和暢金廚 (南盛街)

營業中

休息中

我不時會去大埔和暢金厨食晏，這店的老闆是名厨吳永皓的徒弟，店中的食物都有－定質素，而且不加味精，吃後正如店名一般，胃腸感覺和暢。 在疫情下食具都已預先以沸水消毒，無須擔心衞生問題。 我去多了一踏入店中，相熟的店員便會笑臉盈盈上前主動打招呼，一坐下便先奉上一碗絕不例的例湯，令人感覺到hospitality的真義。每天店中海鮮餐牌上，都有當天有的品種價錢及數量，每天大約有廿多條不同品種鮮魚，由深海泥鯭、烏頭、酒牌、黃腳、牙點、瓜子斑等魚鮮，曾經見過比較高價花英斑及老鼠斑等筭，豐儉由人。 我也喜歡在這裡吃它的鮮魚，有時吃蒸魚、有時會選擇煎封，釋隨尊便。今日吃到近年來較罕見的三刀魚，魚名俗稱「三刀」，是因為魚身較厚，清蒸時難蒸熟，所以過去漁民都會在蒸魚前，在魚身剁上三刀，讓它受熱平均。真假三刀並不難辨認，擁有鸚鵡嘴、斑馬身（有九條平均距離的斑紋）和梅花鹿尾（橙色上有白斑點）的是真三刀，它肉質嫩滑及魚油甘香，是假三刀難以比擬的口感。今天保持一貫穩定質素，依然沒有令我失望，值得我再三複桌！

大埔都好耐冇入過來，今日約左人係依度，就索性早啲過來尋食，睇下有乜特別嘅小店 ( 又係個句，連鎖大店，商場大店完全吾係我杯茶 )。跟感覺遊走，終於逛到啲舊樓範圍，離遠見到依間個名幾特別，行到門口仲見到有啲介紹佢嘅舊剪報貼係玻璃上面，睇真啲仲有佢同 蔡瀾 影相，但通常依啲太多名咀名人嘅店我反而覺得掉忌，通常都中招，應該係我嘅咀巴吾及佢地！行多個圈見到冇乜比佢天更令我想入去食，最後決定回來食。叫左個 客家鹹雞飯套餐，再另加一碟 清炒萵笋。個鹹雞套餐，味道啱啱好都吾錯，但如果用 走地雞 就更絕配。反而我比較欣賞個清炒萵笋，愈簡單嘅菜有時愈考功夫，好多地方炒出來都好求其，以為炒兩下就上檯，但好多都失手！

上月某個周日和老公在大埔吃晚飯，發現了這家優質小館，不但食物美味，還散發著書卷味、人情味。地方雖然不大，但設計雅緻，店舖內外的對聯，工整合律，言之有物。字體方正茂密，豐膄雄渾。門外兩旁的 務實中見廚藝與服務的承諾。 頌大自然的美妙交融，喻惜食惜緣。牆上的是日推介餐牌，也是以書法書寫的，很有心思。門外貼了報章、雜誌的招牌菜的報導，我們點了當中部份的菜式，另外有些是老闆娘的推介。東江釀豆腐 - ($35 )在長條形的豆腐中間開，釀入鯪魚肉，有别於一般魚肉在外面的方式，這做法難度較高。像鍋貼般大小，易吃又不易爛，賣相吸引見心思。 湯底鮮味，豆味濃郁，鯪魚肉彈牙有魚香，相當出色。客家鹹雞-例牌($35)味帶鹹香卻濃淡得宜，雞皮爽彈，肉質嫩滑少脂肪，很有雞味。 鋪了薑蓉墊底加上雞油香，更添滋味! 以自家品牌的雄雞碟盛載，有懷舊風味，35元實在超值!蜆芥鯪魚球 (5 粒 $25 )外皮金黃香脆不油膩，加了馬蹄的鯪魚肉柔韌爽甜，魚味香濃。京蔥燒魚 ($68)彩虹鯛魚先炸後燜，醬汁鮮味恰到好處，加上京蒽散發著香氣。連魚鰭魚骨都卜卜脆，十分美味。芝蔴骨($60)排骨酥香，入口即骨肉分離，隨即融化

懷舊菜小店，吳永皓師傅徒弟店。朋友話帶我去好多次，卒之試咗啦。餐牌選擇一般多。老闆娘話返咗鮑魚，就試咗冰鎮鮑魚$68一隻，見到水吧放咗一盤啱啱包好嘅素鵝$38，又試埋。朋友介紹食家鄕蠔鉢$40同客家鹹雞$34。 個人like素鵝同鹹雞，超有雞味。特色懷舊菜特色店，街坊價，不錯。

