和味館 (已結業)

睇完食評, 自己又經常去新蒲崗, 咁咪去試下囉...尤記得第一次食呢類昆蟲物體, 係o向廣州. o個次我一路都唔敢食, 成檯人係咁叫我試... 最後我見有個同我差唔多年紀o既後生女都食, 我先至驚驚地咁食... 嘩!食落又幾好味喎, 仲爭住黎食潻...講番今次, 我地叫左鹽水禾味龍虱, 砵仔禾蟲焗蛋, 刁手蝦膏燒腩蘭心炒飯+ 啤酒.鹽水禾味龍虱- 好少肉, 剝殼拔腳先食到少少肉. 飲住啤酒, 嗒嗒下都OK既...(因我地未食過, 問個阿姐點食, 阿姐好好人示範拆一隻比我地睇, 記得要抆腸架!)砵仔禾蟲焗蛋- 都幾香, 唔覺食緊禾蟲, 好似食緊豬肉焗蛋咁囉... 最鍾意面頭o個層蛋皮, 焗得很香脆...刁手蝦膏燒腩蘭心炒飯- 普通, OK囉...招呼就無乜架喇, 自己照顧自己啦. 老闆同食客都好多粗口架, 不過又唔係鬧你, 大家唔同文化唧...我地打算下次再黎食竹蟲同蜂蛹...