和暢金廚 (南盛街)

營業中

休息中

超值套餐$50有餸有飯有湯，仲可以叫特價小食。素湯清甜，好味道。汽水$6罐。A 客家咸雞，脾翼尖位好滑，但胸位稍嚡，咸味夠唔會死咸，好啱送飯（飯好大碗）。C 支竹蝴蝶腩，牛腩炆得夠淋又入味，個汁又係勁啱送飯。另外叫咗3款小食，有2款係特價小食。黃金蟹盒（$20，2件起），其他地方比較少見嘅菜式。咬開有蟹肉，聞落幾香蟹味，食落都有少少蟹味，不錯。客家釀豆腐（$10），味道正常，沒有太大驚喜。蜆蚧鯪魚球（$22），蜆蚧唔過咸而且酒味濃，鯪魚球同樣味道正常（最重要冇碎骨）。3款小食都係即叫即制，上枱時熱辣辣。

非常差、越做越差。已經不想再評論😢😢😢上湯時菜得幾條。滷水魷魚簡直冇特別、員工重要極力推薦😵‍💫支竹蝴諜腩、我一打去以為系水煮支竹腩。重有個蠔仔粥、哈哈簡直好笑。白粥底配6 粒蠔仔。其實呀師傅搞乜？

久仰吳師傅私房菜嘅大名，但都未曾去過佢位於大埔嘅小店，今次一去真係不枉此行，好多菜式都令人讚嘆🥰星期日午市時間到達，等了一段短時間就可以入座，但聽聞晚市係好full!🔆花雕醉雞(例牌)$𝟛𝟠 例牌份量呢個價錢，無諗過比到咁多肉嘅部位👍🏼香醇的花雕味滲入雞肉內，酒香於口腔內散發，岩哂嗜酒嘅朋友🍶🔆芝麻骨$𝟞𝟘呢個係一道鹹味菜式，但對於用醬汁包裹排骨，我更希望係蜜味🍯不過佢嘅肉質仍然值得欣賞，不會感覺好嚡，咬落去肉就會離骨🔆香蔥牛肉餃$𝟚𝟝 看似細細粒的雲吞，實則皮薄肉味香濃🥟牛肉沒有筋黏連，混合蔥花掐成餡。湯底亦是不容錯失的精華，一啖餃時一啖湯😋🔆黃金蟹盒$𝟚𝟘 呢種巧手小菜唔試下都唔知邊度有得食😂餐廳將拆好的蟹肉放入雞蛋蒸然後再炸成為一個個黃金盒🦀咬開全是一絲絲的蟹肉😍個人忽發其想沾少少醋會否更加鮮味😝下次試下🔆金牌碗仔翅$𝟚𝟝連一碗翅都令人感受到餐廳的用心，舀上黎唔會有好稠嘅質感，裡面材料很充足，不會將貨就價，食到有熬煮的味道🔆懷舊狗仔粉$𝟚𝟝呢個算係相比下無咁特別，味道同出面食過嘅差不多。湯裡有香菇肉碎🍄飲落鮮甜🔆紅棗糕1件$𝟟 呢個係入座前最期待嘅甜品🥰一人一件飯後份量剛剛好，質

多選擇、又便宜！推薦花雕醉雞，例牌$38， 很入味，超讚！枝竹蝴蝶腩幾特別，味道ok! 炸物很出色，錦鹵雲吞，炸得很乾身，不油膩又脆，份量又多，今天一行4人，可以叫多款食物，還叫了蒸魚和豉油皇蝦，味道一般，反而炸豆腐、炸蟹盒和酥炸鯪魚球，較為有驚喜，這間小店對於炸物掌握得恰到好處!餐牌亦琳瑯滿目， 很多選擇，樣樣都想吃，叫了十多樣，平均水準也不錯，下次會再來試吓其他食物。另外一讚是店員很熱情，招呼週到，與食客互動，打成一片，頗快樂的一頓飯！

