和味餐室

營業中

休息中

呢間餐廳食物既味道係唔錯，而食物既款式都夠多，有中西餐選擇，但係呢間餐廳用外賣平台叫外賣，送餐時間係需要約一小時或更長時間，但講堂食既話呢間係唔錯，食物熱辣辣咁上，食落時真係好正。

唔知點解屋企人好鍾意食，食物質素中規中矩啦個人覺得。屋企人鍾意食佢個涼瓜牛肉，可能炒得有鑊氣啩。我會嗌佢個鐵板餐都幾滿足嘅好大份，但係佢嘅衛生程度真係好難頂，係坐埋牆少少，都會有幾個蜘蛛網嗰種，希望可以改善下呢個環境啦，真係咁污糟睇到都食唔落。

因為貪方便睇完醫生就落左去藍田呢間到食。坐低叫左個午餐B免治牛飯 見到佢放落黎果一刻已經伏到仆曬街，我係叫免治牛飯阿。唔係叫白飯阿，個免治牛肉岩岩好淋到個表面炸。真係叫白飯送免治牛醬。唔會再有下次

星期日叫3個外賣早餐自取，落單時巳經提醒要等半小時，點知最後要等一小時先拎得，聽到其他外賣平台等左個半鐘添，做吾切吾應該接咁多單，而且收銀阿姐態度差，永不再幫襯!

此店在 藍田都已經開了一段時間，其實這間食店的味道都算唔差，不過中午和晚餐都比附近的食物貴一點，而且服務態度一般，所以通常只是早餐 或 宵夜時段來惠顧。它是附近開得比較夜的一間，零晨12時才關門！其實今天都是如平常一樣，點了一份餐蛋治 配 熱奶茶 ， 味道和份量都沒有變，其實味道都唔錯。食完結賬才知有半價優惠，$16 真係抵物到爛！以此價錢，配此味道和質素，就真係抵讚！！雖然實物已經食了，但都影張優惠牌大家睇下。

入坐後水都無杯，枱面完全沒有清潔，充滿上手留下的水漬和食物殘渣，叫樓面清潔當耳邊風扮聽唔到，要客人自行清潔。再黎叫佢攞杯水三催四請都攞唔到黎，一個話轉頭，第二個又話轉頭，最後有個仲發晦氣大聲話：「轉頭先啦」，結果又係要客人自行攞水。到上菜黎份炒蛋多士，如果係搭抬的話永遠唔知碟菜係邊個打邊個，樓面例牌要問係邊個叫，已經表明自己係番茄湯麵套餐，都仲要問隔離枱客，人地都表明已經食完個樓面仲碌葛企起到唔放低碟菜，要攞個餐牌指著叫左邊個餐先發醒夢大聲話：「咪有囉」。言下之意係佢唔知個套餐係跟份炒蛋多士，怪我一早唔出聲認份炒蛋多士，仲大力放底碟菜。我起餐廳坐左一段時間，期間都聽到其他客人的怨言，都係叫午餐無上餐湯，有個客人仲質樓面話：「究竟有無落過單架？湯又唔上水又無杯，係無落單我即走」。又有另一台客，一家三口坐四人座，人地已經坐左一段時間，樓面竟然要求人轉枱，理由係要方便剛進來嘅老人家，結果係個老人家都未出過聲已經被人扶左過另一邊卡位，只係樓面自作聰明要求人轉枱。

唔係每一張枱都會有餐具，有禮貌哋問啲姐姐，佢竟然叫你去隔籬枱攞，咁人哋食緊嘢，我過去攞就會阻到人哋，你身為職員，是否可以幫到客人呢？仲要係態度勁差，簡直係不知所謂🤬

一點三已經冇幾個餐0 service 等左20分鐘啲staff先執抬瑞士汁牛河冇瑞士汁伊麵no favour 冇炒過咁濟 好似撈埋一齊就算 仲有浸味牛扒overcooked 蒜汁不錯奶茶鴛鴦還ok

藍田一帶好食既野少之又少想正常搵間餐廳食都唔易，唔錯既餐廳隔一排又執笠，見啓田呢間和味餐室都開左一段時間，夜晚經開見到有啲唔算貴既鐵板扒餐，就決定黎試下，係咁咦叫左兩個扒餐。每個餐都有跟餐湯，半件牛油厚多士同餐飲，唔好要求太多都可接受既🤣之後就到鐵板扒餐啦：▪️蒜香美國西冷牛扒 ($88)揀左5成熟，配薯條同黑椒汁，配菜仲有西蘭花同翠肉瓜牛扒入面唔止5成熟😂好彩都唔算好韌，味道都可接受，尚算有肉香味。▪️招牌黑椒牛柳 ($98)呢個揀左配飯，同樣係5成熟，配菜其實味道都唔差同埋無諗過有兩大件牛柳！不過一樣既係，5成熟黎講入面好似過熟😂但出其地又唔算難食，味道係ok既，而且份量真係幾夠！之前食過lunch都算係不過不失，晚餐呢啲價錢都有唔係太差既食物質素。

