影片
港鐵荔枝角站 B1 出口, 步行約8分鐘
繼續閱讀
開飯介紹
發跡於油麻地，主打親民價茶餐廳食品，其中炸雞髀香脆肉嫩，分量十足，除了單點，更可作不同配搭，深受食客歡迎。
繼續閱讀
營業時間
星期一至六
08:00 - 17:00
星期日
全日休息
公眾假期
全日休息
公眾假期前夕
08:00 - 17:00
以上資料只供參考, 請與餐廳確認詳情
招牌菜
舖頭位於一條橫巷入面，唔係佢擺左個餐牌係出面真係留意唔到。🍗生炸雞脾王煎蛋飯 - 手掌甘大隻雞脾 生炸真係唔同啲，外皮勁脆，入面啲肉仲嫩滑多汁，配上甜豉油超正失色就係個煎蛋話係太陽蛋，但應該比隻雞脾冚住焗熟左，蛋黃無左流心缺點就係食完第二日即出暗瘡同喉嚨痕，太邪惡唔可以成日食🐷兄弟醬豬手飯 - 豬手都有成六七嚿，豬手炆得夠腍，夠入味個醬係同南乳有啲分別個人更鐘意呢個兄弟醬，勁好送飯🍝沙嗲汁雞扒撈讚歧烏冬 - 雞扒一樣大大塊沙嗲汁同平時食開好唔同，佢無沙嗲既香辣比較偏甜，味道似日式甜咖哩多啲而且啲汁好多，重口味人士之選呢間舖頭價錢平，份量多啖啖肉，外賣自取仲可以減$10，可以黎試下，炸雞脾建議堂食。不過我睇返唔同分店既餐牌，個價錢都有啲分別，長沙灣呢間應該係最平。🍴和順記 (兼善里) (長沙灣)📍長沙灣青山道兼善里6號地舖#19_flog茶餐廳 #19_flog長沙灣 #hkfoodie #foodies #香港美食 #地區美食 #食評 #foodinstagram #foodhk #生炸雞脾
繼續閱讀
由於琴日晚飯經過呢間嘢見有好多人排隊食雞髀，正值今日放假而且又要過呢頭買嘢，所以同朋友千里迢迢過海都要試下呢一間嘢。因為入咗雞髀關注組，所以對於雞髀嘅質素我都有的要求既，曾經試過所謂出名既都係名不符實，今日就決定試下呢一間。過到嚟剛剛下午茶時間，但係由於無乜點食嘢，所以最後一齊叫咗雞髀飯，不過我要沙嗲汁，一個要黑椒汁。店舖環境都係小店嘅模式，座位唔算好多，環境開喺後巷位置都算衛生，見到餐牌上都有好多出名嘅野，例如：椒鹽豬扒。不過我都係為咗雞髀飯慕名而嚟，所以都唔好得一想二啦。等咗五、六分鐘左右終於都上枱喇~~~ 第一時間我同朋友不約而同"嘩"咗一聲，點解? 原因好簡單，因為呢一隻雞髀都算係超巨型， 你哋喺相見到同隻碟差唔多，根本都唔係好見到啲飯，而且同埋賣相吸引，影完相就話知你囉，快快開餐~~~ 我食沙嗲汁， 首先講下隻蛋，佢都係用扒爐整嘅，所以味道就一般啦，沒有脆邊，不過呢樣都唔係期望既野，配菜就有翠玉瓜同埋椰菜，味道正常。到主角啦，因為我比較鍾意慢慢食嘅所以都會用刀叉，切開佢啲肉發現超多肉汁，絕對炸得剛剛好唔會炸過龍，入口仲發現原來呢隻雞髀係有醃過㗎!!! 所以肉味鮮甜嫩滑，真係勁正，而佢個外皮炸得金黃脆口，即叫即炸既野一定要即食，成個過程基本上食晒啲飯隻雞髀仲有半隻，你可想而知有幾大隻。飲品方面無乜特別， 都係同正常茶餐廳一樣，呢餐真係勁滿足，埋單每位都係$50蚊左右，如果你問我抵唔抵食，我會同你講出面所謂好食嘅雞髀都要$30蚊一隻，依家有成個餐俾你慢慢坐低食，而且仲要咁高水準，我可以咁講，係我暫時食過比較最好嘅一間。
