咖哩葉

營業中

休息中

疫情好轉終於約男朋友出街食飯，於是決定試下去食平時少食既印度菜前菜：印度薄脆，味道咸咸脆脆的點薄荷醬食另有一番風味！印度羊肉角：呢個食落較乾身，食面包住豆、羊肉粒，外皮似角仔脆得黎係鬆化既，但會比較乾身鐵板香料燒雞：呢個燒雞上台就令人wawa聲，因為好有穫氣識噴煙，空氣中濔漫住好香既香料味，而且雞肉唔鞋，份量十足但最令人驚喜既係芝士薄餅cheese naan，岩岩烤出黎個麵皮好有勁度有咬口，入面滲住陣陣既芝士香。另外點了butter chicken(牛油雞）送薄餅,butter chicken甜甜地帶番茄和牛奶既香味，同平時食既咖哩唔同，同薄餅十分配合侍應們服務都勤快，環境舒適企理，好岩二人聊天談下心

隱藏於小巷中既CURRY LEAF, 見佢係OPEN RICE 既分數好高下 就想去食食 加上朋友係異地回港 第一時間 已經話想食印度菜因此帶朋友去食下。相對之前食過既印度餐廳 CUEEY LEAF有2層, 即使限聚令下 入座時間都唔需要等太耐當然有BK位 會更好。用餐期間都有好多人入黎食野 ，證明它多有名。餐廳內外佈置都富有印度色彩 畫像 裝飾都有濃濃宗教色彩坐下是上胡椒餅前菜，香脆微辣。就咁吃或沾茄汁、乳酪汁或鹹檸檬吃都可以。有好多食法。Chicken Tikka Masala 瑪莎拉咖哩雞咖哩必吃推介，瑪莎拉咖哩雞，是用不辣的咖哩燉煮而成，適合不能食辣既人士。雞肉煮得很軟身，滑嫩雞肉易入口咖哩質感濃稠, 微微甜香啖啖CreamyMasala Omelette 瑪莎拉咖喱奄列眼見Chicken Tikka Masala醬汁多 因此叫了奄列 (洋蔥 蕃茄 辣椒煎雞蛋包 ) 就咁食 好香蛋味 , 沾Chicken Tikka Masala醬 可以食幾碗飯Duck Pizza ( 新出)店員推薦我地試食DUCK PIZZA,雖然食印尼菜食PIZZA都真係幾搞笑但佢味道又真係唔差 最緊要份

呢條好隱蔽既小巷平時真係唔會行 但其實就係彌敦道行行下聽到後面一男一女討論點會未黎過呢度呀八卦既我就走入去一探究竟🤣🤣🤣其實主要係有車泊同有一兩間地鋪餐廳 行左個圈都係唔明個男人口中所講既「點會未黎過」哈哈但就誤打誤撞發現左呢間環境氣氛幾好既印度餐廳價錢中等 但勝在選擇夠多 連pizza都有！唔知係咪同隔離餐廳有partnership呢第一個上竟然係pizza 特別之處係有3款唔同既dip 香港食pizza好少會有dip 綠色白色既應該係sour cream 其餘兩款食唔出 但唔錯 大家有興趣可以試下 咁足料既pizza價錢只係$98再黎就係未見過既小食叫炸芝士球 侍應建議我地倒醬汁係入面再一口食哂 味道係酸酸地 而外皮好薄好脆 非常特別仲有呢個既雜菜脆薄餅 清新得黎好脆口 又抵食！最後仲叫左個烤雞塊 好惹味 亦好有印度風味 配埋pizza一齊食仲有意想不到既風味🤣🤣😋

