和茶房鐮倉夢見屋 (已結業)

前日(8-6-2019 Sat)同老公送發泡膠行完愉景新城後就食晏,呢喥大部份都係食日本嘢,我哋重差啲走去Antoshimo食,好彩老公見到佢啲冬甩咁熟口面咋.咁我哋就決定食呢間,睇完menu,我決定食$60.00嘅牛油果醬烤雞意式三文治,老公要$108.00嘅鹽燒鯖魚定食,要凍咖啡.冇耐,凍咖啡到嚟,經過老公嘅調配後,我試吓飲,唔太苦但味道唔太濃.等咗13分鐘,我嘅牛油果醬烤雞意式三文治至到嚟,睇見薯條好油,意式三文治好貼心地切開咗一半,方便客人食用,但烤雞似俾雞碎的,感覺麻麻.再睇睇,見到佢哋塗咗啲介末籽他他醬.食得喇,意式三文治烘到好脆,食到介末嘅味道,烤雞油同味道好似差啲啲,而食食吓就見到牛油果醬係塗咗喺下面.味道:2.33分而薯條係好熱,鹹度啱啱好,薯味亦重,唔蘸茄汁食都重得. 味道:5分老公嘅鹽燒鯖魚定食由落單開始計起,等成21分鐘至有,呢個重有日式冷盤小食,沙律,漬物同味噌湯.漬物係青瓜,醃到變埋黃色,認真誇張;日式冷盤小食中,我食咗帶子裙邊,微微嘅甜辣,好味.而鹽燒鯖魚呢,老公話魚皮都燒到脆口,我食啲肉,都幾鮮甜嘅,而佢都幾厚身.味道:3分其他:喺等嘢食嘅時候,睇吓佢嘅

同小朋友來食，因為見有兒童餐而又不用等位。我們則點了咖哩烏冬同飯，食物不過不失。但兒童餐中的生菜🥬竟然是爛和霉了的...其實只是伴碟，唔新鮮可以不用送出來，更何況是小朋友吃的呢？難怪這店子空空如也 記住名字 不會再來！

話說今日係假期的最後一日～我就帶妹妹嚟愉景新城買禮物…希望佢勤力温習，準備考試購物完畢，就帶妹妹去食飯！行過呢間…之前好多人排隊，見而家無人排，而妹妹又見到啱食既嘢，就即刻入去了！首先點了妹妹的咖喱飯可愛的卡通造形飯再加四件炸雞～一上枱，妹妹好開心，啲咖喱汁不辣帶甜，炸雞脆口之後就到我同蝦子餅點的食物呢個意粉係無味的～～於是我問個女員工可否俾樽pepper and salt 我，佢即刻幫我拎入廚房再調味～呢位員工服務真一流！再岀過的一碟意粉～今次味道一流，蟹肉夠味，波菜夠多，意粉質感剛好薄餅係一般日式食店的質素，芝士夠多，肉有少少，可以一試，餅底不是厚的，脆脆的！沙津菜新鮮，唯一係啲雞肉就較軟身…味道一般！我個人覺得女員工比較 helpful，親切有禮！男員工就

叫左三文魚同鰻魚茶漬飯茶漬飯嘅水準差劣港式湯飯嘅水平眼見其他客人枱上嘅食物似茶餐廳嘅水準感覺可能食物嘅水準一山還有一山低食物水準唔講 服務態度更加差劣 可能係佢地忙啦對客人態度好似我係佢仇人一樣問攞餐具都俾人超黑面兼發老脾環境方面一坐落去張椅子係污糟嘅成手都係痴luplup嘅不知名嘅野招牌甜品芭菲抹茶全部無不過入座吾講落單吾講到你睇定哂想叫先講全！部！無！明顯係無心同客人溝通唉⋯⋯⋯⋯⋯⋯⋯⋯⋯⋯⋯⋯

去到荃灣見到癲噹外觀真的唔錯，而且間鋪頭又冇咩人，好睇唔好食， 基本上成個都係cream同麵包，我搵唔到其他產品。 由頭到尾得一個甜字， 以後呃like嘅嘢都係唔可以放入口的。

未見過一間餐廳職員可以咁差態度！當時店入面無其他食客 我地向女店員查問餐牌 女店員極之唔耐煩！其實唔想做生意咪關門囉，食客開開心心去食野，比佢搞到一肚氣！最後無食就離開！真心無下次！

今日冬至同家人出去食飯, 見到呢間夢見屋既外觀唔錯, 就簡左呢度食晚餐。 一入到去佢地安排我地坐係門口位, 但係張枱就搖搖欲墜咁, 我地就問個經理有無其他枱喇, 之後佢就話無, 然後好用力卡張枱落地板個坑紋到, 唔搖之後, 佢就態度好差話:咁咪得lo, 入面無曬枱架, 無得調位架。然後當入單個時, 另外一個員工就落到黑口黑面, 問佢有咩甜品選擇, 就放張menu落泥, 上面係無寫價錢, 又唔講解, 我地問幾錢, 個侍應就好唔耐煩咁講話唔同蛋糕唔同價錢,又唔講個range係幾多,點決定食邊種呀？依家叫多個甜品仲要俾臉色客人睇。食物普通 牛排頗硬

