咖啡園

營業中

休息中

暑假一家人去staycation, 雙人房$2200左右包自助早餐及自助晚餐。之前有睇過食評，普普通通所以期望唔大，自助晚餐分兩段時間，我食20:00呢一段。熱葷：香草新薯+忌廉薯，兩款薯仔我覺得爭d，有d似攞嚟擺既多過比客食（我目測冇人夾過新薯）焗鱸魚柳/三文魚柳，普普通通合理味道忌廉什菌長通粉，偏淡，長通粉超硬（比平時可食用既更硬），煮得唔夠身燴什菌牛肉，不覺不失蒸魚，冇特別印度咖哩雞，算好食燒鴨叉燒油雞，中規中矩花膠炆冬茹，合理味道什菌扒菠菜，好淡炆豬手……可試可不試揚州炒飯/伊麵燒烤：雞亦，羊架，蝦，牛仔腸，味道亦只能講合理，羊架太熟燒肉：燒牛肉，嫩，pink水準之上燒豬鞍，嫩，比燒牛肉更好食，可惜出左一大條之後冇再出（可能因為食20:00，冇再燒多一條，出完就冇）成餐自助餐最好食係呢條有骨燒豬鞍燒雞，冇試…… 望落去一般跟燒肉既烤蔬菜，幾好食，烤黃茄子同黃椒好好食燒汁，黑椒汁，辣茄汁同另一款汁都好好味刺身壽司，自助餐普通野沙律吧，菜類沙律選擇少，唔吸引Cold cut：凍牛好好食，個醃三文魚都唔錯凍海鮮：龍蝦，蝦，青口，文蛤，翡翠螺，普普通通甜品：選擇唔多，Apple cr

尋晚同一家人去咗港麗酒店Garden Cafe食自助餐慶祝生日，以前經常去，近幾年少咗，6點到，入場後，食物款式極少，凍海鮮連蟹腳都冇，第一道菜試了龍蝦，食落好似咬緊舊膠，又硬又乾，冇鮮味，然後試了三文魚，吞拿魚，八爪魚刺身，吞拿魚啲筋係咬唔倒，食唔落。跟住試咗牛扒同豬肉排，肉質鞋到媽媽聲，户外有個燒烤爐，我都未試過，未夠半個鐘，個燒烤爐就壞咗，食到6:30 ，已經想走人，連埋+1每個人七百幾，差過三星酒店，碟海鮮沙律，十足十似啲嘔吐物。值得稱讚就是同大堂經理的服務態度非常專業，我同他投訴食物質素，佢特登叫廚房整咗件西冷出嚟，唯一一件啦食得落口就係呢件西冷，仲送咗個生日蛋糕仔比我屋企人，最後又打左個折頭俾我。可惜嘅就係一家人出嚟係希望食到美食，食得開開心心，唔係食服務態度。未試過係一間五星級酒店，食完係咁反胃同反感。

今次參加左某橙色平台嘅 Staycation Package，房價包括 Nicholini's 4-course 晚餐、行政貴賓廳下午茶及黃昏雞尾酒、Garden Cafe 自助早餐。下午茶可以選擇係LL層的 Garden Cafe 或59樓的 Lounge 食。 Lounge 係自助形式，而 Garden Cafe 就可以有三層架 serve，比你影吓相。隔日早餐亦可以揀係59樓 Lounge 或LL層 Garden Cafe，因為見識過 Lounge 嘅自助區域比較細，所以我哋揀咗去 Garden Cafe 一個 proper 啲嘅 buffet 餐廳。我哋選擇咗係 Garden Cafe 食下午茶同埋早餐。當日我哋去 Garden Cafe 只有我哋一枱下午茶，侍應們忙著晚市 buffet 不停走來走去執枱都無理過我哋…雖然話就話係有三層架，但食物又唔夠靚又唔特別好食……基本上都冇乜邊款值得添食。我哋坐咗係泳池邊位，但係有野遮住所以只可以得罅位望到出去，所以其實都冇乜景色，都幾侷促，加上佢樓底高唔夠冷氣，晏晝坐果個位直程係熱。至於早餐，我哋平日去居然都要排隊，早餐選擇正常，比較特

sᴛᴀʏᴄᴀᴛɪᴏɴ ᴛɪᴍᴇ今次就去咗港麗酒店 staycation呢一個package 包自助晚餐同早餐，仲有一個外賣下午茶☕️兩個人大概2000幾，都幾抵食😆今個posts 先介紹佢既晚餐buffet~自助晚餐凍海鮮有蟹鉗、青口、龍蝦、螺同蝦，質素都唔錯，蟹鉗同龍蝦啖啖肉🥰日式刺身都有四款，質素正常ʕ •ᴥ•ʔ冷盤有四至五款同埋有沙律吧🥗熱食方面，主要係西式為主，但係得八盤左右🥺炸物就有六款左右，仲有少少中式熱同埋粉麵檔！即刻切既肉類反而多啲選擇，除咗牛豬雞，仲有羊同好大條既香腸😆甜品方面，款式都係10幾款🍮佢嘅brownie 好食，有啲橙味！仲有Häagen-Dazs雪糕🍦加埋落窩夫好正🥰佢仲有三次嘅限時食物，特別係千島醬海鮮沙律、黑松露意大利飯同車厘子橙酒配朱古力雪糕😚意大利飯同甜品都唔錯(⁎⁍̴̛ᴗ⁍̴̛⁎)以晚餐嘅質素來講，食物種類少咗啲🥺質素不過不失😉如果唔係package 包可以唔食😂