此日行經佐敦，心血來潮又想食印度餐，對印度烤餅真係一試難忘，於是就上網揾下附近有咩選擇。黎到咖哩葉，門口裝修都幾靚，新潮之餘又帶少少印度風。入面有好多好有特色既擺設，餐廳入面播住印度音樂。今次再食印度餐，為既都係印度烤餅，所以烤餅係必點，當然咖哩都吾會例外。最後點左奶油咖哩雞，雞肉炒飯同牛油烤餅。本身想試多幾款烤餅，不過本身有d飽所以都係留待下次吧。等左5分鐘左右，侍應先遞上一盆脆餅同兩個醬，我就先試其中一款先靑色醬個味道係靑咖哩的味道，個脆餅好香，有少少胡椒味，吾點醬就咁食都好味。連個水杯都好印度風呀之後就係雞肉炒飯同牛油烤餅上場，二話不說食一塊烤餅先，熱辣辣好香牛油味，我個人反而鐘意就咁食個餅，吾點醬，因為我鐘意食到面粉既味道雞肉炒飯既飯係長長幼幼的，平時睇電視就見過，今次第一次食覺得食落口感幾特別，不過我就冇試用手食飯入面落左好多香料，就咁食都可以食晒成個。奶油咖哩雞係帶有少少甜味，岩晒吾食得辣既我，雞肉都係煮得剛剛好今餐食得好滿足，好似有少少愛上印度菜既感覺，下次一定要再試其他口味既烤餅

很久沒吃過咖哩了，今次和朋友來到這間印度餐廳大吃一頓。這間印度餐廳裝修很典雅，座位十分舒適。有上下兩層，上層比較隱密，私隱度十足。還有一些特色印度象徵的雕像。整體的價錢不太貴，Naan都有很多款呀！每款都很吸引，很難選擇呀haha上菜前會送上贈送的Papad脆餅，讓我們快速開胃。沾上秘製醬汁食更加惹味。我們點了自家秘製醃烤炸雞，賣相超吸引。醬汁與炸雞融合，味道相當濃郁，不會太辣。還點了Cheese Naan，酥軟的Naan夾著濃濃奶香的芝士。另選了一個Chicken Masala，把Naan沾著醬汁吃，口感更有層次。雞肉很鮮嫩，火侯剛剛好。總括而言，很久沒吃過正宗咖哩，這間印度餐廳很一個不錯的選擇。

之前專登去重慶大廈食印度咖哩朋友話要食其實可以去佐敦 環境仲舒服因為喺政府實施新措施下下層得返四張枱空曠到覺得有啲凍😂但個環境昏暗 配合音樂其實都幾舒服落咗單就上咗啲薄脆比我地仲有青醬同紅醬但我怕辣就無蘸到我地前菜嗌咗炒雞，係冷盤有青瓜、蕃茄、紅蔥頭等十分醒胃！Main dish 嗌咗蝦仁炒飯印式飯粒係長條形 食落好特別！仲有我今晚最欣賞嘅芝士薄餅充滿芝士香 熱辣辣好香！我地仲飲咗印度拉茶好彩啲糖係另外加其實唔落糖咁飲先最飲到佢嘅醇香☺️我地埋完單老細仲叫我地拎個口罩！超有心！仲有啲免費搓手液比客人拎！大家去開佐敦真係要幫襯下小店！

好想去旅行，邊到都冇得去，食吓其他國家嘅菜解下愁都好。經過佐敦見到依間印度野好似幾古色古香 就一於trytry記得同店員講野要要轉返英文Channel😚🤪-嘢食黎之前 有個前菜小食印度🇮🇳薄脆餅配薄荷醬好開胃。脆卜卜-🍛🍗咖喱雞肉pizza（💰90）店員推薦的不在Menu內🥺本身勁驚伏意想不到勁大份！芝士🧀係特別啲又少少奶羶香雞肉🍗都印式烤過附帶兩款沙律醬俾你點-羊肉咖喱角（💰40）食印度野都會想食羊肉羊肉超多超香🤩鐘意羊羶味既我比勁多like💕仲食得出入邊落左唔同嘅香料🌱附有一個類似中式喼汁醬解下膩-咖喱鷹嘴豆 配 naan（💰78）粒粒原粒鷹嘴豆💕🤤個咖喱好岩大部分香港人口味咖喱香辣惹味唔鍾意食芫荽記得走青啊 記得search定芫荽英文🤪🤪🤪-芒果🥭酸奶昔🥛（💰45）笑哈哈🙂like!!次次食印度野都會飲覺得啲芒果硬係特別甜芒果好清新好重酸奶味 仲有陣奶羶香-好抵食大份又傳統正宗😋-

