味力HK

營業中

休息中

之前都好想試味力HK， 一路都未有時間， 上星期六剛剛放工經過店舖門口， 見到沒有人排隊唔使等，所以就入去試下。 大約七點幾的時間都不算太多人， 原本我點了乳鴿和鹵水鵝片，可是賣曬了，七點幾已經買曬真是好賣！ 之後我想點兩碗白粥，但是他們說晚市沒有白粥的。 最後當晚我點了獅頭鵝(例) $90， 薑蔥廣島蠔$138， 酸菜桂花魚$140，白飯兩碗 $24。獅頭鵝～ 本身想吃滷水鵝片，可是當晚賣曬了，所以店員介紹我吃獅頭鵝，果然肉質肥瘦適中， 非常入味， 味道不錯啊！薑蔥廣島蠔～ 廣島蠔的份量很多， 配薑蔥味道很夾。酸菜桂花魚～ 我點了唔辣的， 魚的份量都算多，但是有很多位置都是骨位， 配菜入面有芫茜，酸菜，木耳和薯粉。整體來說食物的質素都唔差，但如果可以試到我想食的乳鴿就更好了，再加上如果白粥晚市是沒有供應的，應該寫明在餐牌上。 兩個人三餸加兩碗白飯埋單$392， 沒有加一收費。

E間係我第一次食，同朋友經過見冇咩人排隊就入左去食佢上菜都ok快，我地都只係等左大約10-15分鐘餐廳好懷舊，餐牌係人手寫，仲要應該每日都唔同，因為餐牌上面會寫住果日的日期咁我就叫左咖哩雞飯，有野飲，$50，都幾抵食個咖哩汁好惹味，份量都ok多，好味到我用晒所有咖哩汁撈飯!!!雞的份量就一般，六七件，唔韌，而已都好夠味，不過佢D雞唔係全部無骨，係一D有骨一D無骨咁，如果可以全部都無骨就好喇入面仲有D薯仔，薯仔份量就多喇，仲好林

屋企人諗唔到食咩又見到有人上網介紹就試吓估唔到一試就愛上餐廳嘅裝修頗為特別有啲風味食物嘅種類亦都算係唔錯夠多。當中酸菜魚令我一試難忘，酸菜唔會好鹹亦都唔會好酸啱啱好， 魚又夠滑又夠多送飯一流。而其他嘅菜式亦都不過不失，家庭晚餐呢一個係絕對好選擇

屋企人要食團年飯在想觀塘那裡吃飯好的時候，其中一個話食過這裡的風沙雞不錯，所以今日我地就來吃團年飯，來到見到都幾乾淨而且坐得都幾舒服，我地最後叫咗小食同主菜，份量都幾大份而每款餸都合格不錯，下次會再來試其他食品。 這個小食都是屋企人話好食我地再來吃的陳醋蕃茄，原來是車里茄，食落去陳醋味比較弱，幸好蕃茄仔好鮮甜，每人幾粒剛剛好幾開胃。牛肋骨是這裡的待應推介，成日聽豬肋骨，比較少聽牛肋骨就叫了，來到見到切好晒都吾錯，食落去牛味都濃而十分軟熟，醬汁味道剛好，推介好味道。 用鍋上的蠔餅都幾大份而且唔多油不錯，一夾之下竟然蠔仔十分大隻，不過蛋味好少但食落去都可以，感覺似食日本的天婦羅，哈哈~好耐冇食而在這裡見到的鵝腸好味喎，不過有少少肥但都可接受，醬料好味而鵝腸又入味，配菜都好味夠惹味，最後我地成碟連配菜都食晒。最後講的風沙雞真的不錯，有少少脆口又有點似油雞但雞肉好嫩滑，配上白飯十分飽肚。不過只有一款甜品就偏少，最後冇食甜品就離開了。

