和味餐室

營業中

休息中

諗住新開張，試一試就中伏，下午茶叫左2個餐，一個豬軟骨撈一丁，等又耐，一上黎，得2舊豬軟骨撈光身面，野飲又唔得，仲要收50蚊，另外朋友果個餐，又係垃圾一樣，正一垃圾餐廳

呢間野都開左一段時間，吾明點解仲可以咁亂？冇效率兼冇質素？先係座位方面，坐近門口熱到死，坐入裡面就不停吹風凍到死入到去坐低，無論你點揮手，吾知啲人係真心睇你吾到，定當你透明？永遠叫至小三四次先落到單，好啦落完單，黎嘅野都係錯？其實餐廳空間吾大，但職員算多，咁低級嘅野成日錯？

今晚唔係好肚餓，本身諗住去食譚仔，又有諗過起啟田街市出面掃街， 最後男友話不如試下新野，就決定食個最輕便既常餐啦✨個門口都幾靚幾搶眼，拎左飛仔好快就有位✨8點幾都幾旺，周圍好多人都叫餸食飯，望落算幾大碟。野食選擇都幾多，又有泡飯，鋸扒，意粉，常餐等等～✨諗住叫蕃茄湯，點知話無晒～～～ ✨佢d 特飲都幾吸引，諗住叫紅豆冰，點知又無晒紅豆.....真係夠luck😵✨熱情果玫瑰花茶（+$6)：本身都好鍾意熱情果，估唔到mix 埋玫瑰花係幾清香，酸酸甜甜好開胃，我幾鍾意。✨鬼佬鴛鴦（+$6）：好立克同華田飲得多，兩溝真係無諗過😆本身覺得要加6蚊都幾呻笨，自己每樣叫杯，起個口入面浪埋一齊咪得。✨不過飲落又幾好飲，平時單獨飲總係覺得好甜，而家係華田味又帶點好立克既香，原來係好夾，下次可以試下自己兩溝👍～咮🤫✨我地兩個都叫常餐，多士叫左走烘底。。。佢居然張單幫我打=========>走包🤢真心笑左。。。最後追番番黎～～個包無烘之下感覺有點乾，唔夠鬆軟。✨炒蛋唔錯，外面黃金，內裏都算滑。✨招牌蜜汁叉燒湯意（$42): 湯底清甜唔錯幾好味，不過連埋意粉食就唔係好入味，都係搭通粉會好食d~~✨叉燒

叫咗2份下午茶，雞扒炒烏冬同西多士。炒烏冬不單多油，仲有好大陣豬油味。西多士從未見過噤厚，我們不是要厚切西多士，叫人如何食。睇到都唔想食另外叫了一杯black coffee, 又係難入口，真係垃圾食物

啟田商場翻新後 街市附近多了很多新食肆，香港茶記可以保存水準的實在買少見少。這間 和味餐室 的確帶給附近居民新驚喜。首先門面燈光設計吸引 路過都會停下來望多一眼 可見老板在設計上花點心思。店內的冷氣十分充足，最合適現在夏日炎炎的天氣，第一印象是店內侍應十分熱情，會主動走過來介紹餐牌，最重要是店員的笑容值得加分。由於是晚上，店內仍營業至凌晨一時半左右，所以10時半左右已經有宵夜餐供客人選擇。有小食亦有小菜 平民價錢餐牌內容亦很吸引。

新開張，梗係要試下。茶餐廳常餐/特餐係基本，一食就知有無真功夫。我要左蕃茄濃湯豬軟骨通粉，多士跟炒蛋。蕃茄濃湯其實係加左好多茄膏，咁個湯真係幾濃蕃茄味。但個豬軟骨真係...🤢 無醃過淨水烚，好膻。而最大問題係，烚唔熟見粉紅 🤦🏻‍♀️ 咬開裏面仲係凍。頂唔順立即換，好彩都有道歉同比我換個叉燒通粉，算好食。而朋友食沙爹牛米就話好食。可能新開張人又多，手忙腳亂，未熟練，拿手唔成勢，偶有錯失，所以未煮熟都比客食。不過呢種錯對餐廳嚟講都幾致命，希望過一排會有改善同進步啦。