咖哩葉

營業中

休息中

呢間curry leaf 之前都食過，裝修都唔錯，暗暗地幾有情調，好有印度特色，而且有2層好闊落。menu有中英對照，就算唔明係咩菜，都可以對照英文，方便咁落單。一開始佢送左個脆烤餅既小食比我地，個餅好鬆脆，咬落有淡淡胡椒味，個醬係薄荷醬，感覺幾清新，岩媽咪口味多d。我坐底已經決定要叫naan餅食，最後叫左一個原味同蒜蓉味。一上黎個陣熱騰騰，係即叫即整，咬落外脆內軟，有淡淡發酵味道，相當唔錯。蒜蓉味好重香料味，就咁食都得。叫左naan餅當然會叫埋咖喱，我地叫左瑪沙拉咖哩雞同咖喱秋葵，但食落唔覺好辣，岩岩好而且雞肉咬落唔會太鞋口，下面既洋蔥好正，配埋食好好味，意想不到。而秋葵就不過不失，好少會食咖哩素菜，食到秋葵外硬入面滑滑地既質感，配naan餅感覺好過癮。飲品方面，我同媽咪share左壺印度奶茶，幾香滑，有淡淡香料味，同平時飲開好唔同，都幾特別。總括黎講，間中想食印度菜會再黎，下次再黎我會試下飲mango lassi。最貼心係買單個陣，送比我同媽咪一人一個口罩，好貼心，呢d時勢收口罩仲開心過收錢，值得一讚。

我愛試不同印度菜，亦不限於在重慶大廈內，其實香港有好多不同既正宗印度菜，真係好好味。今日黎到佐敦一條寧靜小巷中的一間indian food，真係好想介紹下比大家。入面光線柔和，又好寧靜，情調十分！ 印度人其實好多都係素食者，我地一般成日諗起既印度咖哩，通常都會諗到有肉，但在正宗印度菜其實比較少有。今次我地都叫左不少vegetarian dishes. Mixed samosa印度三角餅，都係indian既common comfort food, 個餅皮實實地，入面由薯仔／洋蔥／鷹咀豆／ 不同蔬菜加上咖哩粉混合而成，所以成舊野都幾飽肚，唔太辣，幾好食！ Mixed vegetarian curry呢度嘅擺碟好靚，入邊有不同蔬菜例如紅蘿蔔和蕃茄，識落好醒胃，一啲都唔漏。 Chicken biryani即係咖喱雞炒飯咁解，有咖哩一定要有飯至得。印度飯粒同廣東米唔同，較幼和乾身，食落好得意！伴隨既係有一碟yogurt送上，試過用以配飯食，但就唔太岩我口味了，大家可以試下，可能岩大家都唔定！

朋友話呢間印度菜好好味，帶咗我去試。個格局同一般正宗印度餐廳一樣，亦都係由印度人處理嘅。送的薄脆偏咸，全晚最遜色既一品🤣首先叫咗一個傳遍印度嘅小吃， paani poori。空心波係由小麥粉造成，好脆，入邊有小小薯仔泥同豆蓉，食之前喺倒入綠色帶薄荷香氣嘅醬汁，酸酸地，好開胃。不妨淋多少少汁，咁你就可以享受嗰種咬落去啲汁爆出黎嘅快感。Chicken 65勁好味呀！ 65我估係佢個醬料名，除咗烤雞仲有其他選擇。不過我覺得個雞真係好值得一試，唔會太乾同埋勁香。如果唔想要雞，都推薦你選其他款式，因為個醬料真係冇得頂🤤🤤🤤去到印度餐館，有乜理由唔食咖喱雞呢！叫咗chicken masala，香料咖喱雞。重點當然係嗰醬，用嚟配naan啦。以前淨係食過蒜蓉味同芝士味，好多謝朋友仔堅持叫呢個堅果味naan，中間夾左一啲餡料，甜甜地，有少少nutty，配埋咖喱汁係驚喜地好味！蔬菜選擇都唔少。呢個辣秋葵小小辣，帶有香料香。椰青勁大個勁甜勁汁，佢serve上黎個陣多到就瀉，啲貨好靚呀！呢餐真係每一碟餸都好好味，你跟呢個嚟order一定實冇死，特別推薦chicken 65 同kashmiri，完全係味蕾新體驗

