咖啡園

營業中

休息中

一直都覺得呢度負評比較多，都唔想嚟試，今次買一送一就嚟試吓啦。呢度環境舒適🥰，枱唔知係咪換咗啊係雲石枱冇污跡。地方闊落空間感不錯，環境都舒適，個個客人都好斯文，員工服務都幾好，都好helpful😊。食物都唔錯吖，壽司好食、燒牛肉好食、即煮意粉好食、南乳炸雞好食、三文魚好食、甜品款式以午餐嚟講都多，味道一啲都唔差。雪糕佢係會出嚟派嘅、你再食可以問佢再攞。飲品就有果汁自取，之後仲包一杯咖啡奶茶，你order 去攞俾你。佢亦都會主動叫你 order🫶🏻，因為我唔知道有。我唔明點解啲人俾咁多負評，搞到我之前都有啲擔心。不過我知個個人要求唔同。我和家人渡過咗愉快嘅時光。🎉

平時唔會寫食評，但真係太垃圾，唔想其他人中伏。book 咗12點 lunch buffet，但12:00員工仍然擺緊碟，未有碟拎野食。拎野食嘅範圍好細，野食極少款之餘，仲要難食。刺身完全無味。甜品得少量撻款，無蛋糕，雖有Mövenpick 雪糕，但係臨尾先逐枱派，同埋已經溶溶地。熱盤同樣少款，有極瘦的叉燒，隻燒雞雞肉又好鞋，牛扒質素就可接受。前菜薯仔沙律、蝦沙律、長通粉沙律都可以淡而無味。

比較少見人介紹Garden Cafe, 難得見到有即蒸龍蝦，所以卜位試試～酒店入口有點隱蔽，要跟足指示在商店中間找到升降機。餐廳環境好寛闊，樓底高，枱與枱之間有足夠空間，環境舒適，有空間感。由入座到離場，服務員都很親切很有禮貌，剛開始服務員會先介紹幾個自助餐區域，BBQ 在外面近泳池的位置。每人有1份鮑魚及1份鵝肝前菜，2款味道很不錯～鮑魚是冷盤，都幾厚肉，甜甜的幾入味。煎鵝肝正常發揮。先試試頭盤及沙律，每款都幾有特色，而凍海鮮除了龍蝦（波龍），個人幾喜歡凍蜆，粒粒都好食。同埋幾推介其他蝦類的沙律。熟食方面，叉燒質素高，蒸魚較普通。而今次主角蒸龍蝦真係好好食，雖然每人只得半隻，回味無窮。其實BBQ都很不錯，只是戶外實在太熱，只出去一次就夠。甜品時間～有廚師表演火焰雪山，大家都睇得幾開心，蛋糕味道就偏甜d。雖然整體食物款式唔算多，但食物質素偏高，而服務質素很好，坐低慢慢食感覺很好，下次會再光顧～

見kkday買一送一，以為好著數，搶完之後發覺仲有好多仍未賣出，心知不妙，再睇下評論，已經擔心中伏，但安慰自己只是別人要求太高，但當我食完之後 ，簡直係我食過最差嘅lunch buffet， 已經超越左文華東方了！一坐埋位未食已經唔開胃，見到張枱上面全部都係黑色霉點， 枱與枱之間非常擠迫 ，未食已經大打折扣， 食物水準果然跟得上，種類少之餘，都係一啲唔新鮮嘅海鮮及刺身，舊燒牛肉竟然係9成熟，甜品仲搞笑，雪糕要配給，雖則係任食，但唔明點解要侍應逐個客落單再送上，咁樣啲侍應多了很工夫，又要keep住收碟速度，實難免面上看不到笑容， 切刺身的師傳也好像全世界欠他似的，全場唯一好食嘅就是即煮意粉，其實，其實食物質素及用餐環境做不好，就算買一送十也不會有人幫襯

「和風夏抹」下午茶七月媽媽生日，見到港麗酒店嘅下午茶有買一送一優惠，就訂黎同媽媽正日去食。鹹點蟹肉青蘋果沙律小圓餅新鮮蟹肉同青蘋果碎融合,搭配香脆酥鬆的薄餅，口感層次豐富龍蝦三文魚籽三文治龍蝦肉味道唔太突出，食材搭配比較單調，而且份量略少紅菜頭醃挪威三文魚蘆筍卷酸甜適中的紅菜頭同三文魚好夾，蘆筍的清脆增加了口感艾草雲呢拿泡芙外皮不太酥脆，但內餡幾濃，帶有淡淡的雲呢拿香氣椰子薏米布甸清新的椰子味同薏米粒的口感增加左層次，這個配搭十分有驚喜和風綠茶大福大福糯米皮軟糯，內餡的抹茶餡料味道濃郁經典鬆餅外表不太討好，但內裡鬆軟濕潤，搭配鮮奶油，紅豆醬和柚子果醬，質素幾高整體黎講，這款下午茶嘅抹茶item都幾出色，雖然唔係所有食物好好食，但配搭都幾有創意，加上waitress 服務專業，表現熱情周到今次Conrad 下午茶與Tatcha crossover，送出white cream，tonic，match cleanse，送俾媽媽用啱哂。

