和味餐室

營業中

休息中

服務態度：人手好似有點不夠，自己搵位。環境方面：多卡位，兩人空間可以，但4人就係太迫。食物質素：先講飲品，本人只飲齋啡，這間齋啡就唔係好掂，有酸味，唔好飲。今天點了炸脾西多士，先講炸脾，我覺得佢係先油後炸，所以唔夠脆身，賣相奇差，又細隻，肉質還可2以，味道就麻麻地，好怪難以型容。西多士返而幾好花生醬夠味，軟硬適中，配上牛油，蜜糖係唔錯。性價比：因為質素麻麻，低性價比總結：炸脾真係唔會再食，西多就食得過。好味指數

藍田附近唔多茶餐廳最好食嘅都只係得呢間，但好有茶餐廳嘅味道，好多set其實都好足料好夠飽幾多選擇而且又唔會好貴。最鍾意喺呢間度食宵夜，唔會太多嘈又可以坐耐啲，平時食開豬扒雞中翼蕃茄濃湯通粉嘅set，有好大塊豬扒之餘仲有常餐食開嘅多士同火腿滑蛋添。另外下午茶嘅豬仔包同菠蘿油都可以試吓，小食方面最推芝心蘑菇雞中翼配芝士薯條。咁啱到藍田嘅都可以去試吓！

2020.09.29 大約23：15入座13號枱，叫人落單 ，點知一直比人放置。到落完單之後，出餐又出現問題。麻煩負責人嚴肅跟進及處理問題，除咗影響我呢一枱，仲影響埋隔離枱(14-16）

今日嚟到藍田搵朋友，順便食埋個lunch先🤩喺街市隔離搵到呢間藍色門口嘅和味餐室之前幫襯過既，望到好似好多嘢食咁，格局都不錯看，所以就入咗嚟食啦😋😋記得上次嘅服務態度好差，今次殷勤好多，讚！瑞士雞脾撈公仔麵，重點係瑞士汁夠出色，色澤圴勺，每一條麵都吸收到瑞士汁既精華😋😋不過雞脾就麻麻地入味，但外觀真係好吸引既🥳🥳🥳撈麵煮得幾乾身，啱哂我既口味😝😝整體味道好濃郁！正🤪叉燒炒蛋飯，雞蛋炒得一半嫩滑一半好老，加埋甜豉油撈飯，叉燒數量絕對不是幾塊，而是大大塊，大滿足👍不過炒蛋就扣哂分數了😆

最近在這裡坐車返工，諗住就腳在這裡食早餐，這段期間食了三餐早餐，結果証實佢地唔識煎反旦，第一次食叫反旦，結果來了隻全熟蛋黃又散的死旦，算了當佢失手，第二次落單時講清楚是要反旦不是熟旦，okok……結果又是死旦，今早係過年後第一次來食，同佢講反旦即係半熟旦，即係太陽旦再反轉煎一下，明白的！結果又係死旦，我真係懷疑佢Ｄ雞蛋根本係有問題的，因唔可能每次隻黃都係散的，失望！

行完山想搵啲野食下補充能量，同老公見到呢間超多人，仲要鋪面唔細，就試下。焗既飯好似好正咁，加上豬肉而家好貴好少煮，所以就揀焗鮮茄菠蘿豬扒飯！老公就叫佢永遠最愛既乾炒牛河。兩個人一百零一蚊，連野飲又連湯。湯較咸，唔係太鍾意。野飲就正常啦當然。焗飯黎到，個樣好正，面頭仲有芝士。蕃茄醬好濃郁，豬扒量都多同夠哂腍。最大讚係佢係炒飯底，好香，好有誠意。乾炒牛河份量大，有鍋氣。不過當然就會油啦，食完一秒變肥仔！

五個人一起吃午餐，就點了五個小菜套餐。蝦仁炒蛋：蛋炒得很滑，但蝦仁爽口而沒有蝦味，而且蝦太少。肉碎炒豆角：豆角炒得爽脆，但肉碎味道偏淡。炒油麥菜：味道一般，份量少。洋蔥豬扒：這個最好吃，豬扒肉質柔軟，醬汁酸酸甜甜，味道很好。鹹蛋蒸肉餅：肉餅也是味道偏淡，而且鹹蛋黃不香，又沒有什麼鹹味。套餐配白飯，另可選例湯或飲品。例湯的味道也是一般啦，凍檸檬茶好喝。結帳後，每人平均67 元，我覺得小菜炒得不夠香，味道偏淡，性價比不算高。

今晚約咗朋友糸藍田晚飯，去咗和味餐室，揀咗一個蠔仔肉碎湯飯，一個滑蛋义燒飯。首先蠔仔肉碎湯飯的蠔仔有D腥，要落多D胡椒粉先，至到滑蛋叉燒飯就值得一讚，啲蛋好滑，叉燒又夠味，好味😋！加埋杯凍檸茶，一共$111埋單，都幾平！

