影片
以上資料只供參考, 請與餐廳確認詳情
相關文章
為佢隻乳鴒再次返去點知今次差左好多, 變返普通水準叫左蒜香骨, 好大碟, 肥多過瘦不過得8 成熟拎去返炸點知拎返出黎, 熟晒但凍晒未炸之前仲好熱, 炸完之後凍晒?怪!!炒貴刁, 普遍野但勁大碟
繼續閱讀
好耐無寫食評,估唔到一寫就要寫D咁野!!簡直就係過份!!早排見雜誌就呢度有得食蒜頭雞,咪諗住試下囉,而且openrice都搞過function兩次黎呢度.斷估都無死啦.去到同佢講三位,無人采我地...企左幾分鐘,佢叫我地坐埋某張枱度,但係果張枱面全部都係垃圾...叫佢執,完全唔采我,爭持左幾分鐘...終於有人肯執...其實衛生差一D都唔緊要!!預左,點知佢真係差到你唔信.D快子有漬既...一粒粒野痴係上面,同佢講,佢竟然同我講"咪俾左水你洗囉" 我真係X丫!!算數...自己洗...我忍!!跟住叫野食,D人十問九唔應...,等左個幾字...終於有人采我地..跟住叫左個肥牛煲,蒜頭雞,椒鹽鮮魷,炒蜆.跟住無耐野食黎...個蒜頭雞無乜蒜頭....失望...跟住我地叫左三個白飯,順便吹吹佢話差個鮮魷.但係佢竟然話無白飯!!蒸緊喎!!算...唔出奇...我等...結果...等左幾個字...D送凍晒都仲同我講未有飯!!仲要我地食炒麵!!我采佢都有味@@再等多個幾兩個字...佢同我地講"仲有兩個飯,食唔食住等?" 有無搞錯!!有飯就早出聲!!死未呀佢!!我又順路吹吹佢..仲差個鮮魷...跟住食住等第三個飯...等左一陣有飯到...終於等到啦...>.< 應動!!結我...我再吹個鮮魷...結果一個老細咁既男人..同我地講就一早無晒鮮魷啦喎!!全場都無喎!! OH......佢話果個阿姐唔同我地講...點知個阿姐仲大大聲話番果位老細...話佢無聽過有人同佢講無鮮魷喎..結果呢餐飯係先食左餐無飯既送...然後再食無送飯...再食到一肚氣...
繼續閱讀
睇完食評, 自己又經常去新蒲崗, 咁咪去試下囉...尤記得第一次食呢類昆蟲物體, 係o向廣州. o個次我一路都唔敢食, 成檯人係咁叫我試... 最後我見有個同我差唔多年紀o既後生女都食, 我先至驚驚地咁食... 嘩!食落又幾好味喎, 仲爭住黎食潻...講番今次, 我地叫左鹽水禾味龍虱, 砵仔禾蟲焗蛋, 刁手蝦膏燒腩蘭心炒飯+ 啤酒.鹽水禾味龍虱- 好少肉, 剝殼拔腳先食到少少肉. 飲住啤酒, 嗒嗒下都OK既...(因我地未食過, 問個阿姐點食, 阿姐好好人示範拆一隻比我地睇, 記得要抆腸架!)砵仔禾蟲焗蛋- 都幾香, 唔覺食緊禾蟲, 好似食緊豬肉焗蛋咁囉... 最鍾意面頭o個層蛋皮, 焗得很香脆...刁手蝦膏燒腩蘭心炒飯- 普通, OK囉...招呼就無乜架喇, 自己照顧自己啦. 老闆同食客都好多粗口架, 不過又唔係鬧你, 大家唔同文化唧...我地打算下次再黎食竹蟲同蜂蛹...
繼續閱讀
如果連蟲都未試過食，作為Openrice的食友，成何體統？大大話話搞了幾十個Openrice的聚會，港九新界中西越泰菜色都食勻，係時候走下偏鋒。其實一早已想在這裡搞一次「蟲」宴，但時機一直未到。直到推出了「全蛇宴」，發覺都幾受歡迎，加上作為本地最具人氣的飲食網站，有些聚會也應是別有特色的，所以又發起了這次以各類「蟲」為主題的聚會。報名的留言一出，不足一小時已報滿十二位，可見有興趣這小眾口味的人都不少。當晚老闆娘自全蛇宴後再下一城，今次還要連肥叔叔也拉了來。在這裡點菜，不用看餐牌也不需多思索，就以幾種蟲為主，再配以其他的菜色，加炒飯及炒麵各一，已經足夠。﹝每道菜的詳細食評，請看之後的版頭文章﹞其實已來吃過多次，一路下來，都吃了不少的菜色，是夜的都可以保持一貫水準。蟲菜中，以蜂蛹最滋味，竹蟲同蘆葦蟲同樣鹹香可口，是椒鹽炒的功效，都適合下酒。可惜龍虱已過造，不夠肥美，又沒有沙虫，期待的禾蟲亦全沒鮮味，有點美中不足。吃過幾款「蟲菜」，不止在座食友亦當然眉飛色舞，連店內的食客也引起了小哄動。都是時候試一下店子內的其他菜色，就叫了幾味「普通」一點的。先來蒸雞，用上新鮮雞已是味道的保證，所以就只點了簡單的金針冬菇木耳蒸雞。夠份量而是很家常小菜的味道，有水準亦是差不多是每次都叫的；龍鬚蝦乾是堆著如小山的銀芽及韮菜，簡單的以蝦乾去同炒，鹹香夠味，不過切件的蝦乾是較硬的，更是越咬越有味道，不過就要夠牙力才能勝任；水煮魚是老闆自己摸索的菜色﹝佢話﹞，紅彤彤的辣油，上面堆滿一埋芫萇及蔥花，材料沒有欺場，魚片起雙飛，新鮮嫩滑，配上辣油及大豆芽一起吃，雖不及真正的四海水煮般正宗，但也不錯；油鹽水浸沙白的肉質不及蜆嫩滑，吃落味道都算鮮美；見門口掛著的豬大腸幾靚仔，又要了碟炸大腸。這裡的炸大腸是廣東整法，炸起不算十分香口，豬腸那股獨特的味道，是沒有其他東西可以代替，有水準，不消一刻已被食友們一掃而光；白灼東山羊肉味道就過鹹了一點，也同意鄰桌食客的意見，應該不是老闆親自下廚的作品，所見略同；最後是炒飯及炒麵，炒飯一向也是這裡的招牌菜之一，也是每次來都會叫的一味。這裡是舊式炒法，幾夠油水，吃起上來卻很香口，加上臘腸、蝦乾等配料，教人一口接一口的吃，要一試；相比之下炒麵就略遜，不夠香口了。飲飽食醉，吃過的菜色多達十幾味，價錢卻只是每人七十幾蚊，點計都係抵。當然價錢是其次，能找到這一大班「敢吃」的食友，才是難得。想看多一點蟲相及食物相，來這裡：http://www.imagestation.com/album/pictures.html?id=2114559527
繼續閱讀
一行五人看完開飯網頁和無記的回味無窮之後, 很想挑戰自己膽量, 所以前兩晚專登去幫襯.點知去到之後, 剛剛D位滿哂, 於是問D阿姐拿檯, D阿姐招呼態度簡直是"九流", 問又唔答, 答又脾氣差到頂點, 最後自己終於霸到一張檯, 坐落D阿姐又唔識來執檯, 跟著又發現D蝦在膠盆浸到像標本一樣白雪雪, 最後大家都是決定抽身而去.大家唔好再去幫襯這間店!!!!!!!!
繼續閱讀