味吉拉麵館 (已結業)

旺角人多車多, 要找個舒適的地點吃午餐實在有點難度, 要不是太貴, 就是味道上有問題, 而味吉算是不錯的選擇位於地庫, 同一層全都是食店, 除了找吃的沒有多餘人流, 不嘈雜之餘, 暖色格調亦可叫人放鬆心情用餐, 這次約了朋友聚聚, 志在慢慢吃, 聊聊天。經理都幾細心, 有次帶住個蛋糕, 一入去就已經主動幫你拎去雪, 而且坐位安排都唔錯, 有帶背包的客人, 通常都會安排多一個位或者卡位可以放野, 而且未試過急住收檯, 加水快, 服務不錯。博多豚骨湯豚肉拉麵: 這次是朋友點的, 而評價亦與我早前吃過的相同, 湯頭鮮味淡, 質感薄, 有溝水之嫌, 附上明太子想以其鹹鮮用作吊味之用, 但效果不顯著, 豚肉依舊肉質鬆化, 微甜去減少了油膩的感覺, 但整體平衡度低, 豚骨湯為店子較弱的一項, 不甚吸引。東京極上醬油叉燒拉麵: 湯頭散發出牛骨香味微甜, 可惜的是味吉用的醬油品質不好, 加上鹼水味, 欠層次使人有偏鹹的錯覺, 叉燒選了半肥瘦的, 肥瘦相間, 脂肪層口感如果凍般使叉燒有著軟滑的口感, 甘香有餘但稍欠肉味, 味玉鹹而淡醬油香, 與魂或周月的香味一較之下, 即時比下去了, 麵身尚算彈牙, 還

首次試食, 結果不錯:賣相ok, 麵條彈牙, 一大碟的天婦羅, 有如一個main course一樣般一碟, 不算太油, ok不錯的湯底, 很濃但不令人吃完後口乾, 份量剛好, 三大塊叉燒, 大點肥羔, 半隻溫泉蛋很美味呢!服務ok, 環境可以, 可以再回頭!

逛旺角時路過這個地庫的門口，內有幾家日式食肆，就這樣進去了，光顧那一家呢？那裡有人龍，那家就對了。東京極上醬油叉燒拉麵：上枱時，店員小姐提醒可以落白胡椒吊吊味，我就無落，可能食慣豬骨湯拉麵，味比較濃，呢個湯底好似無乜味，麵條爽口，隻蛋賣相好得，糖心狀態，但食落好奇，個黃無蛋黃味，奇怪？叉燒揀左半肥瘦，一夾個叉燒會由卷形散開返一條，有啲肥食落會有啲甘香，但叉燒本身都無乜味，兩塊都好夠。兩人埋單$160，要加一，無論賣相定味道會比味千好，但也只屬一般貨式。

今日下雨天~原本打算吃團購的,大阪王將, 點知到到5:00而己...=-=就去隔離那間味吉試試, 吧枱位, 即時入得~!!GOOD叫了一個豬骨湯底的厚切豚肉+叉燒,拉麵, 店員仲介紹,用生蒜調味可增加豬骨湯鮮味上面有明太子,帶微辣,黑木耳,筍,蛋......可惜個蛋黃太乾.....=-=燒牛肉,冷烏冬,烏冬麵質彈牙.爽口, 但鰹魚汁那些調味料也是一般貨色~!!=-=重點是~!!!那個燒牛肉, 肥瘦均勻, 肉質諗而不乾,加上燒汁滲哂入肉入面,GOOD串燒雞亦~!!!!佢將隻雞亦打橫CUT開左,D骨可以剝出黎~ONLY食個D肉~!!大啖肉!!爽死!!配上燒汁, 檸檬汁~!!串燒必備~!!XD服務也是GOOD的,出餐快, Waiter不時幫人客加茶,!!GOOD評價

週六在旺角聽講座，之前在附近的味吉拉麵館午膳。午膳時段人客頗多，只剩吧枱位置。經店員推介下，試了一份赤吉豚王拉麵套餐，內含汽水或咖啡一杯。赤吉豚王拉麵內有兩塊叉燒、一件豚肉及半只溫泉蛋。叉燒可選半肥瘦或偏瘦，我和友人各擇一，但結果基本上無分別，味道口感普通喇！相對上，豚肉顯然較入味，附上少許肥肉，口感尚算鬆軟。溫泉蛋做得不錯，近芯蛋黄蛋白仍帶點水溜溜。湯底據說用上豬骨煲上十幾小時，個人覺得不特別突出，尤其加了辣汁，豬骨味道亦被搶了。拉麵麵質不算十分彈牙，水準一般。另加豚肉餃子一客，因餃皮挺薄，經煎煮後帶點脆口，都幾好食。熱咖啡香濃度中等，總比喝汽水好吧！