第一次食印度菜, 原來比預期中好好味, 亦有好多菜色選擇. 而且這間餐廳裝修優雅有格調, 絕對值得一試. ($55)🤤 ~ 賣相精緻, 共8粒炸薯仔球, 再配羅望子醬, 味道很夾 ($115) 🤤~ 因為怕辣所以叫白咖哩, 香而不辣既正宗印度咖哩, 雞肉很嫩易咬口 ($25)🤤 ~ 印度菜梗係要叫印度薄餅, 點了蒜蓉味, 再點埋咖哩汁食好好味 ($105) 🤤 ~ 上碟時仍熱辣辣, 好香口而且食落唔熱氣整體所有菜都好味而且有特色, 值得回頭再試😎 ❤店舖 : 💙地址 : 佐敦茂林街16-18號茂林商業大厦地下

我自已都有一排冇吃過印度餐啦，而我朋友話好似都未試過正式過吃印度嘢，咁就趁新年來試吓不同的味道。來到位於佐敦呢間『Curry Leaf』緣於另一朋友介紹，成間舖有濃厚的印度色彩，全一色道地的印度人，呢度有印度Video，印度音樂，一時間以為自己真的去咗印度吖。印度嘢除咗咖喱之外，仲有印度烤餅，烤魚，烤羊也出名，於是乎我哋嗌咗印式泥爐烤魚塊，印度薄餅，羊肉餡餅，椰青同埋印式甜品玫瑰奶球。烤魚好香口，唔會油淋淋，D配菜同烤魚好夾，吃到不停口；薄餅口感似平時吃開的薄脆，羊肉餡餅唔會有膻味，好吃。椰青係至愛，清新天然，甜品就普通啲，純粹係個人意見，可能唔太啱香港人口味

餐廳環境不俗，比一般印度餐廳更雅緻整潔，裝潢設計甚有特色，氣氛佳。點菜後免費送上一籃餐前小食胡椒薄脆烤餅，份量頗多，配以青咖喱汁和醃製欖菜，開一開口胃。羊肉咖喱角好有特色，炸成大大件三角酥，外層十分酥脆，但不會過於油膩，內裡餡料非常飽滿，含免治羊肉、青豆、堅果等，口感豐富又惹味。白咖喱雞相當出色，以古法白肉汁腰果煮雞，咖喱汁質感香滑，味道濃郁帶甜，岩哂不吃辣又想吃咖喱的朋友。雞肉大件嫩滑，沾滿咖喱汁非常惹味。牛油薄餅好有水準，發酵成千層軟烤餅，熱騰騰又超大塊，烤餅牛油味香濃，口感軟綿，不沾咖喱汁已夠好吃，沾沾咖喱汁更是極度美味！高度推介印式芒果酸奶，大大杯，稠度恰到好處，芒果味香甜濃厚，酸乳酪亦混合得出色，絕對是上佳飲品。

雖然餐廳起唔起眼嘅橫街內，但係招牌夠曬醒目，離遠都見到。充滿印度特色嘅裝修，餐廳仲播住印度嘅mv。啱啱點完菜，店員就送上胡椒薄餅，食落香脆又有陣陣胡椒香味，旁邊仲有薄荷醬同埋酸梅味嘅醬。Veg Samosa 素食咖喱角咖哩角內有薯仔、青豆同埋堅果打成嘅餡料 ，食落香脆又有淡淡嘅咖哩味。Mango Lassi一款印度傳統飲品， 飲落乳酪同芒果嘅比例啱啱好，芒果味十足又夠香滑。Lamb Seekh Kebab 燒烤羊肉卷係即叫即烤嘅羊肉卷，一上枱已經聞到好香嘅印度香料味。 雖然係烤熟，但羊肉捲仍然充滿肉汁，食落鮮嫩又唔會乾。Cheese Naan 芝士薄餅 食咖哩當然要配上印度薄餅，薄餅入面加入咗大量嘅芝士碎，食落好重芝士味Chicken Masala 瑪莎拉咖喱雞咖哩入面有好多雞肉，非常抵食。雞肉吸收咗咖哩嘅精華，食落外脆內軟，又夠鮮嫩。

