和味生滾粥 (已結業)

昨晚同兩名友人再去和味食粥，同阿姐落單時已經怪怪哋，基本上係唔識聽同講廣東話咁，咁就慢慢講，叫咗1碗豬潤魚腩粥、1碗豬潤雞粥、1碗魚腩粥，1碟薑蔥炒魚卜同6粒鯪魚球。上第1碗豬潤魚腩粥、魚球、魚卜都正正常常，再上另一碗粥變咗碗豬潤魚腩粥，應該係豬潤雞粥，我哋話唔啱喎，個樓面阿姐好似好為難，咁友人就要咗佢啦，我即時提醒阿姐，我要魚腩粥，其他我唔食嘅，點知幾分鐘後，佢俾咗碗豬潤雞粥我，我即時話唔要啦！佢隊返去粥檔，個師傅發曬脾氣同阿姐理論，再大大聲講叫我食咗佢，又話收少啲錢⋯，大老我嚟係比錢食想食嘅嘢，唔須要收平啲。故事未完，全舖得兩檯客，遲嚟嗰檯叫完兩碗粥都到，我嗰碗都未煮，師傅仲係檔內發脾氣😵，我兩位友人都食完，我即刻起身埋單，碗粥唔食就算，無下次啦！同埸加映，另一檯客叫咗魚雲肉丸粥，嚟到時發現肉丸係炸過再放落粥到，同阿姐講乜肉丸粥啲肉丸係炸嘅咩？阿姐同地球人聽唔明嘅說話$$@#@：/#$、，講咗一埋聲音，最後佢講咗句，捻走啲肉丸收你平啲囉，個客🙄結語：一間咁有特色嘅食店，祝佢生意興隆

本人最鍾意食粥，但有要求。食材豐富新鮮不用講，還要水米比例恰當，最怕是加了粉漿的。某些有腸粉油炸鬼的粥店就係加了粉漿，粥底較杰（不是綿），食完一定口渴。反而稀稀地的粥才好吃。這間粥店間唔中就會心思思想食，魚粥和及第粥最正，食完個胃好舒服。無論是魚腩、魚鮫、魚尾、魚雲、魚嘴還是魚骨都好正，魚煎到金香才滾粥，而且加了薑汁（不是薑粒！不用吐出來），不腥，鮮甜。及第粥多料又新鮮，無異味，尤其那厚切豬潤無得彈。食粥可自助添加生菜。另外他的椒鹽魚腩好香口，不過今次無叫。

每次黎只食香煎魚卜粥, 以前廿幾歲無咁鐘意食粥, 覺得無什麼特別, 當大個少少已經食過好多美食, 加上消化無以前咁好, 以前食飽都可以去做運動, 所以久而久想食d快食到（一煮撈埋d粥同料）易消化又飽肚既meal, 好幾年前食過, 當時行過覺得, 粥店都可以米芝蓮 !? 我覺得好新奇, 竟然唔單止介紹大路野, 小眾既粥店都到青垂,。試完就知地道同有心機。 每個部位都可以整一碗粥出黎, 粥係好出色。唔同其他煮法,好似煲湯咁煮過程總有流失同過鞋, 煮粥係保留所有食材味覺營養集於一碗, 魚卜外層滑內層同個頂位就爽有咬口, 魚味濃,重要既係食到魚味濃但可以無骨, 食得舒服又暖胃。一碗有7-8粒煎香魚卜, 即係要用上咁多條魚, 睇得出有當中有心機。我唔會特別留意佢地服務, 反正我係食碗快粥, 有心機整咁多部位已經係對得起價錢既手藝。

