咖啡園

營業中

休息中

今次試佢地嘅早餐係因為包左係staycation package 裡面嘅。 環境唔錯，因為我地8點左右就落去，所以就坐到窗邊位置，可惜上星期天氣都唔太好，不停落雨，加上疫情關係泳池又關閉，所以就算坐係泳池隔離都冇特別正嘅感覺🤦🏻 不過天氣好又有開返泳池就會好好多我相信🧐 食物選擇方面唔算好多，不過就中、西、日式等嘅早餐都有，所以都過得去啦✌🏻 味道方面都唔錯，中規中矩，如果你問我要自己額外比錢會唔會黎食嘅話，就應該唔會啦🧐 不過值得一讚嘅係酒店職員好有禮貌，服務非常好👍🏻 例如奄列可能製作要少少時間，職員就叫我地可以返去食住野先，之後就送過黎比我地👍🏻

今次在Conrad酒店的Staycation絕對超值，除了有一晚住宿，一個二人四道菜晚餐，還有雙人自助早餐。早餐的地點在酒店一樓的Garden Cafe，這裏樓底很高，旁邊有落地玻璃窗，十分之光猛，坐得舒服。入座後，先巡一圈，看看有什麼選擇，喜歡佢款式十分之多，冷熱及即煮都有提供，就好似第一張相，麵包也有這麼多。👍🏻👍🏻👍🏻 可惜麵包不是我朋友，所以無揀。凍盤同樣選擇豐富，有多種蔬菜、芝士、三文魚及各種火腿及腸，我挑了煙燻三文魚，沙律菜、blue cheese 及油醃三文魚。沙律菜同三文魚都很新鮮，三文魚帶有少少咸香，配沙律菜一流。它沙律有多種醬汁可選，充滿健康的感覺。👍🏻👍🏻👍🏻熱食也有很多選擇，五星級酒店應有的佢都有。而我喜歡其奄列，即叫即做，蛋煎得香滑，好味！(可惜忘記影相。）😋😋😋 除咗奄列，佢亦都有即煮的雲吞或雜丸麵，我叫了牛丸、豬肉丸、龍蝦丸生麵，味道正宗，生麵有水準，爽口彈牙。👍🏻👍🏻👍🏻另外，我每樣熱食都攞D試吓，味道唔錯，尤其是燒賣及豉油皇炒麵，比多好酒樓好。😋😋😋甜點方面，它亦有很多選擇，試了蛋撻仔，味道略為遜色，不及茶記的皮鬆脆。👎🏻 由於已飽，無試格仔餅。水果亦

🇭🇰Garden Café ·我地今次呢個package係係klook book既 海景房連埋稅$2,800 包左nicholini’s既四道菜晚餐 聖誕afternoon tea set同埋早餐 再送左支紅酒 所以係真係免費住間房咁 超正🥰🥰·Breakfast Buffet $318佢個早餐就正正常常啦 係個egg station比較有驚喜 佢個omelette同太陽蛋都真係整到啱啱好 唔錯🍳😍之後佢啲cold cuts都揀得唔錯 不過啲pastries就一般般 唔係太酥脆 而且我地試個幾款食落都偏甜🤭反而佢中式嘅嘢食做得唔錯 佢個叉燒包好鬆軟 個菠蘿包同蛋撻都幾好食 不過佢啲點心比人攞曬就會轉款 所以如果大家想食就記住即刻夾唔好等😂😂之後佢個麵檔嘅幼麵都煮得幾好 不過啲餸就一般般 其他野食零零碎碎 普普通通咁我就唔特別講啦😎😎·#rbyeat #rby好去處 #rbystaycation#rby西餐#rby金鐘·📍金鐘金鐘道88號太古廣場港麗酒店

食物種類太少，龍蝦限量一隻，燒烤一般。海鮮和熟食太差，魚唔知咩魚，熟食係豬手，最多的就是麵和飯。相我都懶得影，如果要話好，就係生果菠蘿幾甜，就咁多喇。waiter服務係幾好的

