味雷 (已結業)

呢間小店以船麵做招來，本身都吸引人去嘗鮮，不過炎炎夏曰要企係度食熱騰騰既麵，真係唔太令人雀躍，所以今次我就揀左佢既韓式手卷。韓國同泰國既飲食一向風格唔同，所以本身對呢間食店無咩期望，不過見到佢寫明即叫即做就諗住姑且一試 。 可惜店員竟然只係拎左擺放係店舖面前，唔知製作左幾耐既手卷俾我，印象分再次大扣減。 反正只係30蚊既吞拿魚沙律手卷，所以都懶得爭吵，乖乖收下就好了。好彩味道方面唔算差，比得上一d韓國餐廳。紫菜唔會太軟，青瓜，紅蘿蔔爽口，以咁既價錢黎講算唔錯， 可以再食。 不過下次一定要揀佢無整起左既味道，咁先可以真係食到即叫即整。