好耐冇食咖哩，就同朋友去左佐敦一間食印度菜既店到食咖哩，呢間店既老闆係印度人，啲野食係非常正宗！未食野之前，會有一碟免費既小食，呢個薄脆係鹹鹹地既，仲有兩個醬既，有小小辣既，唔錯！我好鐘意食羊肉，羊肉都有好多選擇，我地點左南印度咖哩羊肉，呢道菜係用左椰奶去烹煮羊肉，醬汁好濃郁，有好香既椰子味，羊肉煮得好腍，肉質嫩滑，好味道！食咖哩當然要叫埋印度薄餅啦，我地叫左份乾果烤餅，烤餅熱辣辣，配埋咖哩同埋羊肉簡直一流啊！仲有清甜既椰青啊！

上次試過同舖嘅墨西哥菜，今次再黎試佢另一印度菜，估唔到都好好食，依家係OR訂枱仲有8折，再抵食啲。今次二人叫三樣，加一八折後每人大約$90。胡椒脆餅落完單就免費送上，附有薄荷醬同酸梅，正常。咖哩角 $38一客有三個，表皮係鬆脆唔硬口，而餡料滿滿，咖哩味道濃。奶滑烤雞 $128咖哩偏向甜味，比一般咖哩更香更滑口，而雞肉嫩滑，份量都唔少，配上烤餅食真係好好味。蒜蓉牛油烤餅 $28有四塊，兩塊蒜蓉烤餅，香味十足，底脆脆地，中間同面煙煙韌韌。而另兩塊似原味同薄身少少，所以相對會成塊都鬆脆。

今日返工諗夜晚食咩嘅時候，突然好想食正宗印度菜。我之前只係屋企煮過咖喱食，未試過出街食過印度菜，所以都好期待。去到餐廳，餐廳裝修都好modern, 職員全部都係印度人，好有禮貌。餐牌都有好多選擇，前菜、小食、素咖喱、羊/雞/牛咖喱、薄餅都有好多款👍🏻我地叫左咖喱角 - 熱辣辣，多料，好有誠意👍🏻椰奶咖喱牛肉 - 唔太辣好啱香港人食，多肉😋牛油薄餅 - 一份有4塊，好厚，好香，又熱又軟，配埋咖喱好好食😋羊肉薄餅 - 一份有4塊，同牛油薄餅唔同食法，可以一試😉（2個人食嘅話，建議叫一份薄餅就夠啦😊）最後，叫左一杯職員推介嘅Lime soda, not bad👍🏻

今日大食妹同朋友仔到咗位於佐敦嘅咖哩葉食正宗印度咖哩<Paani Poori>Paani Poori係香炸薯仔球, 喺脆卜卜嘅空心波裏面塞咗啲咖哩薯仔同雜菜蓉, 食落甜甜地 如果大家唔怕辣嘅話, 可以加埋佢嘅羅望子醬入去, 食落酸辣酸辣都幾開胃<Tandoori Chicken>咋一聲嘅鐵板雞, 食落超有feel<Prawn Masala>酸酸地嘅Masala, 裏面有好多隻蝦, 咖哩非常濃郁<Garlic Nann (Left) and Aloo Paratha (Right)>呢度嘅Garlic Naan好好食, 熱辣辣上枱之餘, 仲軟Q軟Q, 最重要係蒜香味十足Aloo Paratha係薯仔餡餅, 係一個麥餅裏面夾住啲薯仔同埋雜菜蓉, 食落都幾唔錯但有少少油