sᴛᴀʏᴄᴀᴛɪᴏɴ ᴛɪᴍᴇ今次就去咗港麗酒店 staycation睇完晚餐buffet，梗係要睇埋佢嘅自助早餐✨本身10:00 去到，等到10:20 先入到去，好彩餐廳都安排先可以食到11:30，不過11點野食就會收~ 自助早餐早餐反而有驚喜，食物種類嘅數量同晚餐差唔多，證明晚餐真係好少選擇🤣早餐西式中式都有，常見既all day breakfast配菜同中式點心、炒麵都有，仲有粉面檔、沙律吧同cereal, yogurt! 即刻整既奄列好好味🍳好多料又好重蛋味(⁎⁍̴̛ᴗ⁍̴̛⁎)日式既蒸蛋同三文魚都好好食😋煙三文魚、火腿個啲都好正，仲可以配蜜瓜🥳麵包方面有好多選擇！港式嘅菠蘿包、椰絲包、香腸包、餐包都有😙椰絲包幾好味！西式方面，牛角包、唔同種類嘅酥同窩夫都有🤤味道不過不失，我就最鍾意jam同朱古力酥🥐

食夜晚Buffet，真係好難食！款式好少，海鮮、刺身唔新鮮，熟食都係得幾款，感覺全部野食加埋唔夠40款。未食過5星級酒店有咁難食嘅Buffet甜品蛋糕叫正常，雪糕得dreyers三款味道泳池位有BBQ，但啲野食燒到勁乾好難食重點，同行人士食完第二日嘔左全日，有幾個不停柯，貼錢買難受！！本身無打算寫食評所以無咩影相，但食到柯嘔真係不能接受！

今天同朋友去食自助午餐，之前已經食過呢間幾次都覺得唔錯，所以今次再去。今日發現海鮮種類太少，只有波士頓龍蝦鉗，蝦，青口，螺。 沒有蟹腳同龍蝦！ 實在非常失望！未食已經有衝動想離開！另外壽司見到個樣已經唔想食，又沒有刺身！熟食種類又唔多，款式唔吸引！甜品只有幾款，雪糕只有Dryers杯裝，之前都有Movenpick！星期六食要498，恒生卡8折，埋單都要450，完全唔值！沒有下次了！希望想去食嘅人，諗清楚先！

Staycation 最開心瞓醒後可以食個極豐富嘅早餐，我們一早到來當然行一圈睇吓有什麼好食，通常我都睇下點心先，款式還可以啦！尤其有一個係豬豬樣好可愛呀，另外當然有即場煮嘅奄列，有沙律、麵包、西式早餐、日式早餐⋯⋯等等，不過我個人覺得酒店嘅中式點心就一般般啦！西式食物都keep到水準，另外早餐服務方面還可以服務員反應都很快，當然他們的咖啡非常好飲👍🏻畢竟是自助餐所以人流比較多！Staycation 包早餐也是一種享受！

第一天晚上：入住package包了兩小時自助晚餐，食品款式算多元化，但質量普通，如要付全費，個人覺得有更好的選擇，如今staycation包了，當然是抵假期關係，當然非常多人，但座位有一定的空間，不錯👏🏼第二天早上：吃自助早餐，Order了煎雙蛋，但這份雙蛋實在令人很懊惱，怎會有這麼多鑊屎都給客吃向經理反映意見，經理處理得不錯👍🏼，取走鑊屎煎蛋🍳，再煎過給我們。等了若干時間，煎雙蛋呈現眼前，當然一粒鑊屎也沒有，還有燶邊和煎蛋底，好吃經我們從碟的大小和暗花紋觀察，及等了很久的時間，推測這雙蛋是廚房弄的，果然，我們推測是對的，經理處理得令人滿意😏

