和茶房鐮倉夢見屋 (已結業)

兩公婆去咗愉景新城食下午茶，搵咗好多間，結果揀咗夢見屋，先講環境的確唔錯，出面已經有隻大公仔吸引人，入到去啲裝修亦好和風，如果係小朋友就仲開心。攞起餐牌睇咗陣，最後都冇揀tea set，揀咗個香芒大蝦意粉，因為價錢都略嫌高，所以冇再加其他組合(如蛋糕、飲品、餐湯)，至於味道都唔錯，大蝦燒得非常香，意粉軟硬程度亦啱啱好，香芒做嘅汁亦好特別，加埋啲芒果粒感覺好清新。服務員態度都好好，整體感覺良好。夢見屋蛋糕櫃可愛大公仔餐牌餐牌香芒大蝦意粉

遇正下雨天，街外濕濕淋淋，同仔仔相約朋友仔一齊去愉景新城玩，就算落雨都無有怕，可以逗留喺室內場所比佢哋玩餐飽呢處真係好適合一家大細嚟，無論行街睇戲食飯，再加埋商場裡設有兒童遊樂場，喺室內地方一樣可以放到電玩咗大半日，又到夠鐘食飯嘅時候，去咗夢見屋等位，唔使幾耐就有位了首先吸引我注意並唔喺啲食物，而喺門外果一隻大大嘅癲貓，好卡嘩兒呢！仲有一啲以癲貓為主題嘅甜品同咖喱，賣相認真可愛小朋友一睇餐牌就話要食嘅兒童餐煙三文魚芥末薄餅唔知喺咪我哋太肚餓，一食有令人驚喜嘅感覺，芥末同煙三文魚配搭超凡，我哋一致認為Pizza好得🍴明太子忌廉海鮮意粉menu顯示🌶，食落唔覺得辣，味道稍嫌淡咗啲，落咗鹽撈匀明太子在意粉上，頓時覺得有番啲味道蒲燒鰻魚炒飯份量多好夠食，味道唔錯加錢配指定蛋糕，揀咗黑森林蛋糕同雜果撻，兩款也好味焦糖忌廉咖啡 咖啡稍帶苦味玩飽兼食飽，又喺時候講 Bye Bye

今日天氣真係好熱，在愉景新城想找一間好坐的鋪頭，唔想揀delifrance, Starbucks, 所以揀咗以日式做主題嘅萬見屋，唔想飲抹茶，唔飲咖啡，見到佢有新出嘅飲品［青蘋果牛油果沙冰］，覺得呢個配搭好新鮮即時叫左，等左成15分鐘先有， 我能下午茶時間人手比較少掛，杯野其實好杰身，店員俾咗支普通幼飲管我，我好努力咁吸啜都飲唔到野，問店員有冇粗飲管，佢竟然答話冇，我同佢講咁我飲唔到我依家可以點，佢話其實呢杯嘢飲唔係用飲管吸，係用匙羹來食的，我真係即時返晒白眼然後我唯有叫佢比多隻杯我，我要溝少少凍水落去先至飲得到。 唔講員工態度，如果淨係講口味嘅配搭，呢杯野其實幾好飲，希望店舖數好員工管理改善啦。

夜晚落雨就係荃灣d商場四圍行下睇下有咩食啦，點知見到呢個d環境好似好好咁，就兩個人入去坐低先，見到d蛋糕好吸睛，我同朋友都係甜品控，揀左好耐先決定食兩個dinner set，因為見有得加29蚊有蛋糕，野食都唔錯，份量都完全夠食，野飲就加10蚊轉左鮮奶抹茶，好香抹茶味加埋鮮奶係正既，終於到我既主菜—蛋糕🍰真係好正，食完坐耐d傾計都得，可能平日又落雨所以都比較少客，侍應又冇話會趕走交枱，服務唔錯又會主動加下水收走d野。下次再行愉景都會過黎食下其他野先。

今日下午六點四十五，去買完bb野就搵地方食野，見呢間就腳就甘推埋架bb車入去，當時入面得兩三檯客，侍應表示要收起bb車，如果唔係就坐近門口位置，甘又唯有坐門口啦，因為bb得果個兩月，所以要擺車，真係唔可以收起bb車食飯既就留意了！講返野食，叫左個龍脷柳飯，咖哩牛肉飯，前者配粟米白汁，個汁勁咸，後者無特別，另跟餐個羅宋湯又係咸，料少！叫左杯凍檸茶少冰，冰係有少，不過杯野好似比人飲左幾啖甘！整體黎講，價錢與質素不是正比,服務態度一般！