Curry leaf📍.成日都食日本菜 韓國菜甘呢日朋友就就帶左E.L去食印度菜👳🏻‍♂️呢間餐廳雖然係印度餐館 但裝修比較似酒吧 但同時又有啲印度裝修 幾有feel😆.🐔牛油咖喱雞🧈（$115）咖喱幼滑香甜 雞肉嫩滑🐥完全唔同平時食開重口味既咖喱食落都幾特別.🌮Garlic nann ($25)一上台已經聞到好重蒜味🧄餅皮鬆軟 邊位香脆 齋甘食都好好味 .🐑羊肉咖喱角（$48）咖哩角炸得香脆 裡面有羊肉碎同豆肉味好濃 可惜乾左少少左.仲試左🥭mango lassi($45)芒果酸奶芒果味濃 味道都唔錯 仲好飽肚🥛.人均消費：$88美味指數：😋😋😋😋😋😋😋（7.5/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：咖哩葉 (佐敦)地址：佐敦茂林街16-18號茂林商業大廈地下

近日口淡淡 想去食啲濃味野😗朋友就帶左小編去食印度菜👳🏻‍♂️呢間餐廳雖然係印度餐館但裝修比較似酒吧🍺但又帶啲印度特色 幾特別💁🏻‍♀️.🧈牛油咖喱雞（$115）黎得印度餐館點少得叫咖喱牛油咖喱帶甜 隻味道好特別好幼滑雞肉都好嫩滑 味道不俗🐔.🧅Garlic nann ($25)未食都已經聞到好香蒜味好蒜者一定勁like😋餅皮鬆軟 邊位香脆 齋甘食已經好好味 配埋咖喱食就有另一種滋味👍🏻.另外 仲試左🐑羊肉咖喱角（$48）同🥭mango lassi($45)咖哩角炸得香脆但入面啲羊肉乾左少少🤔沾上特製醬汁都幾好味☺️而芒果酸奶芒果味濃味道都唔錯 值得試下🥛

好耐冇食印度菜，今日就自己一家去左佐敦一間印度餐廳到食晚餐。呢間餐廳我之前都黎過，呢度既裝飾真係充滿印度風情，而且老闆係印度人，菜式非常正宗！打開餐牌，見到呢有好多唔同種類既菜式，包括印式烤品、咖哩、小食等等。我點左一份香烤羊排，一上菜，就可以聞到好香既烤肉味，呢個羊排係印式既做法，同平時食到既西式羊排唔同，用左比較多既香料去烤，好惹味，自己一個人食哂4件羊排都幾飽。另外，我亦都點左個椰青，清涼既椰汁同羊肉係最好既配搭啊！

一間好似當地人先識去既餐廳～因為佢既位置唔係大街中😁 Staff都係印度人☺️但佢地都好親切！個日我同男朋友想食印度菜 所以就搵間正宗既印度店去食！ 我地個日叫左羊肉咖喱角，咖喱雞，烤餅，磨菇炒飯。羊肉咖喱角 Mutton Samosa (3pcs) $40炸既咖喱角配羊肉粒 另外仲有附上酸甜醬 可以點黎食！咖喱雞 Chicken Curry $112好正宗既咖喱雞 雞肉本身已紅充滿腌料 所以好夠味烤餅 Naan $20有咖喱雞 當然要配印度烤餅先至最好食啦 口感煙韌磨菇炒飯 Mushroom Pulau $58磨菇炒飯充滿香料味 食得出好有印度風味

