和氣食堂

營業中

休息中

唔熟呢頭,同小朋友附近玩完唔知食咩好，想食日本野就上網search下,盲摸摸試下,又都唔錯！環境價錢都唔貴，又有野啱小朋友食。章紅魚薄切切身魚生大人食，新鮮喎！鮮甜，驚喜！松葉蟹柳蟹子沙律清新開胃，份量都多燒雞扒豬骨湯烏冬湯底濃稠得嚟又唔會太鹹，烏冬嘅質素都不錯，彈牙有嚼勁，雞扒juicy又大份。特選鰻魚丼好大塊鰻魚，伴埋燒汁，幾好。仲叫咗堆串燒：鹽燒一口和牛、鹽燒地雞串、鹽燒地雞腎樣樣都不錯。又唔會太辣，小朋友食都啱總括來說呢度食物選擇都幾多，性價比高。

難得入屯門開會，就順便食埋晚餐先走，問左朋友有冇咩推介，佢話寶怡花園間和氣食堂都幾好，食日本野，食物種類多又唔太貴四點刺身盛A盛盒都幾豐富，有三文魚刺身、章紅魚薄切、廣島蠔刺身同甜蝦刺身，望落去都幾新鮮，重點三文魚勁厚切‼️有手指咁粗，廣島蠔都幾creamy好食七味河豚干平時食燒魚干多數配沙律醬，今次配七味粉🤤河豚烤完後剪開一條一條，送酒不錯鹽燒地雞串雞串好juicy😍皮脆口肉嫩滑，幾高質照燒日本魷魚筒魷魚口感Q彈，燒汁甜甜地幾開胃，令人想一食再食手打稻庭冷烏冬份量都幾多，彈牙軟滑，麵身比一般烏冬更幼細，滿足一餐👍🏻

今次一班人嚟吹水傾偈，所以叫啲嘢都係送到酒為主🤭 照燒日本魷魚筒係今次食最有驚喜嘅，佢係好厚身嘅魷魚，好有咬口，但好爽脆🤗 七味河豚干 - 呢個都拈上沙律醬，再配埋啤酒🍻真係一流，居酒屋味道出哂嚟🤭 鹽燒地雞腎，脆干干好好食😋 野菜天婦羅🍤 炸得啱啱好，炸粉唔會厚，好薄👍🏻鐵板熱鬆軟牛舌 - 口感同平時嘅牛舌有啲唔同，呢個淋淋地好特別🤔 特選鰻魚丼正常，無乜特別🤔整體來講，坐得幾舒服😌傾偈一流👍🏻

之前係沙田河畔食過，今次過開嚟揾朋友，又見唔洗等位👍🏻 上次食完又覺得佢性價比都算高🤗 呢間吸引在佢嘅四點刺身身盛A，有三文魚、章紅魚、甜蝦同廣島蠔🤭 係有蠔，算好難得🤗七味河豚干 - 即係雞泡魚，係一種高級的海鮮，一邊傾偈💬一邊送酒啱哂🤗千迴火鳥 - 即係燒雞翼，佢係外皮脆得嚟，亦都啖肉，唔會燒到乾哂，仲好juicy🤗手打稻庭烏東 - 因為叫咗刺身，所以無再特別嗌壽司，叫咗稻庭烏冬，好煙韌，加埋個烏冬汁令佢加咗唔少分🤗不過下次嚟食我一定會點火炙鵝肝三點🤭🤭 好似好吸引😚

最近去屯門探朋友，見到附近有一間日本餐廳食物選擇種類豐富，有刺身、壽司、手卷、沙律、日式小食、一品料理、刺身、烏冬拉麵、天婦羅等等超多嘢食🤣有選擇困難症嘅朋友都要花成10幾分鐘先揀到 haha 😂 🥢軟殼蟹手卷、辣味三文魚手卷軟殼蟹好大隻🦀紫菜包住，口感脆卜卜辣味三文魚份量好多，好滋味🥢野菜天婦羅有南瓜、菇、蟹柳等，即叫即炸熱辣辣炸皮好薄，沾天婦羅汁，甜甜地幾好食！🥢鐵板煎鬆軟牛舌必食🤟🏻牛舌軟腍得嚟夠爽口 而且燒汁好入味配料洋蔥🧅令口感更豐富🥢鹽燒地雞串、鹽燒地雞腎雞串啖啖肉，肉質嫩滑juicy,好香口雞腎爽口，食得停唔到🤤🥢鯛魚湯泡飯用石鍋上枱，熱辣辣鯛魚湯口感濃厚，魚味新鮮濃郁，絕對冇腥味米飯🍚索哂湯底好入味👍🏻🍹檸檬藍柑梳打打卡一流！味道酸酸甜甜，解渴必叫和氣食堂 屯門良德街11號寶怡花園商場地下9-11號舖