第一次見識到咁差自助餐Join 左個staycation package 包自助晚餐同早餐先講下晚餐唔好念住食回本野，我睇晒全場全部都係平野，生果蔬菜🥬就好多，如果素食應該都好多選擇😂😂，如果念住食回本野…….念多左😚-款式種類係我食過咁多間 最少的一間-海鮮無龍蝦🦞、無麵包蟹、生蠔 係全無，得長腳蟹（超一般，無特別，呀…好細條）翡翠螺、蝦🦐、仲有2款cheap 野 ，係咁多，- 每人有一隻即煮的龍蝦🦞，都好味嘅😝，-其它啲野食無咩想講-本來見佢有戶外燒烤野食有啲幼想😍，點知出去去完全O 嘴，雞翼、腸、羊架菠蘿🍍、哈哈係咁多……..可能仲有1-2款我見唔到…..大佬唔係麻….得果幾樣野同人講到戶外BBQ 有既燒野食…….完全失望到極點，跟住念住反影下意見，原來個職員睇黎都已經聽慣左負評😂😂😂，佢都有禮貌嘅呢度除咗野食唔得外，環境同職員服都幾好補充一下，第二日早餐係完全好食同多野擇，萛係食過中好果幾間黎。但點解個反差咁大🤦🤦🤦，完全念唔明我覺得夜晚果餐自助餐係完全唔值錢，我覺得應該回水….痴線家….係咁啲5星級酒店俾啲咁嘅野人食，少到可憐🥺….$199都俾多佢啦 ，我行左一轉都已經唔知食

所謂分2輪, 第２輪冇添加食物, 只係燒牛肉,三文魚, 剩左既龍吓腳，好失望。仲有Ｄ人坐位後，食野中搵個西人經理投訴話Ｄ坐位太貼，投訴後仲有香檳送!咁都得。其實去過好多次，12:30 lunch buffet 係OK既，但係好難訂位，但分兩輪時間就變左食Ｄ咁既野，得幾張枱既人，不如做Tea Buffet好過啦，極失望

一家四口👨‍👩‍👧‍👧係Klook book 了staycation 慶祝兩個囡生日，$48xx包兩間山景房及4人早晚自助餐。自助晚餐遇到朋友係上址任經理，刻意安排了一個室內靠窗位置，闊落舒服，更送上一個生日蛋糕，一盒馬卡龍，氹得小朋友好開心。更送我們一家全場香檳、紅酒，果汁汽水任飲。氹埋大人都好開心，真心多謝。自助餐選擇不算太多，但服務環境搭夠。自助餐中牛扒相對較出色。室內有燒烤區，選擇亦不算多。甜品最美味的是焦糖燉蛋和合桃蛋糕。早餐相對更為豐富

包早餐嘅staycation就係一個good morning 😊由於我要返工，所以晨早7:30就自己一個人落嚟食早餐先。全餐廳得我一台客，好似包場咁，好舒服。早餐來講選擇都算ok，菜式正路，佢分咗唔同section，由歐美早餐，中式早餐，意式三文治，日式早餐，egg Station ，沙律，水果，ham，cheese，yogurt，pastries。我覺得中式選擇最豐富，有4、5款點心，炒飯，炒麵，粥，noodle station，味道ok。重有一係列果汁同埋水果，包早餐的話係OK嘅，要俾錢就未必會食。