餐廳怖置好有印度風，燈飾同擺設都突顯到地道風格🇮🇳，又播住印度既歌曲🎶，坐住係sofa舒舒服服用膳都係種享受😊。.🥠羊肉咖哩角 (3塊)💲40咖哩角外層炸得好香脆可口，裡面有少少穌皮既感覺，羊肉肉味香濃😋，有少少羊羶味，不過炸得乾左少少。.🍲馬德拉斯咖哩雞💲115椰奶味超香濃，仲有少少椰絲碎係面，咖哩好郁濃有少少辣，雞肉都幾嫩滑，有雞皮痴住係度😋。.🍕乾果烤餅💲28烤餅份量好多🤩，咬落口感煙煙韌韌，質感一流👍🏼，感覺又唔油膩，仲有甜甜地既乾果香味😋，齋食呢個都正😆👍🏼。.🥭印度芒果酸奶 (Lassi)💲45好好飲🥺，芒果果味好香好甜👍🏼，酸奶酸酸地，奶味好香滑濃稠，比例恰到好處💯。食完埋單之後仲有酒精搓手液送🤲🏼🧼❤️。

#小肥佐敦遊小肥週日在佐敦😆🐷🙇🏻‍♂️不經不覺到了終於可以休息一下的週末☺️(其實返開夜既小肥聽日要返好早上公司堂....FML🙉😫)趁假期享受同隻豬寧靜的下午時光亦至好不過☺️🐷出開佐敦咁啱醒起有間喬寶寶也讚好既印度菜在左近😆還掂Bookmark左一直想食一於黎撐下枱腳先🤤🇮🇳餐前先有鹹脆可口🤤😋配帶有辣香既青醬拌食一流的薄脆餅打頭陣開開胃😋緊隨其後我倆至愛既素咖哩角炸至外皮酥脆🤤口感Crispy之餘配合經醃製既雜菜薯仔內餡😆🥔煮出外脆內軟既絕佳口感😋👨🏻‍🍳🔥配合印度微微香辣既紅椒醬一齊食更為開胃😆而重頭戲黎到必食既牛油咖哩雞🤤🍛🐔一聽個名就覺得夠哂邪惡😈🤤但配以滑嫩雞肉拌煮入口難得地唔油膩之餘🤤原來印式咖哩都竟然可以煮出微微甜香啖啖Creamy🤤配以另外Order帶出陣陣濃郁蒜香既烤餅一齊食🤤🥘絕對係邪惡又叫好🤤😋😆🥘至於粒粒企身炒得唔油膩夠哂入味足料既蘑菇炒飯🤤以印度香米製作炒飯口感更為煙韌Q彈亦係小肥大愛😆小肥印度菜之推薦🇮🇳🤤😋🙇🏻‍♂️

我自己個人是很喜歡吃印度菜的，所以今天便來了這裏吃正宗印度菜，我看見了兩位侍應都是好像印度人，食客也是印度人，我和老公叫了印度烤餅吃，味道一流，也叫了pizza，同樣也很好吃呢。

餐廳裡面的裝潢幾有特色，令人好似置身係彩色世界去品味印度嘅食物。印度菜都係首先有個前菜，今次係薄脆餅配上青咖哩，脆餅一如往常都係好脆卜卜，味道鹹鹹地，越食會越香，青咖哩醬就有種清新嘅感覺。同朋友叫咗羊肉烤餅，個餅皮幾有咬口，內餡嘅羊肉碎幾香，唔會有羊嘅騷味，有少少辣，啲香料味唔會太濃，剛剛好！另外叫咗咖哩角沙律，咖啡角碎撈咗乳酪同雲尼拿，仲有青咖哩醬，好啱鍾意重口味嘅你。我哋今次最愛的卡麗咖哩蝦，用咗蜂蜜檸檬嘅醬去烹煮嘅大蝦，咖哩味道非常濃郁，比平時嘅咖哩口味不同，加埋個印度蘑菇香米飯，撈埋啲咖哩醬真係好香濃！