明明我張飛係頭係100號，但係佢唔俾我入仲要人哋未人齊就屈左人哋嗰張入先，人哋嗰張飛仲要係我後邊。所以建議唔好黎食，同埋唔人齊你到都冇所謂! 本身滿心期待食佢嘅嘢而家叫你唔使食，唔使再幫襯了再見。

今日同朋友去愉景新城買行咗一陣，佢見肚餓就找下有咩好食，最後佢地就選擇了吃日本餐廳。去到原來係夢見屋，而且這裏的甜品都吸引，所以就更加想去試一試。入到去因為可能唔係咁舒服嘅關係，最後選擇左食烏冬同炸豬扒，冇諗過味道的確唔錯，炸豬扒有脆，而且豬扒好厚身，味道啱啱好，而且烏冬有口感，份量都可以，而且湯底都鮮甜，而且價錢吾貴，整體都不錯。之後我哋叫咗一個甜品，朱古力蛋糕，但朱古力實在太甜，而且口感好濕，所以整體就覺得甜品麻麻哋，有點失望，已經吾想再吃另一款，下次再來只會吃熱食。

老老實實，真係無下次，吉列豬扒個豬扒好似岩岩浸完油就拎返上黎咁，但係1d都唔脆！個烏冬個湯好咸...咁既價錢，唔ok👎🏻👎🏻👎🏻真係唔係咁好食😥唔怪得之無乜人....

今次帶小朋友食晚飯，進到餐廳馬上就被那隻貓公仔吸引，就決定食這間服務員的態度也很友善今次就點了一個兒童定食及咖喱牛肉飯。小朋友見到兒童定食已十分開心，因為車車盤上裝上意粉，顏色吸引。至於咖喱牛肉飯是甜甜的日式咖哩，略嫌牛肉不夠淋，可以再改善。

家庭日帶細路去D park 睇戲，一心諗住去Pizza Hut，但係太多人。見到夢見屋唔使排隊，就直接衝入去。鰻魚茶漬飯定食 $98老公揀嘅，佢本人話唔太欣賞。香草檸檬海鮮意粉$68味道OK，但係太貼題，冇香草味有冇檸檬味。萌貓芝心年糕$32上圖係餐牌，下圖係現實，一個明明係蒸，現實版係炸，直情覺得佢中左商品說明條例青蘋果牛油果沙冰 半價$22.5未到OK，又係唔貼題，冇青蘋果味亦冇牛油果味。Kid set $68都係嗰啲行貨野啦～平民價整體都好啲，一分錢一分貨，唔好期望好食，但亦唔難食嘅。最緊要小朋友都食得開心，望落去又幾好睇。

經過愉景新城買嘢， 畀門口呢隻大公仔吸引住， 於是就望下呢間係鋪頭食啲咩， 一步一步就畀呢隻公仔吸引咗入去。原來呢間餐廳係食西餐同蛋糕我就畀一個充滿夏日特色嘅menu吸引住就係呢個香芒大蝦意粉上枱嘅時候每條意粉都充滿著芒果汁， 味道對我嚟講比較酸， 但確實開胃同刺激到味蕾， 份量喺下午茶嚟講都ok。這碟意粉要讚嘅就係呢隻蝦， 總共有兩隻， 比正常餐廳大同埋彈牙， 稍為要彈嘅就係唔夠熱， 食落去係暖同凍之間， 咁又俾我扣咗分喇， 加埋一都成90蚊， 有啲要求都好正常啫。

我一向習慣係，如果那間餐廳D食物、服務等唔係有認真出色，或者當中有特別差嘅嘢，我都唔會多寫評言，今次呢間就不寫不𣈱快，一陣以來都有光顧，原因味道都不錯，雖然不致到＂嘩！好好味呀＂，但都係可以再來的程度，但今晚再來，係等位期間，有一位老人家因平衡有困難不能企得太耐，所以問D店員可不可以借張椅俾佢坐著等，但得到回覆係佢地無椅可以借，我話成個店都有椅，借用一張都無？當然佢地係有權唔借，但咁簡單嘅幫忙都做唔到，我不會再光顧呢間餐廳，因為佢地連最基本嘅服務精神都欠缺，唔值得我再來。希望呢間餐廳管理層睇到，認真檢討一下。

細路去鯨魚公園玩，晚餐响愉景新城解決，夢見屋第一次食，見倒舖外有大公仔，細路已衝住入去講要食呢間。食物選擇多，細路見倒兒童餐禁靚已講明一人點一個，個餐包括有餐包沙律、有炸物、飲品、意粉或飯，份量唔會太細，大人食都夠飽，仲好好味添~另外，大人叫左【番茄蜆肉意粉】、【咖哩牛肉飯】，先講【番茄蜆肉意粉】，番茄汁酸酸地咁令人好開胃，蜆肉亦好多，意粉軟硬適中。【咖哩牛肉飯】咖哩汁味道還可以，但飯同牛肉粒就有d硬，下次可以試下其他。