味苑 (已結業)

今天與朋友來到荃灣逛街和飯聚，以前曾去灣仔的分店吃飯，還記得那味道令我回味，知道附近也有一間分店，便向朋友提議來這一間吃個中菜。進去剛坐下就看見可愛的公雞碗筷餐具看了一下Meun後就先點了一個 鴛鴦咕嚕肉一邊是山渣味，一邊是蜜汁水晶味，山渣味比較清甜，蜜汁是甜帶酸，口感爽口又不會太靱難咬，非常容易咬開，是一道很好下飯的餸，一會兒就被清光了！接下來就點了燒味拼盤，我們點了叉燒，燒腩仔和燒鵝，叉燒 多汁 肉身 軟軟硬硬很有咬口，燒腩仔 皮很脆 肉身 軟軟的，肥膏不多也不少， 口感非常好，燒鵝 一樣有汁 皮和 肉身口感剛剛好 ，有點軟軟的， 一樣不會很韌 容易咬開口感很好最後 在點了一道 魚香茄子煲，看上去 賣相不錯 魚香茄子的汁剛剛好 不會太多，很香口 味道剛剛好不會太濃也不會太淡茄子的口感也非常軟身，又是一道讓人吃不停的餸

自從上次嚟過呢間晚餐，一直都很掛著呢間餐廳既美食，一於約埋朋友一切再食下先。餐牌有一個新菜式，駌鴦咕嚕肉～駌鴦分别係用山楂同蜜糖兩種口味，外脆內軟，山楂味道令人特别開胃，又是古老做咕嚕肉既材料之一，而家又可以食到；蜜糖既咕嚕肉，充滿濃郁既味道，堆砌成一幅美麗的圖畫，賣相一流，味道更一流！另一個餸係海味什菜煲，大大隻蝦乾、冬菇、菜、粉絲，加上湯鮮甜味，可以做湯飯，真靚再嚟一碗菜膽雞飽燉翅，簡直超值，有翅有飽同雞，清甜美味

今日約左舊同事到荃灣聚餐，他們推介了一間中菜館，格局擺設富中國特色，多一分就太多，少一分又嫌少，總之一句，恰到好處，令大家食飯的氣氛大增。由於今次聚會人數都只有小貓三四隻，所以今次食的菜式不多，但是款款都值得推介。尤其韓式柚子蝦球～本身只是想偷懶，不想剝蝦殻，就是這樣，令我有大大驚喜，值得大推👍🏻。首先它的賣相當特別，蝦球旁有一個用水果（如果無估錯，應該是日本既金蘋果）砌成的井字塔，當食完蝦球的時候食，會更加覺得有一股清流進入口中。蝦球的表層有柚子醬，加上脆炸的表面，令我感覺有點似食油條，而裏面大大的蝦球，食完覺得好有滿足感！另外，就是店家推介的菜膽雞燉鮑翅，材料十足，味度濃郁，在秋意漸濃的天氣，滋陰養顏👍🏻，一流！最後就要推介的，當然係最愛的蜆芥鯪魚球～熱騰騰、金黃色的鯪魚球，裏面有金香的果皮絲，加上秘製蜆芥汁，食到停唔到口。見到菜單上特色的菜式較多，應該要多食幾餐，才可試勻招牌內的特式美食，或者約埋大班朋友，齊齊食

餐具 、茶具和調味料的設計也是同一套款式的，真有心思 !牆上的畫也很美，很有中國美。單拼燒味飯：朋友說呢間的叉燒好吃 於是叫了叉燒飯。一人來說，份量算大。叉燒都大舊，肥肉不多，不會太乾，有蜜汁的甜，叉燒來說也不錯。飯也很香很好吃，撈埋豉油的熱飯係最正的 ! 蜜汁欖角牙簽骨 好大舊，汁是類似咕嚕肉果隻汁的結結口感，但不是甜，而是咸咸帶點微酸，和舊肉本身的味好夾。而且好多肉，肉質好彈牙，我和朋友也覺得很讚。每位茶費盛惠8元，我們要了香片，不錯，淡淡的香，不苦，很淳。原來仲會送糖水 ! 雪耳，木瓜，蜜棗等煮成的中式糖水，又健康，味道也不錯，那種甜是上述材料熬成的甜，而非額外加很多人工做的糖，是一種天然的甜。兩個菜加一個糖水，剛剛好，唔會太少都唔會太飽。

