和記海鮮飯店

營業中

休息中

難得今日去西九龍文化園區同戲曲中心，就好懷念以前返工中午成日過黎食既酒家，裡面既燒味飯真係諗起都想食過返尋味1）雙拼飯～叉燒燻蹄飯 $44叉燒燒得岩岩好，就算瘦叉燒都好多肉汁，好入味，半肥叉燒鮮甜。燻蹄肉質完全唔似冰鮮肉，好有口感。飯上面既醬油令飯增添了甜味，令人一試再試2）叉燒燒鴨瀨粉 $42燒鴨佢比胸肉 多肉 正半肥瘦叉燒 口感鮮嫩 瀨粉亦相當彈牙埋單：$86-#味道8/ 10#賣相7/ 10#環境6/ 10 #總評 食物味道絕對係物超所值，環境就比大排檔好，坐得都舒服，岩哂一班男人係度吹水飲酒食野-和記海鮮飯店地址：佐敦渡船角文英街9-16號地舖-#afternoontea #yummy #foodie #iphone #delicious #hkfood #hkfoodie #foodpics #food#柯士甸美食#中餐難得今日去西九龍文化園區同戲曲中心，就好懷念以前返工中午成日過黎食既酒家，裡面既燒味飯真係諗起都想食過返尋味1）雙拼飯～叉燒燻蹄飯 $44叉燒燒得岩岩好，就算瘦叉燒都好多肉汁，好入味，半肥叉燒鮮甜。燻蹄肉質完全唔似冰鮮肉，好有口感。飯上面既醬油令飯增添了甜

午飯時間，一班同事食飯，大家都無心水，其中有人提議食小菜，於是就嚟左和記食，一入門口，就係一種舊式飯店格局，地方闊落，枱與枱之間有足夠空間。食物方面，叫左半隻燒鵝，皮脆肉嫰，好好味，椒鹽鮮魷，夠乾身，香口，海鮮雜茶煲，足料。整體嚟講，食物美味，份量足夠，地方闊落，係一班人食飯吹水嘅好地方

今日又相約麻甩俠吃午飯，他每每都有麻甩新意思，今天帶我們去渡船街和記吃碟頭飯。中午一時，食店坐滿食客，相當熱鬧。八成食客都是一碟燒味碟頭飯。由於麻甩俠帶隊，所以由他去發板⋯⋯叉燒燒肉飯~半肥瘦义燒夠腍帶少少甜味，燒肉皮脆，兩者同樣出色，難怪隔離左右，大部分都是燒味碟頭飯。碟頭飯的豉油，相信是有燒鵝汁成份，帶甜，撈飯一流。豉油皇炒麵~夠乾身，正！苦瓜魚腩~魚腩有很多小小的魚骨，所以要很小心吃。椰子響螺燉湯~看到很多椰子，點點豬肉，但看不見響螺，清淡得像水一樣，相信下次點例湯會更恰當。還有小炒皇、燒鵝例牌忘了拍攝，整體來說，此食店夠鑊氣，晚飯小菜應該唔錯。

舊同事聚會，黎左呢度食小菜，人多可以叫多啲！叫左好多，掛住食都唔記得影添小炒王好有鑊氣，好味椒鹽九肚魚好味，不過食到碟底好油燒鵝要等，不過呢隻係冇做運動既肥鵝，太多脂肪，我唔太好好大碟花甲鯪魚滑芥菜煲，好多魚滑仲有炸小棠菜都可以encore都大件抵食既，係環境就嘈左啲人多可以再試下其他菜式

這裡是我家的大飯堂。招牌炸蝦餅，炸得金黃色，熱騰騰入口很脆，粉醬很薄包著蝦肉鮮炸。味道適中。燒鵝外皮脆，味道好，熱騰騰地上枱。煲仔菜有魚香茄子煲，好味。虾醬芥蘭煲，色香味齊全。芥蘭很嫩。這裡還有少量海鮮供應，白焯海虾，新鮮生猛鮮甜。還可清蒸生猛魚，新鮮，價錢適宜。還有羊腩煲及醉雞煲適合天氣涼涼地秋天及冬天落單。羊腩煲味道很好羊腩不硬而且很入味再加配菜慢慢煮。醉雞煲，明火像邊爐般一邊煮再一邊慢慢食。三五好友舉杯暢飲，一樂也。