買一送一，嚟試吓港麗嘅自助午餐。環境舒服、好坐，空間感大，侍應服務殷勤，態度好。但食物真係令人失望，選擇少都算，質素又唔高。凍海鮮分別有蟹腳（蟹味淡）、龍蝦鉗（蝦味淡）、青口和蜆。質素一般。魚生有四款，三文魚算肥美，其他正常。熟食麻麻，牛扒韌且無牛味，羊同雞非常一般，叉燒較瘦+鞋。沙律吧就幾優質，兩大櫃幾十種配菜可以揀，連新豬肉都有兩三種，如果鍾意食沙律會幾開心。甜品是難食重災區，意式奶凍完全唔滑，較似啫喱，有一杯直程淡而無味。除咗芝士蛋糕，其他例如紫薯撻和朱古力咖啡cake都好粗糙。最近啲cream好貴咩？雪糕有提供四種movenpick口味，但要問職員拎先有，i人地獄。最後，碟未用就有硬咗嘅污漬，好驚驚。因為之前未嚟過，好難講係咪將貨就價，畢竟二百幾喺金鐘食嘢的確唔算多，但酒店盛名之下，如此質素令人失望。

朋友用咗KLOOK優惠用$958買左個2人自助餐(無需加一), 大家傾偈吹水食吓嘢又坐得耐又任飲啤酒任飲果汁都算幾吸引嘅…..入到去人唔多，今日星期四約四成入座率，首先有個配給嘅鮑魚同埋鵝肝…. 另外原來冇雪糕任食，每人只有得一杯，對於我依個雪糕怪咁呢度扣咗分🤣🤣🤣整體唔係話太多嘢食，但質素中規中矩啦⋯⋯龍蝦煙三文魚都ok, 刺身環節帶子唔係刺身嗰隻，係醃咗嘅呢度呀又差啲…. 中段時間佢有一個火焰蛋糕都可以一試，但又係唔係太出色😂😂出邊泳池有個燒烤位，個羊架反宜唔錯喎⋯⋯而甜品唔多choice, 但個燉蛋ok la. 有時食飯都睇吓食環境傾偈ar, 定要求食物質素，如果400零一位都算OK嘅⋯⋯

Wonderful lunch buffet at the Conrad today, I would come again. 👍🏻The SEAFOOD STATION had a great selection including long leg crab, shrimp, mussels, etc. 🍣 SUSHI & SASHIMI station was very nice too. 🥩🐠 ROAST BEEF & SALMON was a delicious staple. 🥗 There is a fantastic salad station made up of three small stations, which has a variety of salad leaves such as kale - luxurious salad toppings that you could totally create a poke powl with! 😊 DESSERT was delicious too. I loved the BAK KUT TEH.

呢日要係宴會廳出席event, 一黎要隨時ready Stand by二黎費事人多周圍走，為咗方便就行過隔離叫lunch take away啦😉 睇完meau叫埋野食之後，staff好有禮貌，仲邀請我哋入去坐住等 👍🏻👍🏻 過左10分鐘， 我哋既食物巳經有得拎啦，都算快手！！海南雞飯 $260由於我叫外賣，每一個醬汁都分別用唔同嘅細盒裝住，好乾淨，唔會好似其他店甘未食巳經倒瀉曬d汁！ 海南雞飯，我唔太鍾意食油飯就改左做白飯，海南雞好滑，巳經去曬骨，啖啖肉，岩曬我呢d唔鍾意有骨既懶人 🤣🤣 公司三文治 $215都算大份，有4舊，另外會跟埋薯條，新鮮炸起，好脆口，而且夠曬味！而且都會跟埋一枝新既細茄汁！！ 正呀❣️

