味千拉麵 (已結業)

lunch set 有多款, 但多是拉麵, 我結果選了定食盒, 味道十分平平, 金菇牛肉也不特別好吃, 炸物完全無味, 味贈湯也沒有水準, 唯一是座得舒服過茶餐廳。本來加五元有橙汁, 又沽清, 叫人要那些枝庄橙汁, 當然貴些。

味千拉麵係我經常會去吃野的地方. 因為本人覺得作為連鎖店, 佢地的食物都有一定的水準, 雖然唔可以話係一流的食物, 但在飢寒交迫的時候, 食一碗熱騰騰的拉麵, 個心都會有一種滿足的感覺. 今晚一個人點了:蟹柳卷–我最愛的食物, 不過有時會一夾就’散’哂, 這間就不會, 而且配料都好新鮮, 係一個不錯的前菜.豬軟骨拉麵–麵底雖然知係standard0左, 但佢整的時候沒有過了時間, 所以食落都好爽口, 湯底如果佢話係豬骨湯底你都唔信la, 一定都係味精湯底, 不過又唔係好需要飲多水, ok la. 豬軟骨的份量都足夠, 不過唔知係唔係煮0左好耐, 有0的乾身, 有食豬肉乾的感覺. 配料都ok, 整體都係合格之作.六十元一個晚餐我覺得可以接受, 服務, 環境都比一般的快餐連鎖店為高. 而且食物水準穩定, 一個人食飯唔知去邊, 味千拉麵都係一個幾好的選擇.

此間餐廳是一所日本連鎖店。今日(11/9)係我與朋友去食晚飯，該間餐廳的廚房，是可以看見在內工作情況，恰巧被我看見，有名廚師正準備烹調食物時，他用自己的一隻手指，作發蛋器發蛋。請問衛生何在？？令我和朋友甚為失望，在此忠告其有關餐廳，以開放式廚房，勿以為沒人看見就可以...！<<<>>>

晚飯時間唔使等位...有卡位坐...坐得都算幾舒服...叫左1個面加大再加2個小食...個面好快就上左...味係麻辣牛肉...都幾好味,睇落以為唔係太麻,心諗"又話麻辣??"點知食食下愈食愈辣咁...但又幾正wor...^^但果2個小食呢...等到我地有d忟...我地食左晒個面都仲未黎...催左一次,過左陣都未有...本身諗住唔要埋單走人,點知呢個時候先黎...係就係夠熱辣辣la...但真係太耐law...而且唔係咁好味...><...早知一早話唔等走人la...

今日同老公去完覆診, 見好肚餓但食下午茶又怕唔夠飽, 又見灣仔分店剛剛裝修完, 所以入去幫襯下. 其實味千冇下午茶餐, 不過lunch set就去到5點, 所以就入左去食啦:之前想食粟米拉麵, 原來轉晒set lunch冇得叫, 所以就試下豬軟骨拉麵, 小食就由炸豆腐轉左做烤薯餅. 老公就叫佢最鐘意既咖哩豬扒飯同小食轉左餃子.豬軟骨拉麵- 豬軟骨好少分量, 得2舊半, 望上去又冇咩配菜, 好似好細碗咁, 湯底冇咁濃, 麵亦都唔算好咸, 豬軟骨食落其實冇咩特別炸薯餅- 雖然新鮮炸都唔係好熱, 外層唔厚, 幾脆, 薯餅一開二都幾厚身, 食落都食到有幾粒粟米粒同雜豆咖哩豬扒飯- 好多咖哩汁, 豬扒看上去太乾太炸, 但老公食落話都好淋餃子- 一碟4隻, 外皮煎得幾脆, 至少唔會一夾開就散開爛晒值得一讚的是當埋單時, 女侍應好主動問我地join 唔join 做會員($20 for 年), 而且仲主動地幫我地將今次食野既積分計落今次新開既咭, 等下次已經可以開始用. 積分冇discount, 但$1 = 1分, 夠100分當$8現金扣回, 如果2年內每次都食夠$100的話, 即係$20入會費都抵返

尋晚朋友叫去食飯, 佢話佢食味千, 開頭都無咩問題, 點知食食, 有隻張上行, 諗住算啦, 食肆實有啦, 點知差唔多食完時, 又發現多2隻, 而且size都唔細, 仲唔立即走咩, 點知埋單時, 當我比信用卡找數時, 個waiter竟然問’你ｏ果張咩ｏ黎’，　我答佢credit card, 之後佢話唔收，　ｏｋ，　算啦，　我比ｃａｓｈ，　但佢ｄ態度好有問題，　credit card 都要問咩o黎，　而且佢ｄ衣著似manager, 連credit card 都唔識????????