上星期到了旺角行逛，到了晚上隨便找點吃的，在家樂坊見味吉不算太多人在等位便在這裡解決晚餐。先說環境，除了嘈雜了一點之外，整個燈光和裝修都挺不錯，地方不會太淺窄以致令人有焗促的感覺。食物方面，我們點了一客鹽味叉燒拉麵和一客豬軟骨豬骨湯麵。另外因為看見開飯喇一個食評讚賞它的煎牛脷，因此點了一客淺嘗。牛脷先上，煎得很香又軟身，不會因過了火喉而太硬，香脆之剩配上提供的芥末醬，感覺更清新，而且不會搶了牛脷本身的香味。但兩個人吃的話，份量好像多了一點。鹽味叉燒拉麵，是我吃過最差的鹽味拉麵之一，麵身像平常吃車仔麵的油麵，還要有一陣濃烈的鹼水味，吃了一半已全然放棄...叉燒只有一塊，好不好吃都已經想不起...只是被那鹼水味弄得味覺很難受。這個豬骨湯的拉麵則還可以，可能因為濃濃的豬骨湯味掩蓋了那麵的鹼水味。溏心蛋不過不失。這店的拉麵，價錢不比一眾有質素保證的店低很多，但品質卻有一段頗大的差距。可能是我叫錯了款式吧....

今日想食拉麵,見好耐都冇黎就去咗味吉,12點幾去到唔洗等位,今次就想試下個醬油湯底,見個極上醬油湯底更加進上等牛肩和其他上級魚乾食材,就當然配菜一定要有牛,所以貴d都要叫個本格美國牛肉的極上醬油湯底拉麵,侍應都提示要等10-15min,等咗12min就送上了第一件事就是嚐湯底,味道唔係好濃,仲有種清牛肉湯feel,麵條是用幼身孿曲的那種來配搭,口感都不錯,牛肉很有牛味,溏心蛋很滑易入口,筍條很好吃,還給你大塊紫菜浸著吃,整體來說都有7.5分的,但係份量真的很少,和張圖真的有點出入最後連湯都喝光光,因為飲極都唔咸好易入口,飲完都算有8分飽,不過這裡碗底是沒有字的,可惜最後埋單78蚊再加一,仲要唔夠飽,出去找個甜品補充一下好了

岩岩做完facial落樓下搵野食, 成日去嘉樂地庫食野都冇試過呢間9點幾落去都仲要等位, 心諗係咪真係咁好食, 所以點都要試下雖然最愛食烏冬, 不過拉麵都可以間中一試我地叫左一個叉燒豬骨湯麵, 同埋厚豚肉麵豉拉麵 服務幾好, order叉燒會問你要瘦定半肥瘦, 我地叫左半肥瘦, 不過d叉燒都好瘦, 唔似係半肥瘦反之厚豚肉就好肥, 只係食下面較瘦既位置, 拉麵軟硬適中, 湯底幾好味, 不過略嫌鹹左少少整體味道唔錯, 會再黎試下豬軟骨同其他湯底, 如果d叉燒可以肥返少少就perfect喇

運動前的午餐，本想去宮崎食日本燒肉，但波友原來腸胃炎剛癒，還是想吃清淡一點，於是便改去食拉麵了。掙扎一會，最終決定來碗美國極上牛肋肉醬油拉麵。牛和拉麵是分開上的，幾好。喝一口湯，幾喜歡那醬油的濃味，麵條亦尚算爽口。可是，所謂的極上牛肋肉，是十分之韌，是牙力的大考驗。另點的餃子總算可以接受，起碼熱辣香口。

見到味吉出左新拉麵 "赤吉豚王" 就去試一試, 餐牌介紹話係一比一究極豬骨濃湯, 講得好鬼誇張所以去試下佢係龍與鳳... 湯底成深杏色, 入口香濃既豬骨湯味, 而且有d 膠膠地, 好黏咀...麵色偏淋, 唔太彈牙... 以我既食量食左一半, 湯比我飲左一半, 我已經開始覺得好漏...所以一定要趁熱食晒去, 仲要九秒九果隻!!"赤吉豚王"入面有兩塊叉燒, 兩塊豚肉同半隻溏心蛋, 叉燒好薄好淋, 肥瘦得宜, 入口即溶豚肉望落有一層層肥肉, 睇落都有d 怕, 不過入口既肉味好香, 脂肪會係口入面溶化, 唔會感到食緊d 肥油... (雖然都係脂肪, 不過質感唔係平時食肥豬肉咁)食完個口會有一陣香味, 名副其實既齒脥留香沙律真係太普通, 普通到麻麻地... 所以不花筆墨介紹嚕!!咖啡係即蒸餾出來, 甘香而唔帶苦澀味, 倘算不錯!!

