和道屋

營業中

休息中

🎈記得宮崎駿的《千與千尋》上映的時候風靡一時，戲中的無臉男相信睇過的人都一定記得佢。而熊妹發現近期無臉男竟然出沒於尖吵咀地帶，為《和道屋》居酒屋守著門口，要小心翼翼經過佢之後，上幾層樓梯就到餐廳樓上雅座。行過時都真係心驚驚，怕俾佢吃掉嘛😆。📌上到餐廳，環境都幾大，用上木枱木凳，牆身畫滿了五顏六色的日本風情畫🖼，再配合柔和的燈光💡形成典型的居酒屋風格。📌仲有一個個包廂卡位，需要除鞋進去內座，脫下鞋子🥿，又可以舒緩一下一天腳步的疲勞，就正正是居酒屋想讓客人到來休憩放鬆的原意。📌《和道屋》除了無臉男在門口坐陣之外，近期推出的「和食半放題90分鐘」都係非常熱門💥，自從阿豬媽同熊妹月頭係日本回港之後，阿豬媽一直嚷住掛住日本美食，今日熊妹就帶阿豬媽黎大吃大喝一番。📌「和食半放題90分鐘」星期一至日都有得食，中午12點開門，最遲1:30入座，因為3:00至6:00係落場時間，之後晚市時段就係六點至九點。和食半放題90分鐘午巿：$268/位晚巿：$388/位任飲啤酒、無酒精飲品，加$68/位1️⃣首先，每一位客人會奉送一客和風沙律🥗，然後一枱一客日本直送刺身塔，如果加$88就可以升級為香蔥拖羅火山配秘製搾

為咗慶祝朋友升職加人工😎 梗係要食餐勁🥳 佢話想食好味嘅日式放題，search 到呢間和道屋做緊晚市放題優惠，有海膽蟹肉甜筒、日本帝王蟹腳、黑松露燒牡蠣等😍😍 仲有任食手握壽司，宮崎和牛，北海道米豚，廣島牡蠣壽喜燒🤩🤩🤩 最正係可以食足120分鐘，真正做到慢慢嘆😎 一入門口已經有一個好好嘅體驗🤩 裝修好靚好特別，滿滿日本風😀 同平時食開嗰啲放題日式餐廳格局真係有好大分別，好似去咗日本居酒屋咁🥰 我哋夜晚6:30到餐廳，已經陸續有好多人客入座，好彩有book定位😎 🌟帝王蟹x宮崎和牛半放題套餐 71折優惠 $498首先介紹吓佢啲非任食食物先😎 💁🏻‍♀️海膽拖羅蓉蟹肉甜筒個海膽係滿瀉㗎🤩 下面就係滿滿嘅拖羅蓉，再下面就係蟹肉壽司飯😍 全部都係我最鍾意食嘅嘢😃 甜筒仲要夠脆，好屈機嘅組合😌 💁🏻‍♀️日式浜燒海鮮拼盤呢個浜燒海鮮拼盤size好巨😎 每位有一件燒大蝦、燒扇貝、黑松露燒生蠔、鹽燒生蠔😍 每一款都係新鮮高質，調味出色👍 💁🏻‍♀️日本帝王蟹腳好耐未食過啲咁鮮甜多肉嘅蟹腳啦🤩 碌碌都又粗又多肉🤣 充滿鹹鮮海水味😍 勁滿足😍跟住就講吓佢嘅任食部份😎💁🏻‍♀️任食手握壽司呢個簡直係高級壽司店質

識我嘅朋友都知我鍾意食居酒屋平時食下飯、酒聚一番🍻 埋單都重皮最近見到好多人推介呢間尖沙咀嘅居酒屋✨ 和·食べ半放題 ✨( 120Mins晚市HKD388 / 90Mins午市HKD268)一個價錢有齊壽喜燒、壽司、熱食食物質素正常，不過真係好飽肚要重要係加HKD68任飲指定啤酒，啱曬酒鬼🌟任食🌟𓂅日本A4和牛、北海道米豚、廣島牡蠣壽喜燒任食壽喜燒配料有三款可選，我自己就喜歡蠔啦不過每輪份量唔多，想大刷特刷嘅朋友最好叫得密啲𓂅 𝟷𝟷款手握壽司估唔到有咁多壽司任食，魚生新鮮但唔算鮮美，多款式飽到上心口𓂅 溫泉蛋紫菜飯、溫泉蛋稻庭烏冬稻庭烏冬是冷食，配上溫泉蛋已經很好吃😚𓂅 壽喜燒蔬菜盤🥢 𝟸𝟼款串燒/ 料理/ 天婦羅 (自選五款) 🥢𓂅 明太子雞翼 - 雞翼燒至外脆，明太子份量好多𓂅 炸芝士年糕 - 是居酒屋必食🤤 呢到炸到半流心𓂅日式雞軟骨 - 單人份量已好，食落會有少少硬身𓂅 鹽燒和牛粒 - 喜歡呢個牛味突出，稍微鹹了點𓂅 明太子雞腿串 - 雞腿肉都多汁，明太子可以再出點𓂅 甲羅燒 - 無蟹殼版本的甲羅燒，味道會稍甜🥢 每位一客 🥢𓂅日本直送刺身塔𓂅 香蔥拖羅火山配秘製柚子醬 +