昨晚與友人👯‍♀️🏃🏽‍♀️共三人去等位食晚飯，等咗一陣先有人岀嚟門口派号碼。其間，我留意到有幾個比我遲來的人🚶🏼‍♀️🚶🏼‍♀️🚶🏼‍♀️，走到職員面前傾咗一陣(可能係熟客啩)。結果，十五分鐘後有位，佢哋竟然安排咗比我遲來嗰三個人入坐，本來諗住放棄，去等二度食就算，但係諗兩諗決定要同職員表示不滿。當然佢哋咪就係話因為嗰幾個係熟客，所以咪俾人入先囉，ok fine,間舖係你哋嘅，我無話可說。我只可以用行動表態，以後唔再幫襯，再好味嘅食物，如果一入門口之前我已經要經過不公平嘅待遇我寧願唔食。祝生意蒸蒸日上，客人光顧前要諗諗自己嘅時間是否寶貴，因為佢哋隨時會係你等緊位嘅時候安排一d佢哋所謂嘅熟客入坐先過你💆🏼‍♀️

據我所知，和暢金廚是由名廚吳師傅主理，所以品質有一定保證。有時想唔到吃咩就會去吃，因為可以少份量點菜 ，而且可以吃到家鄉的味道。鹹雞一定要吃，唔係平時吃的大肥雞，好有雞味。懷舊狗仔粉細細碗，湯底好夠味，有蝦米同冬菇。豬手真係勁勁勁好吃，仲有好特別嘅紅棗糕，只有哩到先吃到。其他唔逐一介紹了，總結樣樣都好滿意。

第一次來也是同事介紹最愛這裡的咸雞米米粉湯如食緊公仔麵 口感得意😎爽口彈牙 或許是自己偏好公仔麵 所以對這裡的米粉情有獨鍾 另外想介紹這裡的人情味食物未必是最好 但人情味濃厚

店面很小，有點家庭式作業，才二十多三十個座位，晚點來要在門外上街上等。東西不貴，份量該是二人的小份。除了菜單上的東西，牆壁上掛著店家當天的新鮮推介。#鹵水墨魚 店家當天的推介，鹵水味偏淡，墨魚頗新鮮。#金牌碗仔翅 味道不錯，這個價位不是用粉絲而是用魚翅，雖然是細身的但有啥可說。#櫻花香蔥餅 就是香蔥餅加了點櫻花蝦，蝦的份量不多。#清湯牛腩 份量剛夠兩人，湯底好牛腩夠爛，質量比得上同區X記的清湯腩但價錢平宜差不多一半。#北菇鴨汁魚唇 魚唇夠爛，份量也不少#家鄉蠔砵 焗得很香脆，就是那蠔仔偏小。#紅棗糕 味道棒，不太甜限量供應，記得點菜時就要先下單。

同一大班同事去食lunch，大埔呢頭真係好多小店，佢地帶我食呢間和暢金廚，睇openrice唔算多食評，我就幫大家試試佢啦係南盛街中間，舖頭唔太大，得幾張枱，都係做街坊生意。餐牌點菜就交比同事，我只負責影相同食十二個人都叫左幾多野食，每樣都係細細碟咁，可以揀多d款。我都唔好意思逐樣影相，所以只影左部分。同埋同事叫左d內臟好似生腸仲有豬手豬紅，我都係唔食嘅，所以就無影鹹雞幾滑，雞味濃，只係雞肉下面太多紅色同血水，有少少驚釀豆腐平時我都唔多好呢味，但岩岩做起幾好食鯪魚球一般啦，有d腥味蠔缽第一次見呢樣野，係連埋d蛋蒸嘅，適合配飯食鹹魚蒸肉餅我幾中意佢薄薄地口感唔會太實，又係撈飯一流嘅紅棗糕高度推介！一定要趁熱食呀，好香紅棗味，甜度剛好，聽講無加水無加油，口感綿密，食密個下我已經想再買做下午茶$7件唔算平，但我覺得值嘅仲有幾味食完我覺得需要推介但係無圖嘅櫻花香蔥餅：夠薄有脆邊蠔仔粥：同事話粥底係有瑤柱，食落真係鮮甜，同埋都有唔少嘅蠔仔幾乎一更一粒總結：整體都有水準，大推紅棗糕！

食物差，環境差，服務更差！環境太迫，跟本食得不自在，拾枱也拾上拾，食得太趕，比快餐店還要快，想和家人享受及聚多一會也不成。食品方面，味道也不是之前吳師傅的一套，但卻掛著吳師傅的旗號來騙人！如果想做優質私房菜或小菜店的形式，為什麼不能做好些，連一般茶餐廰也不如，一切都和之前的和暢老店是兩回事！職員落單也離譜，明明落了單，到最後不來，也不承認錯處！服務差差差！ 價格多少不是問題，為什麼不能讓人好好的吃一頓飯，但卻趕頭趕命之余，又服務之差等等的讓人三重失望！