今日去旺角拎維修完的手機，之後就到左地庫的＂味吉＂食午餐，叫左推介的＂赤吉豚王＂拉麵，同熱檸水一杯，拉麵同飲品都好快到，拉麵裡有兩塊叉燒，兩塊豚角加半隻溏心蛋，溏心蛋好味，叉燒同豚角就冇乜特別呢個拉麵有分大、中、小辣，我叫小辣都十分辣加埋生蒜粒係拉麵一齊食，食完成身暖哂，不過價錢要八十多元，略嫌貴咗啲

其實我第二次來食~今次寫下食評讚下佢地~平時去旺角諗食咩諗到腦漿都出埋...有次路經家樂商場先知佢地庫開左幾間餐廳不嬲都好鍾意食拉麵既我就入左去味吉~~先講第一次~食左個叉燒拉麵~好鐘意佢D 豬骨湯湯底~仲加埋麥茶~溏心蛋真係一流~女友叫左個牛肉湯烏冬~覺得無咩特別~反而個煎牛脷幾出色~好香WO!又夠腍~------------------------------第二次叫左佢MENU PROMOTION 個個~有得揀大、中、小辣~我友人食大辣~但無跟本無辣味~多左D 辣椒油ONLY~牛肉沙律~AR~幾好食WO~D 牛肉幾嫰~番兜煎牛脷~都係咁正~~餃子~好一般~其實個人覺得日式餃子都係麻麻~但今次換左普通茶~唔知點解~~整體來講~湯夠濃~小食都唔錯~價錢合理~係旺角除左街邊小食就真係唔知食咩既我~今次終於搵到D 夠為似樣~~唔錯唔错

豬骨湯底很濃，加點生蒜更美味......拉麵不錯！豬軟骨較肥，叉燒和厚豚肉不錯.......玉子很不錯，配紫菜，蔥和竹笋.......係旺角食拉麵不二之選......

琴日晚同左女友去左呢間店食晚飯,竟然唔洗等位,而且d小二超有禮貌,速度好快,好好.亦坐得舒服,唔太迫,不錯.上菜速度好快,好好.我地叫左個麵鼓半肥瘦叉燒拉麵,同日式菠菜,個日式菠菜好好味,佢係凍既,而且淋左木魚汁上去,好夾好清新好好味,必叫,個拉麵亦做得幾好,麵質彈牙,有咬口,湯底好濃,再加埋牛油同生蒜,正到無倫,d半肥瘦叉燒都幾好,又唔算太肥,有口感,d油入口即溶,不錯,總括來講,呢間店既水準係幾好的,會再來.

近呢兩年，拉麵成為咗飲食嘅潮流，更加有唔少麵店係日本嘅過江龍。以前以為某啲拉麵連鎖店已經係好好嘅選擇，依家先知自己係井底之蛙。喺各款湯底之中，以豬骨湯底最流行。好多麵店都以採用大量上等豬骨熬製多時嘅湯底作號召。而味吉亦係其中之一。呢度湯底有5種，博多豬骨、札幌麵豉湯、東京極上醬油、函館鹽味同別府地獄辛辣湯，與3種肉 – 叉燒、豚肉同豬軟骨作用唔用嘅配搭。價錢只係50幾-70幾一碗。另外亦有其他小食可供選擇。至於呢度嘅環境，當然係整潔四正，而且店內亦有唔少麵條同湯底嘅簡介。今次點咗麵豉配叉燒同豬軟骨湯麵。麵豉其實亦係以豬骨湯作基調，湯底顏色淡黃同帶有油份。濃郁得嚟帶點麵豉嘅咸味，原來亦係相當唔錯嘅配搭。店員建議可先飲幾口湯，然後加入附加嘅2粒牛油，味道會更濃。配料有蔥粒、椰菜同芝麻。叉燒方面有瘦同半肥瘦選擇，雖然揀咗半肥瘦，但都唔算好淋，味道亦唔算好入味。而豬軟骨就反而較肥，但口感比較好。兩款肉嘅份量都唔少，都算抵食。麵係粗&曲麵，彈牙好味。呢度唔同湯底配搭唔同嘅麵，下次想試埋直&幼麵。呢度個湯麵碗比較大同深，加埋熱辣辣嘅麵同濃郁嘅湯底，相當滿足。另外嗌咗蟹籽沙律，嘩，都幾大碟。起初食啲