味雷 (已結業)

紫菜卷🍙呢間小店嘅紫菜卷有好多口味俾你揀😍 除左相入面見到嘅鰻魚卷, 三文魚卷之外,仲有今次同朋友揀嘅魷魚卷, 貪佢夠特别嘛😝 魷魚嘅鮮味果然無令我地失望👍有少少可惜係呢隻紫菜卷嘅紫菜唔脆口🤔泰國船麵🍲估唔到呢間小店除左紫菜卷, 仲有船麵! 船麵喺泰國好出名架😍 爽口泰式米粉“索”左濃郁嘅牛肉湯再加上彈牙魚蛋真係無得彈! 但會令你食過番尋味嘅祕訣其實係泰式辣粉, 令到成碗麵變得野味, 刺激你嘅味蕾, 吸引你食完一碗又一碗😜

呢間小店以船麵做招來，本身都吸引人去嘗鮮，不過炎炎夏曰要企係度食熱騰騰既麵，真係唔太令人雀躍，所以今次我就揀左佢既韓式手卷。韓國同泰國既飲食一向風格唔同，所以本身對呢間食店無咩期望，不過見到佢寫明即叫即做就諗住姑且一試 。 可惜店員竟然只係拎左擺放係店舖面前，唔知製作左幾耐既手卷俾我，印象分再次大扣減。 反正只係30蚊既吞拿魚沙律手卷，所以都懶得爭吵，乖乖收下就好了。好彩味道方面唔算差，比得上一d韓國餐廳。紫菜唔會太軟，青瓜，紅蘿蔔爽口，以咁既價錢黎講算唔錯， 可以再食。 不過下次一定要揀佢無整起左既味道，咁先可以真係食到即叫即整。

今晚放工約左朋友去香港電影資料館看電影，由於時間比較趕，經過太安樓買定野食，見到有紫菜飯卷好吸引大大條都只係三十蚊，太安樓醫肚實在好多選擇，但論方便拎住一路行一路食，飯卷確係唔錯，見現成有唔駛等。買左條吉列豬扒卷，飯卷用錫箔紙包住，凍凍地紫菜仍脆身無淋到，飯卷切成10小件，每件厚度一厘米好整齊，飯粒軟硬適中，但飯捲得不夠平均有點偏側，麻油調味剛好。豬扒大大粒好足料，炸粉都好貼好脆口，配菜有雞蛋、青瓜、紅蘿蔔絲，食起上來口感豐富，一小件一小件食一口確係好味。

之前成日經過見佢唔知賣乜，乜都有啲又韓式又日式又泰式，怕中伏唔敢試。前幾日lunch諗唔到食乜，一於去試下佢啲船麵同飯卷，船麵一打開就好香，個湯底超濃又唔味精，實不相暪，我覺得佢係我喺太安樓食過最好食既粉麵至於個飯卷，本來都無咩期望，事關平時出面食既韓式飯卷，一係就唔新鮮，一係就無咩味，估唔到呢個飯卷啲料好新鮮，啲蔬菜仲係爽脆甜既，裡面仲加左少少芝麻調味，成個味道fresh得嚟又唔會好淡口食完呢餐，我連續幫襯左三日，每次都無失望，目前為止，食過幾隻卷，最推薦辣魷魚同蟹柳

之前已經黎過一次食上次叫左$15船河同炸蝦包飯 食得滋味今次食過返尋味 不過因為係外帶就費事叫河粉去到依然係老闆一個招呼 好好人好盡責我去到時因爲係下午茶時間 驚一個包飯會太飽 問問老細可否少飯 佢就話當然可以！叫左泡菜辣豬肉紫菜包飯 如果今時今日$30黎講真係好抵因為係即叫即整 新鮮熱辣一打開好足料 有好多豬肉片 雖然叫左少飯但成條都好扎實 就知絕唔欺場仲有佢真係好長㗎 做午餐絕對夠食這間鋪認真平夾抵 但佢對比我上次黎已經加左價見到佢以前仲有賣天婦羅 但好似成本問題已取消了 好失望😞聽講佢嘅曼魚飯又係原條鰻魚 下次要再黎幫襯希望香港可以多番這種小店 支持本地製作！

太安樓一向多野食，今日下午過黎買晚餐餸既時候順便黎掃下街。呢間味雷之前夜晚經過對佢既紫菜包飯好感興趣，可惜每次都賣曬，今次就比佢鋪頭既船麵吸引住，所以叫左碗細既黎試下船麵（小）$15雖然係細，但個份量都算大，而且好足料，入面有豬肉丸、豆卜、豬肉片、豬油渣、芽菜等等。豬肉丸好味，豬油渣夠曬香。我揀左金邊粉，份量絕對唔係一啖食曬個d。湯底酸酸辣辣，好有泰式風味，而且湯底夠濃，我差d飲曬成個湯啊！15蚊可以食到咁多野真係超值！

船麵有分大細碗 味道真的像泰國食的一樣 完全係地道。另外還有韓式飯卷，一定要試！小碗$15 大碗＄30 有齊上面應該有的炸豬皮 豬肉丸 湯底味道真的不得了！老闆話豬肉丸都是泰國來的，十分地道！