早前有位工作上O既前輩約食飯, 佢的女兒話要帶我食佢地屋企附近懷舊菜~ 其實都幾期待, 連一個小朋友都要推薦中菜, 會係點架呢?咁啱今日係星期日, 門口都幾多人等位, 店舖唔算大, 但幾淨乾淨同埋坐得舒服~而且黎食好多都係街坊街里, 大家同店員都打成一片~好熱鬧~今日食O既野都係小朋友揀, 其實叫左好多樣~我揀左3 款最正去介紹清湯牛腩只是$35 一碗~ 入面牛腩份量好多, 每一舊都燉到好腍, 好入味~ 蘿蔔清甜, 吸收哂牛腩湯D 精華~ 個湯汁就更加唔洗講, 甜到不得了~  絕對要推介!花雕醉雞雞肉好滑, 加左花雕好香, 入哂味雞又唔肥, 最緊要係切開D 雞骨髓唔係紅色懷舊狗仔粉好耐無食過加狗仔粉, 呢豌值得讚係湯底, 香菇味又夠, 狗仔粉好滑, 好飽肚~

係一間好到值得寫食評嘅小店。上午睇新聞睇到有好嘢食晚上八點即嚟報到，見到門口排滿人，已經感覺店舖口碑一定好好。店員定老闆門好落力寫單，傳菜，執枱，等咗一陣先有姐姐出嚟派號碼發。大約等咗20分鐘先入座。期間姐姐都出過嚟2次問等待中嘅食客會唔會叫蒸餸，叫定做定唔駛等。我第一次嚟其實好多嘢都想試，但見無人叫蒸餸，加上自己又並非食到大笨象嘅心情，都拎拎頭等到入座先叫其他。價格親民，令人更想乜都試下。是日例湯皇 $20黑蚊蚊嘅係老火湯，只係記得有龜板，土伏苓同藥材，細啖飲好清，大啖就好甘，正正係用料足火候夠嘅體現，哩個例湯係我飲過最高層次嘅例湯。👍👍金牌碗仔翅$22跟住出場係相對好”掃街”類嘅碗仔翅，神奇事情係入面嘅雞絲真係好有雞味，而湯嘅”結身”程度少不免會想起係生粉水，但佢係特別滑身，仿佛係湯羹一倒入口就自湯滑落食道中，味道當然好和諧。花鵰醉雞(例牌) $35哩個價錢竟然食到軟，香，醉，甜，仲有8，9件正常雞件量，部份嘅皮肉間仲有薄薄啫喱油脂，如果一個人嚟，一份雞，一碗飯，好美滿。鹵水豬手 $8/件入咪而唔會太濃，咬落去係滿口骨膠原，唯一挑剔係手指罅中間有毛，要咬掉浪費咗蠔汁鴨掌 $6/隻汁

在大美督跑完步出返黎大埔都成9點幾。雖然都知好多店舖都關門了但又唔想食商場果d連鎖食店,所以都繼續行去大埔街市果邊再入搵食。見到呢間新開張,門面整潔又有不少食客,仲要仲未關門!!我和朋友便決定進去醫肚先。看看menu食物價錢ok,面,粥,飯,滷水,菜魚肉,冷盤咩都有又可以按所需分量決定叫幾多個/份。覺得幾好啊！但夜麻麻又唔想食太多。思前想後之際店員哥哥竟然知道我地既苦惱過來介紹鎮店名物--家鄉蠔砵$40 和鯇魚皮 $30我地再叫埋艇仔粥同菜心,兩件豆腐及一隻豬手真係豐富既宵夜晚餐。上菜好快。先試蠔砵,鮮蠔加上菜和蛋蒸熟,原來都可以甘夾。果然無介紹錯❤鯇魚皮是冷盤,好爽脆,用埋豉油同粥一齊食更鮮味菜心我地走油走汁,佢地都跟足無錯漏。我最愛之一的滷豬手也沒有令我失望,夠軟夠稔同入味。 豆腐都美味。店員仲等埋我地食完先收工,無趕過人服務真抵讚👍👍大埔不單大埔人好,大埔食物也很美味啊！所以,真係滿載而歸!!美味:😋😋😋😋價錢:💰💰50-100

我尋日去食係全部野都無味，最過分係醉雞得個汁有味但雞完全無味！蠔油掌超dry!蝦花蝦蔥煎餅超凍好似紙皮！碗仔翅正常味道淡但不能說好食！滷水蛋又凍又無味似水煮蛋但有色無味！煎釀豆腐正常。依間野零服務野食差難食到相都只係影左幾張就無心機影落去

夜晚去食的～叫左個啫啫雞煲、懷舊狗仔粉、韭菜豬腸豬紅、東江釀豆腐、上湯烏冬、紅棗糕同埋上湯拉麵～價錢係平嘅～十幾二十蚊都有樣嘢～味道唔錯，例如雞煲啦，好入味，夠味～又例如烏冬啦，個湯底正，烏冬就好有咬口～所以平靚正齊曬～另外人情味我覺得十足，好有懷舊feel～正～～～值得一嚐～但係好搞笑嘅就係因為佢少少少少咁，平平地咁，你叫下叫下就好多野架啦～😂😂😂有個好處就係因為平，份量唔會話好多，咁你就變左可以試多幾樣嘢食啦～最後一句：加油啦！💪🏻💪🏻💪🏻