酸菜桂花魚 $158桂花魚片🐠份量唔算多勝在肉質嫩滑、無骨👍🏻 湯底唔會好油🍾味道少酸🍋少辣🌶若酸味同辣味再出啲，會更惹味！ 配料有酸菜、豆芽、青瓜、薯粉、雲耳、香芹等酸菜夠酸菜頭脆口、菜葉軟淋 豆芽、青瓜🥒、香芹新鮮口感爽脆 薯粉🍜吸曬湯汁味道酸辣並存👌🏻略嫌淋身左、可再煙韌啲🧐  豉油皇鵝腸 $85鵝腸口感鮮嫩不失咬口💯脂肪清理得較乾淨👍🏻但刻意留低小部份脂肪增加油脂香味醬汁味道似潮式滷水汁唔會過鹹🧂亦唔油膩🍾底部芽菜吸收曬醬汁既精華，幾好食😋 咕嚕生炒骨 $78排骨炸得金黃香脆🥰酸甜可口食完好開胃🍚之前食開啖啖肉既咕嚕豬頸肉無左，依家要吐骨，傷心🥺但仍然保留到應有既水準🏆 魚卜煲 $98用姜蔥爆炒，魚卜爆炒後保留到爽脆口感可惜味道唔夠鹹香🤔但勝在唔會好似其他大排檔咁油👌🏻 中山妙齡乳鴿 $38/隻外皮香脆😻肉質嫩滑每次必嗌⭐️ 整體而言，味道、食材都有一定水準🉐環境、服務都勝過大排檔幾條街係我唯一三訪中菜既餐廳🥇而且全日免加一、茶芥☕️性價比高💰

今天要跟大家分享外賣的經歷， 2020年3月24日中午時分 ，我去味力hk去買外賣 。剛進商場 已經聽到 該店舖的職員在門口大叫大嚷 ，內容令人側目 。除了叫人過去幫襯之外 ，還說了一大堆奇怪的東西，令路過的人感到尷尬， 很多顧客給嚇跑了，有機會自己去了解一下 。 言歸正傳 ，我叫了三個外賣， 其中兩個飲例湯。 食物的味道及質素不是今天我分享的要點 。反而 我想分享今次裝外賣的發泡膠容器。付錢後等 了七八分鐘 ，外賣就準備好。職員把食物分別 包在兩個膠袋交給我 ，那我就原膠袋把食物 拿回去享用 。誰知一打開膠袋， 食物的包裝盒好像中了輻射一樣 ，完全變形 ，明顯示包裝盒質地有問題不能承食物的熱力而變形 。最恐怖是 塑膠好像得成女傭，已融入食物中。(見圖 ) 我究竟食還是不食 ? 錢已經付了 , 難道又要走十五分鐘會去換嗎? 心情比肯德基買外賣， 回家發現少了一件雞更加難受。 希望將我慘痛而恐怖的經歷 ，給大家 作一個指引 ，不希望有人要再作無謂犧牲。

小弟一直以來，都幾鐘意叫幾味餸，再配上一支啤酒。今日去左食 “味力香港”，其實呢間我食左幾次，水準都一直keep 到，而Staff 都好Nice 今晚照舊叫左個幾味餸妙齡乳鴿，呢味餸我至愛，乳鴿肉質鮮嫩，炸得岩岩好，唔會炸到過火，直得推介回鍋肉，好入味，肉質爽口，唔會話太油膩椒鹽鮮魷，都係必叫。 鮮魷鮮甜可口，炸粉唔會太厚上湯雜菌浸豆苗，食左咁多炸野，叫左個豆苗，上湯鮮甜，豆苗柔嫩最後叫個個炒麵，香而不油膩整體黎講，呢間餐廳所有野食都做得幾好，而價錢又唔會話好貴，平民價位

這間小店位於觀塘隱蔽嘅一棟大廈入面, 在旁邊龍城冰室 !位置寬敞不用WORRY隔離座的人口水噴到過嚟!!這間中菜小店其實實力非常厲害,每天有個非常賣力的叔叔,原來原本是九龍塘高級食府的大廚,因為想自立門戶所以就在觀塘這裏開了小店!可惜很多人都見到門面入曬龍城冰室,多人就不會入去!所以我決定支持小店陳年花雕乳鴿! 乳鴿呀仲要這個價錢! 好過沙田好多!這個咖哩炒蝦非常新鮮!還要非常濃沃咖哩味! 這個真是必點呀仲要只係138元自家製白醋雞腳!辣辣地我喺香港咁耐都未食過咁好味嘅雞腳 西蘭花減肥?! NONO! 一道簡單嘅炒菜衣顯得功力~最後小店仲送上檸檬茶洗手太有心! 勁過酒精搓手液!