在長洲玩樂了一整天後，晚上當然要回來和家人一起吃晚飯由於他們想去西九龍高鐵站的天空走廊上拍攝夜景，但是圓方的餐廳卻太昂貴了，所以我們便來到了佐敦找餐廳【醫肚】機緣巧合之下，我們發現了這間飯店，看見很多人光顧，而且價錢又便宜，於是我們便決定試一試這間餐廳本來大家對食物的味道都沒有什麼期望，怎知，飯店的小菜竟然煮得非常出色，讓我們一試傾心，難以忘懷我們一行五人，叫了四款小菜和一盅湯，分別是西洋菜炖陳腎湯，鮮膶啫啫雞煲，南瓜肉排煲，椒鹽九肚魚，以及西蘭花支片在琳瑯滿目的珍饈佳餚中，全部菜式都各有千秋，各俱特色，讓人回味無窮，食髓知味No.1 【西洋菜炖陳腎湯】在品嚐這麼多珍饈美味的小菜之前，當然要先喝一口湯水來暖一下胃這盅西洋菜湯應該熬製了很久了，西洋菜除了能夠入口即溶之外，它的味道更完全滲透進湯水中，與豬肉，湯水完美結合而且它不單止完全沒有苦澀的味道，反而清甜可口，唇齒留香，滋味無窮小口品嚐過後，我們滿口都充斥著清新鮮甜的西洋菜氣息，細細回味，西洋菜，豬肉，陳腎混合後的濃濃氣息迴旋在口中，甜甜的，鹹鹹的，香香的，鹹甜適中，餘韻悠長，美味久久縈繞，讓你心曠神怡，食髓知味，甘旨肥濃No.2  

和一班好朋友聚餐, 搵左一輪, 我決定揀間港式老飯店去食, 說到尾都係想食返D香港菜式。由於是平日星期四, 呢間和記海鮮飯店唔難book位, 一行七人要大台不成問題。文英街附近有好多食肆, 例如老趙、串燒等等都食過, 唯獨是第一次食呢間和記。平日夜晚, 呢間和記唔算爆場, 但夜晚7點半都有7成入座率, 可見佢都有唔少捧場客。話明係老飯店, 裝潢係比較舊, 但卻有老香港的味道。當然, 佢既衛生程度都係老香港的程度, 特別係個廁所......不敢恭維。無論如何, 菜式選擇多, 你想得到的港式小菜都有, 而且質素絕對在平均水準之上。胡椒咸菜豬肚湯: 份量好足, 特別係咸菜, 勁多! 胡椒味好夠, 豬肚亦唔會好韌。辣酒煮花螺: 辣度十足, 花螺新鮮又大粒, 但份量略遜一籌。燒鵝: 最有驚喜的菜式, 鵝味十足, 皮脆肉嫩, 感覺唔似話燒完放低好耐咁。好味到好快就俾人搶哂黎食。黑椒肥牛粉絲煲: 一班人食飯不敗之菜, 粉絲入哂味, 牛肉量勁多, 又大塊, 呢煲野夠勁多人囉。呢間老飯店有捧場客, 真係唔難理解, 而成餐飯最驚喜係個價錢, 最後一人一舊水已經落到樓。今時今日係香港, 食呢D小菜, 真係好

