品味人生中國廚房 (已結業)

星期六日如果女朋友一家人想去飲下午茶的話，品味人生己經是她們的首選。原因？不用說吧，當然是因為價錢便宜，又不用等位啦。這些即興活動，最重要是不要浪費太多時間，若果要像排街症般，等上一個鐘的時間，換來的只會是不快收場。 每次去到品味人生的門口，總覺得裝修很好。有四至六人的雅座，亦有十數人的大圓枱。最特別的是他們用上長靠的椅子作分隔，這相比其他酒家，不單有特式，而且還省去不小空間。其實這裏的食物不算太好，只是一般酒家的貨色，以XO醬蘿蔔糕為例，那些XO醬不是大夠味，食過三次，有兩次都覺得用了太多油。相比起海皇粥店那些嬸嬸親手煎的蘿蔔糕，味道及口感都差很遠。不過，亦不算難入口那種，而是水平一般。最大的問題是選擇不算多，點心只有十多款，炒粉麵亦都只有十多種 。若果需要點第二轉點心的時候，常常有一種點無可點的感覺。不過，若以飲下午茶的份量來計，那算是OK了。一家人坐在一起飲茶，食物質素己經不算太重要了，最重要的是，有一個舒適的環境供家人聯絡感情，談天說地。這一點，品味人生絕對能做到。所以，若果有人問我，星期日去旺角飲下午茶你會介紹那裏，我亦都會推介品味人生。

陪祖母飲早茶,二人撐枱腳二人都細食,所以只叫了四味.皮蛋瘦肉粥,足料,很多皮蛋可是為什麼是瘦雞肉不是瘦豬肉呢?XD感覺上有點味精,不過吊味又何妨?$8.8算是划算鳳爪排骨飯,水準飄忽,有時好吃有時很差今天的鳳爪很正,排骨卻沒味道,飯略油、nim身$8.8馬蹄心太軟,有一粒馬蹄在面,下面順序是,一層酥皮,一層馬蹄糕、一層餅底全都很普通,而且可能因為焙過,中間的馬蹄糕很乾很韌,完全不軟難吃啊萄汁鮮竹卷,不點汁時香脆,吸了汁後鮮味可選用蠔油、上湯或萄汁浸,滿有趣的(腸粉也可選普通的、燒汁或黑椒汁XD)一條內有兩只蝦,算足料.十時才開市,早茶來說算晚,點心也比一般的貴可是味道也比較好.平日來還有糖水送呢將貨就價,整體其實很不錯服務也沒太差喔,茶水添得快,上菜快,執枱快可是執好也不太會趕人走的. 一個就腳的好地方,又適合老人家口味讓我跟我最愛的她共渡了一整個上午

呢日收工同老婆搵地方食野, 係雅蘭中心見到間幾得意既舖頭就入去試試.....首先吸引我地既係哩間舖啲set好似好多野食, 亦都比較多選擇, 又頭盤到甜品每樣都有好幾款可以揀.....我覺得另一樣好既係.....除咗一啲二人set, 四人set, 六人set.....佢仲可以加一位set.....因為臭mm話可能會join我地, 所以就啱晒我地喇.....只可惜啲野食就.....唉.....令我地有啲失望當日我地叫既.....頭盤：XO醬籮白糕, 雞絲粉皮, 椒鹽排骨XO醬籮白糕 - 無咩味道 雞絲粉皮 - 一般, 無咩特別椒鹽排骨 - 太炸, 好"濃", 唔好食盅湯：淮山燉嚮螺, 花旗參燉雞淮山燉嚮螺 - 清清地都唔錯花旗參燉雞 - 哩樣都係清清地, 都ok點心：小籠包 - 其實ok既, 夠熱辣辣, 不過啲皮唔靚容易穿 =.=""主菜：紙包雞, 桑拿石滾肉紙包雞 - 勁油, 無味, 唔好味桑拿石滾肉 - 攞啲肉放落啲滾熱辣既石頭度, 幾得意囉.....熱辣辣都ok, 唯一係太咸炒菜：豆豉炒油麥菜 - 一般, 無咩特別飯麵：茶杯糯米飯 - 好乾, 好硬, 無咩味甜品：芒果布丁, 杞子