假期約咗朋友去尖沙咀度食飯，趁着返學嘅空檔時間，🍱🍣我哋揀咗食lunch。平時我地都鍾意食日本嘢，而呢間餐廳門口仲有打卡位添，望落好有🌸和式嘅風味。經過樓梯上到去餐廳，入邊營造到昭和嘅風格，牆上貼上不同和式的海報同菜式。我們被安排到轉角位的座位上，有榻榻米及普通餐桌揀，😃榻榻米比較適合一大班人坐低食飯。午市餐牌有兩個，一個係主廚推介，另外一個係海鮮定食，而另外一邊就係熟食定食，都係以👍優惠價錢推出。🍵海鮮山秘製魚湯漬「一丼兩食」$138店員推介先吃前菜刺身，然後喝一碗湯，加上三文魚子配飯吃，最後才變茶漬飯。我照着程序去吃，🐟刺身加咗醋，有點酸酸的口味，氣味幾清新，而湯不是平常喝的出汁，而是用魚骨熬製的🍲魚骨湯，味道濃郁豐富，海鮮山的刺身是吞拿魚腩蓉，內有些貝類及甜蝦，非常鮮甜，配有4片脆紫菜，可以俾你包住吃，🤤最尾倒上魚湯全部吃完。🍣特選雜錦壽司12件 $138有帶子、三文魚、🐚貝類、海鰻、赤身、芥末🐙八爪魚軍艦、吞拿魚蓉軍艦等壽司，配上茶碗蒸、沙律、前菜及甜品，非常豐富。當日的前菜是牛腱凍，口感👍非常好。而茶碗蒸用料十足。壽司🍣的用料也很鮮甜，當中甜蝦及貝類我好喜歡，而飯是紅醋飯。食

和道屋呢個 “和食半放題 (90分鐘)” 幾好啊!!!唔怪得之 小紅書咁多人推介啦~響現場係滿座的, 而且超級多講國語嘅同胞一齊用餐, 感覺實在太和諧了!!!!!! yeah一坐低, 店員就安排熱茶 同埋 日本直送刺身塔, 等我哋為嚟緊嘅半放題熱熱身!!!鹽燒和牛粒幾好味, 早知揀多幾串; A4和牛 同 北海道米豚 都好味啊, 柔軟帶甜味, 食唔停呢~店員超級友善!!!呢樣真係好重要! 會直接影響成個用餐體驗嘛~ 臨走 不妨同無面男打個卡吖!!!

今次我去咗一間日本居酒屋，特別想試下佢哋嘅午市套餐。餐廳環境好靜、舒適，適合同朋友傾計。今日我選擇咗兩款丼飯：特盛海膽三文魚子爆丼同埋五色魚生丼，仲有套餐入面嘅多款小食。😍🥢中午套餐嘅丼飯係包埋有前菜/小卷/刺身/沙律/茶碗蒸/湯/甜品。呢間餐廳仲有有勁多嘅唔同打卡位啦，佢仲有一個好特別嘅地方就係佢有得玩遊戲咁佢打遊戲嘅地方就係可以幫顧客免單定係減價我唔記得咗但係大概就係咁樣，同埋佢有榻榻米部份要除鞋食的

前排見到好多人推哩間放題，又嚟試試啦。午市$268/成人 只係半放題、手握壽司、串燒、和食，同埋火鍋野菜叫做任食、其實選擇好少、A4和牛一客三片午市只可追加一次，廣島蠔、雞肉都一樣、仲要限時90分鐘，算把啦⋯⋯手握壽司🍣⋯⋯唔係話落咗深色嘅醋做壽司飯底就好pro先得㗎！根本就係爭鮮嘅造型嚟囉！A4和牛1客3片，午市每人包兩客即係每人6片，數字其實冇乜義意，哩幾片牛肉完全睇唔出係和牛，切到咁薄、就算6片加埋都冇人哋1塊嘅份量，離晒大譜😠其實小店真係唔好做放題，仲要日式放題，邊夠大集團玩呢！不如老老實實做番a la carte 吧啦🙏🏻