已經係第二次食㗎喇～ 都係依然keep住咁高水準而且是CP值高～ ❣ 油甘魚壽司一啖食落怖滿魚油香氣～ 甘甜❣ 蟹糕松葉蟹棒壽司上面有蟹糕❤️ 好鮮甜😘❣ 珍寶赤蝦壽司(原只）好大隻阿～ 爽口彈牙😂❣ 章紅魚薄切刺章紅魚味道帶甘甜清爽，而唔腥～ 肉質扎實有咬口～ 配埋帶咸咸地醬汁 好好食😋❣野菜天婦羅稻庭冷烏冬野菜天婦羅有南瓜, 炸冬菇, 番薯, 茄子同埋芋頭。 外皮炸得金黃色~ 外脆內軟! 至於冷烏冬既食法係將配料連鵪鶉蛋放晒入湯攪拌~跟住放冷烏冬入湯到沾一陣~ 就一啖食落口~索晒D 湯既精華~冷烏冬口感煙韌彈牙。好味道呀!❣ 鐵板煎鬆軟牛舌牛舌好厚肉, 而且好林又有咬口，加上佢鐵板煎, 熱度好夠~ 配埋醬更加惹味!❣ 電擊雞翼（6本）電擊雞翼冰涼～ 肉鮮鮮嫩～ 帶有甜甜醬！ 好開胃又惹味！ 佢仲要係單骨雞翼～ 好易食 岩晒我呢d懶人❣ 鐵板煎鬆軟牛舌

平日晚上泥和氣食堂，八點多依然有不少客人。餐廳選擇多，除咗有壽司刺身等，仲有前菜，小食，沙律，鍋物，串燒，丼飯等等，種類多不勝數🥢✔️糖心蛋🥚 (HK$13)首先叫兩隻糖心蛋，咬下去半熟蛋液慢慢留出，作為前菜一流🫶🏻✔️柚子檸檬梳打 (HK$29)飲返杯檸檬梳打，清新解渴🥤✔️芝士厚燒玉子🧀 (HK$48)玉子燒烹調時間剛剛好，雞蛋滑溜有蛋香味。✔️蟹肉忌廉薯餅🦀 (HK$29)邊度食都差無幾既蟹肉忌廉薯餅，熱辣辣炸出來，香脆可口。😛✔️燒日本廣島蠔🦪 (HK$48)廣島蠔尚算肥美，咬下去仲有汁流出來，配埋芝士或蒜蓉一齊食，味道不錯😃✔️千迴火鳥三隻 🐥(HK$42) 其實即係燒雞翼，火候控制得剛好，雞翼不會太乾身，咬下去仲係juicy 既，仲係有少少辣，好惹味🍗✔️牛油果炸蝦卷🥑 (HK$48) 好大件嘅炸蝦卷，每一件都有兩舊炸蝦，配上蟹籽及蛋黃醬，滋味🍤✔️泡菜黑豚肉石鍋飯 (HK$88)份量很多，石鍋飯熱辣辣，形成不少飯焦，脆卜卜好香口。

好高質嘅餐廳!!!😍😍最近食得好多好嘢,慢慢越嚟越嘴刁但呢間餐廳令我有返心動嘅感覺🥹😍😋一定要推薦比大家😋首先見到佢門面已經好光猛 有種好想入去食嘅感覺望入去見到啲位感覺會坐得好舒服我哋得兩個人 職員都好歡迎我哋可以坐卡位💗💗Nice🤭淨係Menu都已經引死我啦🤣🤣整得勁靚，好乾淨💗😍好有食慾呀🥑牛油果🥑三文魚沙律$75牛油果同三文魚真係勁夾!!!好好味三文魚同牛油果嘅份量都唔少食咗呢個開胃菜真係好開胃💗黑豚腩燒丼附泡菜$78我諗咗好耐，叫咗呢個黑豚腩燒丼附泡菜見到Menu張相實在太吸引!!!!之後一食落口……係超級滿足🥹🥹🥹完全係我想食到嗰種口感 肉汁加埋珍珠米完全係冇得輸！！！！上面啲蔥花仲要切得好靚勁好食呀！！！我會想再去食🤤🤤🤤💗五色海鮮丼A(三文魚、鰻魚、帆立貝、拖羅碎、三文魚籽）$138啲刺身係勁大份，食落去真係滿滿嘅滿足感超級好食🥹🥹🥹之後我哋再叫多咗個刺身💗三文魚腩刺身(4切）$72勁大片！好厚身！大滿足呀！🥹🥹🥹🥹🥹食咗咁多嘢最後加一，除開每人都係$220🤩一定會再食呀啲職員都好nice ，係咁幫我地添茶，服務滿分💯