自搬入元朗後，久不久會到大埔回味一下良心美食！記得許多年前嚐過吳師廚的私房菜，其後發覺他的大名經常呈現在某大報章之中，方曉得他位於大埔的食店，實在失敬！有好幾次基於不同原因過門不入，昨天老公特別點名前去一試！有別於私房菜，「和暢金廚」提供多款配備例湯和白飯的家常菜套餐、數款粥粉麵湯飯及小菜，與及特價小食，另外更有東江系列和滷水系列的選擇，收費平易近人大眾化、配搭多元化，加上嬸嬸叔叔叔們服務親切和往家的珍貴味道，令無情的社會不再僵化！怪不得「和暢金廚」成為我一位食友的飯堂，與及在現場觀察所得，不少獨個兒的食客，在這裡一個人也可享有多樣化的滋味，一個人也可以感受家的溫暖！莫講話一人，老公和我二人同樣被各款小菜、小食，東江系列等吸引，誘發出選擇困難症，良久才作出下單的決定，哈哈哈！首先點了一份枝竹蝴蝶腩套餐 HK$50，奉送的例湯是素湯，有木耳、大豆芽、金針等湯料，味道純和、清中透香，十足自家煲的素湯味道，舒暢也！記得在私房菜曾也品嚐過枝竹蝴蝶腩，不過事隔多年，印象變得模糊，只記得味道不錯，今趟正好回味一下！南乳汁稀稠適中、帶點惹味而不過火；枝竹保留彈性口感，入味和掛汁程度恰好；而主角的蝴蝶

這碗粥一點生滾味度都沒有，本想善意同老闆娘講聲，希望她改善。眼見她同很多熟客打招呼，便取消了念頭。這碗粥很水、味道不好、魚腩腥和鞋。吃第一口便想同老闆娘講，D魚腥。見其他人吃得ok. 希望他們有待改善，生意興隆。

今晚同幾個朋友去食飯 本身想去打冷 但有朋友介紹依間良心小店 話佢既紅棗糕好出色入到去未光申 但侍應姐姐同我講最好Book位 因為好full 之後就見識到坐低佢就介紹幾款野食俾我地 除咗蝦因為朋友無叫 另外兩個都叫左先講總結 樣樣野都好好食 而且服務都好好 佢會問你野食好唔好食 同你傾幾句 令到成個用餐過程都好舒服 價錢唔貴 佢野食既size岩岩好 每樣都可以試吓 好鍾意既一間小店PS：紅棗糕無影到 但真係好好食花雕醉雞：特別想講下花雕雞 因為好香酒味 雞肉好滑 大大碟好足料 食完唔夠喉不過佢賣哂

越是郁悶，越要吃好西cheer up 💛之前幫襯過幾次，一直都覺得呢間小店好有心思。今次試佢嘅超值套餐-$50 就有一碗白飯同埋例湯～今次叫咗滷水五寶🤤個湯好足料，應該係啲齋湯～ 夠味唔會有陣肥膩感👍🏻原來可以將個豆腐整得咁好食！話說唔太鍾意食硬嘅豆腐，所以呢一個佢炸出邊有啲咁黃脆脆地，裏便好軟熟，勁正滷水鵝、豬耳同豬手炆好林好入味🤤🤤♥️佢嘅豬耳捲埋一餅，好可愛😆佢嘅紅棗糕都好好食👍🏻因為一拎出黎就好香😆食完都冇影到相

大埔墟嘅小店有好多我食lunch行過呢間舖頭記得之前喺OpenRice望過就入咗去試下午市來講算滿座位置唔算多迫迫地都有十至十一枱客食咗佢最出名嘅鹹雞飯鹹雞唔會過咸覺得味道唔係非常之出眾只係正常嘅咸雞飯但係肉質係好嫩口嫩滑程度可以媲美海南雞嘅肉質同埋食咗是日精選嘅梅菜蒸鯇魚蒸鯇魚需時20-30分鐘，即叫即蒸，好新鮮一路喺度等食嘅過程中都feel到老闆娘好有人情味同啲街坊好熟絡下次想試吓佢嘅甜品紅棗糕點有客人講話係最好食嘅紅棗糕店舖食品價錢合理可以支持

大埔一向多嘢食，今晚試咗間和暢金廚。呢間小店舖面唔大，坐得會有啲迫，食物選擇亦唔算多，但價錢比較大眾化。花雕醉雞好入味，肉質亦鮮嫩。芝麻骨味道出色，十分稔身；水煮魚叫咗少辣不過仍然好辣。諗住叫個狗仔粉懷舊下，點知黎左個銀針粉😅

諗住清清地試下方魚肉碎泡飯 平時潮x春收$40左右都足料既 但呢度收$28既得一兩塊冬菇絲加少少肉碎 而方魚片就搵極都睇唔到又食唔出 應該係用大地魚粉加味精整個泡飯出黎 食落口渴又無料 唔值得叫 想食泡飯寧願叫$10上湯泡飯好過 應該都差唔多其他鯪魚釀涼瓜同客家釀豆腐都正常無咩特別 見人地碟豉油皇煎蝦都係迷你版 唔好抱有特別期望