下午茶時段走入去吃個茶餐，大門壞了要自己用手開，先兩星期才來過，當時已壞了，唔係仲未修理好嗎？叫了個肉絲炒麵茶餐$40，味道一般貨色，肉也是沒味兒！由於拿著手推車，大包細包的，我位置是座在收銀的隔鄰，其實一手便可接到張單來埋的，所以埋單時便順手交給收銀員，誰知她不接我張單，仲說這裡食完是自己出去埋單的！（心諗～有冇攪錯呀？做生意收錢都收唔切啦！今時今日咁嘅服務態度？即趕客走啦！好咁咪走囉！以後唔嚟這間食囉！咁富貴！）唔怪知得佢地晚巿生意咁差囉！請啲咁嘅員工返來倒米！我真喺恭喜佢老闆囉！我以後都唔會幫親服務態度惡劣的食肆，因為外面還有很多選擇！跟客人過不去是最愚蠢的行為！「味苑」老闆們～客人是你的財神，請好好訓示吓你的員工罷！

我好鐘意食义燒，朋友介紹我試下呢間既裝修好舒適，同埋不只有燒味，仲有好多特色小菜美食架。當然义燒係首選，果然好味到呢，感覺家燕媽媽食到星爺食神所整既义燒既滋味，义燒入口鬆化軟棉，但又可以保留到冇咬口既口感，密糖亦非常適中不粘口。仲有個要推介下脆炸牛坑腩，又一絕好野，脆到脆卜卜個樣似蘇炸生蠔，內裡既牛坑腩肥瘦適中，超級有口感，不油不膩，仲要好低食下喎，再加一個必食既足本燉翅，清清地雞湯加有翅群，清甜甘香。呢餐真係正到不得了，朋友冇介紹錯，必定要再食。

中秋前兩個礼拜同屋企人食飯遲咗book位，最后只得衣度啱時間，就去衣度。但睇到之前個post話可能系全世界最難食既叉燒，又話態度差，都用好保守既心態黎食...同埋堅唔叫燒味...唔知系咪期望太低，覺得全部嘢都好好食。我鐘意佢個攬角燒豬肉，可以好似雞脾拎著食，好啱胃口，我唔想食肉都食咗兩大件。態度方便，感覺到佢哋真系好好忙。對佢哋温柔啲，笑多啲，佢哋又開心啲！整体黎講，食得幾開心，如果系想搵類似美心一類食物既中菜館，黎衣度一定唔會失望。會再幫嚫啊！

餐廳都開了一段日子，但仍然未有機會去食，難得有朋友從外地回來，一於就試下啦！餐廳裝潢很有氣派，樓底很高又不失中國風，整個感覺都像貴氣中菜廳，有別一般的酒樓。連倒茶的工具也不能忽視，傳統的鐵盎令感覺更有懷舊的中國氣派。先點了小食，亦是港人最愛的叉燒。叉燒半肥瘦實是啖啖好味。而且汁也很多，不會乾硬，真係好少會食到咁正嘅叉燒，絕無欺場！點了一個菜膽雞翅燉湯。非常足料，而且燉湯都好夠火喉，最緊要係只需要$32就可以有燉湯飲，真係好抵點了蒜茸蒸元貝，帶子非常大，而且很鮮甜，蒜茸和元貝嘅味亦滲透了粉絲，所以粉絲也很香。整體來說，坐得舒適，而且服務也很好。食物水準相當高

打完風唔想想煮，走去食飯，點知入咗間伏店。燉湯唔係燉出嚟 - 一飲就知；同埋個盅入面咁少料，邊會燉得出呢啲味 - 即係你叫返自己例湯啦大家唔會怪你㗎。菜苗，都唔嫩，叫返清炒時蔬得唔得 - 即係除咗餐牌描述同事實似乎不符之外，呢兩味味道尚可接受。最慘烈係佢個所謂鎮店叉燒，又死咸又冇肉味又鞋（係超越咗平日瘦叉果個程度的鞋）；我平日係好怕浪費食物點都會清碟，但今舖實在太難食都要剩底幾件叉燒。我真係好擔心個師傅，佢味覺係咪有問題，點解咁難食嘅嘢都可以當係招牌拎出嚟賣。🤦🏻‍♀️

