和富邂逅

營業中

休息中

10月頭某星期五，5位食友去咗試位於北角嘅和富邂逅。餐廳內地方好細，只有約四至五張4-6人枱，兩三張二人柗枱，做飲食真係好困難。呢間出名海鮮平價，所以我哋叫咗蟶子，帶子，鮑魚，貨質真係差少少，帶子不新鮮，鮑魚煮過龍韌，但佢質素對得住個價錢嘅⋯不過連鎖酒店會做得好過呢度，呢間餐廳定位上要再細思下。反而個排骨同炒飯做得唔錯。

北角和富道比較低調海鮮小店上次經過 見佢餐牌都多海鮮🦞的菜款今次妹妹生日就去試，服務態度都幾好「豉椒炒聖子皇」$59/2 隻「蒜蓉粉絲蒜聖子皇」$59/2 隻二款都想試吓味道好香，啖啖肉，抵食「😋薑蔥桶蠔煲」$168有4-5 大蠔，有薑有蔥但係比較多油，可以減小部分油🫣🫣「🫶🏻黑白胡椒炒蟹」時價😍😍煲上的，隻肉蟹都啖啖肉大廚有切開，易食，黑白胡椒可以驅寒依個真心推介🥰🥰🥰「芝士焗龍蝦伊面🦞🦞」$118龍蝦🦞都唔小，份量都夠芝士味都有，唔係死咸果種伊面都彈牙「玫瑰🌹冰鎮醉鮑魚 」$38 隻叫左4 隻，佢仲會切開上盤唔算好入味，有待改善不過夠清淡🥰🥰🥰

見呢間海鮮小菜館個個好評兼成日坐滿又要排隊就諗住試吓。餐廳只得5，6張枱，係比較細同窄。個個員工都好有禮，有介紹吓當日有咩海鮮推介。但第一次嚟諗住試少少D例牌嘢，叫咗龍蝦伊麵，瀨尿蝦，聖子。D餸嚟到個樣都唔錯同幾香，但食落就知中伏了。龍蝦D肉係梅嘅，又痴殼，聖子就算豉椒炒都冚唔到D腥味，瀨尿蝦D肉又係梅嘅。如果餐牌嗰D海鮮都唔掂都唔敢試D貴價嘢，一開始佢哋會推介你食阿拉斯加皇帝蟹。主打做海鮮但D貨唔新鮮真係唔得。出去任何一間酒樓叫D行貨都好過佢。失望!

朋友介紹才發現這間小店，三人食海鮮晚餐，非常滿足。食物很好，三蔥炒肉蟹和椒鹽特大賴尿蝦很特別，店東態度很好，忙碌中不忘招呼。不過地方較細，人多會較嘈吵，陶醉在美食中便好了！

無意中發現左呢間小店後，差不多每隔一兩星期就黎食，仲介紹左鍾意食蟹同海鮮既朋友仔黎食，因為真係好味又抵食！炒肉蟹試過黃金、 三蔥、黑白胡椒、避風塘，款款都好味但特別推薦黃金同三蔥 凍蟹亦都食過好多次，比起去開既潮州大排檔仲抵，仲新鮮，加埋佢地既醋真係不得了。另外芝士龍蝦E麵、炸蠔仔、黃金茄子都係好正！雖然鋪頭細細，但食材新鮮又好味，老闆同店員都好鬼友善，再加上價錢真係真係真係抵過出面好多，搞到人地成日都要黎幫襯

中午時分與友人到和富附近覓食，行過一間小店就入去試吓，新裝修內𥚃乾淨企理，冷氣充足。此店估計主打食蟹，不過就唔係好啱我，所以就叫咗個乾炒牛河試試個功力。牛河好有鑊氣，啲粉分開曬冇黐埋一齊，牛肉略嫌偏鹹，不過唔知係咪我味覺有問題，食到有少少蝦醬或者魚露嘅味道，我個人覺得好食。友人們就叫左飯類，見到碟飯就知咩料。友人話佢欣賞碟沙䕬醬，因為食曬就費事影出嚟。價錢方面，論大小味道等因素，性價比為正常好，飲品要另加，不過齋飲佢杯茶都好味，好似係叫斑蘭茶，甚有風味。

食物新鮮，價錢相宜，味道不錯👍🏻超抵😃服務態度超舒服，值得推介😉今晚埋單消費只係$680😅呢個價錢食到一魚兩味嘅海東星（兩斤半）👍🏻仲有蟶子皇，再加個菜😋😋今晚仲撞啱可以免費試新菜式😃有人情味的小店就是有這樣的壓軸餘慶。

一個偶然機會一家人揸車去咗和富道<覓食>，停車時發現有間新舖主打 魚·蝦·蟹 等海鮮食物，我哋即時落車睇下佢個Menu有幾吸引先，怎知有個很熱誠的後生仔前來介紹當日是開業第28天，他們主打食物有些甚麼，做法可以怎樣，我們見價錢又唔貴，就入去試佢一試。我選擇了3隻活蟹2食，2隻用薑葱炒及1隻用胡椒炒，跟著Order了椒鹽斑馬瀨尿蝦王 ( 真係好大隻)，芝士波士頓龍蝦伊麵😋，砂薑炒牛肉👍，蛋白蟹肉炒飯😋，最後我們4人是捧著肚讚不絕口離開。大讚好食 ! 😋 有水準 ! 💯

夜晚收工經過和富道 咁啱見到新開咗間鋪叫和富邂逅 裝修都幾日式 又有啲肚餓就諗住嗌個炸蠔餅今晚加餸🤤一開個盒見到幾大份 食落入面有好多蠔冇偷工減料 正！ 會再encore

新蒸頭大年初一行過見到新鋪開張咁好意頭，即刻訂番幾道菜做開年飯！外賣未拎到返屋企已經聞到好濃烈嘅海鮮味！和富招牌蟹$88好香！好香！好香！重要嘅事情要講三次，佢嗰種鑊氣係未打開個外賣盒已經衝緊出嚟，一家大細搶住食🤣 餐廳好細心預早「啪」開左啲蟹，食嘅時候好方便，同時都令啲蟹炒得好入味。靜雞雞話你聽呢隻蟹好食到即刻打電話落鋪頭book多隻加餸！芝士波士頓龍蝦$88出邊啲海鮮酒家閒閒哋都賣$188一份，呢個portion半價都唔洗仲要食到同一樣嘅質素，買到等於賺到😋黃金魷魚 $88雖然近年已經冇咁興食鹹蛋黃炒乜乜，但係黃金魷魚啲道菜簡直係流芳百世，嗰種鹹香包住彈牙嘅魷魚，即使膽固醇爆標都覺得抵！酥炸蠔餅$58 脆口、唔油膩、啖啖都食到蠔肉真材實料，第二日都忍唔住encore跟個白飯自私食多次😋欖角豬 $68叫咗五道海鮮咁誇張，點都要食返啲肉中和下。豬扒好難煮得好食，最怕出邊啲餐廳整到又老又鞋恰恰，咬到下年都未食完。而呢個豬炒得好嫩滑，肉汁豐富好似屋企住嘅一樣。就算平時買來加餸都唔會有人察覺係外賣🤣濃湯白菜 $62新年飯又海鮮又肉咁豐富，臨尾食返個菜作結。上湯浸津白湯底好甜，津白完美地索晒所