今日去到觀塘分公司工作完後，同事話不如在樓下找間餐廳食，我地2人都十分喜歡吃辣，見到有間食辣的餐廳都吾太多人不用排就去試一試。見到這裡的乳鴿$38不貴就叫咗幾隻來吃，但這裡的乳鴿肉好少而且有點凍，有失望到。之後我地再叫小食辣的麻辣牛肚十分好食，夠辣又夠惹味同香，牛肚好入味切得夠幼細，青瓜都夠辣好開胃，但陳醋鳳爪的陳醋不夠酸但幸好鳳瓜好淋身同入味。我地想吃的水煮魚終於來到，今次叫了桂花魚，魚二斤幾比心目中少咗一點，而且我地叫的中辣係失望，辣度仲少過小食的辣。魚質只叫一般不太出色和滑，配菜不少都夠入味，以這價錢還可接受。食咗咁多辣當然想食返少少吾辣的菜，我地就選擇了蒜茸豆苗，豆苗都炒得幾香口，蒜味都夠而且份量都夠我地幾個人食，不錯。

中秋節時一家人去咗官塘味力做節，都叫咗好多嘢。先嚟個乳鴨，非常脆皮又甜，可能太耐無食，所以覺得好有水準。第二味酸菜魚片，又係好食，魚好滑微辣嘅味道令人開胃。另外，黃金蝦又係正，好甜口蛋黃味濃，皮又脆。脆皮炸子雞，肉滑皮脆一食落去好滑。

次次經過 見個叔叔好努力拉客 所以今次都去支持一下係門口經過以為佢好細間 原來入邊都好多好多位都好多人係五五知己聚腳地好難唸想食咩所以就叫左個$238 味力三寶推介先上個榨菜木耳佢應係用原個榨菜自己砌 所以榨菜個味都好好但係佢木耳好炒。同唔夠麻香如果佢可以雪凍少少應該會好食好多 接住就黎個 蠔餅唔講得笑。佢份量都大。唔hea而且好香脆 夾下去唔會只係得粉 佢真係有好多蠔而且旦味都重再接再勵。即上埋酸菜魚又好大個碗 佢個湯唔夠酸味😓😓試埋其他先個桂花魚 好好味 新鮮 嫩滑 我老公唔係好食魚都大讚的佢其實有水煮魚。下次可這式埋🤤🤤🤤底下好多香菜 大豆芽 同有薯粉 真係食到你飽叔叔走埋黎 介紹今晚有椒鹽賴尿蝦同鹽焗花螺 我地又要試埋個 椒鹽賴尿蝦都好多隻 同埋雙雙都好新鮮 唔會牀似有時有些店係有些梅的 佢個椒鹽都整得好香今餐整體都係大滿足值得再黎

今日黎觀塘食午餐，我係比佢呢間鋪既名吸引左我，除左名之外，就係佢啲餐牌😂嘩！多到嚇死人🙄講到香港，最出名既茶餐廳名物，一定係非乾炒牛河莫屬，想知間餐廳有冇水準，食碟乾炒牛河就知😎所以我就叫左一碟乾炒牛河拎走返公司慢慢嘆！一打開個盒，香氣撲鼻！牛河有獲氣，夠味，河粉夠乾身，牛肉嫩口入味，明顯牛肉有醃過，呢方面應該有落過功夫👍🏻整體來講的確唔錯，乾炒牛河一定要炒得夠乾身先好食，以我食過咁多間黎講，十分滿分既話，佢都有9分！