小朋友最開心係Staycation連早晚自助餐，佢哋見到咁多嘢食真係好開心，尤其是咁多甜品同雪糕選擇。呢度嘅餐廳唔算大，但係樓底超高，所以坐得好舒服。呢度食物選擇並不多，有正路嘅燒牛肉，火雞，中式燒味，海南雞飯，中湯西湯，蒸魚。冷盤有波士頓龍蝦，蟹，青口，田螺。魚生有三民魚，吞拿魚，劍雨，八爪魚，蟹柳，甜蛋，全部都係大路嘢。至於室內位置，有一個BBQ Station，主要有迷你漢堡包，燒腸，燒魚，燒蝦。甜品蛋糕幾多選擇，雪糕係Häagen-Dazs。任飲酒精飲品另加$120。呢度食物選擇真係唔多，味道亦都只係一半，相同價錢有其他更好選擇。而家入秋嘅天氣，涼涼地，坐室外就非常好。

在Kloox網見到有Staycation 優惠,不愧是Conrad Hotel為5星級酒店，無論是客務部，大堂，住宿自助餐廳，全部服務都很貼心！食物方面質素不錯，但若正價價錢比較，相同價錢，款式及甜品則不及其它酒店！自助晚餐方面，海鮮也供應充足和新鮮，龍蝦，青口，蜆，翡翠螺和很入味的辣酒煮花螺是我的至愛，若愛吃生蠔則欠奉了！其中甜品🍮焦糖燉蛋太好味了，忍唔住吃了二份！因是被安排戶外燒烤區，雖然有足夠風扇不覺熱，但掃興的是被蚊子咬了三啖，雖然有蚊怕水供應，但進食時要抓痕真是不好受😭自助早餐則中式西式都有，雖然點心種類款式不多，但都是正常早餐選擇，所以一個鐘早餐時間剛好！若以正價購買自助餐，便稍為昂貴了！

係klook book左港麗酒店staycation package, 包左有自助晚餐，食完無諗過咁普通🤨唔知係咪staycation關係，自助餐質素會下降呢🤔海鮮凍盤好失望無生蠔同長腳蟹，得龍蝦，青口，蝦，沙白峴同螺。龍蝦食左兩隻都痴肉，跟住無再攞過啦。蝦就唔錯，爽口彈牙。最想講呢個甜品區，真係攞攞地命，佢唔係自助形式嫁，係1個店員拎比你嫁，留意係得1個店員😲大家好似去餅店咁要邊件要邊件🤨個個都起碼拎6-7件，後面條龍就等呀等呢度真係好一般，要比正價真係唔會黎

Staycation 二千一百幾蚊包左一晚酒店加dinner buffet同breakfast buffet之前睇過下食評，都有啲期望以為會有啲野食下，結果就認真麻麻，種類係有嘅，但味道就一般，冇話邊樣野特別出眾好食晚餐自助餐有龍蝦，凍蝦，螺，青口咁，呢啲龍蝦好食極都有限，凍蝦就算有驚喜，都大隻同爽口鮮甜，螺都過得去，都算甜既個青口都ok,中華沙律同螺肉呢啲冇得輸㗎啦都係嗰個味😂之後就開始食素之旅，沙律區區有羽衣甘藍呢個OK嘅，同埋佢有一盆水果，入面有火龍果士多啤梨藍莓菠蘿橙等等，成個人感覺即刻健康咗😂😂😂完全冇諗過去酒店食晚餐自助餐會食呢啲除咗室內，佢室外泳池個位仲有啲燒烤嘢食，燒羊架生蠔同蝦等等，但係我就冇試到喇八點左右仲有個火焰雪山表演睇，我都係無食到既第二朝嘅早餐自助餐有呢啲包點，感覺都幾高級既，又有啲中式嘅點心，粥，水果，煎奄列等等嘢飲方面有牛奶，橙汁，西柚汁，乳酪等等注意:晚餐自助餐，只包一杯餐飲，如果需要飲果汁豆奶等等，需要加$80再加一，如果需要飲酒精類就需要加$120再加一