近排朋友頻放燒鵝相毐我，搞到我都心思思想食，成棚人去慶生無理由為食燒鵝老遠走去深井吖！出名果d又好似好貴喎！話晒我係壽星之一，點都會慳住大家荷包，一番努力Openrice下，比我搵到間隱世鵝皇，訂一隻都只係$380，一於食盡大家肚皮銀蛋浸菜苗 菜嫩上湯濃，蛋白又唔會老，上蔬之選螞蟻上樹粉絲炒得乾身有鑊氣，加上辣肉蔥蒜好惹味椒鹽九肚魚 炸得好香脆，九肚魚大條有咬口，最正係條骨都化埋椒鹽鮮魷 鮮魷又新鮮又大條，咬落軟熟唔會死靭極品燒鵝皇 上枱熱辣辣，大家都搶住夾，鵝好大隻多肉無乜肥膏，但肉仍然嫩同多汁，皮係脆卜卜，仲有精華鵝汁，食到我停唔到口招牌炸蝦餅 食到彈牙蝦膠，好有蝦味，招牌真係無得輸沙拉骨沙律醬份量啱啱好，食完唔會覺得膩，肉係半肥瘦，所以肉唔會實的的，口感唔錯啫啫鱔煲d乾蔥多得有點過份，反而鱔就太少同細件，因為細件所以比較多骨，豬膶煮得太耐變得又乾又硬十人共消費：$950

每個來港的外地朋友都必定指定要食燒鵝，但名店可以天價到不能，有些小店又未必開到那麼夜。看網上報道介紹這間即燒燒鵝，是我喜歡的那種舊舊的店，市井格局。後來朋友也推薦，那我要來試試的決心就更強了。半隻$180，非常平易近人，難得鵝不會太肥，吃多件也不覺膩。叉燒，同席友人十分讚賞，我就覺得正正常常不過不失。小炒王，很有鑊氣，鹹香適中，送啤酒一流。柚皮田雞，兩者都是多功夫之作，誠意十足。蒜香汁蝦球，很多美味鮮艷的醬汁，很好送飯。環境是有點嘈雜，但這就是香港特色。

每年國際賽後，我們一班人都會去食飯聚一聚吹吹水。今年得九個人食飯，我地就揀咗佐敦和記海鮮飯店。每張枱之間距離好近，坐得比較迫。羊腩煲當然少不了。辣酒煮花螺，粒粒皆有肉。開心大發現呀！竟然食到寄居蟹。第一次食酥炸小棠菜，唔錯。椒鹽鮮魷。豉汁蒸鱔魚，好味；豉汁可送幾碗飯。即燒燒鵝皇唔錯，九個人食一隻，等半個鐘都值。可惜，有人喺店內肆無忌憚吸煙，老闆見到都無出聲，仲熱情招待。整體來講，食物美味，價格公道。

黎一場即興既飯局，由佐敦地膽帶路去食飯。呢間餐廳好平民feel，但野食都有返甘上下水準。呢到既員工好有親切感，聽到我地話想飲湯，主動推薦我地試下燉湯。見佢又平平地70-80蚊甘，就揀左椰子燉響螺試下。好彩叫左燉湯，呢煲野岩晒三個人飲，每人飲到2大碗。👍🏻👍🏻👍🏻推薦另外叫左三個餸同一碗飯share。第一樣：芽菜炒豬大腸，睇個賣相樣衰衰甘，但食落都ok 既。小炒皇：我發覺我好鐘意點餐廳小炒皇試下😂😂呢個好食，成碟清晒最後就係例牌燒鵝，雖然話鵝好毒但我真係好鐘意食😋😋😋佢個皮仲脆脆地，鵝肉唔會實到咬唔爛，正呀！👍🏻👍🏻

無意中在開飯網站中見到友人技巧樹熊寫的一篇有關這間海鮮飯店的食評，不禁讓我回想起自己不久之前在這裡吃的一餐愜意的晚飯...... 雖說這兒僻處於佐敦渡船角一隅，正所謂有麝自然香，這間地方偌大，桌椅開到門外露天地方的中菜館，生意實在不錯，要是晚飯時間稍遲來到，想找到室內的桌子一面嘆冷氣，一面吃東西的機會真不大呢！ 兩夫妻吃不到太多，招牌燒鵝例牌，一碟鑊氣小炒，加多個湯，足矣！ 「極品燒鵝皇」是這兒的名物，水準確是出色，皮脆肉嫩又多汁，鵝油、鵝脂加上肉汁，根本不用蘸酸梅醬都已足夠好味。 「和記小炒皇」甚有鑊氣，韭菜花油潤嫩綠，清甜無渣，配以蝦仁、蝦乾、魷魚、腰果與夏威夷果仁，以之下酒，固然是好，以之下飯，同樣適宜。 「芥菜鹹蛋豆腐魚雲湯」大大碗的，每人足可喝到五、六碗。這家常湯水，材料多多，趁熱喝，特別美味。兩夫妻同心合力想把它KO，始終還是功虧一簣，未竟全功，不能把湯喝得一乾二淨。 相宜的價錢，出色的水準，這間開業多年的海鮮飯店，絕對經得起時間的考驗。