今天周六相約友人預祝生日，由於大家都為五斗米而奔波，很難騰出時間，一頓簡便的午飯便算，人生就是這般營營役役，何來品味？到達雅蘭中心直達六樓，登記後很快便有兩人座位了，雖然眼見這裏很大，但感覺都是很迫，很嘈吵。友人點了兩個點心、紙包雞及頭抽乾炒牛河，但最快到的卻是牛河，賣相頗佳，卻感覺少了些芝麻，於是請侍應再加，非常有效率立刻便送到，不知用那一隻頭抽，淡出鳥來。跟著再來一客鹽焗紙包雞，一碟有四件，紙包著一隻雞翼、一塊薑和一段蔥，淡而無味，唔似鹽焗，若我自己煮的味道會比較好。未幾，再來一客叉燒包，用膠蒸籠載著，熱騰騰，包軟熟，醬汁雖夠，不過我覺得色素頗重，味道普通沒有叉燒味。最後一客是牛肉球，也是熱騰騰的，加些急汁，也沒有甚麼特別。不知這食肆是否為了顧客健康還是不懂調味，所有的食物都是很淡的，連基本的調味也欠缺，像告訴我人生就是這般平淡？在品嚐各種食物時，我也有留意四週及拍照，雀巢燈、特長背椅，還有各不同組合的座位，兩人、四人、六人卡位都有，頗能配合不同人數的需要。最後埋單共94元正，不算太貴，而招呼也算不太差，會再來。

同中學同學去旺角，原本諗住去風月堂，點知要等50幾張飛，最後去咗雅蘭中心搵野食。揀咗唔死等位的品味人生。平日有時晏就;都有食開點心，唔知係咪做了一日，晚上既服務好差。我們3人想坐卡位，分別問了2 個著西裝的人，佢地都話check吓有冇booking先，點知冇晒下文，冇人返來話我們知得唔得。當我們想自行過去時，就有其他客坐了那裡。我們被迫坐了一個超迫的位我們點了2 人餐，每次d野食放在枱上都砰砰聲，佢地好趕急。個椒鹽尤魚有好大舊炸粉，同carrot cake一樣，冇味。個香燈骨得那4 件，好寒酸。隻碟又爛咗個邊，很不衛生。個麵包魚就普通，麵包好冧，冇焗過。最後個點品好搞笑，粒車里茄放在個咖啡糕上面唔知想點，好騎呢呀。**服務好唔得，叫極都冇人理。

星期五,同男朋友去左"品味人生"食飯... 食完野, 成口都係味精既味道...之後去睇戲果時, 好唔舒服... 要飲左一支水先冇事...*如果去食一定要叫左飯先... 因為次次去食d飯都好遲先黎!*服務--> 由於服務員太少既關係, 會比較難叫到人幫你...

聽同事話這店都幾有特式，所以便到來一試。店的設計都幾有特式，有些座椅個背位幾高，一眼看下，不同座位有不同座背高度，就像做出了一些間格，與其他座位有相距。二人去就食了二人餐，餐牌有很多很長的菜名，但有些猜不到是什麼。頭盤：蒜泥表瓜（唔太好食）、XO醬籮白糕（無乜味）盅湯：螺頭燉淮山雞腳（幾清幾好飲）、佛跳牆（不太多貴料、普通）點心：小籠包（熱食時都幾ok,但肉本身不夠新鮮）主菜：蝴蝶白肉（白肉原來是冬瓜砌成蝴蝶、唔好食）、紙包雞（勁油但唔係好食）炒菜：豆豉炒油麥菜（一般、無特別）飯麵：台式肉澡飯、豉油王炒麵（正正經經）甜品：西米露（糖水）每碟份量不多，所以就款式多取勝作為平衡，兩個大男人去食都食剩了點，當然與味道有關。味道方面不是太令人留念，但多款菜上台，以及有些心思的賣相都幾心刻。

