影片
更多
2021-02-19
549 瀏覽
新蒸頭大年初一行過見到新鋪開張咁好意頭，即刻訂番幾道菜做開年飯！外賣未拎到返屋企已經聞到好濃烈嘅海鮮味！和富招牌蟹$88好香！好香！好香！重要嘅事情要講三次，佢嗰種鑊氣係未打開個外賣盒已經衝緊出嚟，一家大細搶住食🤣 餐廳好細心預早「啪」開左啲蟹，食嘅時候好方便，同時都令啲蟹炒得好入味。靜雞雞話你聽呢隻蟹好食到即刻打電話落鋪頭book多隻加餸！芝士波士頓龍蝦$88出邊啲海鮮酒家閒閒哋都賣$188一份，呢個portion半價都唔洗仲要食到同一樣嘅質素，買到等於賺到😋黃金魷魚 $88雖然近年已經冇咁興食鹹蛋黃炒乜乜，但係黃金魷魚啲道菜簡直係流芳百世，嗰種鹹香包住彈牙嘅魷魚，即使膽固醇爆標都覺得抵！酥炸蠔餅$58 脆口、唔油膩、啖啖都食到蠔肉真材實料，第二日都忍唔住encore跟個白飯自私食多次😋欖角豬 $68叫咗五道海鮮咁誇張，點都要食返啲肉中和下。豬扒好難煮得好食，最怕出邊啲餐廳整到又老又鞋恰恰，咬到下年都未食完。而呢個豬炒得好嫩滑，肉汁豐富好似屋企住嘅一樣。就算平時買來加餸都唔會有人察覺係外賣🤣濃湯白菜 $62新年飯又海鮮又肉咁豐富，臨尾食返個菜作結。上湯浸津白湯底好甜，津白完美地索晒所
新蒸頭大年初一行過見到新鋪開張咁好意頭，即刻訂番幾道菜做開年飯！外賣未拎到返屋企已經聞到好濃烈嘅海鮮味！
和富招牌蟹$88
好香！好香！好香！重要嘅事情要講三次，佢嗰種鑊氣係未打開個外賣盒已經衝緊出嚟，一家大細搶住食🤣 餐廳好細心預早「啪」開左啲蟹，食嘅時候好方便，同時都令啲蟹炒得好入味。靜雞雞話你聽呢隻蟹好食到即刻打電話落鋪頭book多隻加餸！
芝士波士頓龍蝦$88
出邊啲海鮮酒家閒閒哋都賣$188一份，呢個portion半價都唔洗仲要食到同一樣嘅質素，買到等於賺到😋
黃金魷魚 $88
雖然近年已經冇咁興食鹹蛋黃炒乜乜，但係黃金魷魚啲道菜簡直係流芳百世，嗰種鹹香包住彈牙嘅魷魚，即使膽固醇爆標都覺得抵！
酥炸蠔餅$58
脆口、唔油膩、啖啖都食到蠔肉真材實料，第二日都忍唔住encore跟個白飯自私食多次😋
欖角豬 $68
叫咗五道海鮮咁誇張，點都要食返啲肉中和下。豬扒好難煮得好食，最怕出邊啲餐廳整到又老又鞋恰恰，咬到下年都未食完。而呢個豬炒得好嫩滑，肉汁豐富好似屋企住嘅一樣。就算平時買來加餸都唔會有人察覺係外賣🤣
濃湯白菜 $62
新年飯又海鮮又肉咁豐富，臨尾食返個菜作結。上湯浸津白湯底好甜，津白完美地索晒所有上湯，呢個組合簡直係天衣無縫。連平時唔食菜嘅我都爭住係咁夾黎食 ！
叫左六個餸先至四百幾蚊有大件咁抵食，全家人都讚不絕口。和富道雖然餐廳林立，但好食嘅屈指可數。逆市開餐廳仲要撞正晚市禁堂食等挑戰，香港人絕對應該支持買少見少嘅人情味。
53 瀏覽
0 讚好
0 留言
53 瀏覽
0 讚好
0 留言
44 瀏覽
0 讚好
0 留言
張貼
