和茶房鐮倉夢見屋 (已結業)

夜晚9點黎搵食，附近幾間餐廳都好多人，見到呢度唔洗等就入左黎，點知就中左伏😥😥😥😥😥本來想叫鰻魚飯同咖哩豬扒飯，點知waitress話無飯，得返意粉同烏冬，最後叫左咖哩牛肉烏冬同一碟唔知咩番茄蟹肉烏冬，加左$29轉set，有湯同野飲，再加$18升級原價$45既特飲-雪糕抹茶。等左一陣，黎左2個忌廉磨菇湯，微暖既，飲落，一舊舊忌廉，好似將煲底煲邊果d括埋出黎一碗咁，好難飲☹️再等多陣，野飲到，一飲，嘩，無味既！好似抹茶味既水，唯一ok既係面頭舊雪糕☹️去到呢度，已經對d食物有d保留，果然，不出我地所料😥😥😥😥😥😥 咖哩牛肉烏冬，諗住都穩陣，點知個湯味道好怪，好彩有肥牛搭救。輪到個番茄烏冬，一放低，我地你眼望我眼，賣相超差，一pat野，面頭再放一pat好似罐頭蟹肉咁既野😖😖😖🤢🤢🤢食落，又係好奇怪既味道，好淡既番茄味。未食完，侍應過黎希望我地埋單先，望一望，$260，呢個價錢真係完全唔值☹️☹️☹️2個人默默地食完，默默地離開。從未食過咁難食既野，感覺廚房好求其，絕對無下次，好失望☹️☹️☹️☹️☹️

話說今日帶女女去愉景新城行街街，跟手阿女話肚餓咪諗住搵間餐廳食個tea 囉，經過夢見屋門口見到有個好靚既兒童餐，就係咁就比佢吸引咗入去啦😭阿女第一時間已經揀咗粉紅色架車啦我同爸爸就食個三文魚茶漬飯賣想都幾靚架😜但壺茶就得半壺，飯唔夠香，三文魚只有4粒，仲要收$88架😭好彩加咗芥辣只夠香咋朱古力咖啡☕️，好失敗，無朱古力味亦無咖啡味😔😔餐廳內幾乎九成有小朋友既客人都會叫既兒童餐，$62個樣真係幾吸引小朋友架，但食物味道就好一般仲有杯細細既果汁🍹餐廳係係牙簽提供既，如有需要請自行預備啦

逛街後，隨便走進去休息，與友人談天以前都吃過很多次Italian tomato 出品的蛋糕，但這次卻是失望了這款是紅茶朱古力蛋糕，但說實在，不論是紅茶或是朱古力的味道都不太嘗得到，另外蛋糕質感略乾而不軟綿，比起連鎖餅店的西餅真的差不了多少。熱焦糖咖啡反而令我欣慰，入口頗順滑，亦從苦中帶著一點點甜，恰到好處。

與友人經過俾門口既蛋糕吸引左就簡左幾款入去食，另外朋友亦叫左個 抹茶芭菲同白玉雪榚抹茶芭菲一上到黎已經溶左，十分失望白玉雪榚不過不失，我自己就幾中意白玉既口感，好有彈性之後就係蛋糕，士多啤梨蛋糕好香，士多啤梨唔算甜，但d cream好正焦糖香蕉撻就普普通通Raspberry cheese cake我覺得呢個幾好食，紅桑子酸酸地中和番cheese cake，食落就無咁濟之前仲食過抹茶味呢隻蛋糕都係普普通通

一家五口到夢見屋晚膳，被安排入座後，發現張枱比較細，但亦不以為然，繼續點菜。但其後便出現問題了，因為上菜的速度極快，無論是沙律、湯、主菜、飲品，都以一個極速送上，雖枱面真的沒有位置，不過服務員亦繼續上菜，最終更需要用手拿著整大碟食物，但試問我又那有多餘的手進食呢？當服務員再來上菜時，我太太便對服務員說：「真係無位食喇。」但服務員「嗯」了一聲，轉身便走。我太太便說：「有無搞錯，聽到都扮聽唔到！」服務員便回頭，高聲表示自己以為我太太是在跟我說話，不是不回應我們，我強調是高聲，是因為他像在對我們說是我們寃枉了他。最後，他說可待旁邊一張枱結賬後，讓我們可以使用兩張枱用膳，而當然，到我終於能空出雙手用膳時，熱的食物已變涼了，凍的食物已變熱了。在客戶體驗來看，餐廳真的需要改善，第一，服務員看到沒有位置放食物，為何還要繼續上菜？服務員看見客人要拿著一大碟食物，為何可視而不見？客人說：「真係無位食喇！」時，服務員承認是聽到的，但這句說話無論是我太太對我說，或是對服務員說，請問這有什麼分別？難道是跟我說便不用處理嗎？以上評論全皆屬實，希望其他打算去用膳的朋友做足心理準備吧！

今日同家人到愉景新城行下，帶埋3個小朋友去玩下。玩到咁上下小朋友話肚餓，本身打算去食個m記，但實在太多人啦，最後被呢度門口隻大顛噹貓吸引所以決定坐低食少少野。有機咖啡伴日本紅豆蓉：咖啡上檯時係齋啡，自己加糖之後可以加cream 落去，我就選擇左唔加糖，一啖紅豆一啖咖啡咁，咖啡味唔算香亦唔夠熱，紅豆味偏甜但如果加埋落苦苦嘅咖啡入面就啱啱好。凍牛奶咖啡伴紅豆蓉：因為本身杯咖啡入面已經有牛奶所以就冇提供忌廉，不過咖啡好似偏小，牛奶味夠重但咖啡味略嫌淡左少少，本身杯咖啡都係冇落糖所以加埋紅豆蓉一齊飲就剛剛好。白玉綠茶雪糕抺茶：有好香嘅抺茶味但偏苦，冇落到任何糖所以我老公飲唔慣，白玉彈牙尚算唔錯，綠茶雪糕嘅綠茶味都好足夠。士多啤梨喵pancake：小朋友一見到呢個甜品就開心到不得了，佢係一塊厚嘅pancake上面有忌廉同士多啤梨，唔知係咪因為pancake厚嘅關係好難切，士多啤梨本身酸酸地加埋cream一齊食就剛剛好，不過50幾蚊好似唔係幾抵。另外仲叫咗一杯抺茶Latte冇影到，不過真係好苦冇茶味亦都唔係好夠奶味。所以呢間野係食個環境同埋令小朋友食得開心啲，食物來講未算太好但不過不失。