網主：我上次的留言上載了錯誤圖片，請將它刪去。圖片應該是是次這張。我光顧的時候還未有"油魚事件"。是因為想吃清淡一點的原故，選了個銀雪魚定食。魚是煎得香，算滑有口感。飯就略為黏一點，麵豉湯不過不失。

9/6/2006, 星期五,晚上差不多十時,在不知道吃什麼的情況下,選擇了味千,那天所吃的已不是記得很清楚,但那個南瓜天婦羅卻令我沒有再光顧味千至今了,那個被製成天婦羅的南瓜簡直是不能吃的,那南瓜根本還未成熟或是未當灶吧!完全不覺得是在吃南瓜,像在吃乾的粉葛,我已在味千的網頁反映,但一直未有回覆,劣質食物加劣質服務,試問這樣的食店還值得光顧嗎?

食完口渴到死! 無咩特別好食, 不如去格隔吉野家重健康好味!

18/7(三) 6pm放工後來個速食晚餐,見此店仲有下午茶立刻踏入店子,用3秒看看下午茶餐牌隨即跟侍應說:"要個味千拉麵餐呀吾該!".套餐$24跟果汁先生一杯,尚算抵食!一路望錶一路望在開放式廚房內的小師傅何時炮製好我的小味千拉麵.....等了漫長的10分鐘我的小拉麵終於被送上;麵餅份量系平時的一半,湯面上有層薄薄的紅油,好像很辣;先呷啖湯,豬骨湯味一點也不濃郁,亦不辣.麵條方面卻頗彈牙爽口!配料方面亦是大路的滷蛋(沒甚味道),叉燒2片(挺軟腍鬆化),木耳,芽菜,筍絲及蔥粒.吃罷完全不能令我留下什麼回憶/留戀.服務方面女侍應效率高,服務周到,值得加分!埋單連tips$27,個人而言不太喜愛此連鎖式拉麵店的味道!

同母親大人唱完k,近近地去左呢度... 兩個人點左:牛油燒靈芝金姑: 味道唔錯,母親大人讚好金姑牛肉卷: 每次必點!好有肉汁,點埋芥末醬,好味!!日式手造餃子: 好味,keep住水準蟹肉蟹子沙律: 份量都算幾大,好夠沙律醬,好吃!! 用埋會員卡有九折,兩人埋單$76

昨晚去味千拉麵，試了南瓜拉麵，湯底是黃色的，很香甜，似乎真是用南瓜煲的，另外有數件南瓜，是炸過的，入口即溶，很甜很好味，整碗麵都很好，值得一讚，服務很好，這間分店比較少人去，坐得很舒服，有分吸煙及非吸煙區，很滿意，會間中再去。

如去開會展d function, 尤其書展, 想搵好野食走去電車路果頭, 實無差錯, 咁岩遇到呢間味千, 於是乎簡簡單單快手唻個下午茶, 但都唔算係, 因呢次叫左個咖喱雞飯同叉燒拉麵餐, 餓餓地唻個late lunch. 同其他分店一樣, 拉麵d 湯底條formula好統一, 又係咁既味, 唔太好唔太差, 而咖喱飯同千色10蚊店買番唻既咖喱包味道, 幾乎一樣, 所以呢餐無甚特別. 但木枱木櫈鋪仔感覺依然討好, 只係無分禁煙或全禁, 一個不足.

間中會去吃拉麵，我每次都會叫我鍾情的豬軟骨拉麵，湯底好香濃，有少許味精，但可以接受，豬軟骨煲得很林，又唔會煲到無晒味。最好不要叫他們的小食，因為真係「小」食，好細碟，而且無乜特別好吃。座位稍迫，但灣仔這間已算好，銅鑼灣那間更迫，食完無得慢慢傾計，因為時常有人等位，服務只是一般。這個價錢吃到這樣水準的拉麵，食得過。

(8/11/05)八點幾都唔知食咩,一路都想試個咖喱拉麵。睇下menu,嘩!北海道南瓜拉麵,唔洗諗,入去喇。個湯係黃黃地色,但當然完全無南瓜味。一向味千D湯/麵都濃味,哩個唔得,只可讚那三件炸南瓜好甜啫。男友選豚肉生姜定食,面豉湯&小青瓜好味。如肥牛般的肉片好大碟,不過太多肥喇,如果係牛肉會好D,豬肉就好"鞋"好寡咁,或者點下芥辣會好D,最後我地都食唔晒。服務就應真麻麻,個個都木口木面咁。