咁我地就嗌野食啦...好啦 d野黎啦... 第一樣 貢菜... 一道完全係唔入味既貢菜...第二樣... 特首都食唔到既.... 肉骨菜... 我可以話 依一個根本唔係肉骨茶...雖然我食開肉骨茶... 但係唔係藥材+滾水吧 再加多件豬髀骨插住...第3樣 手渣既唔記得乜野沙拉... 依個都可以接受 (只係可以接受)第4樣 玻璃紙包雞.. 對唔住都要講句 我媽煮野食已經唔好食 因為佢煮開西餐...中餐佢係唔識整既 我媽都整得好食過佢 一條蔥+一片薑 加多一件雞就咁包住 一碟唔該你 仲係得4件... 嘩 好多喎第5樣 亦都係覺得全晚唯一一樣入落口既野 就係咕嚕肉 佢拎個包包住既...第6樣 糯米飯... 搞笑在... 我拎隻spoon... 就可以將d飯 拎起晒佢拎個飯煲 煲好d飯再撈材料... 做法即係 街邊d 撈撈面咁依個時間 d野黎都未黎完 經理又走黎問我地... 你地點得甜品未...第7樣野 終於黎啦 ... 果陣已經上左甜品... 我可以夠膽話 我煮野都已經唔好食..佢呢 煮得仲差過我 我前所未食過咁難食既油麥菜...好啦 我仲食緊送既時候... 我老豆食緊甜品 個阿姐走黎問我

呢間野, 我之前食左2次,大家都好評既, 次次都係d大時大節...今次. 諗住冇死啦~ 媽咪生日去咁岩有個朋友黎左香港, 咁就一齊.. 咩都差哂, 只係個湯冇變..都係咁足料.其他d野.. 真係比之前難食, 同難睇左好多叫左個6人餐. d 野係咁上台又冇 位放, 好啦~ 黎到, d野又唔好食wo.. 唉....d waiter/ese 真係態度有問題. 佢地自己有argue, 仲要黎問我, 小姐,, 係唔係..點點點. 你唔係同我講架ma.. 勁煩..好失禮lo~ 等我仲同爸b 媽咪講幾好食...之前都會介紹朋友去, 家下唔會.. 廢事, 整攪到我既推介冇人信.

我琴晚都去完旺角個間品味人生,我覺我d野唔算貴,(不過真係幾細碟),上菜速度好快,最欣賞個鮑片同蘿蔔酥,坐亦都ok舒服,不過真係趕人走囉!拿拿淋收哂我地d野之後即刻要人埋單,見你坐多一陣,仲即刻走埋黎話有人等緊你個位,咁咪唯有走囉~~

環境 : 好迫, d台好細食物 : 唔錯, 套餐包好多野食(前菜 主菜 湯 小食 甜品)......不過上菜程序錯晒, 可以上左飯先, 之後先上主菜, 再上反前菜, 總知有d咩野, 就比左你食先啦...規定要幾點交台, 未食完野, 已經叫你埋左單先, d食物一窩蜂咁上, 食得好趕急, 待應又忙, 唔好諗住有人可以 service 到你.......不過價錢就好合理** 綠陽開左分店, 好想去試下個環境 **

岩岩食完返到黎忍唔住即係上黎寫呢個食評.味道: 爽貢菜 --- 普通啦, 似炸菜囉捧捧骨 --- 都係普通啦大蜆鍋 --- 勁唔掂, D蜆"梅"架, 估計已經死去多時.環境：D椅係好特別, 不過好睇唔好坐.坐位超迫, 食得唔舒服.服務： 經理 --- 同經理追話好耐都未開茶, 佢即刻親自去拎, 算係咁啦. 之後問佢拎一次性筷子, 佢二話不說就拎左黎, 真係唔覺自己D餐具有問題. 最後剩返大部份蜆冇食到, 佢完全冇問我地係咪覺得碟野有問題. 唔知佢真唔知定扮唔知 ...傳菜呀姐 ---- 唔知係傳菜呀姐論盡, 定係坐位真係太迫, 個呀姐一個托盤撞左去我後腦度. 衛生： 出去食飯, 飯前洗餐具係好正常, 碗碟有漬都唔係奇事, 但當我拎起筷子, 真係覺得好肉酸 ... 對筷子竟然係痴立立架 之後忍唔住叫佢拎一次性筷子過我用囉.作為一間餐廳, 唔明點解隻碟崩成咁都仲可以上檯 睇相就知架喇.抵食： 價錢一D都唔貴, 如果食套餐既話係好抵添.我同我個friend都慶幸冇揀食套餐, 餐廳質素差既話, 幾抵都冇用.