今日見冇乜人，試左，冇乜驚喜⋯鰻魚飯，好細碗，唔夠熱！日式雞絲沙律，新鮮嘅，昵個正常。七味雞翼，完全冇特色，仲有小小雪味⋯三文魚pizza,伏中😓！唯一係蛋糕最正，可惜signature cake strawberry cake no stock 😱，冇事呀…可惜!$440三個人，唔算貴，但對比質素，唔算合理，都係食cake 算啦！

今日放假去咗愉景新城嗰度搵嘢食，比隻“癲噹“吸引住走咗入去， 唔知係咪假日啦員工可能請假有啲忙不過嚟嘅感覺， 成日都好似唔得閒幫你落單 ， 可能間嘢有啲一格一格啲員工有d難照顧 ，但係嗰度環境好有日本feel啦，而且佈置都溶入咗唔少“顛噹“好有樂在其中的感覺，唔錯！講返啲嘢食先啦， 啲嘢食嘅出餐要等五至十分鐘，有小小慢，個焗烏冬七十幾蚊味道都唔錯嘅，略略淡咗少少，都算大分啦。 至於d飲品都比較濃郁， 我哋叫嘅齋啡同埋抹茶牛奶都比較濃， 飲落杯嘢有少少苦同澀， 如果鍾意比較清淡嘅朋友就可能要叫佢小家啲抹茶粉或者咖啡粉啦。 至於另外個兒童套餐 都唔錯，啲烏冬好彈牙😋😋至於價錢方面就有小小貴一個下午茶，就要兩百幾蚊仲要加個1，不過地方同還境都尚算清幽，都ok啦！ 希望下次服務會好返少少 ，唔使叫勁耐先有人落單。

是日傾盆大雨，8-9點鐘係愉景新城内，除左快餐店，只好揀呢種餐廳，見到門口有隻大熊仔，1比1果種，一般女仔都會眼前一亮，甚至撲埋去攬下，可惜我冇此特殊癖好，諗到咁多人摸過，含菌量可想而知，哈哈我叫左呢個烏冬都OK，只係湯底味精超濃，沙津還可以，但朋友個飯就勁乾，又唔似平時嘅硬飯，所以只食左小小，醫下肚就算了。另一朋友好鐘意食蛋糕，估唔到佢個套餐比起單叫再加cake仲貴，呢啲就係為左一時快感而一擲千金啊

呢間餐廳服務人員個個黑口黑面, 服務欠佳!!餐廳裡面有很多吉枱, 外面有十幾張飛在等候, 但服務人員仍然沒有叫NO. 各自各做自己事, 難怪長期外面這麼多人...就算唔使比錢, 請我都唔再會去呢個餐廳

過年的...親戚間的飯局整個不斷不斷的吃飯吃飯吃飯!!聚餐聚餐聚餐!!!!年初三下午茶不知道是誰請客的，反正有人叫我去我就去啦！但話說到年初三這天天氣好了個不得了，太陽大得要命，一掃前幾天的陰霾，也因此高速公路上塞大車！豬扒沒有豬臊味，肉質軟粗幼適中的麵炸粉炸得豬扒像隻蓄勢待發的箭豬，成了一件金黃色的吉列豬扒吉列豬扒還聽得出來的。夾一下，咔嚓；咬幾口，咔嚓咔嚓咔嚓，組成一支吉列合唱團放得耐依然乾脆，而且入口時炸皮只會應聲裂開，不會刮痛嘴唇，肉身則是軟軟腍腍，肉汁豐富烏冬對大家黎講，相信一點也不陌生這裡的烏冬麵條粗圓，實淨彈牙，最重要的是還可以吃出麥香

食物唔得，服務又差，到了要幾杯水，應完你唔比，仲要係其他客人前話出面等的客，食物種類愈來愈少，咖哩飯無味，飯又硬，衛生情況亦有待改善，就算有位唔使等，一定唔會再幫襯。

上open rice 見到一間叫鎌倉夢見屋，裏面因爲有兒童餐同意粉，所以吸引左我去，只係7點正，唔太多人，裏面明明有張3人枱，個經理話呢到D人全部岩岩叫野食有排等嫁啦！示意叫人走唔好係到等，我問佢有張3人枱，佢理都唔理我，黑哂面甘，最後行左半個鐘返去，有位，點知都係坐返原本冇人坐既3人枱😤

行過想飲野，等左陣入去，坐低開始計個半鐘，諗左5分鐘就叫野，叫左個雪糕要半個鐘，再叫多個甜品要九個字⋯⋯張枱又頂腳，想轉張圓枱，比個tb經理西面，發脾氣整跌餐具又倒酒水，搞到冇哂mood就走了

今天行去愉景新城，打算去食個下午茶見到有間卡通主題餐廳，幾可愛呢！蛽肉意粉意粉較為乾身，仲有雜菜一齊炒，蛽肉就得幾粒榛子蛋糕味道唔錯，有榛子的味道，比較偏甜。但很軟滑。