哩間餐廳都食過幾次，都唔算差，但係係外賣個邊嘅表達真係唔多掂囉. 因為唔知間餐廳可唔可以唔經🐼咁叫外賣，就打去問，問佢可唔可以叫外賣，佢就答可以，到落完order，話講地址，佢話係外賣自取，雖然話外賣自取都係可以叫外賣，但係問個陣講多兩個字「自取」會死？仲要嘥左咁多時間去落單，真心建議唔好咁懶，可以問個陣答多兩個字囉搞到最後要cancel張單……… 接電話嘅真係可以詳細少少講多少少，方便客人方便自己啫

食厭了外賣，今天午餐突然想食個高質西多士～地方大個位坐得幾舒服！入正題，於是乎午餐時間都去吃左個小食餐 38$厚厚嘅粒粒西多士+炸雞脾 同一時間滿足我兩個願望！本身冇預個西多士有幾大 因為粒粒 以為輕食點知原來大大舊而且每粒都好足料 好夠味！不過！可惜牛油太少啦！ 同埋貌似冇鍊奶～不過純粹我係需要好多醬汁嘅人（要食就食最肥XD)，正常人應該足夠。不過雞脾炸得幾好味肉多皮脆，唔錯！不過今次唔記得咗叫最經典嘅紅豆冰試吓佢，下次試吓飲再俾Feedback！總評價係值得一試！性價比高！

從來未試過咁耐冇出去食晚飯，真係出到冇乜好出，咁就同大家分享吓今日嘅早餐😌。.📍早餐A（$36）沙茶湯底我哋一向當沙嗲食，夠濃但香味爭啲間中會水準不穩淡味咗麵底可以自選，米粉爽口彈牙🍜牛肉量多唔會太腍又夠滑🐃另外配有牛油多士🧈，不過我哋通常加$3要奶油豬更加好食😋仲可以揀2款配料，雞蛋/火腿/腸仔🍳經典港式早餐夠晒豐富🇭🇰🥰.📍雙拼三文治($29)麵包鬆軟配上炒蛋同午餐肉根本就冇得輸炒蛋唔會過老，仲要唔係燈影午餐肉食落去仲暖嘅呢點已經係最重要❗️.遲啲可能連早餐都冇得喺出邊食，餐廳就算有開都見到人手嚴重不足，希望大家仲撐得住😢💪🏻。

而家夜晚唔可以堂食，黎呢間叫外賣，我地喺度叫左個瑞士汁乾炒牛河加熱奶茶先。然後再去另外隔離嗰兩間買其他野（碗仔翅，蛋餅）其他嗰啲比左錢，等埋佢地整好拎得，入返呢間，仲未整好，問佢地得未，佢地就話炒緊，叫我地坐等低一陣。咁我地就坐喺度等，等呀等，等左一陣都未見（我就坐喺度打左2鋪手機，約十分鐘左右），就問佢地有未。佢地又話炒緊，等多一陣，我地又等多陣。等到個人唔耐煩嗰陣燥燥地嗰陣，終於拎得。前後加埋30-40分鐘，真係等死人。最大問題係其他野都涼左囉。返到屋企食，頂！普通乾炒牛河黎既喂。瑞士汁呢？？？？等你咁耐，仲等個普通到唔普通既乾炒牛河，真係多謝哂。下次買外賣都唔會再黎，佢地咁忙，無謂加大佢地工作量啦。

2021年8月6日早上，去食早餐，發現餐廳職員沒有道德，飲完凍寧茶入面有其他人用過的牙籤，令人非常噁水，永不再幫襯，疫情安脅下 ，竟有咁不道德的職員，真係令人好憤怒，已向食環處投訴！

諗住叫個外賣先唔講外賣個膠袋勁難開入邊啲蕃茄湯又倒瀉晒滿心期待叫個正常嘅番茄湯底麵點知一食落口個番茄湯底係甜？打去間餐廳個姐姐仲話咁樣係正常自問真係未食過甜嘅蕃茄湯底跟住豬扒勁乾，個炒蛋又唔滑最後頂唔順走咗去煮個出前一丁用埋一丁個湯底撈早餐啲麵食結果比幾十蚊最後都係食出前一丁結果比幾十蚊最後都係食出前一丁結果比幾十蚊最後都係食出前一丁結果比幾十蚊最後都係食出前一丁嬲到我特登開個Account話俾大家聽