佐敦好吃店不少，講到粥，一般大家都會講新興棧魚粥，但本人覺得另外一件和味生滾粥更勝十籌。已經不知第幾次到此店吃粥，每次都一定要吃這裡的豬膶，厚切，爽口，吃落起沙。對比其他所謂出名吃豬膶嘅麵店，真係唔知好幾多倍。粥有好多搭配，我專一魚，各個魚部位都試過，除魚腩稍遜色，其它部位都一流。此店味道偏濃味，所以吃得十分和味，粥底偏甜，味精一定是有的，但比出名其他粥店沒有那麼明顯，亦能吃出有少少瑤柱鮮味。如點生滾魚粥，無論各個魚部位都會先香煎而且係加上好多燒酒。如不喜歡可以叫老闆免煎，免酒。個人覺得酒味道真正是這粥點睛之筆，酒和魚一起煎過香味濃郁，再加上粥滾生，少許薑蔥，真正和味。其他菜市，推薦任何薑蔥類，薑蔥豬膶，薑蔥田雞，特別推薦薑蔥魚雲雖說比不上大排檔勁鍋氣可能薑蔥比較多了一點，但味道也是十分不錯。椒鹽類就不要試了，太鹹了真的不行。總的來說豬膶和魚粥一定要試，其次就是薑蔥類，價格我自己覺得稍貴的。

星期日又去油麻地買菜，便專誠去和味粥吃 bunch, 和佐敦另一老魚粥店比較一下。粥品也點了和上次新興棧一樣的魚鮫粥和魚腩粥。粥上檯，份量不多，配上大量葱段，粥錦很重酒香。魚鮫粥- 只有魚鮫一邊魚腩粥-有3大件魚件是和葱段煎香，灒米酒才下粥滾熟。可能煎得久了，魚肉有些焦香不夠軟滑，酒味濃烈和清淡的粥不太配合。豬潤腸粉- 不過不失，整體可以。鯪魚球- 新鮮現炸，大大粒熱得燙嘴。外脆內軟實，有質感，也有陳皮香。和新興棧的比較價錢比較便宜，用料份量沒有那麼多，酒味過重，魚件焦香便失去軟滑度。如果喜歡吃香口的可能和味粥會合適。

某日 行完山 又唔太肚餓 只想食雞粥去open rice望望 揾到啲間和味生滾粥去到門口 有種熟悉感覺 我小朋友時黎過長輩們鍾意食魚粥 果時印象中成日排長龍再望一望牆身 幾乎全部都係食魚小妹我知 今次黎錯地方 一心只想食雞粥點都好 一場黎到 試下酥炸鯪魚球 4粒即叫即炸 上台時差不多有半隻手掌大細咬落去 外脆內有咬口 食出陳皮味可以點小小蜆介醬 鹹鹹地滑雞粥雞件本身有煎過 食落肉質滑 除此之外粥綿綿有薑蔥味 份量都尚算大碗仲叫杯豆漿 正常冇特別食物味道都好食 不過服務態度可改進

今日喺旺角開會開咗兩個鐘，七點幾老公嚟接我 🚘 大家都唔係好肚餓想食少少嘢....跟住醒起佐敦呢間粥店!有我最想念的薑蔥魚卜🤩印像中佢炒得幾好食於是立即開車入到粥舖 💨一如既往都係咁殘舊，啲阿姐都係冇乜表情😅不過唔緊要，入嚟食碗粥姐😊1）首先嚟到係我最愛的薑蔥魚卜呢味餸炒得好有鑊氣👍有啲魚卜係有燶燶地，即是佢煎香再加薑蔥炒 。本人覺得非常好食2）椒鹽田雞椒-鹽味好夠，田雞肉非常嫩滑味道偏鹹送粥ok3）入得嚟粥鋪當然要食粥啦！我嗰碗係豬潤豬腰粥- 沒有什麼特別。不過呢間粥鋪後面可以任添生菜絲加蔥絲呢樣幾好4）老公的魚尾粥-應該超級多骨見佢妹咗好耐

都唔知係唔係本人有問題，成日都鐘意一D係公廁左右的餐廳，今次E間又係係對面但係佢個魚粥真係佢先有甘新鮮同人情味，魚腩大大件，魚又新鮮肥美，種有生菜絲，冲絲任你攞，價格合理

和味生滾粥我地係佐敦個頭返工，成日都要搵好野食，最後發現到哩間老粥店，我地收工去左試，人流都好多，田雞粥$47好鮮甜，入面既田雞都好多，一啲都吾腥，粥好綿，田雞鮮甜美味，肉好肥美。鮮炸鯪魚球$32係網上好多人推薦話要食，我地叫左4粒試，好大粒，真材實料，入面最特別係加左陳皮，好香口好脆好juice👍🏻而且道胡椒味都好重。椒鹽魚腩$76好大碟，岩岩送過黎時已經聞到好香，即炸架，熱辣辣，好熱氣都係咁話呀，要食左先，魚肉新鮮嫩滑，啖啖肉，骨都吾多。地址：和味生滾粥 (佐敦)佐敦吳松街75號地下