事緣今早食咗個早晨全餐，飽到食唔到午餐～呢間下午茶要兩點半，平時都食唔到，今日終於可以試試！下午茶當午茶，慳好多呀！佢每款食物都會作一句字，好搞笑海陸兩棲，盡在碗中：講緊肥牛螺片湯米線而我揀咗「吃個大雞脾，生果會解膩」即炸，上枱熱辣辣，呢度嘅炸脾無沾炸粉，外皮薄脆，肉嫩而且仲有肉汁，最緊要係熟！同無雪味！鮮果沙律，新鮮！凍！係傳統茶記嘅沙律，有青瓜、蘋果、紅蘿蔔、粟米、薯仔等配料，而且沙律醬又唔會過多，剛好漿住啲食材～之前午餐晚餐都食過，今日試埋下午茶～總結：有鑊氣！有份量！有質素！

觀塘係一個商業區 ，平時星期一至五放飯嘅時間，即12點至2點所有嘅食肆都擠滿咗人， 而且價錢 仲平啲添平均一個餐都要成五十元左右。 但係一到下午茶嘅時段就已經冇乜人啦，所以起 觀塘食下午茶餐特別抵, 而且又比較多選擇, 特別係星期六 日嘅時候,無咩上班一族！下午茶餐牌味力主打價錢平，比大家樂仲要平，而且，唔使自己攞。雖然佢哋嘅待應生服務態度真係麻麻！！！但係咁嘅價錢你要求啲咩呢乾炒牛河份量比較細碟， 河粉炒得很爽身而且牛肉好林 有美極嘅味道馬來炒貴刁唔鍾意食咖哩，千祈唔好叫昵碟，因為辣，同配料比較少！貴妃響鈴米線我自己覺得，呢個下午茶餐最抵食嘅就係呢個， 呢度嘅貴妃雞好食個雞好有雞味, 仲有兩嚿響另加多一杯熱飲先係27元，咁平可以喺邊度搵到呢豬頸肉炒烏冬呢個炒得好有鑊氣， 而且豬頸肉都好入味，但係份量就唔係太大碟星洲炒米星洲炒米係我本人嘅推介 因為米粉比較細條, 所以都算入味而且配料都算足夠!餐廳內位於位之間都算寬闊而且咁嘅價錢有咁嘅環境 你想點呀!

星期日夜晚同屋企人一齊去共聚晚餐就試下位於觀塘駿業街嘅味力，裝修都幾特別嘅，行一啲古典風味唔似得普通茶餐廳， 錯落都算舒服。餐單滷水款式唔少，佢可以單點亦都可以叫拼盤。除此之外仲有其他唔同種類嘅小菜，當晚我哋就嗌左一個酸菜桂花魚小小辣，酸菜同個湯底做得幾好，入面都有小小青瓜同埋芽菜，而個魚食落去亦都好滑值得一試，怕食魚有骨嘅朋友就可以叫一叫呢個又話桂花魚冇乜骨另一方便我哋嗌左豉油王鵝腸，我略嫌偏鹹但係鵝腸做得幾新鮮唔會有一種好腥腥臭臭嘅味，分量亦都十足。當中都會有大量嘅芽菜做半碟。另外我哋都排咗芥末撈走地雞同埋海鮮雜菜煲。個芥末撈走地雞相當攻鼻但係又帶點刺激，中意wasabi嘅可以一試啊！個雜菜煲就菜款比較少，但勝在當中嘅海鮮都新鮮同埋分量十足。整體而言食物唔錯員工亦都好有禮貌都應該會再來！

老人家生日，指定動作食中菜，早前行開這工廠區，見到此店，所以來嚐一嚐，我哋一行十人，點了10個菜：秘製雙冬羊腩煲、白灼海中蝦、味力脆蠔餅、避風塘炒蜆、野菌紅酒牛立坊、上湯雜菌浸豆苗、大漠風沙雞半隻、椒鹽焗豬肋骨、咕嚕豬頸肉和雞湯海皇雜菜煲。白灼海中蝦180元，蝦肉彈牙夠新鮮秘製雙冬羊腩煲338元，大大煲，無騷味椒鹽焗豬肋骨80元，炸得香脆，但有點乾。避風塘炒蜆38元，唔夠鑊氣，似撈汁味力脆蠔餅80元，大大隻蠔。咕嚕豬頸肉68元，夠香脆，醬汁惹味雞湯海皇雜菜煲90元，足料大漠風沙雞半隻160元，外皮香脆內裏嫩滑上湯雜菌浸豆苗70元，雜菌不是新鮮，有點失望野菌紅酒牛立坊120，肉質淋滑😊整體食物質素尚可，羊腩煲和咕嚕豬頸肉較出色，另此店免收加一及茶介，抵贊