環境優美——印度人開的正宗印度菜👩‍❤️‍👨💕今晚我飛咗去印度了🇮🇳！😄 Curry Leaf 正宗印度廚師的咖喱🍵☕️🍹😜😋全鋪的員工，包括老闆都是印度人，昵度做既全部食物都是正宗印度菜，今晚就做一日正宗印度人，食正宗的印度人做的印度菜😂😂😂😂😂😂NaNa—-是我吃印度菜最喜歡配搭的食物，NaNa其實是一種印度的薄餅🧇，用來點咖喱就最正🍚——看似一碗普通白飯，但食落和平日的米不相同，呢個是印度米，全部飯不會像我們平日吃的鮎在一起，而是一粒粒都分開的，用咖喱🍛汁配埋一齊食，有口感之餘又覺得好㻎😋咖喱羊——咖喱味道帶一些辣，🐐羊肉不會過硬，肉質吃落不錯⋯⋯咖哩🐔雞——比平日吃的黃咖喱不同，這個味道帶點印度風味，雞🐔肉也做得嫩滑奶茶——是印度的著名印度茶☕️，不防一試.......咖啡☕️——👌呢個度既環境全是印度擺設，環境相當美麗確有一種置身在印度吃的印度菜😋😋

今日約左好友食飯佢帶左我來食咖喱葉，一入門口已經感受到印度菜的香味，侍應全是外國人點菜必須講英文，好彩菜單上都有中文字。我朋友點了杯芒果奶昔， 我試左一口太甜唔岩我，所以我自己叫左可樂。之後我地點了以下幾款美食羊肉咖喱角 - 原來印度的咖喱角唔係炸到乾哂身和脆口，而係粉粉地感覺冇咁熱氣，入面包滿滿羊肉碎。雞肉炒飯 - 好香濃的辣味雞肉炒飯，感覺辣左dd。番茄醬炒羊肉 - 用烤餅來點汁食一流， 羊肉夠淋入哂味。烤餅- 用來點番茄醬炒羊肉吸哂d汁和精華，幾好食。

2020年1月19日今日約咗朋友食晚飯，朋友話試過間好好食嘅印度菜要介紹我。起初我好擔心，會好得人驚。但嚟到之後發現，完全唔會！因為佢全部都係印度人。所以淨係用英文溝通。但佢地超級體貼！我哋最後叫咗個牛油雞。一個牛油薄餅。跟住叫咗兩杯野飲。一嚟到佢就送咗個胡椒煎餅比我地食。對我來講有啲辣！但食落又幾香口！！Mango lassi解辣一流！！青檸蘇打。lime soda好味😋牛油雞超好食Curry leaf murgh makhani was super yummy Must try! ！真係必食。佢係超出我想像既好食！朋友讚個陣我只覺得佢誇張。但原來真係超正！！！Naan。講到印度薄餅。又係冇得輸。印度薄餅又係必食。因為我同朋友都係勁晏先食野。所以叫得唔多野食！下次黎要試下蒜蓉薄餅先得！！個個都讚佢。

朋友介紹正宗印度咖喱，今日路經佐敦決定試一試。星期日既六點，一開門已經有兩枱外國客人，相當受外國人歡迎。木牆、沙發、 咕𠱸，加上員工態度友善、積極，坐得舒適之餘亦令整體感覺格外親切，無論兩個人定一班人都有氣氛又溫馨。點完餐之後員工就上左個胡椒餅做前菜開開胃，加上印度既辣汁特別野味！青檸梳打唔算特別，但係杯Mango Lassi味道濃郁、解辣一流不得不提既係佢既牛油雞同牛油薄餅！牛油雞除咗普通嘅咖喱同牛油之外嗰日加咗蕃茄味，整體感覺creamy、唔太辣、容易入口，加上鬆軟既牛油薄餅，配搭一絶！搞到就算食都飽飽地都仲想叫多碟下次一定要試下其他咖喱同薄餅嘅配搭！