8點45分左右去搵野食，咁見佢冇乜人又唔洗等位，有隻貓又好似幾得意咁，所以就入左去食。叫左個滑蛋吉烈豬定食,個滑蛋好似攤左成日咁,正常滑蛋應該係鮮黃色,但係佢係死白色嫁,另外個吉列豬扒層粉仲厚過塊肉，唔脆又硬，加上又大油益味，真係好難食。另外仲叫左個海鮮忌廉烏冬,得幾粒沙白兩隻急凍蝦同埋一隻墨魚仔，味道一般,只可以講咁既質素真係唔值咁既價錢,一般茶記仲整得好食過佢,成程好似食隔夜餸咁🤢唔會再黎食

之前搵開飯啦已經見到尼間好得意同好想食～今日經開附近就決定去尼間食啦～去到門口有個大型公仔坐住，好可愛呀，摸左佢幾下就入去坐底^^枱面張餐紙都有佢個樣架～好有趣，見到都好開心。打開餐牌見到有兒童餐，每個都好靚，可以吸引小朋友黎幫襯～我叫左尼個，張圖好吸引～^^期待~~之後，見到有芭菲好似唔錯，我最後都叫左朱古力芭菲～又幾大碟同埋外觀幾靚～食落去茄子好食，意粉都ｏｋ，整體唔錯～一落單其實就聽到有職員大叫要整靚Ｄ，我聽到都覺得開心，黎到見到都覺得外觀好靚，咁我超期待食，點知覺得唔好食。。。可能我錯覺，我再食。。。首先食係cream，個cream好唔得，無論口感同陣味唔多妥。。。感覺唔新鮮同埋似普通街邊麵包店果ｄ cream，食多次ｄ cream都係咁話。。。之後有ｄ失望。。。因為我最鍾意食cream，咁我就試下個朱古力"蛋糕"，哇。。。難食，杯野得朱古力雪糕好食，我將佢加脆脆食還可以。。。整體全部野好似唔夾，分開食會好食ｄ。。。唔建議食尼個芭菲，包咩心情都冇晒，我食到3份1頂唔順放棄左，好少有我會講"難食"尼兩個字（多數講見仁見智），總知冇下次！！唔建議食芭菲，難食。PS.插曲，係我落單既

星期日行街街到餓見到呢間野出面啲cake 好好味咁就入左去食晚餐 叫左一個鯖魚set 同一個咖哩牛肉飯本身叫左熱檸茶但係見到有杯枺茶幾正就想轉點知問左我地幾次先轉到 有啲麻煩 同埋staff 態度都有啲hea 講返野食先個鯖魚set 幾好味 條魚幾入味 外面又燒得幾脆 係個麵豉湯 一飲就知係沖粉 小食都ok 咖哩牛肉飯完全無特別 咖哩磚整出黎咁 仲要肉得3,4粒 飯同汁就勁多 有啲唔balance最後食個個tiramisu 最期待既食物 總算無失望 真係好好味唔太甜 咖啡同芝士味都好夾 又夠大件 下次都係食tea 去食件cake 算

每逢食中d喜出望外地差既餐廳，都會好想去一去佢地openrice度提提大家聽，入去食野前要上黎睇睇，唔係睇有幾好食，係睇會唔會中伏，今次中到應一應！而且我印象中每次去親愉景新城啲餐廳都好似好難食，而呢一間就係特別難食！入座：臨近9:00已經黑住面同你講佢10:00要close,9:15要last order咁放低個Menu！飲品：我叫左杯抹茶Latte,從未試過咁難飲，仲難飲過超市買d沖包！食材：叫左個三文魚茶漬飯，意粉，溫泉蛋菠菜，我都唔想逐樣評，一句講晒，你會好感受到到底佢係趕收工定係順碎為咗打份工已做呢三碟野比你食，簡單啲講就係你要喺一間正常餐廳，同咁易整既野食，都食到咁難食嘅水準都唔係咁容易俾你搵到！