乳鴿🐦太快手，食咗先記得影相。好扺食，上枱係熱嘅，唔洗加鹽都好夠味，皮脆肉嫩，$38一隻一d都唔貴。相比喺出名食乳鴿嘅舖頭，佢一定唔會輸。生啫通菜煲上枱個煲仲有 ‘芝芝’聲，證明夠晒熱。有肉碎，大蝦乾，蒜頭一齊炒。唔好以為蝦乾炒完會乾身難𡁻，一d都唔會，仲有d香口。香辣大蝦🦐🌶見到咁多花椒，辣椒乾嚇親。外觀同味道不相附😂😂仲好好味，似宮寶雞丁嘅味道。因為有花椒所以會有少少麻。咬開個殻d肉仲好夠味，用嚟送酒一流🍺👍🏻由於食極都仲有，無聊數下有幾多隻🦐。。。係10隻。。。$168下次再嚟都會叫依道餸。味力炒麵即係豉油皇炒麵，炒得乾身，要讚👍🏻👍🏻👍🏻👍🏻完全唔油膩，仲有魷魚🐙，洋蔥，大蔥配撘，🐙唔多，勝在爽口。d野食算大碟，叫3樣加1款小食，2個人食啱啱好，唔會浪費。依間餐廳無酒牌，可以喺便利店買完入去飲。🍺🍺🍺

来到Hk，心心念念味力的蠔仔泡饭，份量足，保持一向水准，满足下午茶歺，超值，服务殷勤，冷气充足，下午茶时间，人气旺盛的，最里面有四围大枱，看起来家庭聚会又一选择，最抵赞还免加一免茶位，掂

每逢星期二上完堂大概8點，都會係觀塘區食飯。朋友們比較喜歡叫餸食飯，之前有試過好多間唔同酒樓、大排檔之類，但普遍都偏貴。今日返學前路經呢間，門口寫住免茶芥，免加一，咁就打算放學後試下。入到去，見到小菜都幾大碟，我地4個人，叫住3小菜，睇下味道如何先😜酸菜桂花魚（朋友唔食辣，否則一定叫水煮魚🤭），魚既口感幾好，份量都算多呀，可惜個湯偏咸，唔夠酸。除左魚仲有薯粉食（我估），味道幾夾。啫啫芥蘭煲，份量夠，不過不失😋炒齡乳鴿，$38 用黎送酒，都算唔錯🤭🤭不過個人覺得偏細，無咩肉。朋友覺得好似無咩肉，唔夠飽，我地再加多2個餸。沙拉骨，味道幾好，唔算太油，送飯一流炸饅頭作為甜品，無得輸。饅頭細細，即叫即炸，好香口，正呀😂總括黎講，我地都好滿意呀，而且服務好好，招呼周到，下次再試下其他小菜。希望可以keep住呢種質素，👍👍

"味力HK"想試好耐，適逢預早慶祝爸爸生日就黎試下，book左星期五晚7點半，時間早無乜人我地一行17人要分2張檯坐，坐低待應已開茶開水幫忙落單，我一早上網做好功課知道乜嘢好食要叫人齊開始上菜都快，估唔到份量唔少，真心好好味食，我地食得開心滿意，待應服務非常好，笑容好無人黑面我地叫左好多小菜，必食：味力脆蠔餅，味力小炒皇，味力滷水拼盤，酸菜桂花魚，川辣水煮桂花魚，咕嚕豬頸肉，港式沙拉骨，芥茉撈雞，涼拌蕃茄仔，椒鹽鮮魷，黃金鮮魷，鹽焗豬肋骨，大漠風沙雞....甜品一定要食芝味焗金薯呢個好好味，金薯好甜2圍埋單共$2917,無加一，免收茶介食完呢次都會再幫襯

週末去左觀塘行街，下午茶時間肚餓，我記得之前呢個商場都有好多野食就過黎睇下，希望唔洗同人迫！行到去門口，見到個餐牌好抵，平到咁心諗信唔過，但職員好有誠意咁出黎介紹拉客，就試下啦星州炒米 都幾大碟，唔會好乾，小小辣，幾惹味鹹魚雞粒炒飯雞粒都幾多，熱辣辣，味道正常大食既我見到薯條雞脾餐咁抵忍唔住後加埋，勁熱丫隻雞脾，好脆，粗薯條好少有得食，好好味丫呢間真係好抵食，廿幾三十蚊一個餐幾好食仲有野飲，抵到爆可再encore