影片
更多
2024-11-12
1645 瀏覽
唔係第一次食IG介紹嘅嘢然後覺得中伏，但今次真係好明顯係水魚Feel所以忍唔住寫Review，香港IG foodie 可唔可以俾少少良心_(:з」∠)_居酒屋就係想飲酒盡興傾偈，半放題套餐係冇包飲品，焗你要加錢任飲。啤酒係幾快上，泡泡比例都不錯，其他梳打就真係放題質素。座位好迫，同隔籬枱勁近，從隔籬張枱嘅距離係一隻手掌（而家講返出嚟都有少少荒謬到覺得搞笑）。我係可以完完全全聽到隔離講緊咩，好似同台食飯咁。$388 套餐會跟一個刺身塔（拖羅蓉+切條的刺身，成個塔細過拳頭）& 五款自選食物。諗住唔可以重複order嘅食物應該好高質啦😂？結果佢係真心放題質素：公道啲講句，其他串燒類是不錯的，特別個牛係幾好食：但真係唔係「不可再Order」嘅質素，炸物真係可以pass，仲要得一件⋯⋯任食嚟講，豚肉湯底真係冇乜特別，牛同豬都薄到分唔到，理解唔到點解啲人講到好好食😅 另外任食壽司都不錯嘅，不過得11款（其中一樣係加州卷🙃）食到10件已經好叻仔，完全覺得佢係想質飽你⋯⋯但係重複講多次，壽司係好食的。埋單成千蚊，可以叫食嘅嘢極少！質素亦都唔值！Overall嘢食唔係難食 但成件事真係好呃錢呃感情Fee
居酒屋就係想飲酒盡興傾偈，半放題套餐係冇包飲品，焗你要加錢任飲。啤酒係幾快上，泡泡比例都不錯，其他梳打就真係放題質素。
座位好迫，同隔籬枱勁近，從隔籬張枱嘅距離係一隻手掌（而家講返出嚟都有少少荒謬到覺得搞笑）。我係可以完完全全聽到隔離講緊咩，好似同台食飯咁。
$388 套餐會跟一個刺身塔（拖羅蓉+切條的刺身，成個塔細過拳頭）& 五款自選食物。諗住唔可以重複order嘅食物應該好高質啦😂？結果佢係真心放題質素：
放題自選小食
4 瀏覽
0 讚好
0 留言
公道啲講句，其他串燒類是不錯的，特別個牛係幾好食：
放題自選燒物
15 瀏覽
0 讚好
0 留言
但真係唔係「不可再Order」嘅質素，炸物真係可以pass，仲要得一件⋯⋯
任食嚟講，豚肉湯底真係冇乜特別，牛同豬都薄到分唔到，理解唔到點解啲人講到好好食😅 另外任食壽司都不錯嘅，不過得11款（其中一樣係加州卷🙃）食到10件已經好叻仔，完全覺得佢係想質飽你⋯⋯
但係重複講多次，壽司係好食的。
放題任食的壽司
38 瀏覽
0 讚好
0 留言
埋單成千蚊，可以叫食嘅嘢極少！質素亦都唔值！
Overall嘢食唔係難食 但成件事真係好呃錢呃感情Feel。可能我真係俾IG foodie同個價錢拉高咗我嘅期望，所以真係極極極失望。
張貼