一班同事想揾間舒服地方食飯，被和道屋裝修吸引而來，的確裝修好靚一進門就好有和風！服務上有一堆小插曲；A. 每次詢問餐廳員工時,總是回應:“等我問下先!”唔用腦既回應感覺他們可能是 新入職的員工, 完全不熟悉流程。 B. 鄰座兩位客人吃一鍋壽喜燒,而我們九個人卻只有兩個小鍋,這樣的安排實在有點小 家 C. 點餐紙要詢問才能拿到,入座後沒有主動告知!這樣的服務確實讓人失望 D. 要加+$68任飲的話,全桌都必須一 起點,有點不便 至於食物方面,半自助餐的選擇有些奇奇怪 怪,雖然不算名貴食材,但每人限點五樣！規矩要先食完串燒和壽司,然後才能上壽喜 燒。和牛的確好食,吃兩轉後也飽了! 整體而言,食物水準屬於正常水平,但服務態度實在需要大力改善。希望老闆能夠重視這些問題！

今日因為想補返生日飯，專登上youtube 搵d 靚d 好食d 既餐廳食晚飯。搵到依間見佢賣相好似唔錯，環境都有設計（日式風格），所以就好快用openrice 訂左枱。 本身入席時都無咩野，但唔好彩主要serve我地個短髮眼鏡女服務員態度同語氣都好奇怪，一黎唔講清楚menu 上d野點叫，下下要我地問先講，我心諗我地第一次黎，有野唔明問聲都好正常啫，但佢就會用個好似好溫柔，但句句都有骨既tone 應我地，問佢多一兩樣野又黑面又藐嘴，之後又扮返有禮貌咁講野，心諗佢係咪返工返到好大壓力，要攞d 客黎發洩。但都算啦，大家食個飯都係想開心，就唔理佢咁多，但係食野途中，我地傾緊計既時候，佢又會無啦啦插隻手黎收碟，或打斷我地傾計，好似好趕咁，成個傾計咁樣被中斷幾次，咩氣氛都無晒，後尾只係想快食完就埋單走，覺得好掃興，講真俾多少少出街食都係想開心，但食完既感覺係俾錢買難受，仲有少少後悔無當面出聲反映下，雖然d 蟹腳幾好食，但依個服務員令我地成餐飯好唔自在同舒服，好似無時無刻都企係隔離迫我地食快d咁，再加上出菜速度又一般，整體黎講，係唔會再去食，都打comment 係度俾其他想試既人睇睇先做個參考

四個女仔諗住開開心心地食個半放題晚餐成間嘢最可取，就*只有*地下打卡嘅位置（相片詳情請參閱大量好評嘅食評）一上到去餐廳：座位唔太寬闊舒適，覺得有少少窄同隔籬枱相隔可能只有一隻手掌位總之大家講嘢唔同枱都互相聽到完全冇私隱可言Girls talk不能 然後我哋個位真係好大風叫咗幾次職員幫手先校到個冷氣 吹到頭都痛我哋仲有個女仔吹到第二日病住咁去旅行！揀好咗個半放題餐之後（嘢飲/啤酒要再另外加錢之餘，仲要全枱一齊加或者唔加！）先至被告知林林總總嘅「叫嘢食規則&次序」：（1）第一張單：串燒同炸物‼️所有食物不能encore‼️但質素真係好一般，尤其係炸物連雞翼愛好者如我都覺得可以直接跳過（2）第二張單：手握壽司‼️一次過要叫20件 ‼️即係每人要叫五件，但係根本冇考慮食客係咪想叫咁多壽司感覺好似塞飽你食壽司飯，咁你就叫少啲其他比較高成本嘅食物好啦，咁叫夠20件，佢自己又出漏單架到追佢單嘅時候又話整緊 要追兩三次先出到壽司質素：好普通 魚生/甜蝦：新鮮程度一般（3）第三張單：鍋物嘅肉類/飯/烏‼️講到明會自動乘以你人頭數目嘅量咁出‼️但席間有朋友唔食牛/海鮮出多咗嘅食物，如果唔想做大嘥鬼就變相就要其他朋友幫