網絡時代，當你想揾有咩食時，我都會去openrice睇下相同食評，今次就係睇到其他食評而來左呢間餐廳。今次目的係家人生日，又要底食又要好味來符合家人口味都相當困難。見到呢間就訂位試試吧。餐廳位置位於觀塘中海日升中心，係觀塘一個新起既商廈，地下同1樓都係食市，雖然已起了一段時間，平日人流都算多係工廠區，始終同地鐵站有段距離，但星期五六日呢度啲餐廳就坐無墟席。總體來講食物唔錯，唔會太油膩，只小我食完無要狂飲水(只會味精重才會咁)，服務很好員工好有禮，會再來光顧的，唔會伏。

並不是刻意抹黑 中傷 只是想將今天用餐經驗分享 一間不歡迎小bb內進進餐 的餐廳請各媽媽三思而內進👇🏻👇🏻👇🏻經歷如下👇🏻👇🏻👇🏻上完playgroup後 媽媽想同阿仔一起食tea 見這餐廳人不算多 而且有提供bb餐椅 所以便入去之後 問一位中年男待應拿bb餐椅那待應連講3次「bb餐椅好阻住晒woo」但最後 還是很面黑地擺放bb椅因為要安頓好阿仔 媽媽才有時間點餐當我再跟那中年待應點餐時他好大聲地講「你終於度好條數 諗到食什麼le」用餐時 阿仔不小心掉了食物媽媽已經立即處理 之後那待應行過 又很大聲講「嘩 bb整到成地都係」雖然果刻媽媽已經氣頂 但為了教仔便忍住條氣同仔講「仔 同叔叔say sorry 」估不到那待應回應「那是父母管教的問題」之後 走開了 再同其他待應講「而家d父母吾識教仔」😡😡😡😡😡😡😡😡😡😡😡😡 如果餐廳真的不歡迎bb內進用餐我不介意 門外掛著「不歡迎3歲以下兒童內進」你們的冷言冷語 不只令父母尷尬 小朋友更會感覺得到謝謝

環境不錯,服務一流!而且食材好,雞肉新鮮! 才138$! 外面什麼雞煲都2百多!很難吃!蝦多士很脆!放很耐都很好最好吃是最後的甜點,cheese sweet potato! perfect dessert! 賣單只是317

乳鴿應該係哩到既招牌菜式啦！張張台差唔多都有order。賣相唔錯。我唔太好乳鴿，食左一啖，味道幾好、調味適中，皮夠脆，肉夠瘦，都對得住期望既。中意食乳鴿既朋友都覺得唔錯，有讚！海皇醬金絲蝦煲蝦有六隻，都大大隻！可惜食落就較失望。蝦雖然大隻，但肉質唔彈牙，未至於梅肉，但食得出唔夠新鮮上次黎哩間餐廳食飯覺得佢食材好新鮮，但個蝦就令我大失所望下面係粉絲，粉絲索曬啲汁、幾惹味，仲食到蝦味添粉絲冇煮過龍，食落爽彈，幾好調味唔算太鹹，但都唔清淡，而食到最尾煲底果啲粉絲就有少少油，可稍作改善。整體味道唔差，份量適中，唯獨蝦未夠新鮮、底部稍油。味力脆蠔餅蠔餅即叫即製，上台果陣仲熱辣辣。賣相唔錯，炸得金黃，食落鬆脆但唔刮口蠔餅入面可以見到大粒原隻蠔仔，完全冇腥味，可以講帶少少鮮甜，唔錯蠔餅入面仲有蔥粒作去腥之用，夠細心油溢味都冇，但要快啲食左蠔餅先，放耐左就開始出油，影響鬆脆口感。蛋控私心覺得如果蛋既比例可以多返啲就更完美港式沙拉骨冇記錯應該有八舊，好大方沙拉骨好入味，就算冇沙律醬都好好味既香口又惹味！沙拉骨唔會冇肉食、得啲骨而且肉都夠瘦，脂肪唔多。唔好以為係瘦肉就好鞋，肉質結實但唔韌，輕易咬開，唔洗牙