可能你看到呢個topic 唔會想睇，但我可以告訴你，唔一定係要有錢先可以食到又平又靚嘅菜式，係香港，就算一百元都可以食到又好味又得體的美食。 認識和記的原因，係女友的朋友推薦平又好之選，名博客南瓜的窮L飯局，都曾在這類舉辦，聽都知，絕對係實至名歸。 之前來過一次，太衝忙沒有寫食評，昨晚又吃多一次，更感覺到其優點，就像是個愛煮又煮得好食又平的媽媽在家一樣，點都要介紹下。 首先，燩湯是這類的必點項目，大大煲都是七十，選擇多又夠料，今晚七點幾只剩下西洋菜陳腎湯，湯當然是清甜好飲油不多，那些西洋菜陳腎多到可以食飽你。 燒鵝係另一名物，不一定是深井才有，這類平都驚人，一百蚊例上，啖啖肉，燒得勁靚，皮脆肉嫩，吃到爸爸都說不得了。 另外的酥炸小棠菜，在酥炸的外層，包著蝦膠，包著粒粒的小棠菜，送酒實在一流，仲要最好係一點也不油，一點也不會太鹹。 蒜汁蝦球，那個蒜汁絕對是送飯之選，酸酸甜甜中帶蒜香，蝦球需不大粒，但實而爽。 最後的小炒皇絕對是優質，只不過，前幾個太好，呢個略為失色，不過，優點是，韮菜多，但蝦乾魷魚更多，而且不太鹹，又係好送飯。 四個人，五個菜，每人一百有找，有舒適地方，強勁

母親節這一天到處吃飯都會比平日貴但又不想媽媽在這天也要辛苦下廚於是便到了平常常到的酒樓吃晚飯 在家的附近 非常方便 這天食物不會特別貴 只是多了收加一服務費很合理的價錢 畢竟侍應姐姐們也是媽媽級的這天我們選擇了一圍的餸菜這裡的蝦是新鮮的蒸蝦 絕不是雪藏蝦非常鮮甜 蝦膏很多 不消一會就全消滅了😂雞也非常嫰滑 雞味濃郁另外最有名的是燒鵝它真的是即燒的 雖然我們一早預定了 也要等個半小時 連燒鵝皮一起吃 那種油香不得了蒸魚火喉也控制得剛剛好 熟了也非常滑其他幾味小菜也不錯😋👍🏻

不得了的靚湯、燒鵝、蝦餅昨晚探險深入文英街、小飛俠帶我去食好西、由她發板介紹。燒鵝來了⋯⋯皮脆肉嫰、肥脂分佈少。掂當掂當👍👍👍已生起極大歡喜、急不及待I phone 食先。影呀影呀。放入口一咬、突然靈光一閃、😋😋😋好食呀、完全跟眼睛估計的亳無差異。正到冇朋友。靚湯來了⋯⋯揭盅一下先、西洋菜陳腎湯，好香呀！色澤深而清、用料十足、使我起勁、頭啖湯試一試、媽的呀，可只陳腎、仲有紅棗、少量羅漢果鮮味甜味香味一并吞進、舒服到我呢。超好飲禁不住大笑「好正呀」😍😍$70一大盅、哈哈。有冇攪乜錯。點做生意嫁！腦袋內第二個信息發出、再叫再叫、試多個花旗參㷛生魚。參味濃郁鮮且甜！又係$70大洋。開心死、堅執到寶👍👍👍嚟嚟嚟整個招牌蝦餅魷魚相併、嘩蝦餅皮薄咬落彈而軟身、蝦與肥豬肉係黃金比例、 無懈可擊！