呢間最出名食魚粥，佢啲魚好特別，係會煎香咗先至再攞去滾粥😋。啲魚係即叫即煎嘅👍🏻，所以要免煎嘅記得早啲講啦🙈。唔知係咪佢煎魚嘅時候落咗少少酒，所以啲粥都有淡淡嘅酒香，好香好正🤤！！我就鍾意叫和味四寶粥，四寶有齊魚腩、魚咀、魚卜同魚骨。一次過可以食晒4種魚部位，好滿足！-而小食方面我就鍾意呢度嘅白灼魚皮同酥炸鯪魚球～白灼魚皮好爽脆，好好食👍🏻👍🏻；酥炸鯪魚球係即叫即炸嘅，一上枱嘅有半隻手掌咁大粒😆😆啖啖肉，好香口👍🏻-Btw上網見到有啲人話呢間嘅侍應服務態度好差，但我呢日去又覺得啲姐姐幾nice喎😂🙈

覓 覓 \_凸_/餐廳定位： 白領，遊客， 學生，街坊，長者，健康人士，毒人如我賣點：港式地道正宗價錢：市價食用方式：外賣，堂食:Wifi：無上菜速度：快奉送：羹和筷子，胡椒粉，頭抽，辣椒醬裝修：懷舊茶餐廳燈光：柔和噪音：一般，溫度：適中服務質素：服務員充足，勞累，貼心，冷漠。點菜:菜式：皮蛋瘦肉粥，豬潤粥過敏原：蔥優惠：無，有套餐，加豆漿和炒麵

情人節宵夜，諗住食返碗粥，點知粥就冇食到，換來一肚氣，以後發誓不會再幫襯。一入嚟阿姐不停問你食什麼，叫果樣無果樣⋯跟住我老公叫套餐又叫我地唔好食，擺到明係嫌棄價格平咁好啦，見你個樣咁不滿，咁我哋咪最後單點。非常清楚明白不是去五星級酒店，不要期望有任何服務，但是也不是明明叫及弟粥跟住來了碗牛肉粥。阿姐仲要死口唔肯換話係我講錯，態度超級差。奉勸大家不要中伏仲話係四年米之蓮推介，真係唔知道根據什麼標準⋯

忽冷忽熱的天氣令我病了,在胃口不佳的情況下,唯有吃碗粥,本身超喜歡吃魚的我決定吃碗魚骨粥,這店鋪所有魚粥的魚都是會煎熟才配落粥內,所以很有煎香味和絕對不會腥的,可惜店內服務的大姐態度一般,呼喝客人,需改善

幾年前有幫襯，舖面不變，都係比較舊，如果食物好不重要。覺得材料新鮮，食物好先係重點。開完夜，老婆接我收工一齊去食野，中港城工程接近尾聲，會少機會出尖沙咀，老婆又話要食返個夜粥，咪落去佐敦。點知呢次有驚無喜。叫左個皮蛋瘦肉粥，份量係大，但粥有啲浠，料亦都多，但食落就係差啲。白灼爽魚皮， 普普通通薑絲偏老偏粗， 醬油不夠香。整體食完還好，叫不過不失，入到口，填飽肚。最大問題食完好口乾，第二日脷好厚，味精唔好。

天氣漸涼，想吃暖笠笠的粥，咁啱在佐敦，便去了此店。魚腩粉腸粥，中型粥，魚腩有成5-6塊，份量不少。每塊魚腩都是先煎香再用來煑粥，令粥更鮮甜，而且魚腩吃起來有些焦香和咬口。粉腸處理得好，無騷味且軟淋。加$19 可轉為套餐，有細炒麵+豆漿亦可只選豉油王炒麵，炒麵份量多些，約為中份。豉油王炒麵，炒得不太乾身，豉油味亦不太鹹，勝在熱辣辣，加些甜醬辣醬一起吃，好惹味。