好日唔好去一次大埔，誤打誤撞搵到好嘢食🤩 首先嗌咗兩個超值套餐🥳蘿蔔清湯腩($50) 蘿蔔超入味，清湯腩就中規中矩；客家鹹雞($50) 完全係送飯首選，雞有雞味🤤 超值套餐份量唔大，不過包湯包飯都算幾抵食🥰我哋梗係唔夠喉，要追加啲小食啦🤪 先嗌左特價小食客家釀豆腐($10)，即煎好香口🤤甜品方面就有出名嘅紅棗糕($7)，同一般酒樓食到嘅紅棗糕唔同，睇落似cheese cake，食落個質感都有啲似😜 有衝動想打包一盒走呢😆

經food panda叫白粥、蝴蝶腩、白飯、上湯浸時菜。佢頭兩樣都無唔通知我，最後黎到係張相咁樣，收我55蚊，我真係好多謝佢。首先你無嗰樣菜式係唔應該放上food panda俾人落單，其次係人地落左單，但你供應唔到，仲要係兩樣，你係唔係應該打俾我同我講呀，我俾運費叫兩個白飯加個菜做咩呀，我唔舒服想食粥你俾個飯我，想我點呀。blacklist.我無野好講啦，但係要打夠二百字先俾到差評，無咩我都係去食返粒耳水不平衡藥先啦。我暈了。

我們四個人點了滿桌子的菜，一人才$80左右。🫔客家饟豆腐($6)炸豆卜裏面饟了豬肉餅，不算很鹹，味道也不算很驚艷，比起傳統的做法簡化了。🐔客家鹹雞套餐 ($50)送了例湯和白飯，這個價錢CP值真的超高，雞肉頗滑，比較少脂肪，每一塊都沾滿香香的雞油，配薑蓉一齊吃肉的鮮味就更加突出了。不過雞的溫度比較低，吃起來不太有鹹鮮味，害怕重口味的人完全不用擔心！🐶懷舊狗仔粉 ($23)很久沒有吃狗仔粉又不想幫襯藍店的話，偶爾點一碗懷念一下味道也好。湯底是香菇蔥花，有種吃起來很舒服的感覺。粉不算彈牙，但掛了香菇的微鮮甜，很好入口。🦴芝麻骨 ($60)這個只有小小幾塊比起其他菜式的確有點貴，所以對他的期待值也比較高了XD。給我的感覺有點像紅燒骨加了很多芝麻，沒有太大的驚喜，可以不叫。🐟蜆介鯪魚球 ($22/5粒) 💖便宜又好吃又足料！鯪魚球質感比較實，外皮微脆，裏面有絲絲髮菜，趁熱點附上鮮蠔仔汁咬開就是一種享受！汁底沒有過重蓋住魚肉味，反而用了酒來提升鮮味，$4一粒seriously?🥘啫啫雞煲 ($55)不過不失，雞肉嫩滑，蔥蒜很入味，也是可以預想到的味道。🫓清宮

今日又去了金厨食晏，今天不吃魚了，叫了其中－個招牌菜支竹蝴蝶腩，店員隨即送上一碗藥饍五珍湯，主要成份： 蟲草花、猴頭菇、雲芝、姬松茸、舞茸，功能活躍代謝機能，增強免疫力，護肺平肝，很適合在這疫情中多喝幫助抗疫。主菜是名厨吳師傅多年前在食神爭霸戰中的得獎作品支竹蝴蝶腩，這蝴蝶腩是豬肉，對應牛隻的蝴蝶腩品位，帶筋膜的肉質口感同樣爽口而帶靱性，煑出來的南乳汁不會太厚身，入口味濃厚而爽口，不會太油膩，可以用餸汁來撈飯，再配上師傅的私房辣椒醬同吃，非常好下飯，一瞬間已清了一大碗白飯。 期望店家可以轉換不同煑法，例如鹹菜蝴蝶腩，便可以提供更多不同口味選擇給食客。最後不忘吃一件清宮紅棗糕，這是滿清鑲紅旗的傳統甜品，珍妃和瑾妃便是鑲紅旗的人，是吳師傅從擅長描寫美食的唐魯孫先生"吃在北平"一書中的描述，而重新製造及改良至適合現代人的口味，這道甜品每天限量生產，首次來這裡吃飯的客人實在不容錯失，我也常常吃－件作飯後甜品。