太陽未落山就食晚餐，最後見到和氣食堂就入去試試，見到之前成日排隊。跟住就叫左個apple cinder，加個電擊雞翼，再加個帆立貝三文魚親子井。apple cinder 賣相有驚喜，我以為會比一支就算，原來會比個杯你加冰慢慢飲，以前多數要兩支先夠皮，宜家一支就ok贊，跟住上個電擊雞翼，夾上黎見到有拉絲，好似拔絲d fd，跟住見到炸皮，食落口，居然係凍食！但係意料之中既脆同埋肉質都唔韌，好食。帆立貝三文魚親子，三文魚全部厚切，都肥美，帆立貝都叫有甜味，比想像中好。

星期日例牌唔煮飯🫣求其食一餐就算了❣️今次就喺屋企附近試下呢間餐廳🤭1️⃣前菜👉🏻火焰左口魚邊牛油果🥑沙律 $75呢個幾特別🤤因為左口魚邊係處理過嘅❣️啲油脂出哂嚟加埋個酸甜嘅沙律醋食落好有層次☺️2️⃣小食👉🏻電擊雞翼 $36有六隻單骨雞翼❣️呢個係要凍食的🤤食落啲雞肉一啲都唔硬👍🏻類似炸雞翼但表面有一層蜜糖包著❣️幾正❣️3️⃣小食👉🏻辣味三文魚軍艦 $26好大件🙃我個口都算大🤣但一啖食落去都有啲辛苦❣️佢呢個比較韓式嘅辣味三文魚有少少泡菜味🤭4️⃣主食👉🏻珍寶赤蝦海鮮丼 $105 & 帆立貝三文魚親子丼 $125啲壽司米有少少🤏暖而且都好多吓❣️魚生我哋都幾滿意🤭因為好肥美同埋新鮮🤤除咗魚生仲有幾舊青瓜做配菜👍🏻解下膩❣️5️⃣飲品👉🏻Apple Cinder $38個杯非常之有儀式感🤣

探完住建生邨嘅朋友，夜晚喺附近搵食，估唔到冇嚟一排，呢度開咗好多唔同嘅新餐廳，有西餐，鋸扒，日式餐廳，最後我同老公揀咗呢間日式餐廳餐廳入邊有好多食物可以揀，有壽司，刺身，天婦羅，石鍋飯，拉麵，串燒等，好多唔同款式，適合心多多嘅我最後，我哋點咗呢啲唔同種類的食物電擊雞翼，甜甜地，外皮焗到好脆，好似糖醋味咁，估唔到雞翼凍食都咁好食虎蝦刺身，個擺盤好靚，一盤大冰鎮住啲刺身，配埋個泰式酸汁同埋蒜片，蝦好爽脆新鮮好好味三文魚五味，珍寶皇帝蟹棒三文魚壽司有五個口味，好新鮮，皇帝蟹棒好大條配上沙律醬同帶子，好夾野菜天婦羅，薄薄嘅炸粉，好鬆脆，唔會好油芝士黑豚軟骨石鍋飯，豚肉好林好入味，石鍋好熱，食到最後個鍋仲係燙手，啱晒天氣涼涼地食蒜蓉，芝士廣島蠔，有兩個口味，蒜蓉味鹹鹹地，芝士焗蠔，芝士好香濃

估唔到呢條街越嚟越多嘢☝🏻☝🏻見到呢間日式店，望到餐牌好多花款🥰所以就入去試串燒、丼飯、沙律、刺身壽司 咩都有👍🏻白身魚薄切刺身兩款既魚刺身都好鮮甜‼️佢俾我哋嘅醬料唔係豉油同Wasabi （相入面個個）令到刺身嘅鮮味更加突出，豉油同Wasabi更加遮蓋左鮮嘅味道份量都足夠👍🏻薄切平均帆立貝壽司牛油果軟殼蟹卷三文魚5味佢嘅賣相每個都唔錯👍🏻軟殼蟹，牛油果真係絕配‼️內脆‼️三文魚五味有齊唔同烹調方法 好有心思有搭配炙燒、牛油果、海膽……三文魚普遍得黎帶啲特別不過略嫌壽司飯有少少爛麵豉燒日本米茄子‼️‼️推薦 好特別嘅米茄子，醬料味道同口感都好特別👍🏻 雖然佢係蔬菜茄子，但係食落去嘅口感啖啖肉 好實在🤤🤤雖然係麵豉燒，但亦都唔會太重口味野菜天婦羅稻庭冷烏冬建議食之前可以問吓店員推介嘅食法係將左下角嘅蔥花、鵪鶉蛋、蒜蓉…到晒去黑色個杯仔醬汁度，再搞混佢然後就將烏冬點落去食～唔怪之得一開始就咁點嘅時候覺得好淡味🥹🥹大家要識得食啦！天婦羅炸得啱啱好 唔會太厚粉/成堆油唔錯，唔錯👍🏻最後埋單 $543