平日好鍾意同老公去呢度食飯，一來因為老公在旺角返工，二來貪佢的自選私房菜的選擇多。昨日同埋老公的同事一行四人又去左呢度食，我地揀左自選私房菜(4位-HK$400)。頭盤XO醬伴粒粒蘿白糕~ 味道一般，無蘿白味，而且D蘿白糕好散。照燒巨魷鬚伴照燒汁~好油，無魷魚味，一定要蘸照燒汁。泰式無骨鳳爪~同超市四的分別不大，無驚喜。木魚飄飄水晶蘿白 ~ 賣相精美，但唔好味，有一兩舊蘿白仲有苦味。　餐湯花旗參鬚燉鮮雞X1 ~飲左老公的餐湯一啖，好有花旗參味，唔錯。淮山燉嚮縲 X 3 ~ 我差不多次次都揀呢款湯，但無奈質素已下降主菜芝士薯蓉焗西蘭花 ~ 味道唔錯。更上一層樓-這不是豆腐 ~ 賣相精美，玉子豆腐外脆內軟，好味。石窩茄子滑雞 ~ 所謂的滑雞其實係雞翼斬件，味道OK，用石窩上夠熱，如果將斬件雞翼換成真正的滑雞會更好。青紅椒菠蘿咕嚕肉伴面包球 ~ 味道不過不失，幾開胃，但不要有太大的期望。 　主食士林夜市肉燥飯 X 2 ~ 無食，唔知好唔好味。茶杯糯米飯伴腊味粒 X 1 ~ 幾香，都OK上海麵 X 1 = 上海粗炒，唔熱，10個油，差!!　菜香菇蝦米浸莧菜~清清地，都幾好味!豆豉蒜茸石窩油麥味

星期五晚明知多人打咗電話留位,雖然遲到但都好彩有位.坐得好逼,同隔籬檯貼實,我地傾偈,隔籬檯以為我同佢講野,真攪笑.$200的二人套餐都好抵食,有頭盤,湯,主菜,小食,飯麵,甜品等.另外再加咗兩個餸,咕嚕肉及菠蘿芝士西蘭花.價錢唔貴但好细碟,每樣都係得幾塊.湯要咗螺頭同肉骨茶,兩個都OK嘅,炸鱿魚鬚同手卷都得好食有水準,鐵板上嘅煙肉卷同滾石雞,啅頭而己但勝在夠熱.肉燥飯同上海麵上檯時唔夠熱,似係一早整好,個魚湯白菜仔重有沙添,甜品揀咗咖啡糕同椰汁糕,幾好.整體水準普通,賣啅頭多過食物質素,一試無妨,下次就咪攪喇!

這是女友推薦的餐廳之一是次晚飯就決定在這"人生"中嚐一嚐..我倆在六時十五分左右便開始進場"廚房"內沒有太多客人,我們在服務生的帶領下,坐上二人卡位桌子的面積可真是不大,只可說"剛剛好"食物方面我們選了中國手卷..炸"油"魚蘇"..小籠包..茄瓜滑雞..肉燥飯..花旗參湯..等等還有甜品送首先中國手卷首先跑出..脆筒確實很脆..內裹的菜類和沙拉醬類很配合,異常美味!!本人確是喜歡~再來就到花旗參湯..花旗參味很重..內裹還有雞爪和雞肉..還有一些花旗參的支條..確實足料!可惜本人卻不是好湯之人。炸"油魚蘇"是點照燒汁的上桌時..熱度亦不太足夠味道淡得很。完結它後再來就是肉燥飯冷冷的..熱度比前者更為之可憐,但味道還算可以。當茄瓜滑雞一上桌淋上醬汁時,很強烈的燒焦味隨後而上,但卻想像不到茄瓜變得更香口,一點點的焦黑換來是味覺的享受~雞還頗滑..但就沒有再想多吃的感覺~跟隨的就是灌湯小籠包了,對它還是頗有其望的一口放進口裹..湯汁充足,肉團卻比較散沒有結實的感覺..但味道還是挺好的。最後還會送一客甜品,本人點了芒果布甸雖不滑卻甜度適中,好味道!服務方面卻挺不濟我們還沒有結帳卻把我們的單收起