復活節快到囉(⁎⁍̴̛ᴗ⁍̴̛⁎)! 又是吃自助餐的時候啦～🇭🇰 香港港麗酒店 𝐂𝐨𝐧𝐫𝐚𝐝 𝐇𝐨𝐭𝐞𝐥 的🍴𝐂𝐨𝐧𝐫𝐚𝐝 𝐆𝐚𝐫𝐝𝐞𝐧 𝐂𝐚𝐟𝐞，推出全新的海陸珍寶薈萃自助餐囉💕，想大飽口福，記得早點預約啦～海陸珍寶薈萃自助晚餐🍽️⏰ 𝟏𝟖:𝟑𝟎-𝟐𝟏:𝟑𝟎💰星期日至四: 👨🏻👩🏻$𝟕𝟗𝟖 👦🏻👧🏻$𝟑𝟗𝟖💰星期五&六及&公假: 👨🏻👩🏻$𝟖𝟑𝟖 👦🏻👧🏻$𝟒𝟑𝟖～冷盤海鮮: 法國生蠔🦪、波士頓龍蝦🦞、加拿大鱈場蟹腳、大蝦及蜆。龍蝦大隻又鮮甜，肉質結質。凍蝦質素也不錯，好鮮美。～壽司: 海膽🍣、三文魚、八爪魚、魷魚、吞拿魚、玉子、加州卷和雜錦壽司。壽司款式多😆，每款都不俗。～戶外燒烤: 澳洲和牛牛頸脊🥩、紐西蘭羊架、豬頸肉、羊肉腸、菠蘿片🍍。燒烤由外藉大廚親自主理，甚有風味。～熟食:澳洲穀飼𝟏𝟎𝟎日牛肉、即煎鵝肝、金葉庭出品的北京片皮鴨、意大利釀無骨豬手、紅酒燴牛臉頰、清湯牛腩麵、自家製喇沙等等。當中我比較喜歡由師傅即包的片皮鴨和軟腍的紅酒燴牛臉頰😙，媽媽說喇沙也好有香濃，好惹味呀!～甜品: 士多啤梨拿破崙🍰、藍莓芝士蛋糕、朱古力布朗尼、焙茶慕絲蛋糕、雲呢嗱焦糖燉蛋、意大利芝士餅、蘋果金寶、牛

港麗酒店自助餐廳咖啡園終於開番啦‼️佢哋最近推岀嘅 「海陸珍寶薈萃」自助晚餐，食物種類多非常吸引，有新鮮海鮮、惹味烤肉、美味刺身、高質熱盤、甜品、任飲果汁、啤酒、汽水，另外加$120仲可以無限添飲指定紅酒、白酒及氣泡酒🥂😍 如果生日之星喺生日月份內預訂自助晚餐，餐廳仲會奉送迷你生日糕點𠻹🎂🥳推介：🔸海鮮🔸每位享用自助餐嘅食客都有4隻即開法國生蠔🦪，肉質鮮甜滑嫩，仲有用上傳統粵式手法燜煮嘅紅燒原隻十頭鮑魚，鮑魚軟腍入味；而冰鎮海鮮方面就有鮮波士頓龍蝦🦞、加拿大鱈場蟹腳🦀（大推👍🏻👍🏻）、大蝦🦐、蜆，樣樣都好新鮮，refill得好快～🔸戶外燒烤區🔸一出到去就聞到濃濃煙熏香味，可以食到多款惹味烤肉：澳洲和牛牛頸脊、紐西蘭羊架、豬頸肉、羊肉腸、燒菠蘿等～🔸即切烤肉🔸澳洲穀飼 100 日牛肉眼🥩 帶濃郁牛肉香，肉質細嫩，油脂豐富～🔸熱盤區🔸必定要食佢哋入口即化嘅即煎鵝肝，配多士食簡直一流！仲有金葉庭出品嘅北京片皮鴨，鴨皮金黃酥脆！意大利釀無骨豬手、紅酒燴牛臉頰亦都唔錯～🔸亞洲風味麵食區🔸有得食清湯牛腩麵、自家製喇沙🍜，配料可以揀澳洲珍寶帶子、越南大蝦～🔸和風之選🔸海膽壽司必定要試，夠甘甜，仲有三文

幾年前曾經同同事食過lunch buffet，見klook做快閃優惠買一送一，就帶男朋友再去試一試！.聽講係新裝修過，畀我嘅感覺同之前差唔多，一樣新淨企理👍🏻 地方細細，勝在樓底高，幾開揚舒服。加上顧客都係商務客同外國人比較多，少遊客團，所以大家都好悠閑輕鬆😁食物方面一樣係款式唔多，不過食得出食材都幾新鮮，味道細緻d，幾啱我哋口味。例如海鮮，雖然得蝦、蜆、長腳蟹蟹腳、蟹鉗四款，但都幾鮮甜，尤其蟹鉗啖啖肉，好食😋魚生方面，有男朋友鍾意食嘅希靈魚，佢好滿意😂 睇落三文魚十分受歡迎，一開始職員都好快refill，係到後段時間大家都食飽，就冇再refill，原本想再食多一輪都冇辦法😂.熟食部分，比較特別係可以即場自選意粉配搭，因為一般自助餐都係湯粉，而我個人好鍾意食意粉，所以前後試咗兩款，都好好味👍🏻👍🏻.佢有好幾種麵底款式，除咗一般長意粉、長通粉，仲有墨汁意粉、菠菜意粉等等，醬汁可以揀白醬、番茄醬或者番茄肉醬，亦可以加辣、加芝士粉，topping就有煙肉同蘑菇。建議大家一試😁甜品其實好多款，我自己最鍾意法式焦糖燉蛋😚 仲有mini雪糕，十分滿足。整體嚟講，今次用餐愉快，職員都好友善熱心👍🏻有