星期六放假，晏晝搵好西食。發現海日升中心都幾多餐廳，但老人家只鐘愛中菜，於是揀左呢間。室內裝潢唔太cheap，唔似又舊又殘嘅冰室茶記，設計走四、五十年代中式古典路線，座位寬敞，環境雅緻。菜單主打潮式同港式小菜，滷水款式都幾多，午市仲有碟頭飯，確係識做香港人生意，勝在多嘢揀~我地嗌左蠔仔泡飯同滷水拼盤。老闆問蠔仔泡飯要一鍋定一碗，我地要左一鍋。蠔仔泡飯即係潮州嘅蠔仔粥，廣東人先叫為泡飯。同廣東粥唔同，唔係煮到又綿又滑就叫好，而係米粒頭尾要開花，米要粒粒分明，但食落軟綿，入口即化，就叫上乘靚粥啦。呢道蠔仔泡飯未算叫上乘，蠔仔鮮味一般，但味道都唔錯，而且蠔仔份量亦合理。而滷水拚盤，配搭款式時令。嗰期咩鮮整左咩滷水，店決定，所以嗌之前要問下店員或老闆。圖片只供參考，一張有牛肚，另一張無但有魷魚片。不過我地果碟呢兩樣都無 😂 而係有豬頸肉、豬大腸、豬肚、鴨肉、紅腸、豆腐，都算係包羅萬有。 而且睇到師傅刀工好熟練，切到所有料都件件均稱，大小一緻，落多幾條莞茜，擺盤自然好睇啦。不過滷水並唔香，完全食唔到花椒八角嘅香味，只有鹹味，普普通通。整體而言，無超級好食，但食得過，值得一食 😁

過兩天是小弟生日！友善的同事相約小弟外出下午茶！大家放下手頭工作蛇出去....接近兩點官塘工業區依然是人頭湧湧，人龍長長因時間有限，所以選擇不多！只好走進商舖內少人到的地方覓食對於味力，小弟可算是常客！此店需在商場稍入位置！實際上是易搵的兩點後人潮已散。小小的店子已有數張吉枱！叫咗兩個撈公仔麵一齊分享！鼔油雞撈公仔麵及沙爹牛肉撈公仔麵兩個麵差不多時間到！先講沙爹牛肉，沙爹香滿溢！每片牛肉都沾上了沙爹醬。入口十分惹味，香勝於辣！又有鮮牛肉的味道。而公仔麵，煮得剛剛好，爽口彈牙的感覺完全的顯現出至於豉油，應該特別調製的。味道帶點甜，大概是混合了蠔油。有蠔油香，也有豉油的香。豉油雞雞油較多, 整到個麵都較油。不過雞肉幾滑, 而且肉厚，有雞鮮味。那碟羗蓉都未用過...兩個人連凍飲埋單共$56好味加抵食加坐得舒服此店成為我經常探訪的鋪頭！

本人因為被YouTube兩公婆介紹吸引下去這食店試試，確是沒有令人失望,食物質素佳很新鮮，分量足很抵食，每樣都很好吃很有水準，環境光猛整潔，地方座得舒服，它們主要分別有廣東菜,潮洲菜及川菜，店員有禮服務態度不錯👍，工作效率快。現今去飯店消費的確是要硬食不必要如茶芥收費等。 不吃那些花生酸菜也要比錢，最欣賞是這飯店的熱情絕不收茶錢、茶介及加一服務費）三樣都是全免下次一定再來試川菜吃水煮魚，十分期待下次啊！