今日口痕落左和味叫左個炸比配沙律，咸牛肉炒蛋厚多士炸比太多炸粉，同太咸～不食也罷沙津就無咩特別，如果有生果撈埋就更好咸牛肉炒蛋厚多士，唔錯，幾香但隻炸比真係扣晒分

員工服務態度極為差劣眼神鄙視顧客欺善怕惡當有顧客投訴時店內高層及被投訴的員工立時走入廚房逃避顧客的投訴完全沒有承擔以為可藉此逃之夭夭當顧客堅持查詢投訴途徑的時候態度敷衍只帶顧客遊花園其後提供可以投訴的聯絡電話號碼根本長期沒有人接聽訊息也從未回覆唔怪之得店內員工的態度可以如此囂張因為顧客根本沒有機會可以投訴員工的服務態度藍田區內的茶餐廳不少各位顧客如若不想再受氣區內還有很多選擇的地方用不着貼錢買難受去呢間價錢不便宜食物水準不高兼且服務態度差劣的茶餐廳

今日三點入到去舖頭冇咩人， 我坐好後 對面一張枱也來了一位客人， 然後我點了一個羅漢齋炒麵 落單時間是3點02分， 然後我看對面枱的一位客人也點了一個羅漢齋炒麵，到了3點22分 我追問 侍應 為何我的食品還未到他去廚房追單三分鐘後他拿著一啲羅漢齋炒麵到我對面枱的客人枱然後看著我說是他叫先的，明明是我先落單， 就算不說誰先落單兩碟也是羅漢齋炒麵差不到兩三分鐘時間落單我等了二十多分鐘應該是兩碟一齊煮的不會是分開煮 擺明是留了我的單， 對面枱的客人也說是我叫先的叫侍應先給我， 我看到這間餐廳出品及時應態度差劣我也馬上起身走了

其實都知呢間野態度麻麻，但係藍田無乜茶餐廳選擇，之前食開既三xx 執左 冇辦法局住唯有揀佢，所以入左去食常餐 食到一半，就無啦啦叫我地搬台！話方便佢地將幾張枱泊埋一齊，為既係出面有大台既客入黎（重點係果台客未齊人架 !!!!!!!!!!! 點解咁急要我地搬 ????）果下我地好無奈好嬲 食食下野要人搬台好麻煩。想體驗貼錢買難受嘅下你哋不妨去感受下純粹為咗快啲翻台 賺錢既餐廳 永不再光顧。請各位光顧下其他藍田嘅小店啦

我同個伙記叫奶茶 佢問一問係咪熱奶茶, 咁我答要凍奶茶 , 果陣時都FEEL到佢似聽唔到 , 出到黎係熱既 我就話我要凍 咁佢都好好換返凍既比我 咁原來個員工 係老闆, 個老闆可能為左出返啖氣 就拎我條魚 分比D 員工食 當午餐, 條魚黎到 細左勁多 , 咁都無咩所謂 咪同個老闆講 我想食好小小 可唔可以比下意見,, 碟梅菜蒸鯇魚 用既係普通鼓油 唔係蒸魚鼓油 , 個老闆就話 我地既鼓油 味道適中 同無一間餐廳係會用蒸魚,會用蒸魚鼓油 咁我心諗比錢既 因為溝通問題 令到你要另外換凍奶茶比我 整細我條魚 唔緊要 , 想食好野比下意見  唔改善 即刻罷食。

街市新裝修后, 一路想試下呢間新開既和味叫個外賣, 非繁忙時間都等左30幾分鐘, 服務九流, 催左三次, 但職員態度極差, 應左又冇下文, 好串, 愛理不理, 擺曬款咁, 叫左乾炒牛河+凍奶茶,  返到屋企先發現杯奶茶冇落糖, 都算!  個外賣盒仲要夾住好幾條河粉, 好心你認真小小, 咪咁求其啦, 亂來既, 感覺呢間餐廳既職員, 由收銀到樓面到厨房 態度都好有問題! 管理不善!一肚氣, 呢d幫襯一次就都嫌多,   以後唔會去呢間餐廳, blacklist! 

對喱間和味待應極度之唔滿意 11:08落單 火腿煎蛋多士到11:30未到 我搵侍應跟進 佢態度非常之惡劣 我叫佢三次佢都沒有幫我跟進 還有熱奶茶係完全唔熱店外有個電話號碼 專為客人查詢及意見發問 我有聯絡呢間公司 當日他的回覆跟進中 我再等左四日沒有回覆 所以今日喺度告訴大家 切勿光顧放假想食一個好嘅早餐 可以令到客人憤怒如此