員工服務態度非常好👍🏻，食物種類不多，但每款食物在klook 買一送一這個價錢合格以上。包一杯飲品。海鮮有長腳蟹鮮蝦，蜆肉及青口。魚生有三文魚,希靈魚,吞拿魚,𩶘魚及壽司。另有煙三文魚，paraham,沙律吧 ，熱食有驚喜，是有片皮鴨。中西湯非常好，飲有蘑菇湯及赤小豆湯。另有廚師煮意大利粉，螺絲粉，西冷牛扒，豬肋骨。有蒸魚，牛腩，蔬菜，伊麵，排骨等。燒味有叉燒及白切雞，甜品有芝士蛋糕，焦糖燉蛋,tiramisu等。盒裝雪糕是Häagen-Dazs。有切粒生果。如果刺身是即切或在雪櫃夾取會更加新鮮，現在只是隔空放在冰上，如果夏天的時間這樣存放2.5 小時我相信除了初初放出嚟之後我未必會敢再夾，可增添點心更好。

之後九月就同朋友去左港麗酒店既自助餐咖啡園食飯咁港麗最出名就係個brunch自助餐名氣就相對差好多不過當時六個人就搵唔到咩大優惠但就見到咖啡園做緊買二送一岩岩好買兩份就可以湊到六個人價錢每三個人1756減左master卡滿900-100優惠就變成1646即係差唔多550蚊位已經係呢幾餐自助餐入面算貴些少既咖啡園自助晚餐既用餐時間係我去過全香港最少既由六點半去到九點半只得三個鐘但正價連加一都要成八百幾蚊位一樣可以係太古廣場中庭搭lift上到黎5樓轉左一入港麗酒店就係咖啡園今日平日星期四客量大概都只有六成左右中秋月份外面泳池都有個綠色大燈籠地方唔大見到佢地都個椅貼椅咁坐不過我地張六人檯就大過文華東方好多檯面有棧綠色方塊形狀既燈飾自助區同食早餐果時擺位一樣證明野食都一樣唔多比較細張有冰既凍檯就已經係擺左海鮮同甜品凍海鮮有五款其中兩款係龍蝦無麵包蟹雖然呢間自助餐質素整體都麻麻但龍蝦竟然係呢一年食過比較高質既白雪雪有甜味直頭係同港島香格里拉既cafe too一樣口感另外呢度係有生蠔既不過就同上面八樓brunch一樣都係行配給制每人只有兩隻都幾大隻咖啡園飲品係自助任fill有果汁汽水仲有啤酒比普通

提前食聖誕大餐, 因為係金鐘5星酒店, 所以價格都唔便宜, 兩大一細要2100蚊+港麗酒店的裝修好靚,  外面泳池都整了幾棵亮燈的聖誕樹, 影相一流.枱同櫈都大張, 坐得舒服侍應及廚師都面帶笑容, 好有禮貌, 收碟亦好快手, 食物方面凍盤的龍蝦及麵包蟹好高質, 肉檔的煎三文魚及燒牛扒亦好高質.熱盤的薯蓉, 千層寬條麵好食.麵檔有大蝦, 帶子, 喇沙湯底好香濃燒味檔的海南雞飯, 師傅仲會預熱雞件才切, 好貼心.外面仲有個燒烤區, 有腸仔, 雞翼, 菠蘿, 牛仔骨等.加上果汁, 汽水, 啤酒任飲, 小朋友最開心.中途仲送有 : 生蠔每人兩只, 煎帶子每人一只, 栗子撻每人一件, 仲有個即整的橙酒士多啤梨.但係, 食物區太細, 種類太少,  食得真係唔儘興.凍海鮮只有5款,  長腳蟹都無,  好失望.熱盤的選擇亦唔多,  行兩次已經無野再想拎. (所以我才食了海南雞飯加喇沙)刺身得幾款大路嘢, 見到都唔想拎.最差就係甜品區, 除了幾款雪糕杯, 三款蛋糕, 一盤切好的生果, 無了, 以前有的炒雪糕, 煎班戟, 即焗梳芙里, 烤芝士, 全部無晒, 連雪糕旁的彩糖, 朱古力碎, 餅仔全部都消失了.