難得放假今日約就約左個小朋友去愉景新城玩自從愉景新城轉左型就變左小朋友放電既天堂小朋友有無盡既體力但係大人都總有要休息既時候見到呢間餐廳有D公仔又要D甜品好似都唔錯~好彩等待既時間都唔算耐小朋友見到餐廳入面既裝修同擺設都非常興奮我地就緊係比甜品吸引喇!食Tea當然要食返舊cake至於食咩好呢?就係頭先等位個陣諗好左喇~鐘意食芝士既我當然要食芒果芝士達啦~溫度岩岩好唔會太凍 d芝士都唔會雪到太硬食落有芒果味之餘亦有淡淡既芝士味對於唔鐘意食芝士既朋友黎講都唔會太heavy~另外我仲叫左一杯綠茶雪糕舊雪糕食落都有幾重既綠茶味但係唔回甘而杯綠茶就比較失色無乜綠茶味之餘 飲落仲有粉粉地有進步空間!大家share少少食傾下計咁就過左一個開心又輕鬆既下午!

好日都唔出一次愉景新城，今日去八米半行宜家傢私，順便過嚟諗住食個午餐，咁多服務員雖有禮，但比較遊魂，上菜時差啲成碗飯吸四，叫左兩次都無人加水，但全部人都擺緊post，食物方面：薯仔雞蛋沙津，已經有餿味。芝士牛肉丼，牛肉又乾又硬，over咗，飯唔夠水，有生米。

今次原是出香港仔食飯，但因為在巴士上發生點意外，所以在愉景新城尋食。另一半在openrice找到這間試下。今次叫了兩個主菜加$29配餐湯及飲品。兩樣都正常的。有了芥末味的薄餅令芝士無咁飽肚，開胃點，三文魚，芝士份量雖然單調，但充足，加上薄批，一人三塊都食得到。雞翼雖然唔夠七味粉味，而且單骨當一隻，但味道野味，而且夠肉唔乾，食落唔差。味道偏重醬油味的炒飯，飯就夠多但鰻魚就少了點，不過都算炒得幾好。食到一半才醒起影的芭菲就一般，除了抹茶雪糕同紅豆想食外，其他配料就有點失望。一百八十元一個人頭算中上價，但一定好飽肚，味道唔錯，夠重味。九點半前最後落單。店內外有“癲噹”影相。環境闊落舒適。最後唯一有問題是服務員，叫了拿碗但無件事、不會主動清理桌面、一係兩三個圍住傾計，一係人都無個……

今日買左飛係愉景新城睇8點半，去到仲有一個鐘可以食飯，今日情人節，特別多人出街食飯，都驚搵唔到位，四圍搵之下，見到依間之前都想試既夢見屋得四五個人，又近戲院，咁就去攞位哂。好好彩等咗十分鐘左右就有位，坐低那那臨叫野食，見到有個二人餐就叫左，有兩個主菜，一個小食，湯同野飲。小食揀左雞翼，佢餐牌寫有10件，黎到原來係10件半隻雞翼，雖然都夠食，但佢寫清楚好啲囉。味道就都ok,夠哂熱，都好夠味。餐湯係忌廉湯，味道一般般，普通野。主菜有龍蝦蕃茄汁烏冬，跟住我再揀咗個白汁意大利飯，兩個味道都好好，好濃味。烏冬口感煙韌，但龍蝦就無咩味同唔彈牙，面頭啲芝士太多。意大利飯個味同質地都ok, 但食多兩啖就好溜。我地仲叫咗杯雪糕綠茶，茶味好夠，佢無加甜，但可以靠雪糕甜味都已經夠，可以一試。

又到聖誕，所以去了大型商場買禮物。一家大細，有老有嫩，行到倦了，但求有得坐唔難食。去到呢間夢見屋等咗十分鐘，我叫咗個鰻魚丼，個飯 太多汁 又太爛、味如嚼蠟。家人 叫了個咖哩牛肉湯烏冬賣相冇特別 但 鹹得滯。老婆要食 紅雪蟹三文魚忌廉自家製烏冬因為 個menu 相片 幾吸引，結果當然係中伏。請看看 相片，上圖係 menu，下圖係實物。呢個收費實在唔值。哥哥 食 煙肉雞蛋意粉，味道普通。妹妹 食 兒童餐，竟然 最好味。好後悔無先看看openrice 食評

首次係香港食茶漬飯，略嫌太少帶子同蝦，每樣得三隻，茶漬飯幾好食，欣賞佢有紫菜、海藻、蔥作為配菜，撈埋wasabi食口感一流可惜實在太普通應該唔會再食，下次會試下意粉