唔係第一次食IG介紹嘅嘢然後覺得中伏，但今次真係好明顯係水魚Feel所以忍唔住寫Review，香港IG foodie 可唔可以俾少少良心_(:з」∠)_居酒屋就係想飲酒盡興傾偈，半放題套餐係冇包飲品，焗你要加錢任飲。啤酒係幾快上，泡泡比例都不錯，其他梳打就真係放題質素。座位好迫，同隔籬枱勁近，從隔籬張枱嘅距離係一隻手掌（而家講返出嚟都有少少荒謬到覺得搞笑）。我係可以完完全全聽到隔離講緊咩，好似同台食飯咁。$388 套餐會跟一個刺身塔（拖羅蓉+切條的刺身，成個塔細過拳頭）& 五款自選食物。諗住唔可以重複order嘅食物應該好高質啦😂？結果佢係真心放題質素：公道啲講句，其他串燒類是不錯的，特別個牛係幾好食：但真係唔係「不可再Order」嘅質素，炸物真係可以pass，仲要得一件⋯⋯任食嚟講，豚肉湯底真係冇乜特別，牛同豬都薄到分唔到，理解唔到點解啲人講到好好食😅 另外任食壽司都不錯嘅，不過得11款（其中一樣係加州卷🙃）食到10件已經好叻仔，完全覺得佢係想質飽你⋯⋯但係重複講多次，壽司係好食的。埋單成千蚊，可以叫食嘅嘢極少！質素亦都唔值！Overall嘢食唔係難食 但成件事真係好呃錢呃感情Fee

見呢排openrice做緊discount，晚上八點半入座有優惠，所以就黎左同朋友食生日飯。上到去都見到頗滿座，keep住有客人入座，就知應該唔伏！Overall覺得刺身、煎炸野比串燒出色，刺身好大件，夠新鮮；西京燒比目魚🌟🌟🌟、炸豬排、芝麻雞翼都幾出色，好juicy😋 but 串燒就不過不失，有d略為太鹹服務態度方面，店員服務好好，有耐性又好nice！！

經過尖沙咀， 有間裝修特別嘅日本餐廳 ，午飯時間入去試下， 餐廳提供唔同嘅特色😋午市套餐 ，今次我哋兩個點咗，安格斯肉眼壽喜燒 ，呢個湯底好出色，一向鍾情壽喜燒 ，肉眼好鮮嫩滑， 配料有好多金菇，冬菇，紅蘿蔔 月及娃娃菜配料， 餐點有提供 白米飯， 麵豉湯 ，甜點及小吃，CP好高。💖另外點了 特盛海膽三文魚子丼飯， 大大碗激多海膽呀， 海膽有匙羹咁大塊，啖啖鮮味， 三文魚子入口卜卜，口感中足，同樣地，餐點有提供 麵豉湯 ，甜點及小吃，好滿足呢。💖中午時段人流多，上菜時間都好快，店員有禮，坐等舒適，下次同朋友再來試其他餐先。

一打開門入到去就見到好日式風嘅裝修，仲有無臉男坐係度歡迎你😆餐廳有HKD388半放題set,仲有另一個HKD498 嘅set ,前者自選5個日式小食/炸物，後者就係自選5款浜燒海鮮，由於今次主要係想食壽喜燒，所以就揀咗HkD388 果個。一坐低，店員已經主動介紹menu,態度好好，唯一要彈係個位有d 窄，放題嚟講坐得有d 唔舒服。講下HKD388 有咩食先，先嚟嘅係沙律同刺身塔，沙律夠汁，蔬菜亦新鮮。刺身切成條狀，有帶子，三文魚等，最底係吞拿魚溶，味道都唔錯，食得出唔係一般放題嘅cheap cheap 刺身，刺身上枱時温度亦適中，無話溶曬雪/無解凍嘅情況。----之後就到自選嘅5款小食/炸物，我地揀咗甲羅燒，燒蠔，海膽大葉天婦羅，和牛粒。最後一款我揀左芝士年糕，男朋友揀咗炸蠔甲羅燒偏甜，味道ok,多士略嫌唔夠脆唔夠熱。燒蠔明顯係燒過，唔係求其整熟整熱就扮燒咗，生熟度岩岩好，蠔亦鮮味，正❤️海膽大葉大婦羅炸得幾好，上枱係熱嘅，麵皮亦好薄，但海膽唔係特別甜，食完對海膽無乜印象，反而對個麵皮有正評😂和牛粒都係必揀，有好香嘅炭燒味，牛肉粒質素幾好，食到牛味加小小和牛香芝士年糕同炸蠔就一般日式放題

燒海鮮麻麻😞生蠔亦都唔太新鮮😳係燒好拎出嚟，唔係即場係你面前燒🤨蟹肉同蝦都無乜味，比較韌，唔係鮮甜嗰種各款壽司亦都唔係好味，好普通嘅貨😓爭鮮或者超市買到嗰啲可能仲好食😓唯一比較好係壽喜燒鍋同牛肉牛肉算係最靚最好食架啦呢個質素嘅食物，相比價錢就係略貴餐飯唔值得呢個價錢就算任食部份，食完第一輪除咗牛肉之外，都無咩食物值得再去叫多一轉嚟食😫如果呢個價錢，直接去食燒海鮮仲好可以食到真係新鮮嘅海鮮