繼續閱讀
➖ 炸雞髀薯條茶記既波浪薯條真係最好食，炸得正常基本上已經無敵。而炸髀就考功力啲一個唔小心就會乾哂，呢到出名炸野所以呢隻髀對佢黎講無難度，外層炸到好脆再咬入去就係嫩嫩既髀肉入面充滿肉汁一啲都唔乾，而隻髀調味真係入哂味咬到骨位都仲有味，佢既調味有小小甜個味好熟但諗唔起係咩醃料🪧 唔知係唔係下午茶隻髀係細隻啲呢，不過其實呢隻都大係我影到佢好細隻咁，但之前食佢既脾飯係再大隻啲
繼續閱讀
今晚8點先收工，唔知買咩外賣好，突然諗起之前food blogger介紹過呢一間餐廳嘅生炸大雞肶好大好脆好抵食，所以飛的士趕去買外賣。買完再返屋企已經半個鐘，但隻大雞肶真係好好味😋！咬落啲脆皮好鬆脆，唔會死屈屈，而且真係好大隻，大雞肶+香草意粉+飲品 $58，真係好抵食。美中不足之處就係雞肉雖然好嫩，但可以再加多啲調味醃一下就perfect喇！同場加購「抗疫餐」，黑椒雞排腸仔飯+飲品 $40，都唔差㗎！不過我加錢要嘅奶茶紅豆冰就甜得滯，下次要叫走甜先得！
繼續閱讀
難得來到長沙灣，本來是想試「鰹烏冬」，但太多人排隊，只好放棄，轉場到也在附近，已經不少分店的「和順記」「和順記」是以巨大炸脾而出名的，所以來到當然要叫一客炸脾配薯條，也叫了不是很多地方也能叫叫的—咖啡紅豆冰作為配餐炸雞髀薯條＄４０＋＄８特飲咖啡紅豆冰首先上場的是 咖啡紅豆冰咖啡味不是很濃，勝在不會太甜，配合下面香甜且軟淋的紅豆，甜度適中，且紅豆不會太爛，有原粒也有咬口。 再來就是主角上場炸脾配薯條＄４０炸雞髀有拳頭般大，是比坊間大一點點，但未至於巨的份量。外皮炸得香脆薯條方面，店家也因應我們的要求炸得耐一點，所以也夠脆口，但沒有薯味。雞髀肉質未算非常嫩滑，但至少不會乾柴，沒有肉汁。最緊要係無雪味。總括而言，他們家的炸雞脾沒有特別出色，份量又不是坊間傳聞中巨大，味道和品質方面算是中上水平，因為原材料吃得出是不錯的，可惜他們的出品沒有特別令人回味之處，簡單來說沒有他們家的特色之處， 比他們好的大有人在，沒比較沒有傷害，近期吃了不少炸髀薯條，他們的真是很普通。如果你想吃炸雞脾，可以一吃，但如果要特意拜訪就不必了。另外點了一份麻辣雞扒撈丁＄３８本來以為雞扒是用麻辣醬醃製，但原來是炸雞扒加麻辣醬撈一丁出前一丁有一定的保障，所以不會有太大問題，只是店家略煮久了一點，令麫偏淋了一點，不夠爽彈， 不能令出前一丁發揮其極至。而麻辣醬也比較遜色，應該是現成的醬，麻味沒有，只有一點點辣味麫底有撈汁，應該有點咸味救回整個撈丁雞扒相比雞脾比較細件，但也夠脆雞扒肉質比雞脾嫩滑，有些味雞味，肉質沒有梅爛，但整件雞扒比較油，也沒有調味。所以可以不試。
繼續閱讀