呢條街真係越來越多好野食，是日就黎左和氣食堂食午餐，好耐無食日本野啦。兩點幾黎到都好多人，好好彩我地坐到最後一張卡位，濶落啲嘛😁餐牌太多選擇，一下子唔知叫咩好添，最後揀左一人一個餐，再加杯特飲，好想飲下甜野😝🍣和氣壽司定食自己揀左份壽司定食，有九件壽司再加一碗烏冬，哈哈，飽肚之選。壽司size都唔細件，魚生都大大片㗎，正喎🤤花之戀好好味，件呑拿魚蓉都正，同朋友分著食唔錯唔錯。🍥迷理木魚湯烏冬雖然話迷你，但都唔算好細碗，湯頭清甜熱辣辣👍🥩網燒牛扒定食朋友就揀左牛扒定食，旁邊仲有沙律伴碟🤤牛扒肉嫩富牛味，七八成熟仲有肉汁㗎，伴飯食一流。飯係珍珠米，大大碗👍🐓揚物炸雞兩份定食都有附上的炸雞塊，幾香脆。🥚日式蒸蛋食到尾聲先到嘅蒸蛋，我都唔記得咗有佢，店員話蒸緊需時🤭蛋好嫩滑，仲有濃郁的高湯味。🍊柚子檸檬梳打&🍇巨峰梳打個定食本身送熱飲，加多少少💰轉杯特飲先，柚子甜檸檬酸，溝埋一齊啱味幾好飲噃。另一杯就揀左巨峰，甜甜哋嘅提子味都正。唔使收加一👍抵食。

間店既食物價錢唔算貴，而且食物份量都算多。有d驚喜係個刺身丼有左口魚。我平時好鍾意左口魚，燒香左會有油脂香味，但食個有d根，燒得唔算香。三文魚都幾厚，但燒得唔夠香，好似只係用火槍微燒。食完個飯都會幾膩。餐廳既服務唔算咁好，我舉手叫waiter，佢好似見到都唔太理，過左一陣先黎。

大西北少有既日本居酒屋餐廳, 同朋友撐台腳, 一坐底已經心諗, 會否太誇張😱 menu厚到, 多到影唔哂, 壽司, 手卷, 卷物, 刺身, 沙律, 小食, 一品料理, 天婦羅, 刺身丼, 石鍋丼, 鐵板飯, 烏冬, 拉麵😂 揀野食都揀左十分鐘🙌🏻✨泡菜黑豚腩鍋 $95泡菜湯底少酸, 辣味重少少, 非常開胃😋泡菜湯材料有豚肉, 娃娃菜, 粉絲, 豆腐, 泡菜, 鴻喜菇(?), 金針菇🤓份量勁多❗️各類味道都唔錯, 又一抵食之選✨咖喱鹽燒帆立貝未聽過有咖哩既壽司, 敵不過好奇心嗌左一碟, 三個字, 違和感😂 上碟果陣好香咖哩味, 期待左一下, 唔係難食🫢 但真係完全唔夾🤣 始終少見, 大家有興趣都可以試下😂✨火焰黑松露左口魚邊 $42黑松露控記得嗌❗️幾大羹下🤣好濃, 滿足🫶🏻 左口魚邊味則唔太重, 但overall 都好食✨牛油果炸蝦卷 $58好新鮮, 好濃牛油果既奶油味☺️🥑, 炸蝦好脆🤓🍤 我個口都算大但都一啖食唔哂😂 幸福既煩惱, 可能少d 飯會好d, 而飯質則過黏, 可能有多餘既水氣🤔✨七味河豚干 $59雞泡魚乾, 魚肉幾香甜, 越咬越上癮😹配沙律醬、七味粉，口感豐富✨鹽燒三文魚鰭 $