和牛88

營業中

休息中

和牛88係銅鑼灣時我食過幾次覺得唔錯，所以知道餐廳搬到鰂魚涌就去支持支持!😍餐廳牛餐款式同之前差唔多，今次叫咗吉列黑豚定食$108，另加$20要芝士年糕。😊黑豚外層炸得鬆脆，但我覺得炸粉可以多番少少，豚肉都保持到有啲肉汁，整體都唔錯。定食包括新鮮沙律，漬物，味噌湯，份量適中，味道正常。芝士年糕有2件，掛住食唔記得影相，味道都唔錯，不過如果餐廳可以調節下啲時間，係食客接近食完主菜至上就好啦，因為我當係甜品咁食架嘛。餐廳內部裝修簡約，坐得都舒服嘅，當時已經下午2點，客人都有10個到，其實都算ok，當然希望做耐咗等多啲街坊朋友試過和牛88嘅食物後會繼續幫襯， 畢竟有誠意嘅小店已經買少見少。💝

和牛 88 之前o係銅鑼灣搬過o黎太古地鐵站附近，知道佢仲係試業中就趁晏晝去試一試。雖然 openrice 話o係鰂魚涌，但其實近太古出口。兩點鐘倒人流唔多，枱同枱之間都唔會近，坐落感覺幾舒服。天氣好熱，就嗌咗個以前食過o既招牌燒和牛冷烏冬。上菜，除o左個 main 外，仲有漬物，味噌湯，仲有沙律。一睇個set 已感到用心，沙律菜好新鮮，而且和牛好靚亦都食得出燒味，冷烏冬都有咬口彈牙，presentation 都靚，估唔到味噌湯幾好飲，唔係死鹹。明明係有質素o既小店，希望附近o既街坊可以多啲支持啦。