餸菜味道一般，價錢一般，但服務態度就九流，運作不暢順，做錯事不道歉，還要推卸責任，令人難以置信。客人來食飯，不但要享受餸菜的味道，還要享受好環境，好服務態度的。

父親節揾到呢間食飯興祝。睇食評都唔錯，就打去book 左19點，星期五早15分鐘去到即有位。立即睇下有咩食先。我們7大1小點左一個三寶(魚，雞，菜) ，半只燒鵝，1個炒飯同白焯蝦，再加2個小菜，食物味道唔錯，最少食完唔會口乾先。埋單千一，真係又平又好食，一人先150左右，下次會再去試下其他。

家樓下新開的分店, 一定要來朝聖一下. 一坐下, 就被那些裝放調味料的小樽吸引. 我們三人叫了一個二人餐, 另加炸蠔, 份量足夠有餘.燉湯鮮味, 北姑白菜北姑入味, 炸蠔普通, 蠔很小. 而沙律蝦球則醬汁太多令到炸蝦淋了. 還有燒肉(二人餐的菜單, 忘記拍照). 整體來說

味苑主打係燒味，但我每次落單叫燒味飯"多色",上菜都依然勁少豉油，吾岩我呢d重口味既人，久而久之，食味苑都只會叫豬手米。今日同事又話要食味苑，原本都唸住照舊啦，點知見到有新菜單而且幾吸引，咁就點左海皇瓜粒泡飯...原本以為吾會多料，點知上枱真係有surprise, 超大碗，勁多湯，岩哂我呢d鍾意飲湯既人。湯仲係真心好飲既，飲左幾啖之後發現原來連d料都好有誠意，好多蝦同帶子，真係啖啖肉呢個泡飯真係令我對味苑改觀，下次一定再黎

午餐點了頭抽豬頸肉炒河跟中湯和海皇瓜粒泡飯跟熱奶茶，講明熱奶茶後上，竟然最先上係熱奶茶，算吧，但杯奶茶好似俾人飲左幾啖咁，免收加一都唔洗咁小家啩！炒河同泡飯就一齊上，明顯炒河已放了一陣，不太熱了，還好係泡飯湯熱到辣咀，嗰中湯就冇咗蹤影，要再同侍應阿姐講至攞黎。頭抽豬頸肉炒河味道偏啖，加點豉油同辣油就好味好多。海皇瓜粒泡飯味道適中，有幾粒細帶子，蝦肉粒，冬菇粒同勝瓜粒，飯泡在熱湯裡也不太稀爛。服務好一般，食物好普通，茶餐廰水準，唯一可取係裝修企理環境寬敞。茶餐廳嘅價錢，唔好要求太多了。

已經一段時間沒有來大壩街了、有一次因工作而經過發現那邊已經開了很多不同的食肆、有一些看來亦甚有格調的、於是今天決定帶媽媽過來、看到這間店、裝修得很乾淨整齊、環境很舒服、因為媽媽年紀比較大所以想找一個坐得比較舒服嘅地方、那就入去試試了。他們說叉燒是他店內的王牌、於是點了一客來吃、其實份量不少價錢亦合理、質量亦很好、亦做得很仔細。吃下不會很肥膩。這個上湯魚肚浸勝瓜、其實配搭亦很清新、但是魚肚就略嫌比較硬、應該浸得不夠時間。蜜汁欖角牙籤骨-甜甜地很開胃、分量亦不少、其實很好送飯的.最後來一個雜菌刺蔘炆米、其實味道亦不錯、以這個價錢來算要食到海蔘、我亦不會對這個海蔘有太高的要求、算是中規中矩吧其實這店的價錢很合理、味道亦算中上、我想應該我會再返吃的。