復活節假期前夕，係Klook book 左個港麗酒店Staycation package，包一晚普通酒店房住宿加二人咖啡園Lunch Buffet同Breakfast Buffet，$2000樓下就得啦，平又好似唔係特別平，不過我地帶左兩個幼童都唔另外收錢，即刻就變左好抵。首先食餐咖啡園Lunch Buffet先check-in。印象中可能好多年前黎過咖啡園一次，不過已經唔多記得。呢度既buffet table好集中，可以話方便但係都可以話集中左d人流所以有d逼。凍海鮮有龍蝦鉗，蝦，seafood salad，青口。龍蝦鉗要自己再補剝殼，有d麻煩，d龍蝦肉又無味，試左一次就無再試。蝦又要自己剝殼又無味。Seafood salad靠個醬又係無味。青口比較好因爲較爲有少少海鮮味。刺身終於可以自己夾！主要係三文魚，希靈魚同間中有一次見到有蝦。三文魚正常，希靈魚爽脆，蝦都可以。壽司有好多款不過我少食，有蝦壽司，不過其他款主要係平價壽司，唯一一次見到有鰻魚，試過都正常既。其他飯卷我都無食，不過我d小朋友食左好多！前菜有五香牛腱，中東米沙律，牛脷沙律，意大利青瓜黑醋沙律，意式香腸等等。試左牛脷沙律

作為一個好喜歡食酒店自助餐嘅人，Conrad嘅自助餐係我細細個已經經常黎嘅一間。呢度地方唔算好大，食物種類亦唔算好多，但有時候大同多反而未必代表精。每次黎都會好想食呢度嘅厚切燒牛肉酒店作為金鐘三寶之一，餐廳員工訓練有素，食物烹調同食材嘅新鮮度絕對不需要擔心。是日黎食星期日自助午餐，海鮮有大大隻長腳蟹、波龍鉗、海螺、青口同蝦。每一樣都好新鮮！此外，壽司好精緻、熟食都好熱好惹味，個人推薦黃金炸大蝦！甜品每一樣都細細件俾你可以試多幾款，非常好！

buffet怪食過呢度幾次，因為方便容易訂到位，一班朋友揾地方食下hea下，係臨急揾地方的不二之選推介凍海鮮，龍蝦同蟹腳刺身，迷你片丼都ok熱盤食花膠同燉湯戶外BBQ station:羊同豬仔骨，蝦都不錯甜品就算啦～食下雪糕okHilton gold member有75折其他信用咭，好似恒生有85折

第一次寫食評，因為太懶嘅關係從來都唔寫食評，不過今次真係忍唔住要寫，希望唔好有人同我一樣中計。見到恆生卡黎食自助餐有8折又有人話呢度唔錯，諗住未食過黎試下，點知試完真係難忘。由前菜開始講冷盤海鮮5款：蟹腳，龍蝦，蝦(龍蝦d肉好硬跟本吞唔落，至於蟹腳就好水，蝦就正常野）青口，翡翠螺(唔夠新鮮，嗅都嗅到有陣味)沙律係少有值得讚，用嘅菜新鮮同埋唔係平價菜前菜款式好少，唔夠10款日式魚生壽司就。。算把啦三文魚都無，一黎比幾片赤身你可以唔係腩都超多根熱食菜式種類少都我唔知有咩好食嘅情況下食左片牛扒，又係好硬。。唔飽諗住食碗麵，結果可以選擇嘅係魚片，魚蛋，肉丸，獅子狗。。加埋菜都唔夠10款配料，點解可以連一兩片牛肉豬肉都無去到甜品我已經完全無胃口求其食杯雪糕算所以比唔到意見總括而言，成餐飯除左個地點同服務之外我完全搵唔到有咩其他野係令我覺得自己喺一間5星級酒店度食緊自助餐。特別事件：一）食食下前菜突然有人拎住唔知不停拷，原來係有龍蝦意大利飯，不過唔係特別好食但係佢就攪到有少少嘈。二）出去攞完熱食番黎佢竟然放左杯cherry ice cream 喺我個位，真係好貼心，不過我想講我仲食緊熱野，我都唔知

COVID-19嘅疫情仲未過去，同時亦洐生咗好多新行業，staycation就係其中一樣。以往香港人放大假例必去日韓台呢啲地方旅行。但2020年所有人都被迫留港。好多酒店都推出staycation,一晚酒店包兩餐buffet疫情下我都去咗港麗酒店staycation咗一日。我哋個package係包一晚酒店，一餐lunch buffet同一餐早餐buffet,check in 完就即刻落去食午餐先。午餐嘅選擇比我想像中少好多。最後揀得落手嘅只有海鮮同生果。有啲失望

好似好耐無來Conrad garden cafe食lunch，今日又來睇下有咩嘢食，原來有改善左，抵讚，點心有蝦餃和燒賣，之後無架，雪糕用返獨立一個個movern pick,應該係要咁，原因就係衞生問題，Conrad 真係會鈴聽客戶意見，值得嘉許，今日都無食刺身，原因係唔啱食，同埋一碟碟放埋雜錦刺身，唔想嘥嘢，其實最好有個廚師即切，客人要咩即切最好，我都淨係食油甘魚，八爪魚，帶子刺身，其他都唔食，甜品個apple pie係超正，好脆口🥂🥂