暑假一家人去staycation, 雙人房$2200左右包自助早餐及自助晚餐。之前有睇過食評，普普通通所以期望唔大，自助晚餐分兩段時間，我食20:00呢一段。熱葷：香草新薯+忌廉薯，兩款薯仔我覺得爭d，有d似攞嚟擺既多過比客食（我目測冇人夾過新薯）焗鱸魚柳/三文魚柳，普普通通合理味道忌廉什菌長通粉，偏淡，長通粉超硬（比平時可食用既更硬），煮得唔夠身燴什菌牛肉，不覺不失蒸魚，冇特別印度咖哩雞，算好食燒鴨叉燒油雞，中規中矩花膠炆冬茹，合理味道什菌扒菠菜，好淡炆豬手……可試可不試揚州炒飯/伊麵燒烤：雞亦，羊架，蝦，牛仔腸，味道亦只能講合理，羊架太熟燒肉：燒牛肉，嫩，pink水準之上燒豬鞍，嫩，比燒牛肉更好食，可惜出左一大條之後冇再出（可能因為食20:00，冇再燒多一條，出完就冇）成餐自助餐最好食係呢條有骨燒豬鞍燒雞，冇試…… 望落去一般跟燒肉既烤蔬菜，幾好食，烤黃茄子同黃椒好好食燒汁，黑椒汁，辣茄汁同另一款汁都好好味刺身壽司，自助餐普通野沙律吧，菜類沙律選擇少，唔吸引Cold cut：凍牛好好食，個醃三文魚都唔錯凍海鮮：龍蝦，蝦，青口，文蛤，翡翠螺，普普通通甜品：選擇唔多，Apple cr

尋晚同一家人去咗港麗酒店Garden Cafe食自助餐慶祝生日，以前經常去，近幾年少咗，6點到，入場後，食物款式極少，凍海鮮連蟹腳都冇，第一道菜試了龍蝦，食落好似咬緊舊膠，又硬又乾，冇鮮味，然後試了三文魚，吞拿魚，八爪魚刺身，吞拿魚啲筋係咬唔倒，食唔落。跟住試咗牛扒同豬肉排，肉質鞋到媽媽聲，户外有個燒烤爐，我都未試過，未夠半個鐘，個燒烤爐就壞咗，食到6:30 ，已經想走人，連埋+1每個人七百幾，差過三星酒店，碟海鮮沙律，十足十似啲嘔吐物。值得稱讚就是同大堂經理的服務態度非常專業，我同他投訴食物質素，佢特登叫廚房整咗件西冷出嚟，唯一一件啦食得落口就係呢件西冷，仲送咗個生日蛋糕仔比我屋企人，最後又打左個折頭俾我。可惜嘅就係一家人出嚟係希望食到美食，食得開開心心，唔係食服務態度。未試過係一間五星級酒店，食完係咁反胃同反感。

今次參加左某橙色平台嘅 Staycation Package，房價包括 Nicholini's 4-course 晚餐、行政貴賓廳下午茶及黃昏雞尾酒、Garden Cafe 自助早餐。下午茶可以選擇係LL層的 Garden Cafe 或59樓的 Lounge 食。 Lounge 係自助形式，而 Garden Cafe 就可以有三層架 serve，比你影吓相。隔日早餐亦可以揀係59樓 Lounge 或LL層 Garden Cafe，因為見識過 Lounge 嘅自助區域比較細，所以我哋揀咗去 Garden Cafe 一個 proper 啲嘅 buffet 餐廳。我哋選擇咗係 Garden Cafe 食下午茶同埋早餐。當日我哋去 Garden Cafe 只有我哋一枱下午茶，侍應們忙著晚市 buffet 不停走來走去執枱都無理過我哋…雖然話就話係有三層架，但食物又唔夠靚又唔特別好食……基本上都冇乜邊款值得添食。我哋坐咗係泳池邊位，但係有野遮住所以只可以得罅位望到出去，所以其實都冇乜景色，都幾侷促，加上佢樓底高唔夠冷氣，晏晝坐果個位直程係熱。至於早餐，我哋平日去居然都要排隊，早餐選擇正常，比較特